25 ᐃᑯᐊᓪᓔᓗᓂᓗ ᑐᓂᕐᕈᑎᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᐅᑉ ᑐᓐᓄᖏᓐᓂᒃ.
ᐃᕐᕋᕕᖏᑕ ᐃᓗᓕᒫᖏᑦ ᐲᔭᕐᑕᒃᓴᕆᕙᑎᑦ, ᑭᒃᓴᐅᑎᖓᓗ ᑎᖒᑉ ᖄᖓᓃᑦᑐᖅ, ᑕᕐᑐᖏᒃᑕᓗ ᐃᒡᓗᒃᑐᑦ ᑕᕐᑐᕈᑎᖏᑦ, ᑕᒪᕐᒥᒃ ᐃᑯᐊᓪᓚᒐᒃᓴᕆᕙᑎᑦ ᑐᓂᕐᕈᓯᕐᕕᖕᒥ ᑐᓂᕐᕈᑎᒋᓗᒋᑦ.
ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ.
ᐊᖑᑦ ᒎᑦᓯᒥᒃ ᐊᐅᓪᓚᕐᑎᑦᓯᔪᖅ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᒥᒃ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᐅᑎᕈᓐᓇᕐᐳᖅ ᑕᕝᕙ.
ᑐᓂᕐᕈᓯᕆᐊᖃᕐᐳᕐᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᓇᖕᒥᓂᖅ ᐊᔪᕐᓂᓂ ᐱᓪᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒍ ᐃᒡᓗᒥᐅᖃᑎᓂᓗ ᐱᓪᓗᒋᑦ.
ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᒥᒃ ᐆᑕᒃᓴᒥᒃ ᐃᑯᐊᓚᑦᓯᓂᒃᑯᑦ ᑐᓂᕐᕈᓯᕐᑐᒃᓴᐅᕗᖅ ᐊᑕᓂᕐᒧᑦ; ᑐᓐᓄᕐᒥᒡᓗ ᐆᒪᔫᑉ ᑭᒃᓴᐅᑎᖏᓐᓂᒃ, ᐅᕝᕙᓘᓐᓃᑦ ᓴᓂᐊᓃᑦᑐᑦ ᐃᕐᕋᕕᖏᑕ ᑭᒃᓴᐅᑎᖓᓂᒃ.
ᑐᓂᕐᕈᓯᕐᑎᐅᓪᓗ ᐊᖑᓴᓪᓘᑉ ᑐᓐᓄᓕᒫᖏᑦ ᐲᔭᒐᒃᓴᕆᕔᑦ, ᐃᑯᐊᓚᑎᓪᓗᒋᓪᓗ ᑐᓂᕐᕈᓯᕐᕕᖕᒥ.
