ᒨᓯᓯ ᐱᖓᔪᖏᑦ 16:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᐊᑕᓂᐅᑉ ᒨᓯᓯ ᐅᖃᐅᑎᕚ, “ᐊᖓᔪᐃᑦ ᐂᕉᓂ ᐅᖃᐅᑎᒍᒃ ᐃᑎᕈᒪᓕᕈᓂ ᖃᖓᑐᐃᓐᓇᒃᑯᑦ ᐃᑎᖃᑦᑕᖁᖏᓪᓗᒍ ᐃᑦᔪᕐᓁᕐᑐᕕᖕᒥ ᐃᑦᔪᕐᓁᓐᓂᕐᐹᖓᓐᓄᑦ ᑖᓗᑕᐅᑉ ᐅᖓᑖᓃᑦᑐᒧᑦ ᐃᓱᒪᒋᔭᐅᔪᓐᓁᕐᕕᐅᑉ ᐃᒃᓯᕐᕕᐅᑉ ᓵᖓᓄᑦ, ᐃᑎᕈᓂ ᖃᖓᑐᐃᓐᓇᒃᑯᑦ ᑐᖁᓂᐊᕐᒪᑦ, ᐅᕙᖓ ᓴᖅᑭᖃᑦᑕᕋᒪ ᓄᕗᔭᒥ ᑖᓗᑕᕐᔪᐊᑉ ᐃᓱᒪᒋᔪᓐᓁᕐᓯᕕᐅᑉ ᖁᓛᓂ.

ᒨᓯᓯ ᐱᖓᔪᖏᑦ 16:2 Iomraidhean Croise

ᐊᑕᓃᑦ ᓯᕗᓪᓖᑦ 6:16

ᐃᒡᓘᑉ ᕿᓐᖑᐊ ᓵᑦᑐᓂᒃ ᕿᔪᖕᓂᒃ ᓰᑕᕆᓂᒃ 30ᓂᒃ ᐃᑎᒐᖕᓂᒃ ᑕᑭᓂᓕᖕᒥᒃ ᓇᑎᕐᒥᑦ ᖁᓛᓄᑦ ᐃᓗᐱᐊᕈᑦᑎᕐᐹ, ᑕᕝᕙᓂᓗ ᕿᓐᖑᐊᓂ ᐃᓗᕙᓯᖕᓂᕐᐹᒥᒃ, ᓴᓇᕗᖅ ᐃᑦᔪᕐᓁᓐᓂᕐᐹᒥᒃ ᑍᔭᐅᔪᒥᒃ.

ᐊᑕᓃᑦ ᓯᕗᓪᓖᑦ 8:6

ᑐᓂᕐᕈᓯᕐᑎᑦᓯᔩᓄᑦ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓ ᐊᒡᔭᕐᑕᐅᕗᖅ ᑐᒃᓯᐊᕐᕕᒡᔪᐊᑉ ᐃᓗᐊᓄᑦ ᐃᓕᓪᓗᒍᓗ ᐃᓂᒃᓴᖓᓄᑦ ᐃᑦᔪᕐᓁᓐᓂᕐᐹᒧᑦ, ᓯᕈᐱᒻ ᐃᓴᕈᓖᒃ ᐊᑕᓄᑦ.

ᑯᕉᓂᑲ ᐂᑉᐸᖏᑦ 5:14

ᑐᓂᕐᕈᓯᕐᑎᑦᓯᔩᑦ ᑕᕝᕙ ᓇᖏᕈᓐᓁᓪᓕᕗᑦ ᐱᓇᓱᐊᕈᓐᓁᓪᓕᓪᓗᑎᒡᓗ ᓄᕗᔭᒧᑦ ᑎᑭᑕᐅᒐᒥᒃ; ᐊᑕᓂᐅᑉ ᓂᕐᑐᕐᓇᕐᓂᕐᔪᐊᖓᑕ ᑕᑕᒻᒪᒍ ᒎᑎᐅᑉ ᐃᒡᓗᖓ.

