ᒨᓯᓯ ᐱᖓᔪᖏᑦ 17:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᑖᒃᑯᓇᓂ ᓄᓇᖃᖃᑕᐅᔪᖅ ᐊᐅᖕᒥᒃ ᓂᕆᒃᐸᑦ ᑮᓇᕋ ᑖᑦᓱᒪᓐᖓᑦ ᐊᓚᕐᓂᐊᕐᐸᕋ ᐊᐅᖕᒥᒃ ᓂᕆᔪᖅ ᐃᓅᖃᑎᖏᓐᓂᑦ ᐃᓚᒋᔭᐅᓂᕋᕈᓐᓁᕐᓂᐊᕐᐸᕋ.

ᒨᓯᓯ ᐱᖓᔪᖏᑦ 17:10 Iomraidhean Croise

ᒨᓯᓯ ᓯᕗᓪᓖᑦ 9:4

ᓂᕆᔭᕆᐊᖃᓐᖏᓚᓯᓕ ᓂᕿᒥᒃ ᐃᓅᓯᖓᓂᒃ ᐃᓚᖃᕐᑐᒥᒃ, ᑕᕝᕙ ᐊᐅᖓᓂᒃ.

ᓴᒧᐃᓕ ᐂᑉᐸᖏᑦ 23:17

ᐅᖃᕐᓗᓂᓗ, “ᐃᒥᕈᓐᓇᓐᖏᑕᕋᐅᓇ ᐊᑕᓃᖅ! ᐃᒥᕋᔭᕐᑑᔮᕋᒪ ᑖᒃᑯᐊ ᐊᖑᑏᑦ ᐊᐅᖏᓐᓂᒃ ᑐᖁᓐᓇᕐᑐᒃᑰᓚᐅᕐᓂᖏᑦ ᐱᓪᓗᒋᑦ!” ᑍᒤᒻᒪᑦ ᐃᒥᕈᒪᓚᐅᓐᖏᓛ. ᑕᒪᒃᑯᐊ ᑕᒪᑦᔭ ᐊᖑᑏᑦ ᑖᒃᑯᐊ ᐊᔪᖏᑦᑐᐊᓗᐃᑦ ᐱᓂᐊᕐᓂᕆᓚᐅᕐᑕᖏᑦ.

ᐃᓐᖏᕈᑎᑦ 34:16

ᐊᑕᓂᐅᓪᓕ ᑮᓇᖓᑕ ᐱᐅᖏᑦᑐᓕᔪᑦ ᐊᑭᕋᕐᑐᕐᐰᑦ, ᓄᓇᕐᔪᐊᒥᑦ ᐃᖅᑲᐅᒪᔭᐅᓂᖏᑦ ᐲᔭᕈᒪᓪᓗᒋᑦ.

ᒨᓯᓯ ᐂᑉᐸᖏᑦ 30:33

ᓇᓪᓕᐊᑦ ᑍᒤᑦᑑᑉ ᐊᑦᔨᖓᓂᒃ ᑲᑎᑦᓯᓗᓂ ᓴᓇᓇᓱᒃᑐᖃᕐᐸᑦ ᐅᕝᕙᓗ ᓇᓪᓕᐊᓐᓄᑐᐃᓐᓇᖅ ᑐᓂᕐᕈᓯᕐᑎᑦᓯᔨᐅᖏᑦᑐᓄᑦ ᒥᖑᐊᕐᓯᒍᑕᐅᒃᐸᑦ ᑖᓐᓇ ᐃᓄᖁᑎᓐᓄᑦ ᐃᓚᒋᔭᐅᔪᓐᓃᕐᑐᒃᓴᐅᕗᖅ.’”

