ᒨᓯᓯ ᐱᖓᔪᖏᑦ 16:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑎᐱᑦᓯᐊᕆᒃᑐᖅ ᐃᓐᓴᓐᓯ ᐃᓕᔭᕆᐊᖃᕐᐹ ᐃᑯᒪᒧᑦ ᐊᑕᓂᐅᑉ ᓵᖓᓂ, ᐳᔪᖅ ᐃᓯᕐᓗᐊᕐᓂᑎᑦᓯᕕᖕᒥᑦ ᐱᔪᖅ ᑕᓕᑎᑦᓯᓂᐊᕐᒪᑦ ᐊᖏᖃᑎᒌᒍᑎᒥᒃ ᐃᒃᓯᕕᖕᒥᑦ ᑐᖁᖁᓇᒍ.

ᒨᓯᓯ ᐱᖓᔪᖏᑦ 16:13 Iomraidhean Croise

ᒨᓯᓯ ᐂᑉᐸᖏᑦ 25:21

ᐃᒃᓯᕐᕕᒡᓗ ᑕᑦᓱᒧᖓ ᒪᑐᒧᑦ ᒪᑐᔭᒃᓴᕆᕙᑦ; ᐅᔭᕌᒡᓗ ᒪᕐᕉᒃ ᐱᖁᔭᓂᒃ ᑎᑎᕋᕐᕕᒋᓯᒪᔫᒃ ᐃᒃᓯᕐᕕᐅᑉ ᐃᓗᐊᓄᐊᕐᓗᒋᒃ ᐃᓕᖕᓄᑦ ᑐᓂᔪᒫᕐᑖᒃᑲᒃ.

ᒨᓯᓯ ᐂᑉᐸᖏᑦ 28:43

ᑕᒪᒃᑯᐊᓗ ᐂᕉᓂᐅᑉ ᐃᕐᓂᖏᑕᓗ ᑍᒪᓐᖓᑦ ᐊᑐᕐᑕᒃᓴᕆᕔᑦ ᑐᐱᖁᑎᓐᓄᑦ ᓇᔪᒐᓐᓄᑦ ᐃᑎᕐᓂᐊᑐᐊᕈᑎᒃ, ᑐᓂᕐᕈᓯᕐᕕᖕᒥᓗ ᐱᓇᓱᐊᕐᓂᐊᑐᐊᕈᑎᒃ ᑐᓂᕐᕈᓯᕐᑎᑦᓯᓂᕐᒥᒃ ᑕᕝᕙᓂ ᐃᑦᔪᕐᓁᕐᑐᕕᖕᒥ; ᑐᖁᑕᐅᔪᒃᓴᐅᖁᓇᒋᑦ ᑲᓐᖑᓇᕐᓂᕐᒥᖕᓂᒃ ᓴᖅᑭᑎᑦᓯᓂᕐᒥᖕᓄᑦ. ᑕᒪᓐᓇᓗ ᓱᖁᓯᔪᐃᑦᑑᓗᓂ ᒪᓕᒐᕆᔭᐅᓂᐊᕐᐳᖅ ᐂᕉᓂᒧᑦ ᑭᖑᕚᓕᒫᖏᓐᓄᓪᓗ.”

ᒨᓯᓯ ᐂᑉᐸᖏᑦ 30:1

“ᑐᓂᕐᕈᓯᕐᕕᖕᒥᒃ ᓴᓇᔪᒃᓴᐅᕗᑎᑦ ᐃᓯᕐᓗᐊᕐᓂᑎᑦᓯᕕᒃᓴᒥᒃ ᕿᔪᖕᒥᒃ ᓯᑎᔪᔭᒥᒃ ᐊᑎᖃᕐᑐᒥᒃ ᐊᑬᓯᐊᒥᒃ, ᐃᓯᕐᓗᐊᕐᓂᑎᑦᓯᓂᕐᒥᒃ ᐃᑯᐊᓚᑦᓯᕕᒃᓴᐅᖁᓪᓗᒍ.

