ᒨᓯᓯ ᐱᖓᔪᖏᑦ 15:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑭᓇᑐᐃᓐᓇᐅᑉ ᒪᕐᓴᕐᑑᑉ ᐃᒡᓕᖓ ᐊᒃᑐᕐᐸᒍ, ᐊᒃᑐᐃᔫᑉ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ, ᑖᓐᓇ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:5 Iomraidhean Croise

ᐃᓐᖏᕈᑎᑦ 26:6

ᐊᒡᒐᒃᑲ ᐃᕐᕈᕐᑐᕐᐸᒃᑲ ᐸᓯᔭᒃᓴᐅᖁᓇᖓ; ᑐᓂᕐᕈᓯᕐᕕᖁᑎᕕᑦ ᓴᓂᐊᓃᖁᓪᓗᖓ, ᐊᑕᓃᖅ.

ᐃᓐᖏᕈᑎᑦ 51:2

ᐅᐊᓴᓚᐅᓐᖓ ᓴᓗᒻᒪᕐᑎᓪᓗᖓ ᐊᔪᕐᑐᓕᓂᓐᓂᑦ ᑕᒤᓐᓂᑦ ᐊᔪᕐᓂᓐᓂᓪᓗ ᓴᓗᒻᒪᕐᓴᓚᐅᓐᖓ.

ᐃᓐᖏᕈᑎᑦ 51:7

ᓴᓗᒻᒪᕐᓴᓚᐅᓐᖓ ᕼᐊᓯᑉᒧᑦ, ᑕᕝᕙ ᓴᓗᒻᒪᕐᓂᐊᕐᐳᖓ; ᐅᐊᓴᓚᐅᓐᖓ, ᑕᕝᕙ ᐊᐳᒻᒥᑦ ᖃᑯᕐᓂᕐᓴᐅᓕᕐᓂᐊᕐᐳᖓ.

ᒨᓯᓯ ᐂᑉᐸᖏᑦ 19:10

ᐊᑕᓂᕐᓗ ᐅᖃᕐᐳᖅ ᒨᓯᓯᒧᑦ, “ᐃᓄᐃᑦ ᐅᐸᒡᓗᒋᑦ ᐅᖃᐅᑎᒃᑭᑦ ᐅᓪᓗᒥ ᖃᐅᒃᐸᓪᓗ ᐅᐸᓗᖎᔭᖁᓪᓗᒋᑦ ᐃᒻᒥᖕᓂᒃ ᑐᒃᓯᐊᕐᓂᒃᑯᑦ ᓴᓗᒻᒪᕐᓴᕐᓗᑎᒃ, ᐊᓐᓄᕌᒥᖕᓂᒡᓗ ᐅᐊᓴᕐᓗᑎᒃ,

ᐂᓮᐊᓯᐅᑉ ᐊᒡᓚᖏᑦ 1:16

ᐃᓕᑦᓯᓐᓂᒃ ᐅᐊᓴᓚᐅᕆᑦᓯ; ᓴᓗᒻᒪᑦᓯᐊᕐᓗᓯ; ᐱᐅᖏᑦᑐᖅ ᐲᓚᐅᕐᓯᐅᒃ ᐱᓂᐊᕐᓂᑦᓯᓐᓂᑦ ᐃᔨᒪ ᓵᖓᓂᑦ; ᐊᑏ ᐱᐅᖏᑦᑐᓕᐅᕈᓐᓃᕆᑦᓯ.

ᐂᓮᐊᓯᐅᑉ ᐊᒡᓚᖏᑦ 22:14

ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑦᑕ ᐅᖃᐅᑎᓚᐅᕐᐹᖓ, “ᑕᒪᓐᓇ ᐊᔪᕐᑐᓕᓂᖅ ᐃᓱᒪᒋᔪᓐᓁᕐᑕᐅᑦᔪᑎᒋᓂᐊᓐᖏᓛᑦ ᐃᓅᓂᓕᒫᖏᓐᓂ,” ᐊᑕᓂᖅ ᕿᓚᖕᒥᐅᒐᓴᒡᔪᐃᑦ ᒎᑎᖓᑦ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 36:29

ᓴᓗᒤᑦᑑᓂᕆᓚᐅᕐᑕᓕᒫᑦᓯᓐᓂᑦ ᕿᓚᕈᑦᔮᕈᒫᕐᐸᑦᓯ; ᓂᐊᖂᔭᒃᓮᓪᓗ ᐱᕈᕐᑎᑦᓯᐊᕈᒫᕐᐸᒃᑲ ᐊᒥᒐᕐᓯᖏᑦᓯᐊᖁᓪᓗᓯ ᑳᖕᓇᕐᑐᒦᖁᓇᓯᓗ.

