ᒨᓯᓯ ᐱᖓᔪᖏᑦ 1:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᑕᕝᕙᓂᓗ ᑐᖁᑕᒃᓴᕆᕚ ᐊᖑᓴᓪᓗᖅ ᐊᑕᓂᐅᑉ ᑕᒃᑯᐊᓂ, ᐂᕉᓂᒃᑯᓐᓂᓪᓗ ᑐᓂᕐᕈᓯᕐᑎᑦᓯᔨᐅᔪᓂᑦ ᐆᒪᔫᑉ ᐊᐅᖓ ᐊᒡᔭᕐᑕᐅᔪᒃᓴᐅᕗᖅ ᓯᕐᐸᕐᓴᐅᑎᒋᓗᒍᓗ ᑐᓂᕐᕈᓯᕐᕕᐅᑉ ᐃᑎᕐᑕᕐᕕᖓᑕ ᐊᕙᓗᖏᓐᓄᑦ ᑐᐱᕐᒥ ᑲᑎᒪᕕᖕᒦᑦᑐᒧᑦ.

ᒨᓯᓯ ᐱᖓᔪᖏᑦ 1:5 Iomraidhean Croise

ᑯᕉᓂᑲ ᐂᑉᐸᖏᑦ 35:11

ᑐᖁᑦᓯᕗᓪᓗ ᖄᖏᕐᑕᐅᕕᒃᓯᐅᕈᑎᒥᒃ ᓄᕐᕋᐅᔭᒥᒃ, ᑐᓂᕐᕈᓯᕐᑎᑦᓯᔩᓪᓗ ᐊᐅᖕᒥᒃ ᓯᕐᐸᕐᓮᕗᑦ ᑐᓂᕐᕈᓯᕐᕕᖕᒧᑦ ᓕᕔᑏᑦ ᐋᒃᑐᕐᐸᓪᓕᐊᔭᖏᓐᓂᒃ.

ᒨᓯᓯ ᐂᑉᐸᖏᑦ 29:11

ᑕᕝᕙᓂᓗ ᐃᒻᒧᒃᓯᐅᒐᐅᑉ ᐸᖕᓂᖓ ᑐᖁᑕᒃᓴᕆᕙᑦ ᐊᑕᓂᐅᑉ ᓵᖓᓂ, ᑐᐱᐅᑉ ᓇᔪᒐᕆᔭᒪ ᐃᑎᕐᑕᕕᖓᓂ.

ᒨᓯᓯ ᐂᑉᐸᖏᑦ 29:16

ᑕᕝᕙᓂᓗ ᑐᖁᑕᒃᓴᕆᕙᑦ, ᐊᐅᖓᓂᓪᓗ ᐱᓗᑎᑦ ᑯᕝᕕᕐᓴᐅᑎᒋᔭᒃᓴᕆᕙᑦ ᑐᓂᕐᕈᓯᕐᕕᐅᑉ ᐊᕙᓗᖏᓐᓄᑦ ᓯᑕᒪᓄᑦ.

ᒨᓯᓯ ᐂᑉᐸᖏᑦ 40:6

ᑐᐱᐅᓪᓗ ᐃᑎᕐᑕᕐᕕᖓᑕ ᑐᑭᐊᓄᑦ ᓯᓚᑖᓄᑦ ᑐᓂᕐᕈᓯᕐᕕᒃ ᐃᑯᐊᓚᑦᓯᕕᒃᓴᖅ ᐋᖅᑭᒃᑕᒃᓴᕆᕙᑦ.

ᐂᓮᐊᓯᐅᑉ ᐊᒡᓚᖏᑦ 52:15

ᐃᓅᖃᑎᒌᒡᔪᐊᓂᒃ ᐅᓄᕐᑐᓂᒃ ᖁᐊᕐᓵᖓᑎᑦᓯᔪᒫᕐᐳᖅ; ᐊᖓᔪᖅᑳᕐᔪᐊᑦ ᓂᓪᓕᕈᓐᓇᕈᒫᓐᖏᓚᑦ ᑕᑕᒥᓐᓂᐊᕈᑎᒋᓗᒍ, ᑖᒃᑯᓄᖓ ᐅᖃᐅᓯᐅᓚᐅᕐᓯᒪᖏᑦᑐᒥᒃ ᑕᑯᔪᒫᕐᒪᑕ, ᑐᓴᓚᐅᕐᓯᒪᓐᖏᑕᒥᖕᓂᒡᓗ ᑐᑭᓯᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 36:25

