ᒨᓯᓯ ᐱᖓᔪᖏᑦ 10:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ, “ᓄᔭᓯ ᐃᓪᓔᕐᓯᒪᔪᓐᓃᕐᑎᓐᓂᐊᕋᓯᒋᒃ, ᐊᓐᓄᕌᓯᓗ ᐊᓕᖕᓂᐊᕐᓇᒋᑦ, ᑍᒤᓕᐅᕈᑦᓯ ᑐᖁᓂᐊᕆᕗᓯᒃ ᐊᑕᓂᕐᓗ ᓂᓐᖓᐅᒪᓂᐊᕐᐳᖅ ᓄᓇᓕᖕᓄᑦ ᑖᒃᑯᓄᖓ. ᐃᓚᓯᓕ ᐃᓴᕆᐊᓕᒥᐅᓪᓗ ᕿᒃᓵᒍᓐᓇᕐᐳᑦ ᐊᑕᓂᐅᑉ ᐃᑯᒪᒧᑦ ᑐᖁᑕᖏᑦ ᐱᑦᔪᑎᒋᓗᒋᑦ.

ᒨᓯᓯ ᐱᖓᔪᖏᑦ 10:6 Iomraidhean Croise

ᓴᒧᐃᓕ ᐂᑉᐸᖏᑦ 24:1

ᐊᑕᓂᖅ ᓂᓐᖓᒃᑎᑕᐅᓚᐅᕆᕗᖅ ᐃᓴᕆᐊᓕᒥᐅᓄᑦ, ᑍᕕᑎᓗ ᖁᕕᐊᓇᖏᑦᑐᒥᒃ ᓴᖅᑭᑎᑦᓯᑎᓚᐅᕐᐹ ᑖᒃᑯᓄᖓ, ᐅᖃᐅᑎᓪᓗᒍ, “ᐂᓕᕆᑦ ᐃᓴᕆᐊᓕᒥᐅᓪᓗ ᔫᑕᒥᐅᓪᓗ ᐃᓄᖏᑦ ᓈᓴᕆᐊᕐᑐᒃᑭᑦ.”

ᐄᓱᕋᐅᑉ ᐊᒡᓚᖏᑦ 7:5

ᐳᑭ ᐃᕐᓂᕆᔭᐅᕗᖅ ᐊᐱᓱᐊᒧᑦ, ᐊᐱᓱᐊ ᐃᕐᓂᕆᔭᐅᕗᖅ ᐱᓂᕼᐋᓯᒧᑦ, ᐱᓂᕼᐋᓯ ᐃᕐᓂᕆᔭᐅᕗᖅ ᐃᓕᓯᕆᒧᑦ, ᐃᓕᓯᕆ ᐃᕐᓂᕆᔭᐅᕗᖅ ᐂᕉᓂᒧᑦ ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᖓᓐᓄᑦ.

ᒨᓯᓯ ᐂᑉᐸᖏᑦ 33:5

ᐊᑕᓂᖅ ᐅᖃᓚᐅᕐᒪᑦ ᒨᓯᓯᒧᑦ ᐅᖃᐅᑦᔨᖁᓪᓗᒍ ᐃᓴᕆᐊᓕᒥᐅᓂᒃ, “ᐃᓕᑦᓯ ᓯᑎᔪᐊᓘᒐᑦᓯ ᐃᓅᖃᑎᒌᑦ, ᐃᓕᑦᓯᓐᓄᑦ ᐃᓚᒋᔭᐅᓂᐊᕋᓗᐊᕈᒪ ᐊᒡᓛᑦ ᐊᑯᓂᐅᖏᑦᑐᒥᒃ, ᐊᑕᖏᑦᓯᐊᕐᓗᓯ ᓄᖑᑕᐅᑎᒍᓐᓇᕐᐸᑦᓯ. ᒫᓐᓇᓕ ᐱᐅᓴᐅᑎᒐᓚᒃᓯ ᐲᔭᓚᐅᕐᓯᐅᒃ, ᑕᕝᕙ ᐃᓱᒪᑖᕐᓂᐊᕐᐳᖓ ᖃᓄᐃᓕᐅᕐᑐᒃᓴᐅᖕᒪᖔᕐᒪ ᐃᓕᑦᓯᓐᓄᑦ.”