ᒨᓯᓯ ᐱᖓᔪᖏᑦ 11:24

“ᐃᓕᑦᓯᓐᓂᒃ ᓴᓗᒤᓕᕐᑎᑦᓱᓐᓇᕐᐳᓯ ᑕᒪᒃᑯᑎᒎᓇᖅ, ᑐᖁᖓᔪᒥᒡᓗ ᖁᐱᕐᕈᕐᒥᒃ ᑍᒤᑦᑐᒥᒃ ᐊᒃᑐᐃᔪᖅ ᓴᓗᒤᓕᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 11:25

ᓇᓪᓕᐊᑦ ᑎᒍᓯᔪᖅ ᖁᐱᕐᕈᒥᒃ ᑐᖁᖓᔪᒥᒃ ᓇᕐᕈᓇᕐᑐᒥᒃ ᐊᓐᓄᕌᓂ ᐃᕐᕈᕐᑐᕆᐊᖃᕐᐰᑦ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 11:28

ᓇᓪᓕᐊᑦ ᑍᒤᑦᑑᑉ ᑎᒥᖓᓂᒃ ᑐᖁᖓᔪᒥᒃ ᑎᒍᓯᔪᖅ ᐊᓐᓄᕌᓂ ᐃᕐᕈᕐᑐᕆᐊᖃᕐᐰᑦ, ᐅᓐᓄᒡᓗ ᑎᑭᓪᓗᒍ ᓴᓗᒤᑦᑑᓂᐊᕐᐳᖅ. ᑍᒤᑦᑐᑦ ᓴᓗᒤᑦᑑᖕᒪᑕ ᐃᓕᑦᓯᓐᓄᑦ.

ᒨᓯᓯ ᐱᖓᔪᖏᑦ 11:32

ᑖᒃᑯᐊᓗ ᓇᓪᓕᐊᑦ ᑐᖁᒃᐸᑦ ᑲᑕᒡᓗᓂᓗ, ᑐᕝᕕᒋᔭᖓ ᓱᓇᐅᒐᓗᐊᕐᐸᑦ ᓴᓗᒤᑦᑑᓂᐊᕐᐳᖅ, ᕿᔫᒃᐸᓪᓘᓐᓃᑦ, ᖃᓪᓗᓈᕐᑕᐅᒃᐸᒡᓘᓐᓃᑦ, ᐆᒪᔪᓪᓘᓐᓃᑦ ᐊᒥᕆᒃᐸᒍ, ᐃᒃᐱᐊᕐᔫᒃᐸᓪᓘᓐᓃᑦ, ᐃᒥᕐᒧᐊᕐᑕᐅᔪᒃᓴᐅᕗᖅ, ᓴᓗᒤᑦᑑᓂᐊᕐᐳᕐᓗ ᐅᓐᓄᒃ ᑎᑭᓪᓗᒍ, ᑭᖑᓂᖓᒍᑦ ᑕᕝᕙ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 13:34

ᐅᓪᓗᐃᑦ 7ᖓᓐᓂ ᐅᕕᓂᕐᓗᒃᑐᖅ ᑐᓂᕐᕈᓯᕐᑎᑦᓯᔨᐅᑉ ᖃᐅᔨᓴᕆᐊᖃᕐᐹ ᐅᕕᓂᖓᑕ ᐊᓯᐊᓄᑦ ᓯᐊᒻᒪᕐᓯᒪᖏᑉᐸᑦ, ᐅᕕᓂᐅᑉ ᐃᑭᐊᖓᓃᑐᐃᓐᓇᕐᐸᑦ, ᑐᓂᕐᕈᓯᕐᑎᑦᓯᔨᐅᑉ ᓴᓗᒪᓂᕋᕐᓗᓂᐅᒃ ᐅᖃᐅᓯᕆᔭᕆᐊᖃᕐᐹ. ᑖᑦᓱᒪ ᐊᓐᓄᕌᓂ ᐅᐊᓴᕐᓗᒋᑦ, ᑕᕝᕙ ᓴᓗᒻᒪᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 13:6