ᐃᒥᕐᒧᑦ ᓴᓗᒪᔪᒧᑦ ᓯᕐᐸᕐᓴᕈᒫᕐᐸᑦᓯ, ᓴᓗᒻᒪᕈᒫᕐᐳᓯᓗ ᓴᓗᒤᓐᓂᓕᒫᑦᓯᓐᓂᑦ, ᒎᑎᓐᖑᐊᓕᒫᑦᓯᓐᓂᓪᓗ ᓴᓗᒻᒪᕐᓴᕈᒫᕐᐸᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 43:18

ᐅᕙᓐᓄᓪᓗ ᐅᖃᕐᐳᖅ, “ᐃᓅᑉ ᐃᕐᓂᖓ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᐅᑯᐊ ᒪᓕᒃᑕᐅᔪᒃᓴᐅᕗᑦ ᑐᓂᕐᕈᓯᕐᕕᐅᑉ ᐃᑦᔪᕐᓁᑎᑕᐅᓂᒃᓴᖓᓄᑦ: ᐱᔭᕇᕐᑕᐅᒃᐸᑦ ᐅᓪᓗᒥ ᑕᕝᕙᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑦᓯᕕᒋᓗᒍ ᖄᖓᓂ; ᐆᒪᔫᓪᓗ ᐊᐅᖓᓂᒃ ᓯᕐᐸᕐᓴᕐᕕᒋᔭᒃᓴᕆᕙᓯ.

ᒨᓯᓯ ᐱᖓᔪᖏᑦ 1:11

“‘ᑐᓂᕐᕈᓯᕐᓂᐊᕐᑑᑉ ᑐᖁᑕᒃᓴᕆᕚ ᑐᓂᕐᕈᓯᕐᕕᐅᑉ ᐅᓐᓄᐊᓪᓗᐊᖓᑕ ᓇᓛᓂ ᐊᑕᓂᐅᑉ ᑕᒃᑯᐊᓂ, ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖏᑦ ᓯᕐᐸᕐᓴᕈᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 1:15

ᑐᓂᕐᕈᓯᕐᑎᑦᓯᔨᐅᑉ ᑐᓂᕐᕈᓯᕐᕕᖕᒧᐊᕈᑎᔭᕆᐊᖃᕐᐹ ᓂᐊᖁᐊᓗ ᕿᐱᓪᓗᒍ ᐲᕐᓗᒍ ᑐᓂᕐᕈᓯᕐᕕᖕᒥᓗ ᐃᑭᓪᓗᒍ; ᐊᐅᖓ ᑐᓂᕐᕈᓯᕐᕕᐅᑉ ᓴᓂᕌᓄᑦ ᑯᕕᑎᓪᓗᒍ ᐱᔪᒃᓴᐅᕗᖅ.

ᒨᓯᓯ ᐱᖓᔪᖏᑦ 16:15

ᑕᕝᕙ ᑐᖁᑦᓴᕆᐊᖃᕐᐹ ᒎᑦᓯ ᑐᓂᕐᕈᑎᒃᓴᖅ ᐊᔪᕐᓂᖅ ᐱᓪᓗᒍ, ᐃᓄᐃᑦ ᑐᓂᕐᕈᓯᕈᑎᓗᒋᑦ ᐊᐅᖓ ᑖᓗᑕᐅᑉ ᐅᖓᑖᓄᐊᕈᑎᔭᕆᐊᖃᕐᐹ ᑍᒫᒃᑕᐅᖅ ᐃᒻᒧᒃᓯᐅᒐᐅᑉ ᐸᖕᓂᐅᑉ ᐊᐅᖓᑐᑦ ᐱᔭᕆᐊᖃᕐᐹ ᓯᕐᐸᕐᓴᕈᑎᒋᔭᕆᐊᖃᕐᐹ ᐊᖏᖃᑎᒌᖕᓂᐅᑉ ᐃᒃᓯᕐᕕᐅᑉ ᖄᖓᓄᑦ ᓵᖓᓄᓪᓗ.

