ᒨᓯᓯ ᐱᖓᔪᖏᑦ 14:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ “ᐅᓪᓗᑦ 8ᖓᓐᓂ ᕾᑎᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖏᖕᓂᒃ ᐊᖑᑏᖕᓂᒃ ᒪᕐᕉᖕᓂᒃ ᐊᑕᐅᓯᕐᒥᒡᓗ ᓰᐱᐅᑉ ᓄᕐᕋᖓᓂᒃ ᐊᕐᓇᒥᒃ, ᐊᑐᓂᑦ ᐊᑕᐅᓯᕐᒥᒃ ᐊᕐᕌᒍᖃᕐᓗᑎᒃ, ᐊᑐᓂᓪᓗ ᖃᓄᐃᓐᓂᖃᖏᑦᓯᐊᕐᓗᑎᒃ, ᐃᓚᖃᕐᓗᑎᒡᓗ ᓂᐊᖂᔭᕐᒥᒃ, ᐅᕐᓱᒥᒡᓗ ᐅᖁᒤᓐᓂᖃᕐᑐᒥᒃ ᐊᑕᐅᓯᕐᒥᒃ ᓇᑉᐸᕐᒥᒡᓗ.

ᒨᓯᓯ ᐱᖓᔪᖏᑦ 14:10 Iomraidhean Croise

ᒨᓯᓯ ᐂᑉᐸᖏᑦ 29:40

ᓯᕗᓪᓕᖅ ᓰᐱᐅᑉ ᓄᕐᕋᖓ ᑐᓂᕐᕈᑎᒋᓕᕈᕕᐅᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ ᐅᖁᒤᓐᓂᖃᕐᑐᒥᒃ 1ᑭᓗᒍᕌᒻᒥᒃ ᐃᓚᔭᒃᓴᕆᕙᑦ ᓇᐹᕐᑑᓪᓗ ᐅᕐᓱᖓᓂᒃ ᐃᓚᓗᒍ 1ᓖᑕᒥᒃ. ᐸᐅᕐᖎᓪᓗ ᐃᑦᑎᖓᓂᒃ 1ᓖᑕᒥᒃ ᐊᖏᓂᓕᖕᒥᒃ ᖄᖓᒍᑦ ᑯᕝᕕᕆᔭᒃᓴᕆᕙᑦ.

ᒨᓯᓯ ᐱᖓᔪᖏᑦ 1:10

“‘ᑐᓂᕐᕈᑎᒃᓴᕐᓕ ᒥᑭᓐᓂᕐᓴᐅᒃᐸᑦ, ᓰᐱᓘᓐᓃᑦ ᒎᑦᓯᓘᓐᓃᑦ ᑐᓂᕐᕈᓯᕐᓂᐊᕐᑐᖅ ᑐᓂᕐᕈᓯᕐᑐᒃᓴᐅᕗᖅ ᐊᖑᓴᓪᓗᕐᒥᒃ ᖃᓄᐃᓐᓂᖃᖏᑦᑐᒥᒃ.

ᒨᓯᓯ ᐱᖓᔪᖏᑦ 1:3

ᑐᓂᕐᕈᑎᒃᓴᖅ ᐆᑕᒃᓴᖅ ᐃᒻᒧᒃᓯᐅᒐᐅᒃᐸᑦ, ᐊᖑᓴᓪᓘᔪᒃᓴᐅᕗᖅ ᖃᓄᐃᑦᔪᑎᖃᖏᑦᓯᐊᕐᓗᓂ. ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᓄᐊᕐᑕᐅᔭᕆᐊᖃᕐᐳᖅ ᑕᑯᔭᐅᖁᓪᓗᒍ ᐊᑕᓂᕐᒧᑦ ᓈᒻᒪᒋᔭᐅᖕᒪᖔᑦ.

ᒨᓯᓯ ᐱᖓᔪᖏᑦ 14:11

ᑐᓂᕐᕈᓯᕐᑎᑦᓯᔨ ᑖᑦᓱᒥᖓ ᑲᒪᔫᑉ ᑖᒃᑯᐊ ᐋᑕᒃᓴᕆᕔᑦ, ᓴᓗᒻᒪᕐᑎᑕᐅᔪᕐᓗ ᑐᓂᕐᕈᑎᒃᓴᖏᓪᓗ ᐊᑕᓂᕐᒧᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᒨᓯᓯ ᐱᖓᔪᖏᑦ 14:12

ᑐᓂᕐᕈᓯᕐᑎᑦᓯᔨᐅᑉ ᓰᐱᐅ ᓄᕐᕋᖓ ᐊᖑᑎᐅᑉ ᐱᖃᑖ ᑐᓂᕐᕈᑎᒋᔭᕆᐊᖃᕐᐹ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᖅ ᐱᑦᔪᑎᒋᓪᓗᒍ, ᐅᕐᓱᖅ ᐊᑕᐅᓯᕐᒥᒃ ᓇᑉᐸᕐᒥᒡᓗ ᐅᖁᒤᓐᓂᓕᒃ ᐱᖃᓯᐅᑎᓗᒍ; ᑖᒃᑯᐊ ᐊᐅᓪᓚᕐᑎᓪᓗᒋᑦ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᐅᑉ ᓵᖓᓂ.

ᒨᓯᓯ ᐱᖓᔪᖏᑦ 14:15

ᑐᓂᕐᕈᓯᕐᑎᑦᓯᔨᐅᑉ ᐃᑎᒪᓂ ᓴᐅᒥᓂ ᑯᕝᕕᕆᔭᕆᐊᖃᕐᐹ ᐅᕐᓱᒥᒃ,

ᒨᓯᓯ ᐱᖓᔪᖏᑦ 14:21

“ᐃᓄᒡᓕ ᐊᒃᓱᔫᒃᐸᑦ, ᑕᒪᒃᑯᓂᖓᓗ ᐱᔪᓐᓇᖏᓪᓗᓂ, ᕾᑦᓯᔭᕆᐊᖃᕐᐳᖅ ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐸᓯᔭᒃᓴᐅᓂᕐᒧᑦ ᐊᑭᓕᐅᑎᒃᓴᒧᑦ ᑐᓂᕐᕈᑎᒃᓴᒥᒃ, ᐊᐅᓪᓚᕐᑎᑕᐅᓗᓂ ᑐᓂᕐᕈᑎᒃᓴᒥᒃ ᐃᓱᒪᒋᔪᓐᓁᕐᕕᐅᖁᓪᓗᒍ, ᐃᓚᖃᕐᓗᒍ ᐆᒃᑑᑎᐅᑉ ᐊᑕᐅᓯᐅᑉ ᓇᑉᐸᖓᑐᑦ ᐅᑯᒤᑎᒋᔪᒥᒃ ᓂᐊᖂᔭᕐᒥᒃ ᐅᕐᓱᒥᒃ ᐃᓚᓯᒪᔪᒥᒃ, ᓂᐊᖂᔭᒃᓴᖅ ᑐᓂᕐᕈᑎᒃᓴᒥᒃ ᐆᒃᑑᑎᒥᒡᓗ ᓇᑉᐸᐅᑉ ᓇᑉᐸᖓᓂᒃ ᐅᕐᓱᒥᒃ,

ᒨᓯᓯ ᐱᖓᔪᖏᑦ 2:1

“‘ᑐᓂᕐᕈᓯᕆᐊᕐᑐᕐᑐᖃᕐᐸᑦ ᓂᐊᖂᔭᒃᓴᓂᒃ ᐱᕈᕐᑐᓂᒃ ᐊᑕᓂᕐᒧᑦ ᑐᓂᕐᕈᑎᒃᓴᖓ ᓂᐊᖂᔭᒃᓴᐅᔭᕆᐊᖃᕐᐳᖅ ᓯᖃᓪᓕᓯᒪᑦᓯᐊᕐᓗᓂ, ᐅᕐᓱᒥᒃ ᑯᕝᕕᕆᓗᓂᐅᒃ ᐃᓯᕐᓗᐊᕐᓂᑎᑕᒃᓴᒥᒃ ᐃᓐᓯᓐᓯᒥᒃ ᐃᓚᓗᓂᐅᒃ,

ᒨᓯᓯ ᐱᖓᔪᖏᑦ 2:11

“‘ᑐᓂᕐᕈᑎᒃᓮᑦ ᓂᐊᖂᔭᑦ ᐊᑕᓂᕐᒧᑦ ᑐᓂᔭᓯ ᓴᓇᓯᒪᔭᕆᐊᖃᕐᐳᑦ ᐳᕙᓪᓚᕐᓴᐅᑎᖃᖏᓪᓗᑎᒃ, ᐳᕙᓪᓚᕐᓴᐅᑏᑦ ᐊᒻᒪᓗ ᕼᐊᓃᑦ ᑐᓂᕐᕈᑎᒃᓴᒧᑦ ᐃᓚᒋᔭᐅᑎᓪᓗᒋᑦ ᐃᑭᑕᐅᔭᕆᐊᖃᖏᒻᒪᑎᒃ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᒥ ᐃᑯᒪᒧᑦ.

ᒨᓯᓯ ᐱᖓᔪᖏᑦ 2:13

ᓂᐊᖂᔭᑦ ᑐᓂᕐᕈᑎᑎᑦ ᒪᒪᕐᓯᑎᑦᓴᕆᐊᖃᕐᐸᑎᑦ ᑕᕆᐅᕐᒧᑦ, ᑕᕆᐅᖃᖏᑦᑐᓕᐅᕐᓂᐊᕐᓇᒃ ᒎᑎᕕᑦ ᐊᖏᖃᑎᒌᒍᑎᖓᓂ ᑐᓂᕐᕈᑎᒃᓴᕐᓂᑦ ᓂᐊᖂᔭᒃᓴᒥᑦ; ᑐᓂᕐᕈᑎᓕᒫᑎᑦ ᑕᕆᐅᓕᕆᐊᖃᕐᐸᑎᑦ.

ᒨᓯᓯ ᐱᖓᔪᖏᑦ 23:13

ᐃᓚᓗᒍ ᓂᐊᖂᔭᒥᒃ ᐅᖁᒤᓐᓂᖃᕐᑐᒥᒃ 2ᑭᓗᒍᕌᒻᒥᒃ ᐸᐅᕐᖎᑦ ᐅᕐᓱᖓᓂᒃ ᐃᓚᓗᒍ, ᑖᒃᑯᐊ ᑐᓂᔭᐅᔭᕆᐊᖃᕐᐳᖅ ᐃᑯᐊᓚᑦᓯᓂᒃᑯᑦ, ᑎᐱᖓ ᐊᑕᓂᐅᑉ ᒪᒪᕆᖕᒪᒍ. ᐃᓚᖃᕆᐊᖃᕆᕗᖅ ᐃᒥᒐᒃᓴᒥᒃ ᑐᓂᕐᕈᑎᒥᒃ ᕔᓂᒥᒃ 1ᓖᑕᒥᒃ ᐊᖏᓂᖃᕐᑐᒥᒃ.

ᒨᓯᓯ ᐱᖓᔪᖏᑦ 4:32

ᓰᐱᐅᓪᓕ ᓄᕐᕋᖓᓂᒃ ᑐᓂᕐᕈᑎᒃᓴᖃᕐᐸᑦ ᐊᔪᕐᑐᓕᓂ ᐱᓪᓗᒍ, ᑐᓂᕐᕈᑎᒃᓴᖃᕐᑐᒃᓴᐅᕗᖅ ᐊᕐᓇᓪᓗᖕᒥᒃ ᖃᓄᐃᓐᓂᖃᖏᑦᓯᐊᕐᑐᒥᒃ.

ᒨᓯᓯ ᐱᖓᔪᖏᑦ 9:1

ᐅᓪᓗᐃᑦ 8ᖓᓐᓂ ᒨᓯᓯᐅᑉ ᐂᕉᓂ ᕾᖁᕚ ᐃᕐᓂᖏᓪᓗ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ.