ᒨᓯᓯ ᐂᑉᐸᖏᑦ 6:23

ᐂᕉᓂᓗ ᓄᓕᐊᓂᒃᐳᖅ ᐃᓕᓯᐸᒥᒃ, ᐊᒥᓇᑕᐱᐅᑉ ᐸᓂᖓᓂᒃ ᓈᓲᓂᐅᑉ ᓇᔭᖓᓂᒃ; ᑖᒃᑯᐊᒡᓗ ᕿᑐᕐᖓᕐᑖᓚᐅᕐᐳᒃ ᐅᑯᓂᖓ, ᓁᑖᑉ, ᐊᐱᕼᐅ, ᐃᓕᓯᕆ, ᐃᑕᒫᕐᓗ.

ᔨᕆᒤᐊᐅᑉ ᐊᒡᓚᖏᑦ 7:29

“ᓄᔧᔭᕐᓗᓯ ᓄᔧᔭᕐᓂᑯᓯ ᐃᒋᓪᓗᒋᑦ, ᕿᒃᓵᖕᓂᑦᓯᓐᓂᒃ ᓴᖅᑭᑎᑦᓯᓕᕆᑦᓯ ᐱᖑᐃᑦ ᖄᖏᓐᓂ, ᐊᑕᓂᐅᑉ ᑭᖑᕚᖑᖃᑎᒌᖑᔪᓯ ᖁᔭᓈᕐᒪᓯ ᓂᓐᖓᐅᒪᕕᒋᓕᕐᐹᓯ.

ᒨᓯᓯ ᐱᖓᔪᖏᑦ 13:45

“ᐃᓄᒃ ᑍᒤᑦᑐᒥᒃ ᐸᕐᑎᕐᑐᖅ ᐊᓐᓄᕌᓂᒃ ᐊᓕᒃᑐᕐᓯᒪᔪᓂᒃ ᐊᑐᕐᑐᒃᓴᐅᕗᖅ, ᓄᔭᑉᐱᒋᐊᖃᕐᓗᓂᓗ, ᑮᓇᕐᒥᓗ ᐃᓚᖓ ᐅᓕᒃᓯᒪᔭᕆᐊᖃᕐᐹ, ᓂᓪᓕᐊᕙᒡᓗᓂᓗ, ‘ᓴᓗᒤᑦᑐᖓ! ᓴᓗᒤᑦᑐᖓ!’

ᒤᑲᐅᑉ ᐊᒡᓚᖏᑦ 1:16

ᓄᔧᔭᓕᕆᑦᓯ ᓂᐊᖁᓯ ᓄᔧᕈᑎᓗᒍ ᕿᒃᓵᖕᓂᕐᒧᑦ, ᓄᔧᕈᑎᓕᕆᑦᓯ ᑎᖕᒥᐊᑎᑐᑦ ᑎᒥᕕᓂᕐᑐᓲᑎᑐᑦ, ᕿᑐᕐᖓᓯ ᓇᒡᓕᒋᔭᓯ ᐱᓪᓗᒋᑦ, ᐊᐅᓪᓚᐅᑦᔭᐅᔪᒫᕐᒪᑕ ᑎᒍᔭᐅᓗᑎᒃ.

ᒨᓯᓯ ᓯᑕᒪᖏᑦ 1:53

ᓕᕔᑎᓪᓕ ᑐᐱᕆᐊᖃᕐᐳᑦ ᑐᐱᕐᔪᐊᑉ ᑲᑎᒪᕕᐅᑉ ᖃᓂᒋᔭᖓᓂ, ᐃᓅᖃᑎᒌᒡᔪᐊᑦ ᐃᓴᕆᐊᓕᒥᐅᑦ ᕿᑐᕐᖓᖏᑦ ᓂᓐᖓᐅᑎᔭᐅᖁᓇᒋᑦ; ᓕᕔᑎᓪᓗ ᐊᖓᔪᖅᑳᖑᔭᕆᐊᖃᕐᐳᑦ ᑐᐱᕐᔪᐊᒧᑦ ᑲᑎᒪᕕᖕᒧᑦ.”

