ᒨᓯᓯ ᐱᖓᔪᖏᑦ 18:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐃᓄᐃᑦ ᓄᓇᖃᓚᐅᕐᑐᑦ ᑎᑭᑕᑦᓯᓐᓂ ᑕᒪᒃᑯᓂᖓ ᐱᐅᖏᑦᑐᐊᓗᖕᓂᒃ ᐃᓕᖅᑯᓯᖃᓚᐅᕐᒪᑕ ᓄᓇ ᐃᑦᔪᕐᓇᕐᓯᓚᐅᕐᐳᖅ.

ᒨᓯᓯ ᐱᖓᔪᖏᑦ 18:27 Iomraidhean Croise

ᐊᑕᓃᑦ ᓯᕗᓪᓖᑦ 14:24

ᐊᖑᑎᓂᒡᓗ ᐊᕐᓇᓂᒡᓗ ᐊᑐᕐᑐᐊᒐᖁᑎᖃᐅᓚᐅᕐᐳᖅ ᑐᒃᓯᐊᕐᕕᖕᒥᖕᓂ. ᔫᑕᐅᑉ ᐃᓄᖏᑦ ᐱᐅᖏᑦᑐᓂᒃ ᐱᓇᓱᐊᓚᐅᕐᐳᑦ ᐊᑕᓂᐅᑉ ᓯᖏᑕᐅᑎᓚᐅᕐᑕᖏᑎᑐᑦ ᐃᓅᖃᑎᒌᒡᔪᐊᑎᑐᑦ ᓇᕐᕈᓇᕐᑐᒥᒃ ᐱᓇᓱᐊᖃᑦᑕᕐᓂᖏᓐᓄᑦ ᐃᓴᕆᐊᓕᒥᐅᑦ ᓄᓇᑖᕐᐸᓪᓕᐊᓕᕐᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 16:3

ᐃᓴᕆᐊᓕᒥᐅᓪᓕ ᐊᖓᔪᖅᑳᕐᔪᐊᕆᖃᑦᑕᕐᓯᒪᔭᖏᑎᑐᑦ ᐃᓕᖅᑯᓯᖃᑐᐃᓐᓇᓚᐅᕆᕗᖅ ᐊᒡᓛᑦ ᐃᕐᓂᕐᒥᓂᒃ ᑐᓂᕐᕈᓯᓚᐅᕐᐳᖅ ᒎᑎᓐᖑᐊᓄᑦ. ᐊᑕᓂᐅᑉ ᓇᕐᕈᓇᕐᓂᕋᓚᐅᕐᑕᖏᑦ ᐃᓅᖃᑎᒌᒡᔪᐊᓄᑦ ᐊᑐᕐᑕᐅᑎᓪᓗᒋᑦ ᐃᓴᕆᐊᓕᒥᐅᓄᑦ ᓄᓁᕐᑕᐅᓚᐅᕐᑐᑦ ᐃᓄᖏᑕ ᐃᓕᖅᑯᓯᕕᓂᖏᑦ ᓄᓇᒋᔭᐅᖁᔭᐅᔪᒧᑦ ᑎᑭᑉᐸᓕᐊᑎᓪᓗᒋᑦ.

ᐊᑕᓃᑦ ᐂᑉᐸᖏᑦ 21:2

ᐊᑕᓂᐅᑉ ᓵᖓᓂ ᓈᒻᒪᖏᑦᑐᓂᒃ ᐱᓂᐊᓚᐅᕐᐳᖅ, ᐃᓅᖃᑎᒌᒡᔪᐊᑦ ᐊᑕᓂᐅᑉ ᐊᐅᓪᓚᕐᑎᓚᐅᕐᑕᖏᑕ ᐃᓕᖅᑯᓯᕆᓚᐅᕐᑕᖏᓐᓂᒃ ᓇᕐᕈᓇᕐᑐᓂᒃ ᐱᓂᐊᓚᐅᕐᒪᑕ ᐃᓴᕆᐊᓕᒥᐅᓂᑦ ᓄᓁᑕᐅᓚᕐᑐᓂᒃ.

ᑯᕉᓂᑲ ᐂᑉᐸᖏᑦ 36:14

ᑐᓂᕐᕈᓯᕐᑎᑦᓯᔩᑦᑕᐅᖅ ᓯᕗᓕᕐᑎᖏᑦ ᐃᓄᐃᓪᓗ ᓈᒻᒪᖏᑦᑐᓕᕙᓪᓕᐊᓚᐅᕐᐳᑦ, ᐃᓅᖃᑎᒌᒡᔪᐊᑦ ᓇᕐᕈᓇᕐᑐᓕᓂᖏᓐᓂᒃ ᒪᓕᒃᓗᑎᒃ; ᐊᑕᓂᐅᓪᓗ ᐃᒡᓗᖓ ᓴᓗᒤᓕᕐᑎᓚᐅᕐᐹᑦ ᑖᑦᓱᒪ ᐃᑦᔪᕐᓁᓕᑎᓚᐅᕐᑕᖓ ᔨᕉᓴᓕᒥ.

