ᒨᓯᓯ ᐱᖓᔪᖏᑦ 15:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐃᓴᕆᐊᓕᒥᐅᖑᔪᓯ ᐊᕕᑎᓯᒪᔭᕆᐊᖃᕐᐸᓯ ᓱᓇᑐᐃᓐᓁᑦ ᓴᓗᒤᓕᕈᑕᐅᔪᓐᓇᕐᑐᑦ, ᑐᖁᖁᓇᒋᑦ ᓴᓗᒤᓕᑎᑕᐅᓂᕐᒧᑦ, ᐃᑦᔪᕐᓁᑦᑐᕕᖁᑎᓐᓂ ᓇᔪᒐᓐᓂᒃ ᐃᑦᔪᕐᓇᕐᓯᑎᑦᓯᒃᐸᑕ, ᑖᒃᑯᓄᖓ ᓇᔫᑎᓂᕆᔭᓐᓂ ᑐᖁᑕᐅᔪᒃᓴᐅᖕᒪᑕ.

ᒨᓯᓯ ᐱᖓᔪᖏᑦ 15:31 Iomraidhean Croise

ᐃᓐᖏᕈᑎᑦ 66:18

ᐆᒻᒪᑎᒃᑯᑦ ᐱᐅᖏᑦᑐᓕᓂᕐᒥᒃ ᐊᓐᓂᕆᔭᖃᕈᒪ, ᐊᑕᓂᐅᑉ ᑐᓴᕐᓂᐊᓐᖏᓛᖓ.

ᐃᓯᑭᐊᓕᐅᑉ ᐊᒡᓚᖏᑦ 23:38

ᓱᓕᓗ ᐱᓂᐊᕐᓯᒪᕘᒃ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᓚᐅᕐᐹᒃ ᐅᓪᓗᒥᓗ ᑕᕝᕙᓂᑦᓮᓐᓇᖅ ᓴᐸᑎᖁᑎᒃᑲ ᓇᕐᕈᓇᕐᓯᑎᑦᓱᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 44:23

“ᐃᓄᖁᑎᓐᓂᒃ ᐊᔪᕆᕐᑐᐃᖃᑦᑕᕐᑐᒃᓴᐅᕗᑦ ᓱᓇᑦ ᐃᑦᔪᕐᓁᒻᒪᖔᑕ ᓱᓁᓪᓗ ᐃᑦᔪᕐᓁᑦᑑᖏᒻᒪᖔᑕ, ᓱᓁᓪᓗ ᐅᒃᐱᕐᓂᒃᑯᑦ ᓇᕐᕈᓇᕐᒪᖔᑕ ᓱᓁᓪᓗ ᓇᕐᕈᓇᖏᒻᒪᖔᑕ.

ᐃᓯᑭᐊᓕᐅᑉ ᐊᒡᓚᖏᑦ 5:11

“ᑍᒤᒻᒪᑦ, ᐆᒪᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕋᑦᓯᐅᒃ ᐱᐅᖏᑦᑐᓂᒃ ᓇᕐᕈᓇᕐᑐᓂᒡᓗ ᐱᓂᐊᕐᓂᖃᕐᓂᑦᓯᓐᓄᑦ, ᑍᒤᒻᒪᑦ ᑐᖁᕋᕈᒫᕐᐸᑦᓯ; ᑕᑯᔭᓕᒫᓐᓂᒃ ᐊᒥᐊᒃᑯᖏᓪᓗᖓ, ᓂᑲᒋᔪᒫᓐᖏᓚᑦᓯᓗ.

ᑖᓂᐊᓕᐅᑉ ᐊᒡᓚᖏᑦ 9:27

ᑖᓐᓇ ᐊᖏᖃᑎᒌᒍᑎᒥᒃ ᐋᖅᑭᒃᓯᔪᒫᕐᐳᖅ ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ, ᓇᓪᓕᐅᓐᓃᑦ 7ᐃᑦ ᐃᓚᖓᓐᓂ ᑐᖁᑕᐅᔪᒫᕐᐳᖅ ᐆᒪᔪᑎᑐᑦ ᑐᓂᕐᕈᑎᒋᔭᐅᓗᓂ. ᑐᒃᓯᐊᕐᕕᒡᔪᐊᑉ ᐳᕐᑐᓂᕐᐹᖓᓂ ᐃᓕᓯᔪᒫᕐᐳᖅ ᓇᕐᕈᓇᕐᑐᕐᔪᐊᒥᒃ ᓱᕋᒃᑕᐅᑎᑦᓯᔪᒥᒃ ᐃᒡᓗᒐᓴᒡᔪᐊᓂᒃ ᑖᓐᓇ ᑍᒤᓕᖓᓂᐊᕐᐳᖅ, ᐅᖃᐅᑕᐅᓯᒪᔫᑉ ᓇᓪᓕᐅᑎᓂᖓᑕ ᐃᓱᓕᑦᓯᐊᕐᓂᖓᓄᑦ ᑎᑭᓪᓗᒍ.”

ᒨᓯᓯ ᐱᖓᔪᖏᑦ 11:47

ᐅᑦᔨᕐᓱᑦᓯᐊᕆᐊᖃᕐᐳᓯ ᓇᓪᓕᐊᑦ ᓴᓗᒤᑦᑑᖕᒪᖔᑕ ᓇᓪᓕᐊᓪᓗ ᓴᓗᒪᖕᒪᖔᑕ, ᓇᓪᓕᐊᓪᓗ ᐆᒪᔪᑦ ᓂᕆᔭᐅᔭᕆᐊᖃᕐᒪᖔᑕ, ᓇᓪᓕᐊᓪᓗ ᓂᕆᔭᐅᔭᕆᐊᖃᖏᒻᒪᖔᑕ.”

ᒨᓯᓯ ᐱᖓᔪᖏᑦ 13:59

“ᑖᒃᑯᐊ ᑕᕝᕙ ᐱᖁᔧᑦ ᐅᖁᒃᓯᒪᔪᑦ ᐊᓐᓄᕌᑦ ᖃᓄᐃᑦᑐᑐᐃᓐᓁᑦ ᐊᓐᓄᕌᓕᐊᕆᓯᒪᔪᑦ ᓴᓗᒪᓂᕋᕐᑕᐅᓂᖏᑦ ᓴᓗᒤᓐᓂᕋᕐᑕᐅᓂᖏᓪᓘᓐᓃᑦ.”

ᒨᓯᓯ ᐱᖓᔪᖏᑦ 15:32

ᐅᓇ ᑕᕝᕙ ᐱᖁᔭᖅ ᐊᖑᑦ ᖃᐹᕿᔪᖅ ᐱᑦᔪᑎᒋᓪᓗᒍ, ᓴᓗᒤᓕᑎᑕᐅᔪᓪᓗ ᖃᐹᕿᓂᕐᒧᑦ.

ᒨᓯᓯ ᐱᖓᔪᖏᑦ 19:30

ᓴᐸᑎᓕᐊᕆᓯᒪᔭᒃᑲ ᑲᒪᒋᑦᓯᐊᕐᓯᒋᑦ ᐃᑦᔪᕐᓁᑎᑕᒃᑲᓗ ᑐᒃᓯᐊᕐᕖᑦ ᐅᐱᒋᑦᓯᐊᕐᓯᐅᒃ. ᐅᕙᖓ ᐊᑕᓂᐅᒐᒪ.

ᒨᓯᓯ ᐱᖓᔪᖏᑦ 20:3

ᑍᒤᓕᐅᕐᑐᖅ ᐃᓄᖁᑎᒋᔪᓐᓃᕐᓂᐊᕐᐸᕋ, ᐃᓅᖃᑎᖏᓐᓂᓪᓗ ᐊᕕᑕᐅᑎᓐᓂᐊᕐᐸᕋ; ᕿᑐᕐᖓᒥᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ; ᑐᐱᕐᒥ ᑲᑎᒪᕕᖕᒥ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᕐᓯᑎᒻᒪᒍ, ᐊᑎᕋᓗ ᓇᕐᕈᓇᕐᓯᑎᑦᓱᓂᐅᒃ.