ᒨᓯᓯ ᐱᖓᔪᖏᑦ 22:9

“ᑐᓂᕐᕈᓯᕐᑎᑦᓯᔨᓕᒫᑦ ᓈᓚᑦᓯᐊᕆᐊᖃᕐᐳᑦ ᐊᑐᕐᑕᐅᖁᔭᓐᓂᒃ, ᐸᓯᔭᒃᓴᐅᓕᖁᓇᒋᑦ ᑐᖁᖁᓇᒋᓪᓗ ᓇᕐᕈᓇᕐᓯᑎᑦᓯᓂᕐᒧᑦ ᒪᓕᒐᒃᓴᐅᑎᑕᓐᓂᒃ ᐃᑦᔪᕐᓁᑦᑐᓂᒃ. ᐅᕙᖓ ᐊᑕᓂᐅᒐᒪ, ᑖᒃᑯᐊ ᐃᑦᔪᕐᓁᑦᑐᓐᖑᕐᑎᓯᒪᒐᒃᑭᑦ.

ᒨᓯᓯ ᓯᑕᒪᖏᑦ 16:18

ᑍᒤᒻᒪᑦ ᐊᖑᑎᑦ ᐊᑐᓂᑦ ᐃᓯᕐᓗᐊᕐᓂᑎᑦᓯᑦᔪᑎᓕᔭᓚᐅᕐᐳᑦ, ᐃᑯᒪᔪᓂᒃ ᑎᐱᑦᓯᐊᕆᒃᑐᒥᒃ ᐃᓗᓕᖃᕐᓗᑎᒃ, ᑐᐱᕐᔪᐊᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ ᓇᖏᓚᐅᕐᐳᑦ ᒨᓯᓯ ᐂᕉᓂᓗ ᑲᑎᒪᖃᑎᒋᓪᓗᒋᒃ.

ᒨᓯᓯ ᓯᑕᒪᖏᑦ 16:46

ᒨᓯᓯᓗ ᐂᕉᓂᒧᑦ ᐅᖃᕐᐳᖅ, “ᐃᓯᕐᓗᐊᕐᓂᑎᑦᓯᑦᔪᑎᒥᒃ ᑎᒍᓯᒋᑦ, ᐃᑯᒪᔪᒥᒡᓗ ᑐᓂᕐᕈᓯᕐᕕᖕᒥᑦ ᐃᓕᓯᕕᒋᓗᒍ, ᑎᐱᑦᓯᐊᕆᒃᑐᒥᒃ ᐃᓗᓪᓕᕐᓗᒍ, ᑐᐊᕕᕐᓗᑎᑦ ᐃᓄᒋᐊᒃᑐᕐᔪᐊᓄᑦ ᐂᑦᔪᑎᒍᒃ ᐃᓱᒪᒋᔪᓐᓁᕐᕕᐅᖁᓪᓗᒋᑦ; ᐊᑕᓂᐅᑉ ᓂᓐᖓᐅᓯᖓ ᐃᖏᕐᕋᓕᕐᒪᑦ ᑖᑦᓱᒪᓐᖓᑦ. ᑐᖁᑦᓯᔪᖅ ᐋᓐᓂᐊᓇᕐᑐᖅ ᐱᒋᐊᕐᒪᑦ.”

ᒨᓯᓯ ᓯᑕᒪᖏᑦ 16:7

ᐃᑯᒪᑎᓪᓗᒋᑦ ᑎᐱᑦᓯᐊᕆᒃᑐᒥᒡᓗ ᐃᓗᓕᖃᕐᓗᑎᒃ ᐊᑕᓂᐅᑉ ᓵᖓᓂ ᖃᐅᒃᐸᑦ, ᓇᓗᓁᕐᓂᐊᕐᐳᖅ ᑭᓇ ᐊᑕᓂᐅᑉ ᓂᕈᐊᕐᑕᖓ ᐃᑦᔪᕐᓁᑦᑑᓂᐊᕐᒪᖔᑦ. ᐃᓕᑦᓯ ᓕᕔᑎᐅᔪᓯ ᐃᓕᑦᓯᓐᓂᒃ ᐱᔭᒃᓴᖃᕐᑎᓗᐊᕋᑦᓯ!”