ᔨᕆᒤᐊᐅᑉ ᐊᒡᓚᖏᑦ 21:10

ᑍᒤᓕᐅᕈᒪᓂᕋ ᓴᖑᑎᑦᔮᔪᓐᓃᕐᐸᕋ ᐃᒡᓗᒐᓴᖕᓄᑦ ᐱᐅᔪᒥᒃ ᐱᓇᓱᐊᕐᓂᐊᖏᓐᓇᒪ ᐱᐅᖏᑦᑐᒥᒃ ᑭᓯᐊᓂ, ᐊᑕᓂᖅ ᐅᖃᕐᐳᖅ: ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐱᔪᓐᓇᕐᓂᖃᕐᑎᑕᐅᓂᐊᕐᐳᖅ ᐊᓯᕈᐃᖁᓪᓗᒍ ᐃᑯᒪᒧᑦ.’”

ᔨᕆᒤᐊᐅᑉ ᐊᒡᓚᖏᑦ 44:11

“ᑍᒤᒻᒪᑦ ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑭᕋᕐᑐᕐᓂᐊᕐᐸᑦᓯ ᔫᑕᒥᐅᓕᒫᓪᓗ ᐊᓯᕈᕈᒫᕐᐸᒃᑲ.

ᐃᓯᑭᐊᓕᐅᑉ ᐊᒡᓚᖏᑦ 14:8

ᑍᒤᓕᐅᕐᑐᖅ ᓵᓐᓂᐊᕐᐸᕋ, ᓇᓗᓁᒃᑯᑕᓐᖑᕐᑎᓪᓗᒍ ᐅᖃᐅᓯᐅᖃᑦᑕᕐᓗᓂ ᐅᓗᕆᐊᒋᔭᒃᓴᐅᖁᓪᓗᒍ ᐃᓄᖁᑎᓐᓄᓪᓗ ᐃᓚᒋᔭᐅᔪᓐᓃᕐᑎᓪᓗᒍ; ᑕᕝᕙ ᖃᐅᔨᓂᐊᕐᐳᓯ ᐅᕙᖓᐅᒐᒪ ᐊᑕᓂᖅ.

ᐃᓯᑭᐊᓕᐅᑉ ᐊᒡᓚᖏᑦ 15:7

ᑖᒃᑯᐊ ᓵᓐᖓᔪᒫᕐᐸᒃᑲ; ᐃᑯᐊᓚᔪᒥᑦ ᐊᓐᓇᒃᓗᑎᒃ ᐊᓂᒍᐃᒐᓗᐊᕐᐸᑕ, ᐃᑯᒪᒧᓪᓕ ᓱᓕ ᓄᖑᑕᐅᔪᒫᕐᐳᑦ; ᑕᕝᕙ ᖃᐅᔨᔪᒫᕐᐳᓯ ᐅᕙᖓᐅᒐᒪ ᐊᑕᓂᖅ, ᑮᓇᓐᓄᑦ ᓵᓐᖓᓕᕈᒃᑭᑦ.

ᐃᓯᑭᐊᓕᐅᑉ ᐊᒡᓚᖏᑦ 33:25

ᑍᒤᒻᒪᑦ ᐅᖃᐅᑎᒃᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ, ᓂᕿᒥᒃ ᓂᕆᖃᑦᑕᕐᐳᓯ ᐊᐅᓕᖕᓂᒃ, ᒎᑎᓐᖑᐊᓄᓪᓗ ᑐᒃᓯᐊᕐᕕᖃᕐᐸᒡᓗᓯ, ᐃᓄᐊᕐᐸᒡᓗᓯᓗ; ᑍᒤᑦᑑᓗᓯ ᓄᓇᒥᒃ ᑐᓂᓯᕕᐅᔭᕆᐊᖃᕐᐱᓰ?

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.