ᐅᓪᓗᑦ 7ᐅᓕᕐᒥᒃᐸᑕ, ᑐᓂᕐᕈᓯᕐᑎᑦᓯᔨᐅᑉ ᖃᐅᔨᓴᒃᑲᓐᓂᕆᐊᖃᕐᐹ, ᐅᕕᓂᕐᓗᒡᓗ ᓄᖑᑉᐸᑦ ᓯᐊᒻᒪᖏᓪᓗᓂᓗ ᐅᕕᓂᖕᒥ, ᑐᓂᕐᕈᓯᕐᑎᑦᓯᔨᐅᑉ ᓴᓗᒪᓂᕋᕆᐊᖃᕐᐹ, ᐅᖏᓚᖕᓂᕕᓂᑐᐃᓐᓇᐅᖕᒪᑦ, ᐃᓅᑉ ᑖᑦᓱᒪ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓴᓗᒻᒪᕐᓂᐊᕐᐳᖅ ᑕᕝᕙ.

ᒨᓯᓯ ᐱᖓᔪᖏᑦ 14:27

ᑎᑭᓂᓗ ᑕᓕᕐᐱᓂ ᒥᓱᒡᓗᒍ ᐅᕐᓱᒧᑦ ᓴᐅᒥᖕᒥᓃᑦᑐᒧᑦ, ᓯᕐᐸᕐᓴᕈᑎᒋᔭᒃᓴᕆᕚ ᐊᑕᓂᐅᑉ ᓵᖓᓂ 7ᐃᕐᓱᕐᓗᓂ.

ᒨᓯᓯ ᐱᖓᔪᖏᑦ 15:18

ᐊᖑᓪᓗ ᐊᕐᓇᕐᓗ ᐃᓐᓇᖓᓗᑎᒃ ᐱᖃᑎᒌᒃᐸᑎᒃ ᐅᓱᐊᓗ ᒪᕿᒃᐸᑦ ᑕᒪᕐᒥᒃ ᐅᕕᓂᖕᓂᐊᕆᐊᖃᕐᐳᒃ ᐃᒥᕐᒧᑦ, ᓴᓗᒤᑦᑑᓂᐊᕐᐳᒡᓗ ᑕᒪᕐᒥᒃ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 15:4

ᓯᓂᒡᕕᒃ ᐃᓅᑉ ᒪᕐᓴᕐᑑᑉ ᓇᓚᕕᒋᔭᖓ ᓴᓗᒤᑦᑑᕗᖅ, ᐃᒃᓯᕚᕐᕕᒋᔭᓕᒫᖏᓪᓗ ᓴᓗᒤᑦᑑᓂᐊᕐᐳᑦ.

ᒨᓯᓯ ᐱᖓᔪᖏᑦ 15:6

ᓇᓪᓕᐊᑦᓗ ᐃᒃᓯᕚᕐᑐᖅ ᐊᖑᑎᐅᑉ ᒪᕐᓴᕐᑑᑉ ᐃᒃᓯᕚᕐᕕᕕᓂᖓᓂ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ, ᑖᓐᓇᓗ ᓴᓗᒤᓐᓂᐊᕐᐳᖅ ᐅᓐᓄᒃ ᑎᑭᓪᓗᒍ.

ᒨᓯᓯ ᐱᖓᔪᖏᑦ 16:26

ᐊᖑᑦ ᒎᑦᓯᒥᒃ ᐊᐅᓪᓚᕐᑎᑦᓯᔪᖅ ᐊᔪᕐᓂᖅ ᐱᓪᓗᒍ ᐊᐅᓪᓚᕐᑎᑕᒃᓴᒥᒃ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᒥᓂᒡᓗ ᐅᐊᓴᕐᓗᓂ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᐅᑎᕈᓐᓇᕐᐳᖅ ᑕᕝᕙ.

ᒨᓯᓯ ᐱᖓᔪᖏᑦ 16:28

ᐊᖑᑦ ᑖᒃᑯᓂᖓ ᐃᑯᐊᓚᑦᓯᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ ᐅᕕᓂᓕᒫᓂᓗ ᐅᐊᓴᕐᓗᒍ ᐃᒥᕐᒧᑦ; ᑭᖑᓂᖓᒍᑦ ᓄᓇᓕᖕᓄᑦ ᑕᕝᕙ ᐅᑎᕈᓐᓇᕐᓂᐊᕐᐳᖅ.