ᐃᓯᑭᐊᓕᐅᑉ ᐊᒡᓚᖏᑦ 16:50

ᐱᐅᔪᕆᔪᕐᔪᐊᖑᓚᐅᕐᐳᑦ ᓇᕐᕈᒋᔭᓐᓂᒡᓗ ᐱᓇᓱᐊᖃᑦᑕᕐᓗᑎᒃ ᓵᓐᓂ; ᑍᒤᒻᒪᑦ ᐊᐅᓪᓚᕐᑎᓚᐅᕐᐸᒃᑲ ᑍᒤᑕᐅᔭᕆᐊᖃᕐᓂᖏᑦ ᖃᐅᔨᒐᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 22:11

ᐃᓚᖏᑦ ᐃᓅᖃᑎᒥ ᓄᓕᐊᖓᓂᒃ ᐃᓐᓇᖓᖃᑎᖃᖃᑦᑕᕐᐳᑦ ᒎᑎᒧᑦ ᓇᕐᕈᓇᕐᓂᕋᕐᑕᐅᔪᒥᒃ; ᐃᓚᖏᓪᓗ ᐅᑯᐊᒥᖕᓂᒃ ᐃᒃᓕᒎᕐᓂᒃᑯᑦ ᓇᕐᕈᓇᕐᓯᑎᑦᓯᕙᒃᓗᑎᒃ ᐃᓐᓇᖓᖃᑎᖃᕐᓂᒃᑯᑦ; ᐃᓚᖏᓪᓗ ᓇᔭᖕᒥᖕᓂᒃ ᓇᕐᕈᓇᕐᓯᑎᑦᓯᕙᒃᓗᑎᒃ, ᐊᑖᑕᒥᑕ ᐸᓂᖏᓐᓂᒃ.

ᕼᐆᓯᐊᑉ ᐊᒡᓚᖏᑦ 9:10

“ᐃᓴᕆᐊᓕ ᓇᓂᕙᕋ, ᐸᐅᕐᖓᑎᑐᑦ ᐃᓄᖃᔪᐃᑦᑐᒦᑦᑐᑎᑐᑦ, ᓇᐹᕐᑑᑉ ᐱᒋᓕᖕᓂᒃ ᐸᐅᕐᖓᓕᐅᑉ ᓯᕗᓪᓕᕐᐹᒥᒃ ᐱᕈᕐᑎᑕᖏᑎᑐᑦ ᐊᕐᕌᒍᖏᑕ ᓯᕗᓪᓕᕐᐹᖓᓂ, ᓯᕗᓕᓯ ᑕᑯᓚᐅᕐᐸᒃᑲ. ᐂᓚᐅᕐᐳᓪᓕ ᐰᓕ-ᐱᐅᕆᒧᑦ, ᐃᒻᒥᖕᓂᒡᓗ ᓴᓂᕐᕙᒃᑎᓚᐅᕐᐳᑦ ᐰᓕᒧᑦ, ᐃᒻᒥᖕᓂᒡᓗ ᐱᐅᖏᑦᑐᒧᐊᕐᑎᓚᐅᕐᐳᑦ ᐱᐅᒋᔭᒥᓂ ᐊᑐᕐᓂᕐᒥᖕᓄᑦ.

ᒨᓯᓯ ᐱᖓᔪᖏᑦ 18:24

“ᐃᓕᑦᓯᓐᓂᒃ ᐃᑦᔪᕐᓇᕐᓯᑎᓐᓂᐊᕋᓯ ᓇᓪᓕᐊᓐᓂᒃ ᑖᒃᑯᓇᓐᖓᑦ ᐊᑐᕐᓂᑦᓯᓐᓄᑦ. ᐃᓅᖃᑎᒌᒡᔪᐊᑦ ᐊᐅᓪᓚᕐᑎᓐᓂᐊᕐᑕᒃᑲ ᑎᑭᓐᓂᐊᕐᑕᓯ ᑍᒤᓕᐅᕐᒪᑕ, ᐃᓕᖅᑯᓯᖏᓐᓄᑦ ᐃᑦᔪᕐᓇᕐᓯᑎᑕᐅᖁᓇᓯ.

