ᒨᓯᓯ ᐱᖓᔪᖏᑦ 16:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᐊᑐᕆᐊᖃᕐᐳᖅ ᖃᓪᓗᓈᕐᑕᒥᒃ ᐅᕕᓂᕈᕐᒥᒃ ᑕᑭᔪᒥᒃ, ᐃᓗᓪᓖᓪᓗ ᓵᑦᑐᑦ ᐊᑐᕐᓗᒋᑦ; ᑕᑦᓯᕈᓯᕐᓯᒪᓗᓂᓗ ᖃᓪᓗᓈᕐᑕᒥᒡᓗ ᓇᓴᕐᓯᒪᓗᓂ, ᑖᒃᑯᐊ ᐊᓐᓄᕌᑦ ᐃᑦᔪᕐᓁᑦᑑᖕᒪᑕ; ᐊᓐᓄᕌᖏᓐᓂᕐᒥᓂ ᐃᒥᕐᒧᑦ ᐅᐊᓴᕆᐊᖃᕐᐳᖅ ᑎᒥᓕᒫᒥᓂᒃ.

ᒨᓯᓯ ᐱᖓᔪᖏᑦ 16:4 Iomraidhean Croise

ᒨᓯᓯ ᐂᑉᐸᖏᑦ 28:2

ᑐᓂᕐᕈᓯᕐᑎᑦᓯᔨᓄᓪᓗ ᐃᑦᔪᕐᓁᑦᑐᓂᒃ ᐊᓐᓄᕌᓕᐅᕐᑐᒃᓴᐅᕗᑎᑦ ᐊᖓᔪᖕᓄᑦ ᐂᕉᓂᒧᑦ, ᓂᕐᑐᕐᓇᕐᑑᖁᓪᓗᒍ ᑕᑯᒥᓇᖁᓪᓗᒍᓗ.

ᒨᓯᓯ ᐂᑉᐸᖏᑦ 29:4

“ᐂᕉᓂᒃᑯᓪᓗ ᐃᕐᓂᕇᑦ ᕾᖁᔭᒃᓴᕆᕙᑎᑦ ᑐᐱᐅᑉ ᓇᔪᒐᕆᔭᒪ ᐃᑎᕐᑕᕐᕕᖓᑕ ᐹᖓᓄᑦ, ᑕᕝᕙᓂᓗ ᐃᒥᕐᒧᑦ ᐅᐊᓴᖁᔭᒃᓴᕆᕙᑎᑦ ᑎᒥᓕᒫᒥᖕᓂᒃ ᐅᒃᐱᕐᓂᒃᑯᑦ ᓴᓗᒻᒪᕐᑕᐅᖁᓪᓗᒋᑦ.

ᒨᓯᓯ ᐂᑉᐸᖏᑦ 30:20

ᐃᑎᓚᐅᖏᓐᓂᕐᒥᖕᓂ ᑐᐱᕐᒧᑦ ᑲᑎᒪᕕᖕᒧᑦ, ᐅᕝᕙᓗ ᑐᓂᕐᕈᓯᕐᕕᖕᒧᐊᓚᐅᖏᓐᓂᕐᒥᖕᓂ ᑐᓂᕐᕈᓯᕆᐊᕐᑐᕐᓂᐊᕐᓗᑎᒃ ᓂᕿᒃᓴᓂᒃ, ᐃᑯᐊᓚᑦᓯᓂᒃᑯᓪᓗ ᑐᓂᕐᕈᓯᕆᐊᕐᑐᕐᓂᐊᕈᑎᒃ ᐊᑕᓂᕐᒧᑦ, ᐅᐊᓴᕐᑐᒃᓴᐅᕗᑦ ᐃᒥᕐᒧᑦ, ᑐᖁᖁᓇᒋᑦ.