ᒨᓯᓯ ᐱᖓᔪᖏᑦ 17:15

“ᓇᓪᓕᐊᑦ ᐃᓴᕆᐊᓕᒥᐅᖅ ᐃᓴᕆᐊᓕᒥᐅᖑᖏᑦᑐᕐᓘᓐᓃᑦ ᓄᓇᖃᖃᑕᐅᔪᖅ ᓂᕆᒃᐸᑦ ᐆᒪᔪᕕᓂᕐᒥᒃ ᑐᖁᖓᔪᕐᓯᐊᕕᓂᕐᒥᓂᒃ ᐆᒪᔪᒧᑦ ᑐᖁᑕᐅᔪᕕᓂᕐᒥᒡᓘᓐᓃᑦ, ᐊᓐᓄᕌᓂ ᐅᐊᓴᕆᐊᖃᕐᐰᑦ ᐃᒥᕐᒧᓪᓗ ᑎᒥᓕᒫᓂ ᐅᐊᓴᕐᓗᒍ, ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ, ᑭᖑᕐᖓᓂ ᓴᓗᒻᒪᕐᓂᐊᕐᐳᖅ.

ᒨᓯᓯ ᓯᑕᒪᖏᑦ 19:10

ᓇᓪᓕᐊᑦ ᐊᕐᓇᓪᓘᑉ ᐃᒻᒧᒃᓯᐅᒐᐅᑉ ᐊᕐᔭᓕᓂᖏᓐᓂᒃ ᓄᐊᑦᓯᔪᖅ ᐊᓐᓄᕌᓂ ᐅᐊᓴᕆᐊᖃᕐᐰᑦ, ᓴᓗᒤᓐᓂᕋᕐᑕᐅᓗᓂᓗ ᐅᓐᓄᒃ ᑎᑭᓪᓗᒍ. ᑕᒪᓐᓇ ᐃᓴᕆᐊᓕᒥᐅᓄᑦ ᓄᓇᖃᑎᒋᓐᖏᑕᖏᓐᓄᓪᓗ ᑖᒃᑯᓇᓂ ᐃᓂᖃᕐᑐᓄᑦ ᒪᓕᒐᐅᓂᐊᕐᐳᖅ ᐃᓱᖃᖏᑦᑐᒧᑦ.’”

ᒨᓯᓯ ᓯᑕᒪᖏᑦ 19:22

ᓇᓪᓕᐊᑦ ᓴᓗᒤᓕᓯᒪᔪᖅ ᓱᓇᑐᐃᓐᓁᑦ ᐊᒃᑐᕐᑕᖏᑦ ᓴᓗᒤᕐᑑᓕᕐᐳᑦ; ᓇᓪᓕᐊᑦᓗ ᐊᒃᑐᕐᑕᕕᓂᖏᓐᓂᒃ ᐊᒃᑐᕐᓯᔪᖅ ᓴᓗᒤᑦᑑᓂᐊᕐᐳᖅ ᐅᓐᓄᒃ ᑎᑭᓪᓗᒍ.”

ᐄᑉᕈᐃᓄᑦ 10:22

ᑍᒤᒻᒪᑦ ᒎᑎᒧᑦ ᖃᒡᓕᓕᕐᑕ ᐆᒻᒪᑎᑦᑎᒍᑦ ᓱᓕᓂᖃᑦᓯᐊᕐᓗᑕ ᐅᒃᐱᕐᓂᖃᑦᓯᐊᕐᓗᑕ, ᐆᒻᒪᑎᕗᑦ ᓯᕐᐸᕐᓴᕐᕕᐅᓗᑎᒃ ᓴᓗᒻᒪᕐᑕᐅᖁᓪᓗᒋᑦ ᐃᓱᒪᒃᑯᑦ ᐱᐅᖏᑦᑐᒥᑦ ᐸᓯᔭᐅᓂᖃᕐᓂᕐᒥᑦ ᑎᒥᕗᓪᓗ ᐅᐊᓴᕐᑕᐅᓗᑎᒃ ᐃᒥᕐᒧᑦ ᓴᓗᒪᑦᓯᐊᕐᑐᒧᑦ.