ᒨᓯᓯ ᐱᖓᔪᖏᑦ 19:26

“ᓂᕿᒥᒃ ᐊᐅᖏᕐᓯᒪᖏᑦᑐᒥᒃ ᓂᕆᔪᒃᓴᐅᓐᖏᓚᓯ. ᓇᓗᓇᕐᑐᓂᒃ ᖃᐅᔨᒪᓇᓱᐊᕐᓂᕐᒥᒃ ᐊᖓᒃᑰᓇᓱᐊᕐᓂᕐᒥᒡᓗ ᐊᑐᕐᑐᒃᓴᐅᓐᖏᓚᓯ.

ᒨᓯᓯ ᐱᖓᔪᖏᑦ 26:17

ᐊᓚᕐᓂᐊᕐᐸᑦᓯ, ᐊᑭᕋᑦᓯᓐᓂᓪᓗ ᓵᓚᐅᓂᐊᕐᐳᓯ; ᐆᒥᒋᔨᓯ ᐊᖓᔪᖅᑳᕆᓕᕐᓂᐊᕐᐸᓯ, ᕿᒫᖃᑦᑕᕐᓂᐊᕐᐳᓯᓗ ᖃᓄᐃᓕᐅᕐᑕᐅᖏᒃᑲᓗᐊᕐᑎᓪᓗᓯ.

ᒨᓯᓯ ᐱᖓᔪᖏᑦ 3:17

ᑕᒪᓐᓇ ᑕᕝᕙ ᐱᖁᔭᖅ ᑭᖑᕚᕇᓄᑦ ᑭᖑᓪᓕᒃᓴᑦᑎᓐᓄᓪᓗ ᑐᕌᕐᑐᖅ, ᓇᓂ ᓄᓇᖃᕋᓗᐊᕈᕕᑦ ᓂᕆᔪᒃᓴᐅᓐᖏᓪᓚᑎᑦ ᑐᓐᓄᕐᒥᒃ ᐊᐅᖕᒥᒡᓘᓐᓃᑦ.’”

ᐂᒨᓯᐅᑉ ᐊᒡᓚᖏᑦ 9:4

ᑎᒍᔭᐅᒐᓗᐊᕐᐸᑕᓗ ᐊᑭᕋᒥᖕᓄᑦ, ᐱᖁᔨᔪᒫᕐᐳᖓ ᓴᕕᒡᔪᐊᒥᒃ, ᑖᑦᓱᒪᓗ ᑐᖁᑦᓱᒫᕐᐰᑦ; ᑕᑯᓐᓇᕈᒫᕐᐸᒃᑲᓗ ᐱᐅᖏᑦᑐᒧᑦ ᐱᒋᐊᕈᒪᓗᒋᑦ ᐱᐅᔪᒨᖏᑦᑐᖅ.”

ᐋᐴᓯᑕᓖᑦ ᐱᓂᐊᕐᓂᖏᑦ 15:20

ᑎᑎᕋᕐᕕᒋᔭᒃᓴᕆᕙᕗᓪᓕ ᐅᖃᐅᑎᓗᒋᑦ ᓂᕆᖃᑕᐅᖁᖏᓪᓗᒋᑦ ᐆᒪᔪᕕᓂᕐᓂᒃ ᒎᑎᓐᖑᐊᓄᑦ ᑐᓂᕐᕈᑕᐅᓯᒪᔪᓂᒃ, ᓄᓕᐊᕐᓂᕐᒥᒡᓗ ᐊᑐᕐᓂᕐᓗᒃᑍᓕᖏᑦᑐᓄᑦ ᐃᓚᐅᖃᑕᖁᖏᓪᓗᒋᑦ, ᓂᕆᖃᑦᑕᖁᖏᓪᓗᒋᓪᓗ ᐆᒪᔪᓂᒃ ᕿᒥᑕᐅᓗᑎᒃ ᑐᖁᑕᐅᓯᒪᔪᓂᒃ, ᐊᐅᒃᑐᖃᑦᑕᖁᖏᓪᓗᒋᓪᓗ.

