ᒨᓯᓯ ᐱᖓᔪᖏᑦ 14:22 - ᐊᒡᓔᑦ ᐃᑦᔪᕐᖕᓁᑦᑐᑦ

²² ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ.

ᒨᓯᓯ ᐱᖓᔪᖏᑦ 14:22 Iomraidhean Croise

ᐃᓐᖏᕈᑎᑦ 68:13

ᓰᐱᒃᑯᕕᐅᒃ ᐃᓱᐊᓂ ᓯᓂᒃᑲᓗᐊᕐᑎᓪᓗᑎᑦ, ᑑᕕᐅᑉ ᐃᓴᕈᖏᑎᑐᑦ ᑍᒤᓐᓂᐊᕐᐳᑎᑦ ᓯᐅᓪᕕᕆᒥᒃ ᓯᓚᑉᐱᐊᖃᕐᑐᑎᑐᑦ, ᓱᓗᖏᓪᓗ ᕿᓪᓕᕐᑑᓪᓗᑎᒃ ᒎᓗᑎᑐᑦ ᐃᓚᓯᒪᖏᑦᑐᑎᑐᑦ.

ᓲᓗᒨᓂᐅᑉ ᐃᓐᖏᕈᓯᖏᑦ 2:14

ᑑᕕᖁᑏᒃ, ᕾᕐᑑᑉ ᖁᖕᓈᕈᖏᓐᓂ ᐃᓂᖃᕐᑐᑎᑦ, ᕾᕐᑑᑉ ᐃᔨᕐᓯᒪᕕᖏᓐᓂ, ᑮᓁᑦ ᑕᑯᓚᐅᕐᓚᒍ, ᓂᐲᓪᓗ ᑐᓴᕐᓚᒍ, ᑐᓴᕐᓂᕐᒪᑦ, ᐃᓂᖁᓇᕐᑐᐊᓘᓪᓗᑎᓪᓗ.

ᐂᓮᐊᓯᐅᑉ ᐊᒡᓚᖏᑦ 38:14

ᖁᐸᓄᐊᑎᑐᑦ ᑕᑎᒡᒐᕐᔪᐊᑐᓪᓗ ᓂᓪᓕᐊᓕᓚᐅᕐᐳᖓ, ᑑᕕᑎᑐᑦ ᑎᖕᒥᐊᑐᑦ ᓂᑦᔮᔫᔮᓕᕐᓗᖓ, ᐃᔩᒃᑲᒡᓗ ᑕᖃᓪᓗᑎᒃ ᖁᒻᒧᑦ ᑕᑯᓇᓱᖕᓂᕐᒧᑦ, ᐊᑕᓃᖅ, ᐅᖁᒤᒃᓴᕕᒡᔪᐊᓕᕋᒪ ᓴᐳᑎᓚᐅᓐᖓ!

ᐂᓮᐊᓯᐅᑉ ᐊᒡᓚᖏᑦ 59:11

ᖃᓕᖑᐊᕐᐸᒡᓗᑕᓗ ᑕᒪᑦᑕ ᓇᓄᕐᑎᑐᑦ; ᓂᐹᕗᒍᑦ ᑎᖕᒥᐊᑎᑐᑦ ᑑᕕᑎᑐᑦ ᓂᓪᓕᐊᕌᕐᔪᑐᐃᓐᓇᕐᓗᑕ; ᐊᑦᔨᒌᒃᑎᑦᓯᓂᖅ ᕿᓂᕋᓗᐊᕋᑦᑎᒍ ᐱᑕᖃᓐᖏᓚᖅ; ᐱᐅᓕᔭᐅᓂᖅ ᐅᕙᑦᑎᓐᓂᑦ ᐅᖓᓯᒃᑑᕗᖅ.