ᒨᓯᓯ ᐂᑉᐸᖏᑦ 40:12

“ᑕᕝᕙ ᐂᕉᓂ ᐃᕐᓂᖏᓪᓗ ᕾᖁᔭᒃᓴᕆᕙᑎᑦ ᑐᐱᐅᑉ ᐃᑎᕐᑕᕐᕕᖓᑕ ᓯᕗᕌᓄᑦ, ᐅᖃᐅᑎᔭᒃᓴᕆᕙᑎᑦ ᑎᒥᓕᒫᒥᖕᓂᒃ ᐅᐊᓴᖁᓗᒋᑦ ᐃᑦᔪᕐᓁᑎᑕᐅᒃᔪᑎᒃᓴᖏᓐᓄᑦ.

ᐂᓮᐊᓯᐅᑉ ᐊᒡᓚᖏᑦ 53:2

ᐱᕈᕐᓴᓚᐅᕐᐳᖅ ᑖᑦᓱᒪ ᓵᖓᓂ ᐱᕈᕐᓯᐊᑎᑐᑦ ᐱᕈᕐᐸᓪᓕᐊᓕᓵᕐᑐᑎᑐᑦ, ᐊᒫᑐᓪᓗ ᓴᖅᑭᑉᐸᓪᓕᐊᓪᓗᓂ ᓄᓇᒥ ᐸᓂᕐᑐᒥ; ᑕᐅᑦᑐᖓ ᐃᒃᐱᖕᓇᖏᒻᒪᑦ ᐱᔪᒥᓇᕐᑐᑎᑐᓪᓗ ᑕᐅᑦᑐᖃᖏᒻᒪᑦ ᑕᑯᔪᒪᓚᐅᓐᖏᓚᕗᑦ; ᑕᑯᒥᓇᕐᓂᖃᖏᒻᒪᑦ ᐱᔪᒪᓚᐅᓐᖏᓚᕗᑦ.

ᐃᓯᑭᐊᓕᐅᑉ ᐊᒡᓚᖏᑦ 44:19

ᐊᓂᓕᕈᑎᒃ ᑐᕐᓲᖑᔭᕐᒧᑦ ᓯᓚᕙᓯᖕᓂᕐᓴᒧᑦ ᐃᓄᐃᑦ ᓇᔪᒐᖓᓐᓄᑦ, ᐊᓐᓄᕌᑦ ᐊᑐᕋᑖᕐᑕᑎᒃ ᐱᓇᓱᐊᕐᓗᑎᒃ ᐲᕐᑕᒃᓴᕆᕔᑦ, ᐃᒡᓗᕈᓯᕐᒧᑦ ᐃᑦᔪᕐᓁᑦᑐᒃᑯᕕᖕᒧᑦ ᐃᓕᓗᒋᑦ; ᐊᓯᖏᓐᓂᒃ ᐊᓐᓄᕌᕐᑐᒃᓴᐅᕗᑦ, ᐃᑦᔪᕐᓁᑦᑐᒥᒃ ᐱᓇᓱᐊᕈᕆᑎᒋᓚᐅᕐᑕᖏᑦ ᐃᓄᖕᓂᒃ ᖃᓄᐃᓕᑎᑦᓯᖁᓇᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 9:2

ᑕᑯᒋᓪᓗ, ᐊᖑᑎᑦ ᐱᖓᓲᔪᕐᑐᑦ ᑕᒪᐅᓐᖓᕐᐳᑦ ᑐᒃᓯᐊᕐᕕᒡᔪᐊᑉ ᓯᓚᓪᓕᕐᐹᖓᑕ ᐃᑎᕐᑕᕐᕕᖓᑕ ᓇᓛᓂᑦ, ᐅᓐᓄᐊᓪᓗᐊᑉ ᓇᓛᓄᑦ ᓵᓐᖓᔪᒥᑦ, ᐊᑐᓂᑦ ᓱᒋᐅᓯᔭᕐᓗᑎᒃ ᑐᑯᕅᑦᔪᑎᒥᖕᓂᒃ, ᐃᓚᖃᕐᓗᑎᒃ ᐊᖑᒻᒥᒃ ᖃᓪᓗᓈᕐᑕᓂᒃ ᓵᑦᑐᓂᒃ ᐊᓐᓄᕌᕐᓯᒪᔪᒥᒃ, ᑎᑎᕋᐅᒻᒧᑦ ᒥᓱᒃᑕᕐᕕᖕᒥᒃ ᕿᑎᕐᒥᐅᑕᓕᖕᒥᒃ ᓴᓂᕋᕐᒥᒍᑦ, ᑖᒃᑯᐊ ᐃᑎᕋᒥᒃ ᑐᓂᕐᕈᓯᕐᕕᐅᑉ ᑲᓐᓄᔭᐅᑉ ᓴᓂᐊᓂ ᓇᖏᓕᕐᐳᑦ.

