ᒨᓯᓯ ᐱᖓᔪᖏᑦ 15:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᐊᖑᑦ ᒪᕐᓴᕐᑐᖅ ᓴᓗᒪᔪᒧᑦ ᑭᓇᑐᐃᓐᓇᕐᒧᑦ ᐅᕆᐊᕐᐸᑦ, ᐃᓄᒃ ᑖᓐᓇ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᓂᓗ ᐅᐊᓴᕆᐊᖃᕐᐹ ᐃᒥᕐᒧᑦ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:8 Iomraidhean Croise

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᒨᓯᓯ ᐱᖓᔪᖏᑦ 11:24

“ᐃᓕᑦᓯᓐᓂᒃ ᓴᓗᒤᓕᕐᑎᑦᓱᓐᓇᕐᐳᓯ ᑕᒪᒃᑯᑎᒎᓇᖅ, ᑐᖁᖓᔪᒥᒡᓗ ᖁᐱᕐᕈᕐᒥᒃ ᑍᒤᑦᑐᒥᒃ ᐊᒃᑐᐃᔪᖅ ᓴᓗᒤᓕᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:7

ᓇᓪᓕᐊᑦᓗ ᐊᒃᑐᕐᓯᔪᖅ ᐊᖑᒻᒥᒃ ᒪᕐᓴᕐᑐᒥᒃ ᐊᒃᑐᕐᓯᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᓂᓗ ᐅᐊᓴᕆᐊᖃᕐᐹ, ᑖᓐᓇᓗ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:9

ᓱᓇᑐᐃᓐᓁᑦ ᐃᓅᑉ ᒪᕐᓴᕐᑑᑉ ᐃᒃᓯᕙᕕᒋᔭᖏᑦ ᓱᓇᒥᒃ ᐃᑭᒪᓗᓂᓘᓐᓃᑦ ᑖᒃᑯᐊ ᓴᓗᒤᑦᑑᓂᐊᕐᐳᑦ.

ᒨᓯᓯ ᓯᑕᒪᖏᑦ 19:22

ᓇᓪᓕᐊᑦ ᓴᓗᒤᓕᓯᒪᔪᖅ ᓱᓇᑐᐃᓐᓁᑦ ᐊᒃᑐᕐᑕᖏᑦ ᓴᓗᒤᕐᑑᓕᕐᐳᑦ; ᓇᓪᓕᐊᑦᓗ ᐊᒃᑐᕐᑕᕕᓂᖏᓐᓂᒃ ᐊᒃᑐᕐᓯᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.”

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.