ᒨᓯᓯ ᓯᑕᒪᖏᑦ 4:15

ᐂᕉᓂ ᐃᕐᓂᖏᓪᓗ ᐃᑦᔪᕐᓁᑦᑐᕕᖕᒥᐅᑍᑦ ᐃᓗᓕᓕᒫᖏᓪᓗ ᐅᓕᒃᑐᕇᕐᐸᒋᑦ, ᑕᖕᒫᕐᓯᒪᔪᓗ ᐸᕐᓇᒌᕐᐸᑕ, ᑕᕝᕙ ᑯᕼᐋᑎᐅᑉ ᐃᕐᓂᖏᑦ ᑖᒃᑯᓂᖓ ᐊᒃᔭᕐᓯᔭᕐᑐᕆᐊᖃᓕᕐᐳᑦ; ᐃᑦᔪᕐᓁᑦᑐᓂᒡᓕ ᓇᓪᓕᐊᓐᓂᒃ ᐊᒃᑐᐃᒋᐊᖃᓐᖏᓚᑦ, ᑐᖁᔪᖃᑐᐃᓐᓇᕆᐊᖃᕐᒪᑦ. “ᑖᒃᑯᐊ ᑕᕝᕙ ᑐᐱᕐᔪᐊᒥᑦ ᑲᑎᒪᕕᖕᒥᑦ ᐱᓯᒪᔪᑦ ᑯᕼᐋᑎᐅᑉ ᐃᕐᓂᖏᑕ ᐊᒡᔭᕆᐊᖃᕐᑕᖏᑦ.

ᒨᓯᓯ ᓯᑕᒪᖏᑦ 4:20

ᐃᑎᕐᓗᑎᒡᓕ ᑕᑯᓐᓇᕆᐊᕐᑐᕆᐊᖃᓐᖏᓚᑦ ᐃᑦᔪᕐᓁᓐᓂᕐᐹᑦ ᐅᓕᒃᑐᕐᑕᐅᑎᓪᓗᒋᑦ, ᑐᖁᖁᓇᒋᑦ.”

ᒨᓯᓯ ᑕᓪᓕᒪᖏᑦ 33:10

ᑖᒃᑯᐊ ᐃᓕᓮᓂᐊᕐᐳᑦ ᒪᓕᒐᒃᓴᓂᒃ ᔧᑰᑉ ᑭᖑᕚᖏᓐᓄᑦ, ᐱᖁᔭᕐᓂᒡᓗ ᐃᓴᕆᐊᓕᒥᐅᓄᑦ; ᐃᓯᕐᓗᐊᕐᓂᑎᑦᓯᓗᑎᒡᓗ ᓵᖕᓂ, ᑐᓂᕐᕈᓯᕐᕕᖁᑎᖕᓂᓗ ᐃᑯᐊᓚᑦᓯᓗᑎᒃ ᑐᓂᕐᕈᓯᕐᓂᐊᕐᐳᑦ.

ᐄᑉᕈᐃᓄᑦ 7:25

ᑍᒤᒻᒪᑦ ᑖᑦᓱᒨᓇ ᒎᑎᒧᐊᕐᑐᑦ ᑕᒪᕐᒥᒃ ᐱᐅᓕᔪᓐᓇᑦᓯᐊᕐᐰᑦ, ᐃᓅᑦᓮᓐᓇᕋᒥ ᐃᓱᖃᖏᑦᑐᒧᑦ ᑐᒃᓯᐅᑦᔩᓐᓇᕐᓗᓂ ᑖᒃᑯᓂᖓ.

ᐄᑉᕈᐃᓄᑦ 9:24

᙭ᔅᑑᓯ ᐃᑎᓚᐅᕐᐳᖅ, ᐃᑦᔪᕐᓁᑦᑐᕕᖕᒧᑦ ᐊᒡᒐᓄᑦ ᓴᓇᔭᐅᓯᒪᖏᑦᑐᒧᑦ, ᕿᓚᖕᒦᑦᑐᒧᑦ ᑕᕝᕗᖓ ᐊᑦᔨᐅᑎᑕᐅᓯᒪᔪᒧᑦ, ᓇᖕᒥᓂᕐᓗ ᕿᓚᖕᒧᐊᓚᐅᕐᐳᖅ ᒎᑎᐅᑉ ᓵᖓᓄᑦ ᓴᖅᑭᑦᓱᒪᓪᓗᓂ ᐱᑦᔪᑎᒋᓪᓗᑕ.