ᒨᓯᓯ ᐱᖓᔪᖏᑦ 16:3 - ᐊᒡᓔᑦ ᐃᑦᔪᕐᖕᓁᑦᑐᑦ

³ ᐃᒫᒃ ᑕᕝᕙ ᐂᕉᓂ ᐃᑎᖃᑦᑕᕆᐊᖃᕐᐳᖅ ᐃᑦᔪᕐᓁᑦᑐᕕᖕᒧᑦ; ᐃᒻᒧᒃᓯᐅᒐᐅᑉ ᐊᖑᓴᓪᓗᖓᓂᒃ ᐃᓐᓇᐅᖏᑦᑐᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᒃᓴᕐᓗᓂ, ᓰᐱᐅᓪᓗ ᐊᖑᓴᓪᓗᖓᓂᒃ ᐃᑯᐊᓚᓗᓂ ᑐᓂᕐᕈᑎᒃᓴᒥᒃ.”

ᒨᓯᓯ ᐱᖓᔪᖏᑦ 16:3 Iomraidhean Croise

ᒨᓯᓯ ᐱᖓᔪᖏᑦ 1:10

“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 16:6

ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ.

ᒨᓯᓯ ᐱᖓᔪᖏᑦ 4:1

ᐊᑕᓂᐅᑉ ᒨᓯᓯ ᐅᖃᐅᑎᕚ,

ᒨᓯᓯ ᐱᖓᔪᖏᑦ 4:3

ᑐᓂᕐᕈᓯᕐᑎᑦᓯᔨ ᓂᕈᐊᕐᑕᐅᓂᕐᒥᒍᑦ ᐅᕐᓱᒧᑦ ᓇᓗᓁᒃᑯᓯᕐᑕᐅᓯᒪᔪᖅ ᐊᔪᕐᑐᓕᒃᐸᑦ, ᑕᕝᕙ ᐃᓄᓕᒫᑦ ᐸᓯᔭᒃᓴᓐᖑᕐᑎᒻᒪᒋᑦ, ᑖᓐᓇ ᐊᑕᓂᕐᒧᑦ ᐋᑦᓯᔪᒃᓴᐅᕗᖅ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᐃᓐᓇᐅᓗᐊᖏᑦᑐᒥᒃ ᖃᓄᐃᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ ᓇᖕᒥᓂᖅ ᐊᔪᕐᑐᓕᓂᓂ ᐱᑦᔪᑎᒋᓪᓗᒍ.

ᒨᓯᓯ ᐱᖓᔪᖏᑦ 8:14

ᒨᓯᓯᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᓂᕐᕈᓯᕐᐳᖅ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐂᕉᓂᐅᓪᓗ ᐃᕐᓂᖏᑕᓗ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:18

ᒨᓯᓯᓗ ᓰᐱᐅᑉ ᐊᖑᓴᓪᓗᖓᓂᒃ ᑕᒪᐅᓐᖎᕗᖅ, ᐂᕉᓂᐅᓪᓗ ᐃᕐᓂᖏᑕᓗ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 9:2

ᐂᕉᓂᓗ ᐅᖃᐅᑎᕚ, “ᑐᓂᕐᕈᑎᒃᓴᖃᕆᑦ ᐃᒻᒧᒃᓯᐅᒐᐅᑉ ᓄᕐᕋᖓᓂᒃ ᐊᖑᒻᒥᒃ ᐊᔪᕐᓂᑎᑦ ᐱᓪᓗᒋᑦ, ᑐᓂᕐᕈᑎᒃᓴᖃᒃᑲᓐᓂᕆᓪᓗ ᓰᐱᐅᑉ ᐊᖑᓴᓪᓗᖓᓂᒃ ᐃᑯᐊᓚᓗᒍ ᑐᓂᕐᕈᑎᒃᓴᒥᒃ, ᑕᒪᖏᒡᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᑖᒃᑯᐊᒃ ᐊᑕᓂᐅᑉ ᓵᖓᓄᑦ ᐱᑎᒃᑭᒃ.

ᒨᓯᓯ ᐱᖓᔪᖏᑦ 9:3

ᐃᓴᕆᐊᓕᒥᐅᓪᓗ ᐅᖃᐅᑎᒃᑭᑦ ᑐᓂᕐᕈᑎᒃᓴᖃᕆᑦᓯ ᒎᑦᓯᒥᒃ ᐊᖑᓴᓪᓗᕐᒥᒃ ᐊᔪᕐᓂᓯ ᐱᓪᓗᒋᑦ, ᐃᒻᒧᒃᓯᐅᒐᐅᓪᓗ ᓄᕐᕋᖓᓂᒃ, ᓰᐱᐅᓪᓗ ᓄᕐᕋᖓᓂᒃ ᑖᒃᑯᐊᒡᓗ ᐊᕐᕌᒍᖃᕐᑐᒃᓴᐅᕘᒃ ᐊᑕᐅᓯᕐᒥᒃ ᐊᑐᓂᑦ ᖃᓄᐃᓐᓂᖃᖏᑦᓯᐊᕐᓗᑎᒡᓗ, ᑖᒃᑯᐊᒃ ᐃᑯᐊᓚᓗᑎᒃ ᑐᓂᕐᕈᑎᒃᓴᐅᖁᓪᓗᒋᒃ,

ᐄᑉᕈᐃᓄᑦ 9:12

᙭ᔅᑑᓯᓕ ᐃᑦᔪᕐᓁᓐᓂᕐᐹᒧᑦ ᐃᓯᓚᐅᕐᐳᖅ ᐊᑕᐅᓯᐊᕐᓗᓂ ᑕᒤᓐᓄᑦ ᓈᒻᒪᒃᓯᑦᔪᑕᐅᓂᐊᓕᕐᑐᒥᒃ ᐃᓯᐅᑦᔨᓪᓗᓂ; ᒎᑦᓯᓪᓗ ᓄᕐᕋᐅᔮᕐᑑᓪᓘᓐᓃᑦ ᐊᐅᖓᓂᒃ ᓇᒃᓴᓚᐅᓐᖏᓚᖅ ᓇᖕᒥᓂᕐᓕ ᐊᐅᖕᒥᓂᒃ ᓇᒃᓴᓚᐅᕐᐳᖅ, ᐃᓱᖃᖏᑦᑐᒧᑦ ᐱᐅᓕᔭᐅᕕᒃᓴᒥᒃ ᐱᓂᐊᕈᑦᔨᓪᓗᓂ.

ᐄᑉᕈᐃᓄᑦ 9:7

ᑐᓂᕐᕈᓯᕐᑎᑦᓯᔩᓪᓕ ᐊᖓᔪᖅᑳᖓᑦ ᑭᓯᒥ ᑐᐱᐅᑉ ᐃᓗᐊᓃᓐᓂᕐᐹᒧᐊᕐᐸᓚᐅᕐᐳᑦ, ᐊᕐᕌᒍᒥ ᐊᑕᐅᓯᐊᕐᓗᓂ, ᐊᐅᖕᒥᒃ ᓇᒃᓴᕐᓗᓂ, ᒎᑎᒧᑦ ᑐᓂᕐᕈᑎᒋᓪᓗᒋᑦ ᐃᒻᒥᓂᒃ ᐱᑦᔪᑎᒋᓪᓗᓂ ᐃᓄᐃᓪᓗ ᖃᐅᔨᒪᓇᑎᒃ ᐊᔪᕐᑐᓕᓂᖏᑦ ᐱᓪᓗᒋᑦ.