ᒨᓯᓯ ᐱᖓᔪᖏᑦ 18:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐄᑦᔨᑉᑎᒥᐅᑦ ᐱᐅᓯᖏᑦ ᒪᓕᖕᓂᐊᕋᓯᒋᒃ, ᑍᒃᑯᐊ ᓄᓇᖃᑎᒋᓚᐅᕐᑕᑦᓯ, ᑬᓇᓂᒥᐅᓪᓗ ᐱᐅᓯᖏᑦ ᒪᓕᖕᓂᐊᕋᓯᒋᒃ ᑍᒃᑯᐊ ᓄᓇᖓᓐᓄᑦ ᐱᑎᓐᓂᐊᕋᑦᓯ, ᐱᐅᓯᖏᓐᓂᒃ ᒪᓕᒃᓴᕐᓂᐊᕋᓯ.

ᒨᓯᓯ ᐱᖓᔪᖏᑦ 18:3 Iomraidhean Croise

ᐊᑕᓃᑦ ᐂᑉᐸᖏᑦ 17:8

ᒪᓕᓕᕐᓗᑎᒃ ᓄᓁᑦ ᑎᑭᑕᖏᑕ ᐃᓄᖏᓐᓄᑦ ᐃᓕᖅᑯᓯᕆᔭᐅᓚᐅᕐᑐᓂᒃ ᒎᑎᐅᑉ ᓯᖏᑕᐅᑎᓚᐅᕐᑕᖏᓐᓄᑦ ᐃᓴᕆᐊᓕᒥᐅᓄᑦ, ᐃᓴᕆᐊᓕᒥᐅᓪᓗ ᐊᖓᔪᖅᑳᕐᔪᐊᖏᑕ ᐃᓕᖅᑯᓯᕐᑖᕆᔭᐅᑎᓯᒪᔭᖏᓐᓄᑦ.

ᐃᓐᖏᕈᑎᑦ 106:35

ᐃᓅᖃᑎᒌᒡᔪᐊᓄᓪᓕ ᐃᓚᓕᐅᑎᓚᐅᕐᐳᑦ ᐂᑉᐸᕐᑖᖃᑦᑕᓕᕐᓗᑎᒃ, ᐃᓕᓐᓂᐊᕐᕕᒋᓗᒋᓪᓗ ᐱᓇᓱᐊᕐᓂᖏᓐᓂᒃ.

ᒨᓯᓯ ᐂᑉᐸᖏᑦ 23:24

ᑖᒃᑯᐊᓗ ᒎᑎᒋᔭᖏᓐᓄᑦ ᐹᒻᒪᒃᑎᕐᑐᒃᓴᐅᓐᖏᓚᓯ, ᑐᒃᓯᐊᕐᕕᒋᓇᒋᓪᓗ, ᐅᒃᐱᕆᔭᖏᓪᓗ ᒪᓕᖏᓪᓗᒋᑦ, ᐊᑕᖏᓪᓚᕆᒃᑐᒥᒡᓕ ᒎᑎᓐᖑᐊᖁᑎᒋᔭᖏᑦ ᐲᔭᕐᑕᒃᓴᕆᕙᓯ ᓇᐸᔪᖁᑎᒋᔭᖏᓪᓗ ᐅᔭᕅᑦ ᐅᕐᕈᑎᓪᓗᒋᑦ ᓯᖁᒥᑕᒃᓴᕆᕙᓯ.

ᐃᓯᑭᐊᓕᐅᑉ ᐊᒡᓚᖏᑦ 23:8

ᐄᑦᔨᑉᑎᒥᓗ ᐊᖑᓐᓂᐊᕐᑎᓐᖑᓚᐅᕐᓂᓂ ᑲᔪᓯᑎᑉᐹ; ᓂᕕᐊᕐᓵᖑᓂᕐᒥᓂᑦ ᐊᖑᑎᓄᑦ ᐃᓐᓇᖓᖃᑕᐅᕙᓕᓚᐅᕐᐳᖅ ᐱᖃᑎᖃᓚᐅᕐᓯᒪᖏᓐᓂᓂ ᐊᒃᑐᐊᔭᐅᑎᑦᓱᒍ ᐃᒃᓯᒎᕐᓂᖏᓪᓗ ᐃᓱᒤᓐᓇᕐᕆᑎᓪᓗᒋᑦ ᐃᒻᒥᓄᑦ.