ᒨᓯᓯ ᓯᑕᒪᖏᑦ 14:6

ᔮᓱᐊᓕ ᓈᓂᐅᑉ ᐃᕐᓂᖓ ᑬᓚᐱᓗ ᔨᐳᓂᐊᐅᑉ ᐃᕐᓂᖓ, ᓄᓇᒥᒃ ᕿᒥᕐᕈᔭᑐᖃᑕᐅᓚᐅᕐᑑᒃ, ᐊᓐᓄᕌᑎᒃ ᐊᓕᒃᐰᑦ;

ᒨᓯᓯ ᓯᑕᒪᖏᑦ 16:22

ᑖᒃᑯᐊᒃ ᐹᒻᒪᒃᓗᑎᒃ ᓄᓇᒧᑦ ᑐᓪᓗᑎᒃ ᐅᖃᕐᐳᑦ, “ᒎᑎ, ᒎᑎᐅᔪᑎᑦ ᑎᒥᖃᕐᑐᑦ ᐊᓂᕐᓂᖏᓐᓄᑦ, ᐃᓄᒃ ᐊᑕᐅᓯᖅ ᐱᐅᖏᑦᑐᓕᒃᐸᑦ, ᐃᓄᒋᐊᒃᑐᕐᔪᐊᓕᒫᑦ ᓂᓐᖓᐅᑎᔭᕆᐊᖃᕐᐱᒌᑦ?”

ᒨᓯᓯ ᓯᑕᒪᖏᑦ 18:5

ᐃᓕᑦᓯᓕ ᐃᑦᔪᕐᓁᑦᑐᕕᖕᒥ ᐱᔭᕆᐊᓕᖕᓂᒃ ᐱᓕᕆᔭᕆᐊᖃᕐᐳᓯ ᑐᓂᕐᕈᓯᕐᕕᖕᒥᓗ ᐱᔭᕆᐊᓕᖕᓂᒃ, ᐃᓴᕆᐊᓕᒥᐅᑦ ᓇᓪᓕᐊᓪᓘᓐᓃᑦ ᓂᓐᖓᐅᑦᔭᐅᒃᑲᓐᓂᖁᓇᒍ.

ᒨᓯᓯ ᓯᑕᒪᖏᑦ 20:25

ᐂᕉᓂ ᐃᕐᓂᖓᓗ ᐃᓕᓯᕆ ᖃᖅᑲᒧᑦ ᕼᐅᕆᒧᑦ ᒪᔪᕋᖃᑎᒋᒃᑭᒃ;

ᒨᓯᓯ ᓯᑕᒪᖏᑦ 5:18

ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐊᕐᓇᖅ ᐊᑕᓂᐅᑉ ᓵᖓᓂ ᓂᑯᕕᑎᓪᓗᒍ, ᓂᐊᖁᖓᓗ ᐅᓖᕐᓗᒍ ᐃᖅᑲᐅᒪᓂᕐᒧᓪᓗ ᑐᓂᕐᕈᑎ ᑖᑦᓱᒧᖓ ᑐᓂᓗᒍ, ᓂᐊᖂᔭᒃᓴᖅ ᓯᖕᓇᓂᖅ ᐱᓪᓗᒍ ᑐᓂᕐᕈᑎ ᑐᓂᕐᕈᓯᕐᑎᑦᓯᔨ ᐃᒥᕐᒥᒃ ᑎᒍᒥᐊᕆᐊᖃᕐᐳᖅ ᒪᒤᓕᑎᓯᒪᔪᒥᒃ ᐃᑦᔪᕐᓇᕐᑎᑦᓯᔪᒥᒃ.

ᒨᓯᓯ ᑕᓪᓕᒪᖏᑦ 33:9

ᑖᒃᑯᐊ ᐊᑖᑕᒥᖕᓂᒃ ᐊᓈᓇᒥᖕᓂᒡᓗ ᐃᒫᒃ ᐅᖃᐅᓯᖃᓚᐅᕐᐳᑦ, ‘ᑖᒃᑯᐊ ᐃᓱᒪᒋᓐᖏᓚᒃᑲ’; ᖃᑕᓐᖑᑎᑎᒃ ᐃᓚᒋᓂᕋᓐᖏᓔᑦ, ᕿᑐᕐᖓᑎᒡᓗ ᐃᒃᐱᒋᓇᒋᑦ. ᐅᖃᐅᓯᕐᓂᒃ ᒪᓕᑦᓯᐊᓗᐊᒧᑦ, ᐊᖏᖃᑎᒌᖕᓂᒃᑯᑦ ᐅᖃᕐᕕᒋᓯᒪᔭᑎᑦ ᒪᓕᒡᓗᒋᑦ.