ᒨᓯᓯ ᐱᖓᔪᖏᑦ 21:23

ᑎᒥᒥᒍᑦ ᐱᐅᓯᕐᓘᑎᖃᕋᒥ, ᐃᑦᔪᕐᓁᑦᑐᕕᐅᑉ ᑕᓗᕐᔪᐊᖓᓄᑦ ᖃᒡᓕᔭᕆᐊᖃᓐᖏᓚᖅ, ᑐᓂᕐᕈᓯᕐᕕᒡᓘᓐᓃᑦ ᐅᐸᒋᐊᖃᓐᖏᓛ, ᓈᓚᖏᒃᑯᓂ ᐃᑦᔪᕐᓁᑦᑐᕕᖁᑎᒐ ᐃᑦᔪᕐᓇᓯᑎᓐᓂᐊᕐᐹ. ᐅᕙᖓ ᐊᑕᓂᐅᒐᒪ, ᑖᒃᑯᓂᖓᓗ ᐃᑦᔪᕐᓁᑎᑦᓯᕗᖓ.’”

ᒨᓯᓯ ᓯᑕᒪᖏᑦ 19:13

ᓇᓪᓕᐊᑦ ᑭᓇᑐᐃᓐᓇᕐᒥᒃ ᑐᖁᔪᒥᒃ ᐊᒃᑐᕐᓯᔪᖅ, ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐊᑕᓂᐅᑉ ᑐᐱᕐᔪᐊᖓᓂᒃ ᓴᓗᒤᓕᑎᑦᓯᕗᖅ. ᑖᓐᓇᓗ ᐃᓴᕆᐊᓕᒥᐅᓂᑦ ᐊᕕᑕᐅᔭᕆᐊᖃᕐᐳᖅ. ᓴᓗᒤᑦᑑᓂᐊᕐᒪᑦ, ᐃᒥᖅ ᓴᓗᒻᒪᕐᓮᑦᔪᑎ ᓯᕐᐸᕐᓴᕐᑕᐅᓚᐅᖏᒻᒪᖅ ᑖᑦᓱᒧᖓ; ᓴᓗᒤᓐᓂᖓ ᓱᓕ ᑖᑦᓱᒪᓃᒻᒪᑦ.

ᒨᓯᓯ ᓯᑕᒪᖏᑦ 19:20

“ᐃᓄᒡᓕ ᓴᓗᒤᑦᑐᖅ ᐃᒻᒥᓂᒡᓗ ᓴᓗᒻᒪᕐᓴᖏᓪᓗᓂ, ᐃᓅᖃᑎᒌᒡᔪᐊᓂᑦ ᐊᕕᑕᐅᔭᕆᐊᖃᕐᐳᖅ, ᐊᑕᓂᐅᑉ ᐃᑦᔪᕐᓁᑦᑐᕕᖁᑎᖓᓂᒃ ᓴᓗᒤᓕᑎᑦᓯᖕᒪᑦ. ᐃᒥᖅ ᓴᓗᒻᒪᕐᓴᐅᑎᓕᐊᕆᓯᒪᔪᖅ ᓯᕐᐸᕐᓴᕈᑕᐅᓯᒪᖏᒻᒪᑦ ᑖᑦᓱᒧᖓ; ᑍᒫᒃ ᓴᓗᒤᑦᑑᕗᖅ.

ᒨᓯᓯ ᓯᑕᒪᖏᑦ 5:3

ᑕᒪᕐᒥᒃ ᑍᒤᑦᑐᑦ ᐊᐅᓪᓚᕐᑎᑕᒃᓴᕆᕙᓯ ᐊᖑᑎᑦ ᐊᕐᓁᓪᓗ; ᓄᓇᓖᑦ ᓯᓚᑖᓃᑦᓴᕆᐊᖃᕐᐳᑦ, ᑕᖕᒫᕐᓯᒪᕕᖕᒥᓂᒃ ᓇᕐᕈᓇᕐᓯᑎᑦᓯᖁᓇᒋᑦ, ᑖᒃᑯᐊ ᐊᑯᓐᓂᖓᓐᓂ ᐃᓂᖃᕋᒪ.”