ᒨᓯᓯ ᐱᖓᔪᖏᑦ 20:23

ᓄᓇᖃᕐᑐᑦ ᑕᒫᓂ ᐃᓅᖃᑎᒌᒡᔪᐊᑦ ᐱᐅᓯᑐᖃᖏᓐᓂᒃ ᐃᓕᖅᑯᓯᖃᖁᓐᖏᓚᑦᓯ, ᑍᒃᑯᐊ ᑕᒫᓐᖓᑦ ᐊᐅᓪᓚᕐᑎᓐᓂᐊᕐᐸᒃᑲ, ᐱᐅᖏᑦᑐᐊᓗᖕᓂᒃ ᑕᒪᒃᑯᓂᖓ ᐱᐅᓯᖃᓚᐅᕐᒪᑕ. ᖁᕕᐊᒋᓐᖏᑕᓐᓂᒃ ᐊᑐᓚᐅᕐᒪᑕ.

ᕉᒪᒥᐅᓄᑦ 12:2

ᓯᓚᕐᔪᐊᑉ ᒪᑐᒪ ᐃᓄᖏᑦ ᐊᑦᔨᒋᔪᓐᓃᕐᓯᐅᒃ, ᐊᑦᔨᒋᔪᓐᓃᕐᑎᑕᐅᓕᕆᑦᓯ ᐃᓱᒪᓯ ᓄᑖᓐᖑᕐᑎᑕᐅᓗᑎᒃ, ᒎᑎᐅᑉ ᐱᔪᒪᔭᖓᓂᒃ ᖃᐅᔨᔪᓐᓇᕐᓯᖁᓪᓗᓯ, ᓱᓇ ᐱᐅᖕᒪᖔᑦ ᓱᓇᓗ ᒎᑎᐅᑉ ᖁᕕᐊᒋᖕᒪᖔᒍ, ᓈᒻᒪᒋᖕᒪᖔᒍᓗ.

ᒨᓯᓯ ᑕᓪᓕᒪᖏᑦ 12:4

“ᐊᑕᓂᖅ ᒎᑎᓯ ᑐᒃᓯᐊᕕᒋᔭᒃᓴᕆᓐᖏᓚᓯ ᑖᒃᑯᐊ ᒎᑎᓐᖑᐊᒥᖕᓄᑦ ᑐᒃᓯᐊᕈᓯᕆᕙᒃᑕᖏᑎᑐᑦ.

ᒨᓯᓯ ᑕᓪᓕᒪᖏᑦ 29:17

ᑕᑯᖃᑦᑕᓚᐅᕐᐸᓯᓗ ᒎᑎᓐᖑᐊᖏᑦ ᓇᕐᕈᓇᕐᑐᑦ ᕿᔪᐃᑦ, ᐅᔭᕅᑦ, ᓯᐅᓪᕕᕇᑦ, ᒎᓗᐃᓪᓗ ᐱᖁᑎᒋᓚᐅᕐᑕᖏᑦ.

ᒨᓯᓯ ᑕᓪᓕᒪᖏᑦ 9:4

“ᐊᑕᓂᐅᓪᓕ ᒎᑎᑦᓯ ᑖᒃᑯᐊ ᐊᓂᑎᓯᒪᓕᕐᐸᒋᑦ ᐃᓕᑦᓯ ᐱᑦᔪᑎᒋᓗᓯ, ᑕᒪᑐᒪ ᑭᖑᓂᖓᒍᑦ ᐃᓱᒪᔪᒃᓴᐅᓐᖏᓚᓯ ᐃᓕᑦᓯ ᑕᒫᓂ ᓄᓇᑖᕆᐊᖃᕐᓂᑦᓯᓐᓄᑦ ᓄᓇᑖᕐᑎᑕᐅᓇᓱᒋᓗᓯ. ᑍᒤᓐᖏᓚᖅ, ᐊᑕᓂᐅᓪᓕ ᐃᓅᖃᑎᒌᒡᔪᐊᑦ ᑕᒫᓐᖓᑦ ᐊᓂᑎᓐᓂᐊᕐᐰᑦ ᐃᓕᑦᓯ ᐱᓪᓗᓯ ᐱᐅᖏᑦᑐᓕᓂᖏᑦ ᐱᑦᔪᑎᒋᓗᒋᑦ.