ᒨᓯᓯ ᐱᖓᔪᖏᑦ 12:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ “ᐊᕐᓇᐅᑉ ᓴᓗᒻᒪᕐᓴᕐᑕᐅᕕᖏᑦ ᐅᓪᓗᑦ ᓈᒃᐸᑕ, ᐃᕐᓂᕐᑖᓚᐅᕈᓂᓘᓐᓃᑦ ᐸᓂᒃᑖᓚᐅᕈᓂᓘᓐᓃᑦ, ᑐᓂᕐᕈᓯᕐᑎᑦᓯᔨᒧᑦ ᐋᑦᓯᔪᒃᓴᐅᕗᖅ ᑐᐱᕐᒧᑦ ᑲᑎᒪᕕᖕᒧᑦ, ᓰᐱᐅᑉ ᓄᕐᕋᖓᓂᒃ ᐊᕐᕌᒍᖃᕐᑐᒥᒃ ᐊᑕᐅᓯᕐᒥᒃ ᐃᑯᐊᓪᓚᓗᒍ ᑐᓂᕐᕈᑎᒃᓴᒥᒃ, ᐱᐊᕋᕕᓂᕐᒥᒡᓗ ᑎᖕᒥᐊᒥᒃ ᐱᑦᔭᓐᒥᒃ, ᐅᕝᕙᓗ ᑑᕕᒥᒃ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᒥᒃ.

ᒨᓯᓯ ᐱᖓᔪᖏᑦ 12:6 Iomraidhean Croise

ᒨᓯᓯ ᓯᕗᓪᓖᑦ 15:9

ᐊᑕᓂᐅᑉ ᑭᐅᕚ, “ᐃᒻᒧᒃᓯᐅᒐᕐᒥᒃ ᕾᑦᓯᓚᐅᕆᑦ, ᐱᖓᓱᓂᒃ ᐊᕐᕌᒍᓕᖕᒥᒃ, ᒎᑦᓯᒥᒡᓗ ᐊᕐᓇᓪᓗᖕᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᓰᐱᒥᒡᓗ ᐊᖑᓴᓪᓗᕐᒥᒃ ᐱᖓᓱᓂᒃ ᐊᕐᕌᒍᓕᖕᒥᒃ, ᑑᕕᒥᒡᓗ ᐊᕿᒡᒋᐅᔮᕐᑐᒥᒡᓗ ᐱᐊᕋᕕᓂᕐᒥᒃ.”

ᒨᓯᓯ ᐱᖓᔪᖏᑦ 12:2

ᐃᓴᕆᐊᓕᒥᐅᑦ ᐃᒫᒃ ᐅᖃᐅᑎᒃᑭᑦ: “ᐊᕐᓇᖅ ᓄᑕᕋᒃᓴᖃᕐᐸᑦ ᐃᕐᓂᒃᐸᓪᓗ ᐃᕐᓂᕐᒥᒃ ᐃᓕᖅᑯᓯᖅ ᒪᓕᒡᓗᒍ ᓴᓗᒤᑦᑑᓂᐊᕐᐳᖅ ᐅᓪᓗᓂᒃ 7ᓂᒃ, ᑍᒫᒃᑕᐅᖅ ᓴᓗᒤᑦᑑᕙᖕᒪᑦ ᑕᖅᑭᑕᒫᑦ ᐊᐅᓈᕌᖓᒥ.

ᒨᓯᓯ ᐱᖓᔪᖏᑦ 12:5

“ᐸᓂᖕᒥᒡᓕ ᓄᑕᕋᕐᑖᕐᐸᑦ, ᐅᓪᓗᓂᒃ 14ᓂᒃ ᓴᓗᒤᑦᑑᓂᐊᕐᐳᖅ, ᓲᕐᓗᑦᑕᐅᖅ ᑕᖅᑭᑕᒫᑦ ᐊᐅᓈᕐᐸᖕᓂᕐᒥᑐᑦ. ᑭᖑᓂᖓᒍᓪᓗ ᐅᑕᖅᑭᔭᕆᐊᖃᕐᐳᖅ ᐅᓪᓗᓂᒃ 66ᓂᒃ ᓴᓗᒻᒪᕐᓴᕐᑕᐅᕕᒃᓴᒥᓂᒃ ᐊᐅᓈᕐᓂᕐᒥᓂᑦ.