ᔮᓱᐊᑉ ᐊᒡᓚᖏᑦ 22:18

ᓇᕐᕈᒋᓕᕐᐱᓯᐅᒃ ᒪᓕᒍᓐᓃᕐᓗᒍᓗ ᒫᓐᓇ ᐊᑕᓂᖅ? ᐊᑭᕋᕐᑐᓕᕐᓂᐊᕈᓯ ᐊᑕᓂᕐᒥᒃ ᐅᓪᓗᒥ ᑕᕝᕙ ᖃᐅᒃᐸᑦ ᓂᓐᖓᒍᒫᕐᐳᖅ ᐃᓴᕆᐊᓕᒥᐅᓕᒫᓄᑦ.

ᔮᓱᐊᑉ ᐊᒡᓚᖏᑦ 22:20

ᐃᖅᑲᐅᒪᕕᓰ? ᐂᑲᓂᐅᑉ ᔨᕋᐅᑉ ᐃᕐᓂᖓᑕ ᐱᖁᔭᒥᒃ ᓈᓚᖏᓐᓂᕆᓚᐅᕐᑕᖓᓂᒃ, ᐃᓴᕆᐊᓕᒥᐅᓕᒫᑦ ᓱᒋᐊᕐᑕᐅᓚᐅᕐᒪᑕ, ᐂᑳᓐᓗ ᐃᓄᑑᓗᓂ ᑐᖁᑕᐅᓚᐅᓐᖏᓚᖅ ᐊᔪᕐᑐᓕᓂᓂ ᐱᓪᓗᒍ.’”

ᔮᓱᐊᑉ ᐊᒡᓚᖏᑦ 7:1

ᐃᓴᕆᐊᓕᒥᐅᑉ ᑎᒍᓯᔪᖃᓚᐅᕐᐳᑦ ᐱᔭᐅᖁᔭᐅᖏᑦᑐᓂᒃ; ᐊᖑᑦ ᐂᑲᓐᒥᒃ ᐊᑎᓕᒃ ᑳᕐᒥᐅᑉ ᐃᕐᓂᖓ, ᑳᕐᒥ ᐃᕐᓂᕆᔭᐅᕗᖅ ᔭᑉᑍᒧᑦ, ᔭᑉᑍ ᐃᕐᓂᕆᔭᐅᕗᖅ ᔨᕋᒧᑦ, ᔫᑕᐅᑉ ᑭᖑᕚᖏᓐᓂᑦ ᐱᔪᖅ, ᑖᓐᓇ ᐂᑲᓐ ᐊᑕᓂᕐᒧᑦ ᑐᓂᔭᐅᓯᒪᔪᓂᒃ ᑎᒍᓯᓚᐅᕐᒪᑦ; ᐊᑕᓂᖅ ᓂᓐᖓᐅᑦᔨᓚᐅᕐᐳᖅ ᐃᓴᕆᐊᓕᒥᐅᓂᒃ.

ᔮᓱᐊᑉ ᐊᒡᓚᖏᑦ 7:11

ᐃᓴᕆᐊᓕᒥᐅᑦ ᐊᔪᕐᑐᓕᓯᒪᖕᒪᑕ! ᓯᖁᒥᑦᓯᓚᐅᕐᒪᑕ ᐊᖏᖃᑎᒌᒍᑎᒋᓚᐅᕐᑕᑦᑎᓐᓂᒃ ᑎᓕᓯᑦᔪᑎᒋᓚᐅᕐᑕᓐᓂᒃ ᑖᒃᑯᓄᖓ; ᑎᒍᓯᓯᒪᖕᒪᑕ ᐱᖁᔭᐅᓚᐅᖏᑦᑐᓂᒃ ᑎᒡᓕᒡᓯᒪᓪᓗᑎᒃ, ᓴᒡᓗᓯᒪᓪᓗᑎᒡᓗ, ᑎᒍᔭᒥᖕᓂᒃ ᐱᖁᑎᒥᖕᓄᑦ ᐃᓚᓕᐅᑦᔨᓯᒪᖕᒪᑕ.