ᒨᓯᓯ ᐱᖓᔪᖏᑦ 17:11

ᐆᒪᔪᑦ ᓂᕐᔪᑎᐅᑉ ᐊᐅᓂ ᐆᒪᑦᔪᑎᒋᖕᒪᒍ, ᐃᓕᑦᓯᓐᓄᑦ ᑐᓂᒐᒃᑯ ᐃᓱᒪᒋᔪᓐᓁᕐᕕᒋᔪᒪᓪᓗᓯ ᑐᓂᕐᕈᓯᕐᕕᖕᒥ, ᐊᐅᒃ ᐃᓱᒪᒋᔪᓐᓁᕐᕕᖃᕐᑎᑦᓯᖕᒪᑦ ᐃᓅᓯᕐᒥᒃ.

ᒨᓯᓯ ᐱᖓᔪᖏᑦ 3:13

ᐊᒡᒐᓂ ᓂᐊᖁᖓᓄᑦ ᐃᓕᓗᒋᑦ ᑐᖁᓪᓗᒍᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᒎᑦᓯᐅᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:2

ᐆᒪᔪᖅ ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:8

ᐊᒡᒐᓂ ᐃᓕᔭᒃᓴᕆᕔᑦ ᐆᒪᔫᑉ ᓂᐊᖁᐊᓄᑦ ᑐᖁᓪᓗᓂᐅᒡᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᖃᓂᒋᔮᓂ. ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 4:29

ᑖᑦᓱᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 4:33

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐊᔪᕐᑐᓕᓂᖅ ᐱᓪᓗᒍ, ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᖁᑕᐅᕕᒋᕙᒃᑕᖓᓐᓂ.

ᒨᓯᓯ ᐱᖓᔪᖏᑦ 4:7

ᑐᓂᕐᕈᓯᕐᑎᑦᓯᔨᐅᑉ ᑕᕝᕙ ᐊᐅᑉ ᐃᓚᖓᓄᑦ, ᑎᐱᑦᓯᐊᕆᒃᑐᒥᒃ ᐃᓐᓴᓐᓯᒥᒃ ᑐᓂᕐᕈᓯᕐᕕᐅᑉ ᓇᒡᔪᖏᑦ ᐊᐅᒥᑎᕐᑕᒃᓴᕆᕔᑦ ᐊᑕᓂᐅᑉ ᓵᖓᓂ ᑐᐱᕐᒥ ᑲᑎᒪᕕᖕᒥ. ᐊᖑᓴᓪᓘᓪᓗ ᐊᐅᖓ ᑯᕕᔭᕆᐊᖃᕐᐹ ᐃᑯᐊᓚᑦᓯᕕᐅᑉ ᑐᓂᕐᕈᓯᕐᕕᐅᑉ ᐊᑖᓄᑦ, ᑐᐱᐅᑉ ᑲᑎᒪᕕᐅᑉ ᐃᑎᕐᑕᕐᕕᐊᑕ ᖃᓂᒋᔭᖓᓃᑦᑐᒧᑦ.

ᒤᑲᐅᑉ ᐊᒡᓚᖏᑦ 6:6

ᓱᓇᒦᒃ ᐊᑕᓂᕐᒧᐊᕈᑦᔨᔪᒃᓴᐅᕗᖓ? ᐹᒻᒪᒃᑎᕐᓗᖓᓗ ᒎᑎᐅᑉ ᖁᑦᓯᖕᓂᕐᐸᐅᔫᑉ ᓵᖓᓂ, ᓵᖓᓄᐊᕐᑐᒃᓴᐅᕗᖔ ᑐᓂᕐᕈᓯᕐᓗᖓ ᐃᑯᐊᓚᔪᒃᓴᓂᒃ? ᓄᕐᕋᕐᒥᒃ ᐊᕐᕌᒍᓕᖕᒥᒃ ᐊᑕᐅᓯᕐᒥᒃ.