ᒨᓯᓯ ᐱᖓᔪᖏᑦ 12:7

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᑎᒋᔭᕆᐊᖃᕐᐰᑦ ᐊᑕᓂᕐᒧᑦ ᐊᕐᓇᖅ ᐃᓱᒪᒋᔪᓐᓁᕐᕕᐅᖁᓪᓗᒍ, ᑍᒫᒃ ᐊᕐᓇᖅ ᐃᓕᖅᑯᓯᖅ ᒪᓕᒡᓗᒍ ᓴᓗᒪᓂᕋᕐᑕᐅᓕᕐᓂᐊᕐᐳᖅ ᐊᐅᓈᕐᓂᕆᓚᐅᕐᑕᒥᓂᑦ. ᑕᒪᒃᑯᐊ ᑕᕝᕙ ᒪᓕᒊᑦ ᐊᕐᓇᖅ ᐃᕐᓂᓚᐅᕐᑎᓪᓗᒍ ᐃᕐᓂᕐᒥᒡᓘᓐᓃᑦ ᐸᓂᖕᒥᒡᓘᓐᓃᑦ.

ᒨᓯᓯ ᐱᖓᔪᖏᑦ 14:22

ᒪᕐᕉᖕᓂᒡᓗ ᑑᕖᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ ᑖᑦᓱᒪ ᐱᔪᓐᓇᕐᑕᖏᖕᓂᒃ, ᐱᖃᑖ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐱᖃᑖᓗ ᐃᑯᐊᓪᓚᒃᑎᑕᐅᓗᓂ ᑐᓂᕐᕈᑎᒃᓴᐅᓗᓂ.

ᒨᓯᓯ ᐱᖓᔪᖏᑦ 15:14

ᐅᓪᓗᑦ 8ᖓᓐᓂ ᐱᔭᕆᐊᖃᕐᐳᖅ ᑐᕕᖕᓂᒃ ᒪᕐᕉᖕᓂᒃ ᐅᕝᕙᓘᓐᓃᑦ ᒪᕐᕉᖕᓂᒃ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᐱᐊᕋᕕᓃᖕᓂᒃ, ᕾᓗᓂᓗ ᐊᑕᓂᐅᑉ ᓵᖓᓄᑦ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓄ, ᑐᓂᓗᒋᓪᓗ ᑖᒃᑯᐊ ᑐᓂᕐᕈᓯᕐᑎᑦᓯᔨᒧᑦ.

ᒨᓯᓯ ᐱᖓᔪᖏᑦ 15:29

ᐅᓪᓗᑦ 8ᖓᓐᓂ ᑑᕖᖕᓂᒃ ᒪᕐᕉᖕᓂᒃ ᐅᕝᕙᓘᓐᓃᑦ ᐊᕿᒡᒋᐅᔮᕐᑑᖕᓂᒃ ᐱᑦᔭᓐᓂᒃ ᒪᕐᕉᖕᓂᒃ ᐱᐊᕋᕕᓃᖕᓂᒃ ᓇᒃᓴᕆᐊᖃᕐᐳᖅ, ᑐᓂᕐᕈᓯᕐᑎᑦᓯᔨᒧᓪᓗ ᑐᓂᓗᒋᒃ ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᖓᓂ.

ᒨᓯᓯ ᓯᑕᒪᖏᑦ 6:10

ᐅᓪᓗᐃᓪᓕ 8ᖓᓂ ᑎᖕᒥᐊᖕᓂᒃ ᒪᕐᕉᖕᓂᒃ ᑑᕕᓂᒃ ᐊᑎᖃᕐᑐᓂᒃ ᐅᕝᕙᓘᓐᓃᑦ ᑎᖕᒥᐊᖕᓂᒃ ᒪᕐᕉᖕᓂᒃ ᐱᑦᔨᓐᓯᓂᒃ ᐊᑎᖃᕐᑐᓂᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᓯᔪᒃᓴᐅᕗᖅ, ᑐᐱᕐᔪᐊᑉ ᑲᑎᒪᕕᐅᑉ ᐅᒃᑯᐊᖓᓂ;

ᓘᑲᓯᐅᑉ ᐊᒡᓚᖏᑦ 2:22

ᔫᓯᐱᐅᑉ ᒥᐊᕆᐅᓪᓗ ᐅᒃᐱᕐᓂᒃᑯᑦ ᓴᓗᒻᒪᕐᑎᑕᐅᕕᒃᓴᖓᑦ ᓇᓪᓕᐅᑎᖕᒪᑦ ᒨᓯᓯᐅᑉ ᐱᖁᔭᖏᑦ ᒪᓕᒡᓗᒋᑦ, ᔩᓱᓯ ᑐᒃᓯᐊᕐᕕᒡᔪᐊᕐᒧᑦ ᐱᑎᑉᐹᑦ ᔨᕉᓴᓕᒻᒧᑦ, ᐊᑕᓂᕐᒧᑦ ᑐᓂᔭᕐᑐᕐᓗᒍ.

ᔪᐊᓇᓯᐅᑉ ᐊᒡᓚᖏᑦ 1:29

ᖃᐅᑎᓪᓗᒍ ᔪᐊᓇᓯᐅᑉ ᔩᓱᓯ ᒥᒃᓯᒧᑦ ᕾᓕᕐᑐᖅ ᑕᑯᒐᒥᐅᒃ, ᐅᖃᕐᐳᖅ, “ᑕᑯᒋᑦ, ᑕᕝᕙ ᒎᑎᐅᑉ ᓄᕐᕋᐅᔭᖁᑎᖓ, ᓄᓇᕐᔪᐊᕐᒥᐅᑦ ᐊᔪᕐᓂᖏᓐᓂᒃ ᐲᔧᔪᖅ!

ᑯᕆᓐᑎᐊᒥᐅᓄᑦ ᐂᑉᐸᖏᑦ 5:21

ᐊᔪᕐᑐᓕᓂᕐᒥᒃ ᖃᐅᔨᓚᐅᕐᓯᒪᖏᑦᑐᖅ ᒎᑎᐅᑉ ᐊᔪᕐᑐᓕᔪᓐᖑᕐᑎᓚᐅᕐᐹ ᐱᑦᔪᑎᒋᓪᓗᑕ, ᐅᕙᒍᑦ ᑖᑦᓱᒨᓇ ᒎᑎᒧᑦ ᐃᓗᐊᕐᑐᓐᖑᕐᑎᑕᐅᖁᓪᓗᑕ.

ᐄᑉᕈᐃᓄᑦ 7:26

ᑍᒤᑦᑐᒥᒃ ᑐᓂᕐᕈᓯᕐᑎᑦᓯᔨᓄᑦ ᐊᖓᔪᖅᑳᕆᔭᑦᑎᓐᓄᑦ ᑭᓐᖒᒪᒋᔭᑦᑎᓐᓂᒃ ᐱᑎᑕᐅᕗᒍᑦ ᑖᑦᓱᒧᖓ ᐃᑦᔪᕐᓁᑦᑐᒧᑦ, ᐸᓯᔭᒃᓴᐅᓂᖃᖏᑦᑐᒥᑦ, ᓴᓗᒪᑦᓯᐊᕐᑐᒥᑦ, ᐊᔪᕐᑐᓕᔪᓄᑦ ᐃᓚᒋᔭᐅᖏᑦᑐᒥᑦ, ᕿᓔᑦ ᐅᖓᑖᓄᑦ ᖁᒻᒧᐊᒃᑎᑕᐅᓯᒪᔪᒥᑦ.