ᑯᕆᓐᑎᐊᒥᐅᓄᑦ ᓯᕗᓪᓖᑦ 3:17

ᓇᓪᓕᐊᑦ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓᓂᒃ ᐊᓯᕈᐃᔪᖅ, ᒎᑎᐅᑉ ᐊᓯᕈᕈᒫᕆᕚ. ᒎᑎᐅᑉ ᑐᒃᓯᐊᕐᕕᒡᔪᐊᖁᑎᖓ ᐃᑦᔪᕐᓁᒻᒪᑦ, ᐃᓕᑦᓯ ᑕᕝᕙ ᒎᑎᐅᑉ ᑐᒃᓯᐊᕐᕕᒡᔪᐊᖁᑎᒋᕚᓯ.

ᒨᓯᓯ ᑕᓪᓕᒪᖏᑦ 24:8

“ᐃᒃᐱᒍᓱᑦᓯᐊᕐᑐᒃᓴᐅᕗᓯ ᐋᓐᓂᐊᕐᑖᕋᔭᕈᑦᓯ ᐸᕐᑎᕐᓂᕐᒥᒃ, ᐊᑐᑦᓯᐊᕆᐊᖃᕋᔭᕐᐳᓯ ᓕᕔᑎᒃᑯᑦ ᑐᓂᕐᕈᓯᕐᑎᑦᓯᔩᑦ ᐱᖁᔨᑦᔪᑎᖏᓐᓂᒃ ᑕᒤᓐᓂᒃ ᐃᓕᑦᓯᓐᓄᑦ; ᐱᖁᔨᑦᔪᑎᒋᓯᒪᔭᓐᓂᒃ ᑖᒃᑯᓄᖓ, ᐃᓘᓐᓇᖏᓐᓂᒃ ᒪᓕᒃᑐᒃᓴᐅᕗᓯ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᔫᑎᐅᑉ ᐊᒡᓚᖏᑦ 1:4

ᐃᓚᖏᑦ ᐱᖏᑦᓯᕐᑐᕐᓗᑎᒃ ᐅᕙᑦᑎᓐᓄᑦ ᐃᓚᓕᐅᑎᓯᒪᖕᒪᑕ ᑍᑦᓱᒪᓂᐊᓗᖕᓂᑦ ᐅᖃᐅᓯᐅᔭᕇᕐᓯᒪᔪᑦ ᓱᒋᐊᕐᑕᐅᓛᕐᓂᕐᒥᖕᓂᒃ ᐱᓯᒪᓕᕇᕐᑐᑦ, ᑖᒃᑯᐊ ᐅᒃᐱᖏᑦᑐᑦ ᒎᑎᑦᑕ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓇᕐᕈᓇᕐᓯᑎᑉᐹᑦ ᐃᒃᓯᒎᕐᓂᕐᒥᖕᓂᒃ ᐊᑐᕐᓂᕐᒥᖕᓄᑦ ᓱᓇᐅᑎᓐᖏᓛᓪᓗ ᐊᖓᔪᖅᑳᑐᐊᕗᑦ ᐊᑕᓂᑐᐊᕗᓪᓗ ᔩᓱᓯ ᙭ᔅᑑᓯ.

ᓴᒧᐃᓕ ᓯᕗᓪᓖᑦ 3:14

ᑍᒤᒻᒪᑦ ᐊᖏᒻᒪᕆᒃᐳᖓ ᓇᓗᓁᕐᓯᓪᓗᖓ ᐃᓔᑉ ᐃᓚᖏᓐᓄᑦ; ᐃᓔᑉ ᐃᓚᖏᑕ ᐱᐅᖏᑦᑐᓕᓂᖏᑦ ᐲᕐᑕᐅᓂᐊᓐᖏᓚᑦ ᑐᖁᑦᓯᓗᓂ ᑐᓂᕐᕈᓯᕐᓂᒃᑯᑦ ᑐᓂᕐᕈᓯᕐᓃᑦ ᐊᓯᖏᑎᒍᓪᓘᓐᓃᑦ ᐃᓱᖃᖏᑦᑐᒧᑦ.”