ᐋᐴᓯᑕᓖᑦ ᐱᓂᐊᕐᓂᖏᑦ 15:29

ᒎᑎᓐᖑᐊᓄᑦ ᑐᓂᕐᕈᑎᕕᓂᕐᓂᑦ ᓂᕆᖁᓇᓯ, ᐆᒪᔫᓪᓗ ᕿᒥᑕᕕᓂᐅᑉ ᐊᐅᖓᓂᒃ ᓂᕿᖓᓂᒡᓗ ᓂᕆᖁᓇᓯ; ᓄᓕᐊᕐᓂᕐᒥᒡᓗ ᐊᑐᕐᓂᕐᓗᖁᓇᓯ. ᑕᒪᒃᑯᓂᖓ ᐊᑐᕐᑍᓕᒍᑦᓯ ᐊᑲᐅᔪᒥᒃ ᐱᓂᐊᕐᐳᓯ. ᑕᕝᕙᐅᕗᓯ.”

ᒨᓯᓯ ᑕᓪᓕᒪᖏᑦ 12:16

ᐊᐅᖏᑦ ᓂᕆᔭᕆᐊᖃᕋᔭᓐᖏᑕᑐᐊᕆᕙᓯ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.

ᒨᓯᓯ ᑕᓪᓕᒪᖏᑦ 12:23

ᓂᕿᒥᒃ ᐊᐅᖃᕐᑐᒥᒃ ᓱᓕ ᓂᕆᔪᒃᓴᐅᓐᖏᓚᓯ, ᐃᓅᓯᖓ ᐊᐅᖓᓃᒻᒪᑦ, ᑍᒤᒻᒪᑦ ᐃᓅᔪᒥᒃ ᓂᕿᖓᓃᑦᑐᒥᒃ ᓂᕆᔪᒃᓴᐅᓐᖏᓚᓯ.

ᒨᓯᓯ ᑕᓪᓕᒪᖏᑦ 15:23

ᐊᐅᖏᓪᓕ ᓂᕆᔭᐅᔪᒃᓴᐅᓐᖏᓚᑦ; ᒪᓂᖅᑲᒧᓪᓕ ᑯᕕᔭᒃᓴᕆᕙᓯ ᐃᒥᕐᑎᑐᑦ.”

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᓴᒧᐃᓕ ᓯᕗᓪᓖᑦ 14:32

ᑍᒤᒻᒪᑦ ᑐᐊᕕᕐᓗᑎᒃ ᐂᓚᐅᕐᐳᑦ ᑎᒍᓚᐅᕐᑕᒥᖕᓄᑦ ᐊᑭᕋᒥᖕᓂᑦ, ᓰᐲᑦ ᐃᒻᒧᒃᓯᐅᒊᓪᓗ ᑐᖁᕋᕐᐰᑦ ᑕᕝᕙᓂ ᐃᓂᖏᓐᓂ, ᓂᕆᓚᐅᕐᐳᓪᓗ ᓂᕿᒥᒃ ᐊᐅᓕᖕᒥᒃ.

ᓴᒧᐃᓕ ᓯᕗᓪᓖᑦ 14:33

ᑕᕝᕙ ᓴᐅᓕ ᐅᖃᐅᑦᔭᐅᕗᖅ ᐅᖃᕐᓗᑎᒃ, “ᑕᑯᒋᑦ, ᐃᓄᐃᑦ ᐊᔪᕐᑐᓕᕗᑦ ᐊᑕᓂᕐᒧᑦ ᓂᕆᖕᒪᑕ ᓂᕿᒥᒃ ᐊᐅᓕᖕᒥᒃ.” ᓴᐅᓕᓗ ᐅᖃᕐᐳᖅ, “ᐃᓕᑦᓯ ᐊᑭᕋᕐᑐᕐᑐᓯ, ᐅᔭᕋᒃᔪᐊᖅ ᒪᐅᖓ ᐅᕙᓐᓄᑦ ᐊᒃᓴᑳᑎᓚᐅᕐᓯᐅᒃ.”