ᔨᕆᒤᐊᐅᑉ ᐊᒡᓚᖏᑦ 48:28

“ᒧᐊᐱᒥᐅᑕᐅᔪᓯ ᓄᓇᓖᑦ ᕿᒪᒡᓗᒋᑦ ᕾᕈᓱᖕᓂ ᐃᓂᖃᐅᓕᕆᑦᓯ ᑑᕕᑎᑐᑦ ᐃᓂᒃᓴᕐᓯᐅᓕᕆᑦᓯ, ᕾᕈᓱᐃᑦ ᐹᖏᓐᓂ ᐃᕙᕕᒃᓴᕐᓯᐅᕐᑐᑎᑐᑦ.

ᐃᓯᑭᐊᓕᐅᑉ ᐊᒡᓚᖏᑦ 7:16

ᕿᒫᓗᑎᒡᓕ ᐊᓐᓇᑦᑐᑦ, ᖃᖅᑲᓃᓕᕈᒫᕐᐳᑦ, ᑑᕕᑎᑐᑦ ᓇᕐᓴᐅᑉ ᐃᓗᐊᓂᑦ ᕿᒫᔪᑎᑐᑦ, ᐃᓘᓐᓇᑎᒡᓗ ᐅᒡᒍᐊᕈᑎᖃᕐᓗᑎᒃ ᐊᔪᕐᑐᓕᓯᒪᓂᕐᒥᖕᓂᒃ.

ᒨᓯᓯ ᐱᖓᔪᖏᑦ 14:21

“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ,

ᒨᓯᓯ ᐱᖓᔪᖏᑦ 14:24

ᑐᓂᕐᕈᓯᕐᑎᑦᓯᔨᐅᑉ ᓰᐱᐅᑉ ᓄᕐᕋᖓ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ, ᐃᓚᖃᕐᓗᓂ ᐅᕐᓱᒥᒃ ᐆᒃᑑᑎᑐᑦ ᓇᑉᐸᐅᑉ ᓇᑉᐸᖓᑐᑦ ᐊᖏᑎᒋᔪᒥᒃ ᐅᖁᒤᓐᓂᓕᒃ, ᑖᑦᓱᒪ ᐊᐅᓪᓚᕐᑎᑦᓴᕆᐊᖃᕐᐹ ᐊᑕᓂᐅᑉ ᓵᖓᓂ ᐊᐅᓪᓚᕐᑎᑕᐅᓂᒃᑯᑦ ᑐᓂᕐᕈᑕᐅᓗᑎᒃ.

ᒨᓯᓯ ᐱᖓᔪᖏᑦ 15:14

ᐅᓪᓗᑦ 8ᖓᓐᓂ ᐱᔭᕆᐊᖃᕐᐳᖅ ᑐᕕᖕᓂᒃ ᒪᕐᕉᖕᓂᒃ ᐅᕝᕙᓘᓐᓃᑦ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ, ᕾᓗᓂᓗ ᐊᑕᓂᐅᑉ ᓵᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄ, ᑐᓂᓗᒋᓪᓗ ᑖᒃᑯᐊ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 5:7

“ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᓯᕆᐊᒃᓴᖅ ᐊᔪᕈᓂ ᒪᕐᕉᖕᓂᒃ ᑑᕖᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔨᐊᓐᓂᒡᓘᓐᓃᑦ ᐱᐊᕋᕕᓂᕐᓂᒃ ᑐᓂᕐᕈᑎᖃᕐᑐᒃᓴᐅᕗᖅ ᐊᔪᕐᓂᓂ ᐱᓪᓗᒋᑦ, ᐂᑉᐸᖓ ᑐᓂᕐᕈᑎᒋᓗᒍ ᐊᔪᕐᓂᖅ ᐱᓪᓗᒍ, ᐂᑉᐸᖓᓗ ᐃᑯᐊᓚᒐᒃᓴᐅᑎᓪᓗᒍ ᑐᓂᕐᕈᑎᒋᓗᒍ.

ᒨᓯᓯ ᓯᑕᒪᖏᑦ 6:10

ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ;