ᒨᓯᓯ ᐱᖓᔪᖏᑦ 10:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᑖᓐᓇ ᓂᕆᓯᐅᒃ ᐃᑦᔪᕐᓁᑦᑑᑉ ᐃᓂᖓᓂ ᑖᓐᓇ ᓂᕿᒃᓴᕆᒐᕕᐅᒃ ᐃᕐᓂᕐᐱᓪᓗ ᓂᕿᒃᓴᕆᖕᒪᑦᔪᒃ ᑖᒃᑯᓇᓐᖓᑦ ᑐᓂᕐᕈᑎᓂᒃ ᐃᑯᐊᓪᓚᒃᑕᐅᓯᒪᔪᓂᒃ ᐊᑕᓂᕐᒧᑦ ᐃᓕᖓᖕᒪᑦ; ᑍᒫᒃ ᑕᕝᕙ ᐱᖁᕙᑦᓯ.

ᒨᓯᓯ ᐱᖓᔪᖏᑦ 10:13 Iomraidhean Croise

ᐃᓯᑭᐊᓕᐅᑉ ᐊᒡᓚᖏᑦ 42:13

ᑕᕝᕙ ᐅᖃᐅᑎᕚᖓ, “ᑖᒃᑯᐊ ᐃᒡᓗᐃᑦ ᐅᓐᓄᐊᓪᓗᐊᑉ ᓇᓛᓃᑦᑐᑦ ᓯᕿᓂᐅᓪᓗ ᓇᓛᓃᑦᑐᑦ ᐃᑦᔪᕐᓁᑦᑑᕗᑦ, ᑖᒃᑯᓇᓂ ᑐᓂᕐᕈᓯᕐᑎᑦᓯᔩᑦ ᐊᑕᓂᐅᑉ ᓇᔪᕐᑕᖓᓄᐊᕐᓂᐊᕐᑐᑦ ᑐᓂᕐᕈᑎᕕᓂᕐᓂᒃ ᐃᑦᔪᕐᓁᓐᓂᕐᐹᓂᒃ ᓂᕆᔪᒃᓴᐅᕗᑦ; ᑐᓂᕐᕈᑏᓪᓗ ᐃᑦᔪᕐᓁᓐᓂᕐᐹᖏᑦ ᑕᕝᕗᓐᖓᕐᑕᐅᕙᖕᓂᐊᕐᐳᑦ ᑐᓂᕐᕈᑕᐅᓯᒪᔪᑦ ᓂᐊᖂᔭᒃᓮᑦ, ᐊᔪᕐᓂᕐᓄᑦ ᑐᓂᕐᕈᑎᕕᓃᑦ, ᐸᓯᔭᒃᓴᐅᓂᕐᒧᓪᓗ ᐊᑭᓕᐅᑎᒃᓴᓄᑦ ᑐᓂᕐᕈᑎᕕᓃᑦ, ᑕᒪᓐᓇ ᐃᑦᔪᕐᓁᑦᑐᒃᑯᕕᐅᖕᒪᑦ.

ᒨᓯᓯ ᐱᖓᔪᖏᑦ 10:12

ᒨᓯᓯᓗ ᐅᖃᕆᕗᖅ ᐂᕉᓂᒧᑦ ᐃᕐᓂᖏᓐᓄᓪᓗ ᐃᓕᓯᕆᒧᑦ ᐃᑕᒫᕐᒧᓪᓗ ᐊᒥᐊᒃᑰᔫᖕᓄᑦ, “ᑎᒍᓯᓕᕆᑦᓯ ᓂᐊᖂᔭᒥᒃ ᑐᓂᕐᕈᑕᐅᓯᒪᔪᒥᒃ ᑐᓂᕐᕈᑎᓂᒃ ᐊᑕᓂᕐᒧᑦ ᐃᑯᐊᓪᓚᒃᑕᐅᓗᑎᒃ ᑐᓂᕐᕈᑎᕕᓂᕐᒥᒃ ᓴᓇᓯᒪᔪᒥᒃ ᐳᕙᓪᓚᕐᓴᐅᑎᖃᖏᑦᑐᒥᒃ ᓂᕆᓗᒍᓗ ᑐᓂᕐᕈᓯᕐᕕᐅᑉ ᓴᓂᐊᓂ, ᑖᓐᓇ ᐃᑦᔪᕐᓁᓐᓂᕐᐹᖑᖕᒪᑦ.

ᒨᓯᓯ ᐱᖓᔪᖏᑦ 10:14

ᑭᓯᐊᓂᓕ ᐆᒪᔫᑉ ᓴᑭᐊᖏᓐᓂᒃ ᐃᕝᕕᓪᓗ ᐃᕐᓂᑎᓪᓗ ᐸᓂᒃᑎᓪᓗ ᐊᐅᓪᓚᕐᑎᑕᐅᓪᓗᓂ ᑐᓂᕐᕈᑕᐅᓯᒪᔪᖅ ᒥᒥᖏᒡᓗ ᑐᓂᕐᕈᑕᐅᓯᒪᔪᖅ ᓂᕆᔭᒃᓴᕆᕙᓯ, ᑖᒃᑯᐊ ᓂᕆᓯᐅᒃ ᐅᒃᐱᕐᓂᐅᑉ ᐃᓕᖅᑯᓯᖓᑕ ᐃᑦᔪᕐᓁᓐᓂᕋᕐᑕᖓᓃᓪᓗᓯ ᑖᒃᑯᐊ ᑐᓂᔭᐅᖕᒪᑕ ᐃᓕᖕᓄᑦ ᕿᑐᕐᖓᕐᓄᓪᓗ ᐃᓴᕆᐊᓕᒥᐅᑦ ᑐᓂᕐᕈᑎᖏᓐᓂᑦ ᐱᔪᑦ.

ᒨᓯᓯ ᐱᖓᔪᖏᑦ 2:3

ᑖᑦᓱᒪᓕ ᑐᓂᕐᕈᑎᐅᑉ ᐊᒥᐊᒃᑯᖓ ᐂᕉᓂᐅᑉ ᐃᕐᓂᖏᑕᓗ ᐱᑖᕆᓂᐊᕐᐹᑦ, ᑖᓐᓇᓗ ᐃᑦᔪᕐᓁᓐᓂᕐᐹᖑᕗᖅ ᑐᓂᕐᕈᑎ ᐊᑕᓂᕐᒧᑦ ᑐᓂᕐᕈᑎᒋᔭᐅᔪᖅ ᐃᑯᒪᒃᑯᑦ.

ᒨᓯᓯ ᐱᖓᔪᖏᑦ 6:16

ᐂᕉᓂᐅᑉ ᐃᕐᓂᖏᑕᓗ ᑖᒃᑯᐊ ᐊᒥᐊᒃᑯᖓ ᓂᕆᔭᒃᓴᕆᕚᑦ, ᓂᕆᔭᐅᔭᕆᐊᖃᕐᐳᕐᓕ ᐳᕙᓪᓚᕐᓴᐅᑎᖃᖏᓪᓗᓂ ᐃᑦᔪᕐᓁᑦᑐᕕᖕᒥ; ᓂᕆᔭᕆᐊᖃᕐᐹᓪᓗ ᑐᐱᐅᑉ ᑲᑎᒪᕕᐅᑉ ᑐᕐᓲᖓᓂ.

ᒨᓯᓯ ᓯᑕᒪᖏᑦ 18:10

ᐃᑦᔪᕐᓁᓐᓂᕐᐹᒥ ᓂᕆᔭᕆᐊᖃᕐᐳᓯ; ᐊᖑᑎᓕᒫᑦ ᓂᕆᔭᕆᐊᖃᕐᐳᑦ. ᑕᒪᓐᓇ ᐃᓕᑦᓯᓐᓄᑦ ᐃᑦᔪᕐᓁᑦᑑᖕᒪᑦ.

ᒨᓯᓯ ᓯᑕᒪᖏᑦ 5:10

ᐊᖑᑎᑦ ᐊᑐᓂᑦ ᐃᑦᔪᕐᓁᑦᑐᖁᑎᓂ ᓇᖕᒥᓂᖅ ᐱᒋᕔᑦ; ᐃᓄᐃᓪᓗ ᓱᓇᑐᐃᓐᓇᕐᒥᒃ ᑐᓂᕐᕈᓯᕐᑎᑦᓯᔨᒧᑦ ᑐᓂᔭᖏᑦ ᑐᓂᕐᕈᓯᕐᑎᑦᓯᔨᐅᑉ ᐱᒋᕔᑦ.’”