ᒨᓯᓯ ᐂᑉᐸᖏᑦ 30:10

ᐊᕐᕌᒍᑕᒫᓪᓗ ᐂᕉᓂ ᑐᓂᕐᕈᓯᕐᑐᒃᓴᐅᕗᖅ ᑐᓂᕐᕈᓯᕐᕕᐅᑉ ᓴᓗᒻᒪᕐᓴᕐᑕᐅᑦᔪᑎᒃᓴᖓᓂᒃ ᑐᒃᓯᐊᕐᓂᒃᑯᑦ ᑐᓂᕐᕈᓯᕐᕕᐅᑉ ᓇᒃᔪᓐᖑᐊᖏᑦ ᐊᐅᒥᑎᕐᓗᒋᑦ ᐆᒪᔫᑉ ᐊᔪᕐᓃᑦ ᐱᑦᔪᑎᒋᓪᓗᒋᑦ ᑐᓂᕐᕈᑕᐅᔫᑉ ᐊᐅᖓᓄᑦ ᐊᕐᕌᒍᒥ ᐊᑕᐅᓯᐊᖃᑦᑕᕐᓗᓂ ᐊᕐᕌᒍᑕᒫᑦ ᑕᒪᓐᓇ ᑲᔪᓯᑎᑕᐅᔪᒃᓴᐅᕗᖅ ᑍᒪᓐᖓᑦ ᑭᖑᕚᕆᔪᒫᕐᑕᓯ ᑎᑭᓪᓗᒋᑦ, ᑖᓐᓇ ᑐᓂᕐᕈᓯᕐᕕᒃ ᐃᑦᔪᕐᓁᒻᒪᕆᒃᑐᒃᓴᐅᖕᒪᑦ ᐊᑕᓂᕐᒧᑦ ᑐᓂᔭᐅᓯᒪᓗᓂ.”

ᒨᓯᓯ ᐱᖓᔪᖏᑦ 16:13

ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᒨᓯᓯ ᐱᖓᔪᖏᑦ 16:34

ᑕᒪᓐᓇ ᐱᖁᔭᖅ ᐊᑐᕐᓂᐊᕐᐳᖅ ᐃᓕᑦᓯᓐᓄᑦ ᑍᒪᓐᖓᓕᒫᖅ: ᐃᓱᒪᒋᔭᐅᔪᓐᓁᕐᕕᐅᓂᖅ ᐊᑐᕐᑕᐅᖃᑦᑕᕐᓂᐊᕐᒪᑦ ᐊᕐᕌᒍ ᐊᑕᐅᓯᐊᕐᓗᒍ ᐃᓴᕆᐊᓕᒥᐅᑦ ᐊᔪᕐᑐᓕᓂᖏᑦ ᐱᓪᓗᒋᑦ. ᒨᓯᓯ ᐊᑕᓂᐅᑉ ᑍᒫᒃ ᐱᖁᓚᐅᕐᒪᒍ, ᑍᒤᓕᐅᓚᐅᕐᐳᖅ.

ᒨᓯᓯ ᐱᖓᔪᖏᑦ 23:27

“ᐅᓪᓗᐃᑦ ᖁᓕᖓᓂ ᑕᕝᕙᓂ ᑕᖅᑮᑦ 7ᖓᓐᓂ ᐊᕐᕌᒍᑕᒫᕐᓯᐅᑦ ᐊᔪᕐᓂᕐᓂᑦ ᐃᓱᒪᒋᔪᓐᓁᕐᑕᐅᕕᒃ ᓇᓪᓕᐅᑎᕗᖅ, ᑲᑎᒪᓗᓯ ᑐᒃᓯᐊᖃᑎᒌᒋᑦᓯ ᓂᕆᑦᑍᓕᓗᓯᓗ, ᐊᑕᓂᕐᒧᓪᓗ ᑐᓂᕐᕈᓯᕐᓗᓯ ᐃᑯᐊᓚᑦᓯᓂᒃᑯᑦ.

ᒨᓯᓯ ᐱᖓᔪᖏᑦ 8:35

ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓃᑦᓴᕆᐊᖃᕐᐳᓯ ᐅᓪᓗᒃᑯᑦ ᐅᓐᓄᐊᒃᑯᓪᓗ ᐅᓪᓗᓂᒃ 7ᓂᒃ ᐊᑕᓂᐅᓪᓗ ᐱᖁᔭᖓᓂᒃ ᒪᓕᒡᓗᓯ, ᑍᒤᒃᑯᑦᓯ ᑐᖁᓂᐊᓐᖏᓚᓯ, ᑍᒫᒃ ᑕᕝᕙ ᐱᖁᔭᐅᓯᒪᕗᖓ.”