ᒨᓯᓯ ᓯᑕᒪᖏᑦ 18:17

ᐃᒻᒧᒃᓯᐅᒐᐅᑉ ᐃᕐᓂᐊᕆᖅᑳᕐᑕᖏᑦ, ᓰᐲᓪᓗ ᐃᕐᓂᐊᕆᖅᑳᕐᑕᖏᑦ ᒎᑦᓰᓪᓗ ᐃᕐᓂᐊᕆᖅᑳᕐᑕᖏᑦ ᐅᑎᕐᑎᑦᓴᕆᐊᖃᓐᖏᓚᓯ; ᐃᑦᔪᕐᓁᑦᑑᖕᒪᑕ. ᐊᐅᖏᑦ ᓯᕐᐸᕐᓴᕈᑎᔭᕆᐊᖃᕐᐸᓯ ᑐᓂᕐᕈᓯᕐᕕᖕᒧᑦ, ᑐᓐᓄᖏᓪᓗ ᐃᑯᐊᓪᓚᒃᑎᓪᓗᒋᑦ ᐃᑯᐊᓚᑎᑕᒃᓴᑎᑐᑦ ᑐᓂᕐᕈᑎᑎᑐᑦ ᐊᑕᓂᕐᒧᑦ ᑎᐱᑦᓯᐊᕆᒃᑑᖁᓪᓗᒋᑦ.

ᐄᑉᕈᐃᓄᑦ 10:11

ᑕᒪᕐᒥᒡᓗ ᑐᓂᕐᕈᓯᕐᑎᑦᓯᔩᑦ ᖃᐅᑕᒫᑦ ᐱᖁᔭᐅᓚᐅᕐᐳᑦ ᐱᓇᓱᐊᕆᐊᓕᖕᒥᓂᒃ ᐱᓇᓱᐊᖁᓪᓗᒋᑦ, ᑐᓂᕐᕈᓯᕐᑎᑦᓯᓂᕐᒥᒃ ᑍᒫᑦᓮᓐᓇᖅ ᐱᓇᓱᐊᕐᓗᑎᒃ, ᑖᒃᑯᐊᓕ ᐊᔪᕐᓂᕐᓂᒃ ᐲᕐᓯᔪᓐᓇᖏᒻᒪᕆᒃᐳᑦ.

ᐄᑉᕈᐃᓄᑦ 12:24

ᔩᓱᓯᓗ ᐅᐸᒃᐸᓯ, ᐊᖏᖃᑎᒌᖕᓂᕐᒥᒃ ᓄᑖᒥᒃ ᐱᔨᑦᓯᕐᑐᖅ, ᐊᐅᖕᒧᓪᓗ ᓯᕐᐸᕐᓴᕐᑕᐅᓯᒪᔪᒧᑦ ᐂᐱᓕᐅᑉ ᐊᐅᖓᓂᑦ ᐱᐅᓂᕐᓴᒥᒃ ᐅᖃᐅᓯᖃᕐᑐᒧᑦ.

ᐲᑦᑐᕉᓯ ᓯᕗᓪᓖᑦ 1:2

ᓂᕈᐊᕐᑕᐅᓯᒪᕗᓯ ᒎᑎᒧᑦ ᐊᑖᑕᒧᑦ ᐱᓂᐊᕐᑕᐅᖁᔭᖓᓄᑦ ᐃᑦᔪᕐᓁᑎᑕᐅᖁᓪᓗᓯ ᐊᓂᕐᓂᖓᓄᑦ ᒪᓕᑦᓯᐊᖁᓪᓗᓯ ᔩᓱᓯ ᙭ᔅᑑᓯᒥᒃ ᐊᐅᖓᓄᓪᓗ ᓴᓗᒻᒪᕐᑎᑕᐅᓗᓯ: ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᓮᒻᒪᕐᑎᑕᐅᓇᕐᑐᖅ ᐱᕙᓪᓕᐊᓕ ᐃᓕᑦᓯᓐᓄᑦ.

ᓴᒧᐃᓕ ᓯᕗᓪᓖᑦ 1:25

ᐸᖕᓃᕐᓗ ᑐᖁᑕᐅᑎᒌᕋᒥᐅᒃ, ᑕᕝᕙ ᓱᕈᓯᖅ ᐃᓔᒧᐊᕈᑎᕚ.