ᒨᓯᓯ ᐱᖓᔪᖏᑦ 16:23

ᑕᕝᕙ ᐂᕉᓂ ᑐᐱᕐᒧᑦ ᑲᑎᒪᕕᖕᒧᑦ ᐃᑎᕆᐊᖃᕐᐳᖅ, ᐊᓐᓄᕌᓂᓗ ᖃᓪᓗᓈᕐᑍᑦ ᐲᕆᐊᖃᕐᐰᑦ ᐃᑦᔪᕐᓁᑦᑐᑦ ᐃᑦᔪᕐᓁᓐᓂᕐᐹᖓᓐᓄᑦ ᐃᑎᓚᐅᕋᓂ ᐊᑎᖅᑲᐅᔭᓂ, ᑕᕝᕗᖓ ᕿᒪᒋᐊᖃᕐᐰᑦ.

ᒨᓯᓯ ᐱᖓᔪᖏᑦ 16:24

ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ.

ᒨᓯᓯ ᐱᖓᔪᖏᑦ 16:32

ᑐᓂᕐᕈᓯᕐᑎᑦᓯᔨ ᒥᖑᐊᕐᑕᐅᓂᒃᑯᑦ ᐅᕐᓱᒧᑦ ᑐᓂᕐᕈᓯᕐᑎᑦᓯᔨᓐᖑᕐᓯᒪᔪᖅ ᐊᑖᑕᒥᓂᒃ ᑭᖑᕝᕖᓯᒪᔪᖅ, ᑐᓂᕐᕈᓯᕐᑎᑦᓯᔨᕐᔪᐊᓐᖑᕐᑎᑕᐅᓯᒪᔪᖅ ᐃᓱᒪᒋᔪᓐᓁᕐᕕᐅᓂᕐᒥᒃ ᑲᒪᔭᕆᐊᖃᕐᐳᖅ. ᖃᓪᓗᓈᕐᑍᓪᓗ ᐊᓐᓄᕌᓂ ᐃᑦᔪᕐᓁᑦᑐᑦ ᐊᑎᔭᕆᐊᖃᕐᐰᑦ.

ᒨᓯᓯ ᐱᖓᔪᖏᑦ 6:10

ᑐᓂᕐᕈᓯᕐᑎᑦᓯᔨ ᑕᕝᕙ ᐊᑎᓯᔭᕆᐊᖃᕐᐳᖅ ᐃᓗᓪᓕᕐᒥᓂᒃ ᓵᑦᑐᓂᒃ. ᐅᕕᓂᕈᕐᒥᒃ ᓵᑦᑐᒥᒃ ᖃᕐᓕᖕᒥᓂᒡᓗ ᓵᑦᑐᓂᒃ, ᐲᕐᓗᒋᓪᓗ ᑐᓂᕐᕈᑎᕕᓂᐅᑉ ᐊᕐᔭᓕᓂᖏᑦ ᐃᑯᐊᓚᑕᐅᓗᑎᒃ ᑐᓂᕐᕈᑎᕕᓃᑦ ᐃᑯᒪᒧᑦ ᓄᖑᑕᐅᓯᒪᔪᑦ, ᑐᓂᕐᕈᓯᕐᕕᐅᓪᓗ ᓴᓂᐊᓄᑦ ᐃᓕᓗᒋᑦ.