ᒨᓯᓯ ᓯᑕᒪᖏᑦ 28:20

ᑖᒃᑯᓄᖓ ᐃᓚᒋᔭᐅᔭᕆᐊᓖᑦ, ᓂᐊᖂᔭᒃᓴᖅ ᓯᖃᓪᓕᑦᓯᐊᕐᓯᒪᔪᖅ ᐅᕐᓱᒥᒃ ᐃᓚᖃᕐᓗᒍ: ᐆᒃᑑᑦ 3/10ᐃᕝᕙ ᐃᒻᒧᒃᓯᐅᒐᒧᑦ, 2/10ᐃᕝᕙ ᓰᐱᐅᑉ ᐊᖑᓴᓪᓗᖓᓄᑦ;

ᒨᓯᓯ ᓯᑕᒪᖏᑦ 6:14

ᑖᓐᓈ ᐊᑕᓂᕐᒧᑦ ᑐᓂᕐᕈᓯᕐᑐᒃᓴᐅᕗᖅ: ᓰᐱᐅᑉ ᓄᕐᕋᖓᓂᒃ ᐊᖑᒻᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐆᑕᒃᓴᒧᑦ ᑐᓂᕐᕈᑎᒋᓗᒍ, ᓰᐱᐅᓪᓗ ᓄᕐᕋᖓᓂᒃ ᐊᕐᓇᒥᒃ ᐊᑕᐅᓯᕐᒥᒃ ᐊᕐᕌᒍᖃᕐᑐᒥᒃ, ᓴᓗᒤᓐᓂᖃᖏᑦᑐᒥᒃ, ᐊᔪᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ, ᓰᐱᒥᒡᓗ ᐊᖑᓴᓪᓗᕐᒥᒃ ᓴᓗᒤᓐᓂᖃᖏᑦᑐᒥᒃ ᐃᓅᖃᑎᒌᑦᓯᐊᕐᓂᖅ ᐱᓪᓗᒍ ᑐᓂᕐᕈᓯᕐᓗᓂ.

ᒨᓯᓯ ᓯᑕᒪᖏᑦ 7:43

ᑐᓂᕐᕈᓯᓚᐅᕐᐳᖅ ᐸᓕᐊᕐᒥᒃ ᓯᐅᓪᕕᕆᒥᒃ, ᐅᖁᒤᓐᓂᖃᕐᑐᒥᒃ 3 1/4 ᐸᐅᓐᒥᒃ, ᐅᐊᓴᕐᕕᖕᒥᒡᓗ ᓯᐅᓪᕕᕆᒥᒃ ᐅᖁᒤᓐᓂᖃᕐᑐᒥᒃ 1 1/4 ᐸᐅᓐᒥᒃ, ᐅᖁᒤᓐᓂᕐᓂᐊᕈᑎᑦ ᐃᑦᔪᕐᓁᑦᑐᕕᖕᒥ ᒪᓕᒡᓗᒋᑦ, ᑖᒃᑯᐊᓕᒫᑦ ᑕᑕᑉᐳᒃ ᓂᐊᖂᔭᒃᓴᒥᒃ ᓯᖃᓪᓕᑦᓯᐊᕐᓯᒪᔪᒥᒃ, ᐅᕐᓱᒥᒃ ᐃᓚᓯᒪᓪᓗᒍ ᓂᐊᖂᔭᒃᓴᐅᑉ ᑐᓂᕐᕈᑕᐅᓂᖓᓄᑦ;

ᒫᑎᐅᓯᐅᑉ ᐊᒡᓚᖏᑦ 8:4

ᑕᕝᕙ ᔩᓱᓯᐅᑉ ᐅᖃᐅᑎᕚ, “ᐃᒃᐱᒍᓱᑦᓯᐊᕆᑦ! ᓇᓪᓕᐊᓐᓄᑐᐃᓐᓇᖅ ᐅᓂᒃᑳᕐᑍᓕᒋᑦ; ᑐᓂᕐᕈᓯᕐᑎᑦᓯᔨᒧᓪᓕ ᐂᓕᕆᑦ ᖃᐅᔨᓴᕐᑕᐅᓂᐊᕋᕕᑦ; ᐃᓄᖕᓄᑦ ᖃᐅᔨᔭᐅᑦᓯᐊᖁᓪᓗᑎᑦ ᐋᖅᑭᒃᑕᐅᓂᕐᓂᒃ, ᒨᓯᓯᐅᑉ ᑐᓂᓯᖁᔨᓂᖓ ᒪᓕᒡᓗᒍ ᑐᓂᕐᕈᓯᕆᐊᕐᑐᓕᕆᑦ.”