ᒨᓯᓯ ᓯᑕᒪᖏᑦ 17:10

ᐊᑕᓂᐅᓪᓗ ᒨᓯᓯ ᐅᖃᐅᑎᕚ, “ᐂᕉᓂᐅᑉ ᐊᔭᐅᑉᐱᐊᖓ ᐃᒃᓯᕐᕕᐅᑉ ᐊᖏᕈᑎᑕᓕᐅᑉ ᓵᖓᓄᑦ ᐅᑎᕐᑎᒍᒃ, ᑕᕝᕙᓂ ᐃᓂᖃᓕᖁᓪᓗᒍ ᐊᑭᕋᕐᑐᓚᐅᕐᑐᓄᑦ ᓇᓗᓁᒃᑯᑕᐅᖁᓪᓗᒍ, ᐅᕙᓐᓂᒃ ᐊᑭᕋᕐᑐᕐᓂᖏᑦ ᐃᓱᓕᑎᑕᐅᖁᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᓯᑕᒪᖏᑦ 18:7

ᑍᒤᒻᒪᑦ ᐃᕝᕕᑦ, ᐃᕐᓂᑎᓪᓗ ᐃᓚᒋᓗᒋᑦ ᑐᓂᕐᕈᓯᕐᑎᑦᓯᔨᐅᓂᐊᕐᐳᓯ ᑐᓂᕐᕈᓯᕐᕕᖕᒥ ᖃᓄᐃᓕᐅᕆᐊᖃᕐᑐᓕᒫᓂᒃ ᑖᓗᑕᕐᔪᐊᓪᓗ ᐅᖓᑖᓃᑦᑐᓂᒃ; ᑍᒫᒃ ᐱᔨᑦᓯᕐᓂᐊᕐᐳᓯ. ᑐᓂᕐᕈᓯᕐᑎᑦᓯᔨᐅᓂᖅ ᐃᓕᑦᓯᓐᓄᑦ ᑐᓂᕐᕈᑎᒋᕙᕋ ᐱᔨᑦᓯᕈᑎᒋᓂᐊᕋᑦᓯᐅᒃ, ᓯᓚᑎᑦᓯᓐᓂᓪᓕ ᐱᔪᖅ ᐃᓕᑦᓯᓐᓄᑦ ᖃᒡᓕᔪᖅ ᑐᖁᑕᒃᓴᐅᕗᖅ.”

ᒨᓯᓯ ᓯᑕᒪᖏᑦ 4:19

ᑍᒤᓕᐅᕆᑦᓯᓕ ᑖᒃᑯᐊ ᐱᓪᓗᒋᑦ, ᐃᓅᖁᓪᓗᒋᑦ ᑐᖁᖁᓇᒋᑦ ᐃᑦᔪᕐᓁᓐᓂᕐᐹᑦ ᓴᓂᐊᓅᕋᓗᐊᕈᑎᒃ: ᐂᕉᓂᐅᑉ ᐃᕐᓂᖏᑕᓗ ᐃᑎᕐᓗᑎᒃ ᑎᓕᔭᕆᐊᖃᕐᐰᑦ ᐱᔨᑦᓯᕈᑎᒋᔭᕆᐊᖃᕐᑕᖏᓐᓂᒃ, ᐱᔭᒃᓴᖏᓐᓂᒡᓗ.

ᒨᓯᓯ ᓯᑕᒪᖏᑦ 4:5

“ᐃᓅᖃᑎᒌᒡᔪᐊᑦ ᐊᐅᓪᓚᕐᓂᐊᕐᓗᑎᒃ ᐸᕐᓇᓕᕌᖓᑕ, ᐂᕉᓂ ᐃᕐᓂᖏᓪᓗ ᐃᑎᖃᑦᑕᕐᓂᐊᕐᐳᑦ ᐅᓕᒡᔪᐊᖅ ᑖᓗᑕᖅ ᐲᕆᐊᖃᕐᐹᑦ ᐃᒃᓯᕐᕕᒡᓗ ᐊᖏᕈᑎᑕᓕᒃ ᑖᑦᓱᒥᖓ ᐅᓕᒡᓗᒍ.

ᒫᑎᐅᓯᐅᑉ ᐊᒡᓚᖏᑦ 27:51

ᑕᑯᒋᑦ, ᑖᓗᑕᕐᔪᐊᖅ ᑐᒃᓯᐊᕐᕕᒡᔪᐊᕐᒦᑦᑐᖅ ᖁᐱᕗᖅ ᒪᕐᕉᓕᓪᓗᓂ, ᖁᓛᓂᑦ ᐊᑖᓄᑦ ᑎᑭᓪᓗᓂ; ᓄᓇᕐᔪᐊᕐᓗ ᓴᔪᒃᐱᓗᒃᐳᖅ, ᐅᔭᕅᓪᓗ ᓯᖁᑦᑎᕐᖢᑎᒃ.