ᒨᓯᓯ ᐱᖓᔪᖏᑦ 6:3

ᐅᕝᕙᓘᓐᓃᑦ ᐊᓯᐅᔨᔭᐅᓯᒪᔪᓂᒃ ᓇᓂᓯᓗᓂ ᓴᒡᓗᑦᔪᑎᒋᒃᐸᒋᑦ, ᐊᖏᕈᑎᖃᕐᐸᓪᓗ ᓱᓕᑦᓯᐊᕈᑎᒥᒃ ᓱᓕᖏᓪᓗᓂ, ᐅᕝᕙᓘᓐᓃᑦ ᐊᓯᖏᓐᓂᒃ ᐊᔪᕐᑐᓕᒃᐸᑦ ᓇᓪᓕᐊᓐᓂᒃ ᐃᓄᐃᑦ ᐊᔪᕐᑐᓕᓂᕆᕙᒃᑕᖏᓐᓂᒃ.

ᓘᑲᓯᐅᑉ ᐊᒡᓚᖏᑦ 1:35

ᐂᖏᓕᐅᑉ ᐅᖃᐅᑎᕚ, “ᐊᓂᕐᓂᐅᑉ ᐃᑦᔪᕐᓁᑦᑑᑉ ᑎᑭᕝᕕᒋᓂᐊᕐᐹᑎᑦ, ᖁᑦᓯᖕᓂᕐᐸᐅᔫᓪᓗ ᐱᔪᓐᓇᕐᓂᖓᑕ ᐅᓕᖕᓂᐊᕐᐹᑎᑦ; ᑍᒤᒻᒪᑦ ᕿᑐᕐᖓᕐᑖᕆᓛᕐᑍᑦ ᐃᑦᔪᕐᓁᓐᓂᕋᕐᑕᐅᔪᒫᕐᐳᖅ, ᒎᑎᐅᑉ ᐃᕐᓂᖓᓂᒃ ᑍᔭᐅᓗᓂ.

ᐱᓕᐱᒥᐅᓄᑦ 2:7

ᐃᓱᒪᕐᓱᑦᓯᐊᕐᓗᓂᓕ ᐱᔪᒪᔭᒥᓂᒃ ᓴᒃᑯᐃᓚᐅᕐᐳᖅ, ᐱᔨᑐᐃᓐᓇᕐᑎᑐᑦ ᑍᒤᓕᕐᓗᓂ, ᐃᓄᑐᐃᓐᓇᕐᑐᓪᓗ ᑍᒤᓕᓚᐅᕐᐳᖅ ᐃᓄᑐᐃᓐᓇᕐᑎᑐᓪᓗ ᑕᑯᒃᓴᐅᓂᖃᓕᕐᓗᓂ.

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 2:14

ᑍᒤᒻᒪᑦ ᕿᑐᕐᖓᐅᔪᑦ ᐃᓄᑐᐃᓐᓇᐅᕗᑦ ᑎᒥᖃᕐᑐᑦ, ᑕᕝᕙ ᔩᓱᓯ ᓇᖕᒥᓂᖅ ᑖᒃᑯᓄᖓ ᐊᑦᔨᒋᔭᐅᓕᓚᐅᕐᐳᖅ ᐃᓄᑐᐃᓐᓇᐅᓪᓗ ᐃᓅᓯᖓᓂᒃ ᐃᓚᖏᐅᑎᖃᑎᒋᓪᓗᒋᑦ, ᑍᒤᓕᐅᓚᐅᕐᐳᖅ ᑐᖁᒥᒍᑦ ᓵᑖᓇᓯ ᓱᓇᐅᔪᓐᓃᕐᑎᑉᐹ, ᑖᓐᓇ ᑐᖂᑉ ᐱᔪᓐᓇᕐᓂᖓᓂᒃ ᐱᖃᕐᑐᖅ,

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.