ᒫᑯᓯᐅᑉ ᐊᒡᓚᖏᑦ 1:44

“ᑕᒪᓐᓇ ᑭᓇᑐᐃᓐᓇᕐᒧᑦ ᐅᖃᐅᓯᕆᑦᑍᓕᒍᒃ; ᑐᒃᓯᐊᕐᕕᒡᔪᐊᒥᓕ ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ, ᑖᑦᓱᒧᖓ ᖃᐅᔨᓴᕐᑕᐅᓂᐊᕋᕕᑦ; ᐃᓄᓕᒫᓄᑦ ᖃᐅᔨᔭᐅᖁᓪᓗᑎᑦ ᐋᖅᑭᒃᑕᐅᑦᓯᐊᕐᓂᕐᓂᒃ, ᒨᓯᓯᐅᑉ ᑐᓂᔭᐅᖁᔭᖓᓂᒃ ᑐᓂᕐᕈᓯᕐᓂᐊᕐᐳᑎ.”

ᓘᑲᓯᐅᑉ ᐊᒡᓚᖏᑦ 5:14

ᐃᓂᕐᑎᕐᐹ, ᑭᓇᑐᐃᓐᓇᕐᒧᑦ ᐅᖃᖁᓇᒍ; ᐅᖃᐅᑎᓪᓗᒍ, “ᑐᓂᕐᕈᓯᕐᑎᑦᓯᔨᒧᑦ ᐂᓕᕆᑦ ᖃᐅᔨᓴᕐᓂᐊᕐᒪᑎᑦ, ᑐᓂᕐᕈᑎᒃᓴᒥᒡᓗ ᐋᖅᑭᒃᑕᐅᓂᕐᓄᑦ ᑐᓂᕐᕈᓯᓗᑎᑦ, ᒨᓯᓯᐅᑉ ᐱᖁᔨᓂᖓ ᒪᓕᒡᓗᒍ, ᐃᓄᖕᓄᑦ ᖃᐅᔨᑦᔪᑕᐅᖁᓪᓗᒍ ᐋᖅᑭᒃᑕᐅᓂᕐᓂᒃ.”

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᔪᐊᓇᓯᐅᑉ ᐊᒡᓚᖏᑦ 6:33

ᑕᕝᕙ ᒎᑎᐅᑉ ᓂᐊᖂᔭᖁᑎᖓ ᑖᓐᓇᐅᕗᖅ ᕿᓚᖕᒥᑦ ᑎᑭᑦᑐᖅ, ᐃᓅᓯᕐᒥᒡᓗ ᑐᓂᓯᔪᖅ ᓯᓚᕐᔪᐊᕐᒥᐅᓄᑦ.”

ᔪᐊᓇᓯᐅᑉ ᐊᒡᓚᖏᑦ 6:51

ᐅᕙᖓ ᓂᐊᖂᔭᐅᕗᖓ ᐆᒪᔪᖅ ᕿᓚᖕᒥᑦ ᐱᓯᒪᔪᖅ; ᑭᓇᑐᐃᓐᓇᖅ ᑕᕝᕙᓐᖓᑦ ᓂᐊᖂᔭᑐᕐᑐᖅ, ᐃᓅᓯᖃᓕᕐᓂᐊᕐᐳᖅ ᐃᓱᖃᖏᑦᑐᒧᑦ; ᓂᐊᖂᔭᕐᓗ ᑐᓂᓂᐊᕐᑕᕋ ᐃᓅᓯᖃᓕᕐᑎᑦᑎᔪᓇᕐᐳᖅ ᓯᓚᕐᔪᐊᕐᒥᐅᓂᒃ, ᑖᓐᓇ ᑕᑉᕙ ᑎᒥᒐ.”

ᐲᑦᑐᕉᓯ ᓯᕗᓪᓖᑦ 1:19

᙭ᔅᑑᓯᐅᑉ ᐊᐅᖓᑕ ᐊᑭᑐᔪᕐᔪᐊᑉ ᑐᓂᕐᕈᑕᐅᓂᖓᒍᑦ, ᓰᐱᐅᑉ ᓄᕐᕋᖓᑐᑦ ᐱᐅᖏᓐᓂᖃᖏᑦᑐᑐᑦ ᓇᕐᕈᓇᕐᓂᖃᖏᑐᑐᓪᓗ.