ᐄᑉᕈᐃᓄᑦ 6:19

ᑕᒪᑐᒥᖓ ᓂᕆᐅᒋᔭᒃᓴᖃᕐᑐᒍᑦ ᑕᕐᓂᑦᑎᓐᓄᑦ ᑭᓴᕐᕕᓕᐅᕐᓯᒪᕗᒍᑦ, ᖁᓚᕐᓇᖏᑦᑐᒥᒃ ᐊᑦᑕᕐᓇᖏᑦᑐᒥᒡᓗ. ᑐᒃᓯᐊᕐᕕᒡᔪᐊᑉ ᑖᓗᑕᕐᔪᐊᖓᑕ ᐅᖓᑖᓄᑦ ᐃᑎᕐᓯᒪᔪᒥᒃ ᐃᑦᔪᕐᓁᓐᓂᕐᐹᖁᑎᖓᓄᑦ,

ᐄᑉᕈᐃᓄᑦ 9:25

ᔫᑎᑦ ᑐᓂᕐᕈᓯᕐᑎᑦᓯᔨᖏᑕ ᐊᖓᔪᖅᑳᖏᑦ ᐃᑎᖃᑦᑕᓚᐅᕐᐳᑦ ᐃᑦᔪᕐᓁᓐᓂᕐᐹᒧᑦ ᐊᕐᕌᒍᑕᒫᑦ ᐆᒪᔫᑉ ᐊᐅᖓᓂᒃ ᓇᒃᓴᕐᓗᑎᒃ, ᙭ᔅᑑᓯᓕ ᐅᓄᕐᑐᐃᓱᕐᓗᓂ ᐃᑎᕐᓯᒪᓐᖏᓚᖅ ᐃᒻᒥᓂᒃ ᑐᓂᕐᕈᑎᒋᔭᕐᑐᕐᓗᓂ;

ᐄᑉᕈᐃᓄᑦ 9:3

ᑐᐱᐅᓪᓗ ᐃᓗᐊᓂ ᑖᓗᑕᕐᔪᐊᑉ ᐂᑉᐸᖓᑕ ᐅᖓᑖᓃᑦᑐᖅ ᐃᒡᓗᕈᓯᖅ ᑍᔭᐅᓪᓗᓂ ᐃᑦᔪᕐᓁᓐᓂᕐᐹᒥᒃ.

ᐄᑉᕈᐃᓄᑦ 9:5

ᐃᒃᖠᕐᕕᐅᓪᓗ ᖄᖓᓂ ᒪᕐᕉᓂᒃ ᓯᕈᐱᓐᖑᐊᖃᕐᐳᖅ ᐊᑐᓂ ᐃᓴᕈᓖᖕᓂᒃ ᓂᕐᑐᕐᓇᕐᑑᑉ ᓇᓗᓁᒃᑯᑕᖏᖕᓂᒃ, ᐃᓴᕈᖏᒃ ᐃᓵᖓᓪᓗᑎᒃ ᐃᒃᖠᕐᕕᐅᑉ ᒪᑐᖓᑕ ᖄᖓᓂ, ᓴᖅᑭᑎᑦᓯᔫᒃ ᐊᔪᕐᓃᑦ ᐃᓱᒪᒋᔭᐅᔪᓐᓁᕐᑕᐅᓂᖏᓐᓂᒃ. ᒫᓐᓇᓕ ᑕᒪᒃᑯᐊ ᐊᑐᓂᑦ ᐅᖃᐅᓯᕆᑦᓯᐊᕐᓗᒋ ᓇᓗᓁᕈᓐᓇᖏᑲᓚᐅᕐᑕᕗᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 15:8

ᑐᒃᓯᐊᕐᕕᒡᔪᐊᕐᓗ ᐳᔪᕐᒥᒃ ᑕᑕᑉᐳᖅ ᒎᑎᐅᑉ ᐱᓐᓇᕐᓇᕐᓂᖓᓂᒃ ᐱᔪᓐᓇᕐᓂᖓᓂᒡᓗ, ᓇᓪᓕᐊᓐᓄᓪᓘᓐᓃᑦ ᑐᒃᓯᐊᕐᕕᒡᔪᐊᖅ ᐃᑎᕐᑕᐅᔪᓐᓇᓐᖏᓚᖅ ᑲᑉᐱᐊᓇᕐᑐᑦ 7 ᐂᖏᓖᑦ 7 ᐱᓯᒪᔭᖏᑦ ᐃᓱᓕᓚᐅᖏᓐᓂᖏᓐᓂ.