ᒨᓯᓯ ᐱᖓᔪᖏᑦ 16:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐅᓪᓗᖅ ᑖᓐᓇ ᐃᑦᔪᕐᓁᑦᑑᖕᒪᑦ ᕿᑲᕐᕕᐅᔭᕆᐊᓕᒃ, ᓂᕆᑦᑍᓕᔭᕆᐊᖃᕐᐳᓯ; ᑕᐅᕗᖓᓕᒫᖅ ᐱᖁᔭᖅ ᑖᓐᓇ ᐊᑐᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 16:31 Iomraidhean Croise

ᐄᓱᕋᐅᑉ ᐊᒡᓚᖏᑦ 8:21

ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᒨᓯᓯ ᐂᑉᐸᖏᑦ 31:15

ᐅᓪᓗᓂᒃ ᐱᖓᓲᔪᕐᑐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᓴᐸᑎ ᓇᓪᓕᐅᑎᕗᖅ ᓱᓇᓕᒫᓂᑦ ᑕᕾᕐᓯᕐᕕᒃᓴᖅ, ᐃᑦᔪᕐᓁᑦᑐᖅ ᐊᑕᓂᕐᒧᑦ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ.

ᒨᓯᓯ ᐂᑉᐸᖏᑦ 35:2

ᐅᓪᓗᓂᒃ 6ᓂᒃ ᐱᓇᓱᐊᒐᒃᓴᑦᓯᓐᓂᒃ ᐱᓇᓱᐊᕐᑐᒃᓴᐅᕗᓯ, ᐅᓪᓗᓪᓕ 7ᖓᓐᓂ ᑕᕾᕐᓯᕐᑐᒃᓴᐅᕗᓯ ᐅᓪᓗᕐᓗ ᑖᓐᓇ ᐃᑦᔪᕐᓁᑎᓪᓗᒍ ᐊᑕᓂᐅᑉ ᐅᓪᓗᕆᖕᒪᒍ; ᓇᓪᓕᐊᑦ ᑕᕝᕙᓂ ᐅᓪᓗᒥ ᐱᓇᓱᐊᕐᑐᖅ ᑖᓐᓇ ᑐᖁᑕᐅᔪᒃᓴᐅᕗᖅ;

ᐂᓮᐊᓯᐅᑉ ᐊᒡᓚᖏᑦ 58:3

ᐅᖃᓚᐅᕐᐳᑦ, “ᓱᖕᒪᑦ ᓂᕆᑦᑍᓕᓚᐅᕐᐱᑖ? ᓂᕆᑦᑍᓕᒐᓗᐊᕐᑎᓪᓗᑕ ᑕᑯᕙᓐᖏᓚᑏᑦ? ᓱᖕᒪᓪᓗ ᒥᑭᒡᓕᑎᕋᓱᐊᕐᐸᒃᐱᑖ ᒥᑭᒡᓕᑎᕐᑎᓪᓗᑕ ᐅᑦᔨᕈᓱᖃᑦᑕᖏᓐᓇᕖᑦ?” ᑕᑯᓕᕆᑦᓯ, ᓂᕆᑦᑍᓕᕕᒋᔭᑦᓯ ᐅᓪᓗᖓᓂ ᖁᕕᐊᒋᔭᑐᐃᓐᓇᑦᓯᓐᓂᒃ ᐊᑐᕐᐸᒃᑐᓯ, ᐱᓇᓱᐊᕐᑎᓯᓗ ᐅᖁᒤᒃᓴᕐᑎᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 58:5

ᑍᒤᑦᑐᒥᒃ ᓂᕆᑦᑍᓕᓂᕐᒥᒃ ᐊᑐᕐᑕᐅᖁᔨᓯᒪᕗᖔ? ᐃᓅᑉ ᐃᒻᒥᓂᒃ ᒥᑭᒡᓕᑎᕐᕕᒃᓴᖓᓂᒃ? ᓂᐊᖁᕐᒧᑦ ᐅᑯᑦᑕᕐᕕᑐᐃᓐᓇᐅᓗᓂ ᐅᕐᐱᒐᕐᑐᑦ ᓂᐅᓐᖓᒃᑕᕐᑐᑎᑐᑦ? ᒪᒥᐊᑦᑐᕐᓯᐅᒻᒥᒃ ᐊᓐᓄᕌᕐᓯᒪᓗᓂ ᐊᕐᔭᓕᓂᕐᓂᒃ ᐃᒃᓯᕙᕕᑐᐃᓐᓇᖅ, ᑕᒪᑦᔮ ᓂᕆᑦᑍᓕᓂᐅᓂᕋᕐᑕᓰ? ᐅᓪᓗᖅ ᓈᒻᒪᒋᔭᐅᔪᖅ ᐊᑕᓂᕐᒧᑦ?

ᑖᓂᐊᓕᐅᑉ ᐊᒡᓚᖏᑦ 10:12

ᐅᖃᒃᑲᓐᓂᕆᕗᖅ, “ᑲᑉᐱᐊᓱᖏᓪᓗᑎᑦ ᑖᓂᐊᓖ: ᐅᓪᓗᐃᑦ ᓯᕗᓪᓕᕐᐹᖓᓂ, ᑐᑭᓯᔪᒪᓪᓗᑎᑦ ᐃᓱᒪᓕᓚᐅᕋᕕᑦ ᒥᑭᒡᓕᑎᕐᓗᑎᓪᓗ ᒎᑎᒧᑦ, ᐅᖃᐅᓯᕐᑎᑦ ᑐᓵᔭᐅᓚᐅᕐᐳᑦ, ᕾᕗᖓᓗ ᑭᐅᔭᐅᑦᔪᑎᖕᓂᒃ ᐅᖃᐅᑎᔭᕐᑐᕐᓗᑎᑦ.

ᒨᓯᓯ ᐱᖓᔪᖏᑦ 23:32

ᐅᓪᓗᖅ ᑖᓐᓇ ᓴᐸᑎᐅᖕᒪᑦ ᑕᕾᕐᓯᕕᒃ ᐃᓕᑦᓯ ᐱᓪᓗᓯ. ᑕᕝᕙᓂ ᓂᕆᔭᕆᐊᖃᓐᖏᓚᓯ. ᐅᓪᓗᐃᑦ 9ᖓᓂᑦ ᐅᓐᓄᒃᑐᒥᑦ ᐱᒋᐊᕐᓗᒍ ᑖᓐᓇ ᐅᓪᓗᖅ ᐅᓐᓄᖓᓄᑦ ᐃᓱᖃᕐᓗᒍ, ᓴᐸᑎ ᑖᓐᓇ ᑲᒪᒋᓯᐊᕐᑕᒃᓴᕆᕙᓯ.”

ᒨᓯᓯ ᐱᖓᔪᖏᑦ 25:4

ᐊᕐᕌᒍᓪᓕ 7ᖓᓂ ᓄᓇᖁᑎᑦᓯᓐᓄᑦ ᓴᐸᑎᐅᕗᖅ ᑕᕾᕐᓯᕐᕕᒃ ᐊᑕᓂᐅᑉ ᓴᐸᑎᖓ. ᐊᕐᕌᒍᒥ ᑕᕝᕙᓂ ᓄᓇᖁᑎᑦᓯᓐᓂ ᐱᕈᕐᓰᔪᒃᓴᐅᓐᖏᓚᓯ ᓂᐊᖂᔭᒃᓴᓂᒃ ᕔᓂᒃᓴᓂᒡᓗ ᐸᐅᕐᖓᓕᒃᓮᑦ ᐱᕈᕐᓰᕕᒋᔭᕆᐊᖃᓐᖏᓚᓯ.