ᒨᓯᓯ ᐱᖓᔪᖏᑦ 18:26

ᐃᓕᑦᓯᓕ ᒪᓕᒐᒃᓴᐅᖁᔭᒃᑲ ᐱᖁᔭᒃᑲᓗ ᐃᖅᑲᐅᒤᓐᓇᕐᓯᒋᒃ. ᐃᓴᕆᐊᓕᒥᐅᑦ ᐃᓴᕆᐊᓕᐅᖏᑦᑐᓪᓗ ᓄᓇᖅᑲᑎᓯ ᑕᒪᒃᑯᓂᖓ ᐃᑦᔪᕐᓇᕐᑐᓂᒃ ᐊᑐᕐᑍᓕᒋᑦᓯ.

ᒨᓯᓯ ᐱᖓᔪᖏᑦ 18:28

ᐃᓕᑦᓯᑦᑕᐅᖅ ᓄᓇ ᑕᒪᓐᓇ ᐃᑦᔪᕐᓇᕐᓯᑎᒃᑯᑦᓯᐅᒃ ᑍᒃᑯᑎᑐᓇᖅ ᐊᐅᓪᓚᕐᑎᑕᐅᔪᒫᕆᕗᓯ, ᑕᒫᓃᓚᐅᕐᑐᑦ ᐃᓅᖃᑎᒌᒡᔪᐊᑦ ᐊᐅᓪᓚᕐᑎᑕᐅᓚᐅᕐᓂᖏᑎᑐᑦ.

ᒨᓯᓯ ᑕᓪᓕᒪᖏᑦ 20:18

ᑐᖁᑕᒃᓴᕆᕙᓯ, ᐊᔪᕆᕐᓱᕐᑕᐅᖁᓇᓯ ᒎᑎᓐᖑᐊᕆᔭᒥᖕᓄᑦ ᑐᒃᓯᐊᕐᓗᑎᒃ ᐱᐅᖏᑦᑐᐊᓗᖕᓂᒃ ᐃᓕᖅᑯᓯᕆᖃᑦᑕᕐᑕᖏᓐᓂᒃ, ᐊᔪᕐᑐᓕᑎᑕᐅᖁᓇᓯᓗ ᐊᑕᓂᕐᒧᑦ ᒎᑎᑦᓯᓐᓄᑦ.

ᒨᓯᓯ ᑕᓪᓕᒪᖏᑦ 23:18

ᑍᒤᑦᑐᒧᓪᓗ ᑮᓇᐅᔧᕈᑕᐅᔪᕕᓃᑦ ᐊᑕᓂᐅᑉ ᒎᑎᑦᓯ ᐃᒡᓗᖓᓄᑦ ᑐᓂᕐᕈᑕᐅᔪᒃᓴᐅᓐᖏᓚᑦ ᐊᖏᒻᒪᕆᒍᑎᐅᓯᒪᔪᒧᑦ ᐊᑭᓕᐅᑎᒋᔭᐅᓇᓱᒡᓗᑎᒃ. ᐊᑕᓂᐅᑉ ᒎᑎᑦᓯ ᑍᒤᑦᑐᑦ ᓇᕐᕈᓇᕐᑐᐊᓘᓂᕋᕐᒪᒋᑦ.

ᒨᓯᓯ ᑕᓪᓕᒪᖏᑦ 25:16

ᑕᒪᕐᒥᑦᓯᐊᖅ ᓱᓕᖏᑦᑐᒥᒃ ᐱᓕᕆᔪᑦ ᐊᑕᓂᐅᑉ ᒎᑎᑦᓯ ᖁᕕᐊᒋᖏᒻᒪᒋᑦ.”

ᒨᓯᓯ ᑕᓪᓕᒪᖏᑦ 27:15

“‘ᒎᑎᐅᑉ ᓱᒋᐊᕐᑕᒃᓴᕆᕚ ᓇᓪᓕᐊᑦ ᐅᔭᕋᖕᓂᒃ ᒎᑎᓐᖑᐊᓕᐅᕐᑐᖅ, ᕿᔪᖕᓂᒡᓘᓐᓃᑦ, ᓴᕕᕋᔭᖕᓂᒡᓘᓐᓃᑦ ᐊᑕᓂᐅᑉ ᐆᒥᒋᔭᖓᓂᒃ, ᓴᓇᔨᐅᑉ ᓴᓇᔭᖓ, ᐃᔨᕋᕐᑐᕐᓗᓂ ᐃᓂᒃᓴᖓᓄᓪᓗ ᓇᑉᐸᕐᑎᓪᓗᒍ.’ “ᑕᕝᕙ ᐃᓄᓕᒫᑦ ᑭᐅᔪᒃᓴᐅᕗᑦ, ‘ᐋᒦᓐ!’