ᐄᑉᕈᐃᓄᑦ 9:14

ᐊᖏᓂᕐᓴᒻᒪᕆᐊᓗᖕᒥᒡᓕ ᑕᕝᕙ, ᙭ᔅᑑᓯᐅᑉ ᐊᐅᖓ, ᐊᓂᕐᓂᒃᑯᑦ ᐃᓱᖃᖏᑦᑐᒃᑯᑦ ᐃᒻᒥᓂᒃ ᑐᓂᕐᕈᑕᐅᑎᓚᐅᕐᐳᖅ ᐸᓯᔭᒃᓴᐅᓂᖃᖏᑦᑐᖅ ᒎᑎᒧᑦ, ᑖᑦᓱᒪ ᐃᓱᒪᕗᑦ ᓴᓗᒻᒪᕐᐰᑦ ᐱᓂᐊᕐᓂᕐᓂᑦ ᑐᖁᖓᔪᓂᑦ, ᒎᑎᒥᒃ ᐆᒪᔪᒥᒃ ᐱᔨᑦᓯᕈᓐᓇᖁᓪᓗᒋᑦ.

ᐄᑉᕈᐃᓄᑦ 9:26

ᑍᒤᒃᑯᓂ ᐋᓐᓂᐊᑎᑕᐅᖃᑦᑕᕋᔭᓚᐅᕐᐳᖅ ᐅᓄᕐᑐᐃᓱᕐᓗᓂ ᑍᒪᓐᖓᑦ ᓯᓚᕐᔪᐊᑉ ᐱᓐᖑᕐᑎᑕᐅᓂᖓᓂᑦ. ᑭᓯᐊᓂᓕ, ᒫᓐᓇ ᓴᖅᑭᓯᒪᕗᖅ ᐊᑕᐅᓯᐊᑐᐃᓐᓇᕐᓗᓂ, ᓯᓚᕐᔫᑉ ᓇᒡᒐᑖ ᖃᒡᓕᓕᕐᑎᓪᓗᒍ, ᐊᔪᕐᓂᕐᒥᒃ ᐲᕐᓯᖁᓪᓗᒍ ᓇᖕᒥᓂᖅ ᑐᓂᕐᕈᑎᒋᓂᕐᒥᒍᑦ.

ᔧᒥᓯᐅᑉ ᐊᒡᓚᖏᑦ 4:8

ᒎᑎᒧᑦ ᖃᒡᓕᒋᑦᓯ ᑖᑦᓱᒪ ᑕᕝᕙ ᖃᒡᓕᓂᐊᕐᐹᓯ. ᐊᔪᕐᑐᓕᔨᐅᔪᓯ ᐊᒡᒐᓯ ᐅᐊᓴᕐᓯᐅᒃ, ᐆᒻᒪᑎᓯᓗ ᓴᓗᒻᒪᕐᓴᕐᓗᒋᑦ, ᐃᓕᑦᓯ ᒪᕐᕈᒍᓯᕐᑐᓯ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 7:14

ᑭᐅᕙᕋᓗ, “ᐊᖓᔪᖅᑳᖅ, ᐃᕝᕕᑦ ᖃᐅᔨᒪᕙᑎᑦ.” ᐅᖃᐅᑎᕚᖓᓗ, “ᑖᑯᐊ ᑕᕝᕙ ᑲᑉᐱᐊᓇᕐᑐᕐᔪᐊᕐᒥᒃ ᐊᓂᒍᐃᔪᑦ; ᐊᓐᓄᕌᒥᖕᓂᒃ ᓴᓗᒻᒪᕐᓮᓯᒪᕗᑦ ᖃᑯᕐᓯᑎᓪᓗᒋᒡᓗ ᓄᕐᕋᐅᔭᐅᑉ ᐊᐅᖓᓄᑦ.

ᓴᒧᐃᓕ ᓯᕗᓪᓖᑦ 20:26

ᓴᐅᓕᓕ ᖃᓄᑐᐃᓐᓇᖅ ᓂᓪᓕᓚᐅᓐᖏᓚᖅ ᐅᓪᓗᒥ ᑕᕝᕙᓂ; ᐃᓱᒪᓚᐅᕋᒥ, “ᓱᓇᒥᑭᐊᖅ ᐱᑦᔪᑎᖃᕋᒥ, ᓴᓗᒤᑦᑑᔪᒃᓴᐅᒐᒥ, ᐃᓛᒃ ᓴᓗᒤᑦᑑᒐᒥ ᑭᓯᐊᓂ.”