ᒨᓯᓯ ᐱᖓᔪᖏᑦ 14:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 14:12 Iomraidhean Croise

ᒨᓯᓯ ᐂᑉᐸᖏᑦ 29:22

“ᓰᐱᐅᑉ ᐊᖑᓴᓪᓗᖓᑕ ᑐᓐᓄᖏᑦ ᐲᕐᑕᒃᓴᕆᕙᑎᑦ, ᐸᒥᐊᓪᓗᐊᑕᓗ ᑐᓐᓄᖏᒃ, ᐃᕐᕋᕕᖏᑕᓗ ᐃᓗᖏᑦ, ᑎᖑᖓᑕᓗ ᐱᐅᓂᖓ, ᑕᕐᑐᖏᒡᓗ ᐃᒡᓗᒃᑐᑦ ᑕᕐᑐᕈᑎᖏᑦ ᐱᖃᓯᐅᑎᓗᒋᑦ, ᒥᒥᖓᓗ ᑕᓕᕐᐱᐊ. (ᑎᓕᔭᐅᓂᕐᒧᑦ ᑖᓐᓇ ᓰᐱ ᑐᓂᕐᕈᑎᒋᔭᐅᖕᒪᑦ).

ᒨᓯᓯ ᐂᑉᐸᖏᑦ 29:24

ᑕᒪᒃᑯᐊᓕᒫᓪᓗ ᐂᕉᓂᒧᑦ ᐃᕐᓂᖏᓐᓄᓪᓗ ᑐᓂᔭᒃᓴᕆᕙᑎᑦ, ᑖᒃᑯᐊ ᑎᒍᓯᓗᑎᒃ ᑖᒃᑯᓂᖓ ᐃᓴᐅᑎᓗᒋᑦ ᓄᓗᕋᕈᑎᒋᓗᒋᓪᓗ ᑐᓂᓯᖁᓪᓗᒋᑦ ᐊᑕᓂᕐᒧᑦ.

ᒨᓯᓯ ᐂᑉᐸᖏᑦ 29:26

“ᑖᑦᓱᒪᓕ ᑐᓂᕐᕈᑕᐅᔫᑉ ᓰᐱᐅᑉ ᐊᖑᓴᓪᓗᖓᑕ ᓴᑭᐊᖏᑦ ᐲᕐᓗᒋᑦ ᑐᓂᕐᕈᑎᒋᔭᒃᓴᕆᕙᑎᑦ ᐊᑕᓂᕐᒧᑦ ᐃᓴᐅᑎᓗᒋᑦ ᓄᓗᕋᐅᑎᒋᓗᒋᓪᓗ; ᑖᒃᑯᐊᓕ ᐃᕝᕕᑦ ᓂᕿᒃᓴᕐᑖᕆᔭᒃᓴᕆᕙᑎᑦ.

ᐂᓮᐊᓯᐅᑉ ᐊᒡᓚᖏᑦ 53:10

ᐊᑕᓂᐅᓪᓕ ᐱᔪᒪᔭᕆᓚᐅᕐᒪᒍ ᑎᒡᓘᔭᓕᕐᑎᑕᐅᓚᐅᕐᐳᖅ; ᕿᒃᓵᖕᓇᕐᑐᒦᑎᑕᐅᓪᓗᓂ; ᐃᒻᒥᓂᒃ ᑐᓂᕐᕈᓯᐅᑎᓪᓗᓂ ᐊᔪᕐᑐᓕᓂᕐᓄᑦ, ᑭᖑᕚᒥᓂᒡᓕ ᑕᑯᔪᒫᕆᕗᖅ, ᐃᓅᓯᖓᓗ ᐅᐃᒍᔭᐅᔪᒫᕐᐳᖅ; ᐊᑕᓂᐅᓪᓗ ᐱᔪᒪᔭᖓ ᐊᔪᖏᑦᓯᐊᕐᓗᓂ ᐱᓇᓱᐊᕈᑎᒋᔪᒫᕐᐹ.

ᒨᓯᓯ ᐱᖓᔪᖏᑦ 14:10

“ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 14:11

ᑐᓂᕐᕈᓯᕐᑎᑦᓯᔨ ᑖᑦᓱᒥᖓ ᑲᒪᔫᑉ ᑖᒃᑯᐊ ᐋᑕᒃᓴᕆᕔᑦ, ᓴᓗᒻᒪᕐᑎᑕᐅᔪᕐᓗ ᑐᓂᕐᕈᑎᒃᓴᖏᓪᓗ ᐊᑕᓂᕐᒧᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᒨᓯᓯ ᐱᖓᔪᖏᑦ 14:19

“ᑐᓂᕐᕈᓯᕐᑎᑦᓯᔨ ᑐᓂᕐᕈᓯᕆᐊᖃᕐᐳᖅ ᐊᔪᕐᓂᖅ ᐱᓪᓗᒍ ᓴᓗᒻᒪᕐᓴᕐᑕᐅᔪᖅ ᐃᓱᒪᒋᔪᓐᓁᕐᕕᐅᖁᓪᓗᒍ ᓴᓗᒤᓐᓂᕐᒥᑦ. ᑭᖑᓂᖓᒍᑦ ᑐᓂᕐᕈᑎᒃᓴᖅ ᐃᑯᐊᓚᒐᒃᓴᖅ ᑐᖁᑕᒃᓴᕆᕚ.

ᒨᓯᓯ ᐱᖓᔪᖏᑦ 5:15

“ᐃᓄᐃᑦ ᓇᓪᓕᐊᑦ ᐱᖁᔭᒥᒃ ᓱᕅᒃᐸᑦ ᐊᔪᕐᑐᓕᒃᐸᓪᓗ ᐱᔮᕆᖏᓪᓗᓂ ᐊᑕᓂᐅᑉ ᐃᑦᔪᕐᓁᑎᑕᖏᓐᓂᒃ ᓇᓪᓕᐊᓐᓂᑐᐃᓐᓇᖅ, ᑖᓐᓇ ᑍᒤᓕᐅᕐᑐᖅ ᐊᑕᓂᕐᒧᑦ ᕾᑦᓯᔪᒃᓴᐅᕗᖅ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒥᓂᒃ ᓰᐲᑦ ᐊᖑᓴᓪᓗᖓᓂᒃ, ᐆᒪᔪᕐᓗ ᑖᓐᓇ ᖃᓄᐃᓐᓂᖃᖏᑦᓯᐊᕐᓗᓂ ᐊᑭᖃᓪᓗᐊᕐᓗᓂᓗ ᑐᒃᓯᐊᕐᕕᖕᒧᑦ ᐊᑭᒋᔭᐅᕙᒃᑐᑎᑐᑦ. ᐸᓯᔭᒃᓴᐅᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ.