ᒨᓯᓯ ᐱᖓᔪᖏᑦ 1:4 - ᐊᒡᓔᑦ ᐃᑦᔪᕐᖕᓁᑦᑐᑦ

⁴ ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᖓᒍᑦ ᐸᑎᒻᒥᔭᒃᓴᕆᕚ, ᑍᒫᒡᓗ ᑕᕝᕙ ᓈᒻᒪᒋᔭᐅᓕᕐᓂᐊᕐᐳᖅ ᐃᓅᑉ ᑖᑦᓱᒪ ᐊᔪᕐᓂᖏᓐᓄᑦ ᐲᕐᓯᑦᔪᑕᐅᖁᓪᓗᒍ.

ᒨᓯᓯ ᐱᖓᔪᖏᑦ 1:4 Iomraidhean Croise

ᒨᓯᓯ ᐂᑉᐸᖏᑦ 28:38

ᐂᕉᓂᐅᑉ ᐊᑐᕆᐊᖃᕐᐹ ᖃᐅᖓᓂ ᐃᓕᓯᒪᓗᒍ, ᑍᒤᑉᐸᑦ ᑕᕝᕙ ᐅᕙᖓ ᐊᑕᓂᐅᔪᖓ, ᑐᓂᕐᕈᑎᒋᔭᓕᒫᖏᑦ ᐃᓚᓕᐅᕐᓂᐊᕐᐸᒃᑲ ᐃᓴᕆᐊᓕᒥᐅᑦ ᐃᑦᔪᕐᓁᑎᓯᒪᔭᖏᑦ ᐅᕙᓐᓄᑦ, ᐊᒡᓛᑦ ᐃᓄᐃᑦ ᑐᓂᕐᕈᓯᕐᓂᕐᒥᒍᑦ ᑕᒻᒪᕋᓗᐊᕐᐸᑕ.

ᒨᓯᓯ ᐂᑉᐸᖏᑦ 29:10

“ᑕᕝᕙ ᐃᒻᒧᒃᓯᐅᒐᐅᑉ ᐸᖕᓂᖓ ᑕᕝᕗᓐᖓᕐᑎᑕᒃᓴᕆᕙᑦ ᑐᐱᐅᑉ ᐃᑎᕐᑕᕐᕕᖓᑕ ᐹᖓᓄᑦ ᐂᕉᓂᓗ ᐃᕐᓂᖏᓪᓗ ᐅᖃᐅᑎᔭᒃᓴᕆᕙᑎᑦ ᐃᒻᒧᒃᓯᐅᒐᐅᑉ ᐸᖕᓂᖓᑕ ᓂᐊᖁᐊᓂᒃ ᐸᑎᒻᒥᓯᖁᓗᒋᑦ.

ᒨᓯᓯ ᐂᑉᐸᖏᑦ 29:15

“ᓰᐱᐅᑉ ᐊᖑᓴᓪᓗᖓᑕ ᐂᑉᐸᖓ ᑕᒪᐅᓐᖓᐅᑎᓗᒍ, ᐂᕉᓂᒃᑯᑦ ᐃᕐᓂᕇᑦ ᐅᖃᐅᑎᔭᒃᓴᕆᔭᕙᑎᑦ ᓂᐊᖁᐊᓂᒃ ᐸᑎᒻᒥᒃᓯᖁᓗᒋᑦ.

ᒨᓯᓯ ᐂᑉᐸᖏᑦ 29:19

“ᑖᑦᓱᒪᓕ ᐂᑉᐸᖓ ᓰᐱᐅᑉ ᐊᖑᓴᓪᓗᖓ ᑕᒪᐅᓐᖓᕐᑎᑕᒃᓴᕆᒋᕙᑦ; ᐂᕉᓂᒃᑯᑦ ᐃᕐᓂᕇᑦ ᑖᑦᓱᒥᖓ ᓂᐊᖁᐊᒍᑦ ᐸᑎᒻᒥᓯᔪᒃᓴᐅᕗᑦ,

ᒨᓯᓯ ᐂᑉᐸᖏᑦ 29:33

ᑖᒃᑯᐊ ᓂᕆᔪᒃᓴᐅᕗᑦ ᐃᓱᒪᒋᔪᓐᓁᕐᑕᐅᓂᒃᓴᒧᑦ ᑐᓂᕐᕈᑕᐅᓯᒪᔪᓂᒃ ᑎᓕᔭᐅᓕᕐᑎᓪᓗᒋᑦ ᐃᑦᔪᕐᓁᑎᑕᐅᓕᕐᑎᓪᓗᒋᓪᓗ ᑐᓂᕐᕈᑕᐅᓯᒪᔪᑦ, ᑐᓂᕐᕈᓯᕐᑎᑦᓯᔨᓄᓪᓕ ᑭᓯᐊᓂ ᓂᕆᔭᐅᔪᒃᓴᐅᕗᑦ ᐃᑦᔪᕐᓁᑎᑕᐅᓯᒪᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 56:7

ᑖᒃᑯᐊ ᖃᖅᑲᖁᑎᓐᓄᑦ ᐃᑦᔪᕐᓁᑦᑐᒧᑦ ᐂᑎᑦᓱᒫᕐᐸᒃᑲ, ᖁᕕᐊᓱᒃᑎᓪᓗᒋᓪᓗ ᐃᒡᓗᓐᓂ ᑐᒃᓯᐊᕐᕕᖁᑎᓐᓂ. ᐃᑯᐊᓚᑦᓯᓂᒃᑯᑦ ᑐᓂᕐᕈᑎᖏᑦ ᑐᓂᕐᕈᑎᑐᐃᓐᓇᖏᓪᓗ ᓈᒻᒪᒋᔭᐅᔪᒫᕐᐳᑦ ᑐᓂᕐᕈᓯᕐᕕᖁᑎᓐᓂ; ᐃᒡᓗᒐ ᑍᔭᐅᔪᒫᕐᒪᑦ ᑐᒃᓯᐊᕐᕕᖕᒥᒃ ᐃᓅᖃᑎᒌᒡᔪᐊᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 45:15

ᓰᐱᒥᒃ ᐊᑕᐅᓯᕐᒥᒃ ᑐᓂᓯᔪᒃᓴᐅᕗᓯ ᐊᑐᓂᑦ 200ᐅᑦᔪᑎᖏᓐᓂᑦ, ᐃᓴᕆᐊᓕᒥᐅᑦ ᐃᓚᒌᖕᓂᖏᓐᓂᑦ. “ᐱᕈᕐᑐᕕᓂᕐᓂᑦ ᑐᓂᕐᕈᓯᕐᓃᑦ ᑍᒤᓕᖓᔪᒃᓴᐅᕗᑦ, ᐃᑯᐊᓚᑦᓯᓂᒃᑯᓪᓗ, ᐃᓅᖃᑎᖃᑦᓯᐊᕐᓂᕐᒧᓪᓗ ᑐᓂᕐᕈᓯᕐᓃᑦ, ᑐᓂᕐᕈᓯᕐᑐᒃᓴᐅᕗᓯ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐊᑕᓂᖅ ᒎᑎ ᐅᖃᕐᐳᖅ.

ᑖᓂᐊᓕᐅᑉ ᐊᒡᓚᖏᑦ 9:24

“ᓇᓪᓕᐅᓐᓃᑦ 70 7ᐃᕐᑐᕐᓗᒋᑦ ᐅᖃᐅᓯᐅᕗᑦ ᐃᓄᖁᑎᖕᓄᑦ ᐃᒡᓗᒐᓴᖁᑎᖕᓄᓪᓗ ᐃᑦᔪᕐᓁᑦᑐᓄᑦ ᐱᐅᖏᑦᑐᓕᓂᖏᑕ ᓱᒋᐊᕐᑕᐅᓂᖏᑕ ᐃᓱᓕᕝᕕᒃᓴᖏᑦ, ᐊᔪᕐᑐᓕᓂᖅ ᐃᓱᓕᖁᓪᓗᒍ, ᐱᐅᖏᑦᑐᓕᓂᐅᑉ ᓴᓗᒻᒪᕐᑎᑕᐅᕕᒃᓴᖓᓄᑦ, ᐃᓱᐊᕐᑐᓕᓂᖅ ᐃᓱᖃᖏᑦᑐᒧᑦ ᐃᖏᕐᕋᓕᖁᓪᓗᒍ, ᑕᑯᑎᑕᐅᓂᖅ ᓇᓚᐅᑦᑍᓂᕐᓗ ᓇᕿᑦᔪᓯᕐᓗᒍ ᐃᑦᔪᕐᓁᓐᓂᕐᐹᕐᓗ ᐅᕐᓱᒧᑦ ᒥᖑᐊᕐᓗᒍ.

ᒨᓯᓯ ᐱᖓᔪᖏᑦ 16:21

ᐊᒡᒐᖕᒥᓄᑦ ᐃᒡᓗᒃᑐᑦ ᐸᑎᒻᒥᔭᕆᐊᖃᕐᐹ ᓂᐊᖁᐊᒍᑦ, ᖃᕿᐊᓕᕐᓗᓂᓗ ᐱᐅᖏᑦᑐᓕᓂᕐᓂᒃ ᓈᓚᖏᓐᓂᓕᒫᓂᒡᓗ ᐃᓴᕆᐊᓕᒥᐅᑦ ᐊᑐᕐᐸᒃᑕᖏᓐᓂᒃ, ᐊᔪᕐᑐᓕᓂᖏᓪᓗ ᓂᐊᖁᖓᓄᑦ ᐱᑎᓪᓗᒋᑦ. ᐊᐅᓪᓚᕐᑎᑕᒃᓴᕆᕚ ᐃᓄᖃᖏᑦᑐᒧᑦ ᑲᒪᔨᖃᕐᑎᓪᓗᒍ ᐊᖑᒻᒥᒃ ᑍᒤᑦᑐᒧᑦ ᑎᓕᔭᐅᓯᒪᔪᒥᒃ.

ᒨᓯᓯ ᐱᖓᔪᖏᑦ 16:24

ᐃᑦᔪᕐᓁᑦᑐᕕᖕᒥᓗ ᐅᕕᓂᓕᒫᒥᓂᒃ ᐅᐊᓴᕆᐊᖃᕐᐳᖅ ᐃᒥᕐᒧᑦ, ᐊᓐᓄᕌᑐᐃᓐᓇᓂ ᐊᑎᓗᒋᑦ, ᐊᓂᔭᕆᐊᖃᕆᕗᖅ ᑕᕝᕙᓐᖓᑦ ᑐᓂᕐᕈᓯᕐᓗᓂᓗ ᐃᑯᐊᓚᑎᑕᒃᓴᒥᒃ ᓇᖕᒥᓂᖅ ᐱᑦᔪᑎᒋᓗᓂ, ᐃᓴᕆᐊᓕᒥᐅᓪᓗ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᑎᓪᓗᓂ ᐃᒻᒥᓂᒃ ᐃᓄᐃᓪᓗ.

ᒨᓯᓯ ᐱᖓᔪᖏᑦ 22:21

ᓇᓪᓕᐊᑦ ᓂᕐᔪᑎᒥᒃ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᓯᕐᐸᑦ ᐊᑕᓂᕐᒧᑦ, ᐊᖏᕈᑎᒋᓯᒪᔭᒥᓂᒃ ᐱᑦᔪᑎᖃᕐᓗᓂ ᐅᕝᕙᓘᓐᓃᑦ ᑐᓂᕐᕈᓯᕈᒪᓂᑐᐃᓐᓇᕐᒧᑦ, ᑐᓂᕐᕈᑎᖓ ᖃᓄᐃᑦᔪᑎᖃᕆᐊᖃᓐᖏᓚᖅ ᑕᕐᓴᖃᖏᓪᓗᓂᓗ ᐃᓚᓕᐅᕐᑕᐅᑦᓯᐊᖁᓪᓗᒍ.

ᒨᓯᓯ ᐱᖓᔪᖏᑦ 22:27

“ᐃᒻᒧᒃᓯᐅᒐᐅᑉ ᓄᕐᕋᖓ ᓰᐱᐅᓪᓘᓐᓃᑦ ᓄᕐᕋᖓ ᒎᑦᓯᐅᓪᓘᓐᓃᑦ ᓄᕐᕋᖓ ᐃᕐᓂᐊᖑᕋᑖᕐᑎᓪᓗᒍ, ᐊᓈᓇᒥᓃᑦᓴᕆᐊᖃᕐᐳᖅ ᐅᓪᓗᓂᒃ 7ᓂᒃ. ᐅᓪᓗᐃᓪᓕ 8ᖓᓂ ᐅᖓᑖᓂᓗ ᑕᕝᕙ ᐃᓚᓕᐅᕐᑕᐅᔪᓐᓇᕐᓯᕗᖅ ᐃᑯᐊᓚᑦᓯᓂᒃᑯᑦ ᑐᓂᕐᕈᑕᐅᒃᐸᑦ ᐊᑕᓂᕐᒧᑦ.

ᒨᓯᓯ ᐱᖓᔪᖏᑦ 3:13

ᐊᒡᒐᓂ ᓂᐊᖁᖓᓄᑦ ᐃᓕᓗᒋᑦ ᑐᖁᓪᓗᒍᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᒎᑦᓯᐅᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:2

ᐆᒪᔪᖅ ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᓴᓂᐊᓂ. ᐂᕉᓂᐅᓪᓗ ᐃᕐᓂᖏᑕ ᑐᓂᕐᕈᓯᕐᑎᑦᓯᔨᐅᔪᑦ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕐᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 3:8

ᐊᒡᒐᓂ ᐃᓕᔭᒃᓴᕆᕔᑦ ᐆᒪᔫᑉ ᓂᐊᖁᐊᓄᑦ ᑐᖁᓪᓗᓂᐅᒡᓗ ᑐᐱᐅᑉ ᑲᑎᒪᕕᐅᑉ ᐃᑎᕐᕕᖓᑕ ᖃᓂᒋᔮᓂ. ᐂᕉᓂᐅᓪᓗ ᐃᕐᓂᖏᑕ ᐆᒪᔫᑉ ᐊᐅᖓ ᓯᕐᐸᕐᓴᐅᑎᒋᔭᒃᓴᕆᕚᑦ ᑐᓂᕐᕈᓯᕕᐅᑉ ᓴᓂᕋᖏᓐᓄᑦ.

ᒨᓯᓯ ᐱᖓᔪᖏᑦ 4:15

ᓄᓇᓖᑦ ᐊᖓᔪᖅᑳᖏᑦ ᐸᑎᒻᒥᒃᓯᕐᑐᒃᓴᐅᕗᑦ ᐆᒪᔫᑉ ᓂᐊᖁᐊᓂᒃ ᐊᑕᓂᐅᑉ ᓵᖓᓂ, ᑕᕝᕙᓂᓗ ᐊᑕᓂᐅᑉ ᓵᖓᓂ ᑐᖁᑕᐅᓗᓂ.

ᒨᓯᓯ ᐱᖓᔪᖏᑦ 4:20

ᑍᒫᑦᓮᓐᓇᕐᓗ ᐊᖑᓴᓪᓗᖅ ᐱᔭᕆᐊᖃᕐᐹ ᐊᖑᓴᓪᓗᕐᑐᑦ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᑐᑦ.

ᒨᓯᓯ ᐱᖓᔪᖏᑦ 4:24

ᓯᕗᓕᕐᑎᐅᑉ ᒎᑦᓯᐅᑉ ᓂᐊᖁᐊ ᐸᑎᒃᓯᒪᔭᕆᐊᖃᕐᐹ ᑐᖁᓪᓗᓂᐅᒡᓗ ᐃᑯᐊᓚᑦᓯᓂᕐᒧᑦ ᑐᓂᕐᕈᑎᒃᓮᑦ ᑐᖁᑕᐅᕕᒋᕙᒃᑕᖓᓂ ᐊᑕᓂᐅᑉ ᓵᖓᓂ. ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᐅᖕᒪᑦ.

ᒨᓯᓯ ᐱᖓᔪᖏᑦ 4:26

ᐆᒪᔫᓪᓗ ᑐᓐᓄᓕᒫᖏᑦ ᐃᑯᐊᓪᓚᒐᒃᓴᕆᕔᑦ ᑐᓂᕐᕈᓯᕐᕕᖕᒥ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᑐᑦ ᐱᔭᕆᐊᖃᕐᐳᖅ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨ ᑐᖁᑕᒃᓴᒥᒃ ᑐᓂᕐᕈᑎᖃᕐᓂᐊᕐᐳᖅ ᓯᕗᓕᕐᑎᐅᑉ ᐊᔪᕐᓂᖏᑦ ᐱᓪᓗᒋᑦ, ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:29

ᑖᑦᓱᒪ ᐊᔪᕐᓂᖅ ᐱᓪᓗᒍ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐃᑯᐊᓚᑎᑕᒃᓴᒥᒃ ᑐᓂᕐᕈᓯᕐᕕᖕᒥ.

ᒨᓯᓯ ᐱᖓᔪᖏᑦ 4:31

ᑐᓂᕐᕈᓯᕐᓂᐊᕐᑑᓪᓗ ᐆᒪᔫᑉ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ, ᑍᒫᒃᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᖅ ᑐᓐᓄᐃᔭᕐᑕᐅᒃᐸᑦ ᑐᓂᕐᕈᓯᕐᑎᑦᓯᔨᐅᑉ ᐃᑯᐊᓪᓚᒃᑕᒃᓴᕆᕚ ᑐᓂᕐᕈᓯᕐᕕᖕᒥ ᑎᐱᖓᓗ ᐊᑕᓂᐅᑉ ᒪᒪᕆᕚ. ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᐱᖓᔪᖏᑦ 4:33

ᑐᓂᕐᕈᓯᕐᓂᐊᕐᑑᑉ ᐆᒪᔪᖅ ᓂᐊᖁᐊᒍᑦ ᐸᑎᒻᒥᔭᒃᓴᕆᕚ ᑐᖁᓪᓗᒍᓗ ᐊᔪᕐᑐᓕᓂᖅ ᐱᓪᓗᒍ, ᑐᓂᕐᕈᑎᒃᓮᑦ ᐃᑯᐊᓚᒐᒃᓮᑦ ᑐᖁᑕᐅᕕᒋᕙᒃᑕᖓᓐᓂ.

ᒨᓯᓯ ᐱᖓᔪᖏᑦ 4:35

ᑐᓂᕐᕈᓯᕐᓂᐊᕐᑑᑉ ᓰᐱᐅᑉ ᓄᕐᕋᖓᑕ ᑐᓐᓄᓕᒫᖏᑦ ᐲᔭᕐᑕᒃᓴᕆᕔᑦ; ᑍᒫᑦᓮᓐᓇᕐᑕᐅᖅ ᐃᓚᒋᔭᐅᑦᓯᐊᕈᒪᓂᕐᒧᑦ ᑐᓂᕐᕈᑎᒃᓴᐅᑉ ᑐᓐᓄᖏᑦ ᐲᔭᕐᑕᐅᕙᖕᒪᑕ ᑐᓂᕐᕈᓯᕐᑎᑦᓯᔨᐅᓪᓗ ᐃᑯᐊᓚᑎᑕᒃᓴᕆᕚ ᑐᓂᕐᕈᓯᕐᕕᐅᑉ ᖄᖓᓂ, ᑐᓂᕐᕈᑕᐅᓗᑎᒃ ᐃᑯᐊᓚᑎᑕᐅᓗᑎᒃ ᐊᑕᓂᕐᒧᑦ; ᑍᒫᒃ ᑕᕝᕙ ᑐᓂᕐᕈᓯᕐᑎᑦᓯᔨᐅᑉ ᐃᓄᒃ ᑖᓐᓇ ᑐᓂᕐᕈᓯᕈᑎᕚ ᐊᔪᕐᓂᖏᑦ ᐱᓪᓗᒋᑦ ᑖᓐᓇᓗ ᐃᓱᒪᒋᔪᓐᓁᕐᕕᐅᓂᐊᕐᐳᖅ.”

ᒨᓯᓯ ᐱᖓᔪᖏᑦ 4:4

ᑖᑦᓱᒪ ᐊᖑᓴᓪᓗᖅ ᕾᑦᔪᑎᔭᒃᓴᕆᕚ ᑐᐱᐅᑉ ᑲᑎᒪᕕᐅᑉ ᐃᑎᕐᕕᐊᑕ ᓴᓂᐊᓄᑦ ᐊᑕᓂᐅᑉ ᓵᖓᓂ. ᓂᐊᖁᐊᒍᑦ ᑎᒍᓗᒍ ᑐᖁᑕᒃᓴᕆᕚ ᐊᑕᓂᐅᑉ ᑕᒃᑯᐊᓂ.

ᒨᓯᓯ ᐱᖓᔪᖏᑦ 5:6

ᐊᔪᕐᓂᕐᒥᓄᓪᓗ ᓱᒋᐊᕐᑕᐅᓂᖓ ᐱᓪᓗᒍ, ᐊᑕᓂᕐᒧᑦ ᐋᑦᓯᔭᕆᐊᖃᕐᐳᖅ ᓰᐱᐅᓪᓘᓐᓃᑦ ᒎᑦᓯᐅᓪᓘᓐᓃᑦ ᓄᕐᕋᖓᓂᒃ ᐊᕐᓇᓪᓗᖕᒥᒃ, ᐊᔪᕐᑐᓕᓂᖅ ᐱᑦᔪᑎᒋᓪᓗᒍ; ᑐᓂᕐᕈᓯᕐᑎᑦᓯᔨᐅᓪᓗ ᐃᓄᒃ ᑖᓐᓇ ᑐᓂᕐᕈᓯᕈᑎᔭᒃᓴᕆᕚ ᐊᔪᕐᓂᖏᑦ ᐱᓪᓗᒋᑦ.

ᒨᓯᓯ ᐱᖓᔪᖏᑦ 6:7

ᑍᒫᒃ ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᓐᓂᐊᕐᐹ ᐊᑕᓂᕐᒧᑦ, ᐃᓱᒪᒋᔪᓐᓁᕐᕕᐅᓂᐊᕐᐳᕐᓗ ᐸᓯᔭᒃᓴᐅᑦᔪᑎᓕᒫᒥᓂᒃ.”

ᒨᓯᓯ ᐱᖓᔪᖏᑦ 8:14

ᒨᓯᓯᓗ ᐃᒻᒧᒃᓯᐅᒐᐅᑉ ᐸᖕᓂᖓᓂᒃ ᑐᓂᕐᕈᓯᕐᐳᖅ ᐊᔪᕐᓃᑦ ᐃᓱᒪᒋᔪᓐᓁᕐᑕᐅᖁᓪᓗᒋᑦ, ᐂᕉᓂᐅᓪᓗ ᐃᕐᓂᖏᑕᓗ ᑐᓂᕐᕈᑎᒃᓴᖅ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:18

ᒨᓯᓯᓗ ᓰᐱᐅᑉ ᐊᖑᓴᓪᓗᖓᓂᒃ ᑕᒪᐅᓐᖎᕗᖅ, ᐂᕉᓂᐅᓪᓗ ᐃᕐᓂᖏᑕᓗ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 8:22

ᓰᐱᐅᓪᓗ ᐊᖑᓴᓪᓗᖓᓂᒃ ᐊᓯᐊᓂᒃ ᑕᒪᐅᓐᖓᕐᓯᒋᕗᖅ ᑖᒃᑯᐊ ᑎᓕᔭᐅᓂᖏᑦ ᐱᓪᓗᒋᑦ, ᐂᕉᓂᐅᓪᓗ ᐃᕐᓂᖏᑕᓗ ᓂᐊᖁᐊᒍᑦ ᐸᑎᒻᒥᕚᑦ.

ᒨᓯᓯ ᐱᖓᔪᖏᑦ 9:7

ᒨᓯᓯ ᐂᕉᓂᒧᑦ ᐅᖃᕐᐳᖅ, “ᑐᓂᕐᕈᓯᕐᕕᖕᒧᑦ ᕾᒋᑦ ᑐᓂᕐᕈᓯᕐᓗᑎᓪᓗ ᐊᔪᕐᓂᑎᑦ ᐱᓪᓗᒋᑦ ᑐᓂᕐᕈᑎᒃᓴᒥᒃ ᐃᑯᐊᓪᓚᒐᒃᓴᒥᒡᓗ ᑐᓂᕐᕈᑎᒃᓴᒥᒃ, ᐃᕝᕕᑦ ᐃᓱᒪᒋᔪᓐᓁᕐᕕᐅᖁᓪᓗᑎᑦ ᐃᓄᐃᓪᓗᑦᑕᐅᖅ ᐱᓪᓗᒋᑦ, ᑐᓂᕐᕈᑎᒋᒍᒃ ᑐᓂᕐᕈᑎᒃᓴᖅ ᐃᓄᐃᑦ ᐱᑦᔪᑎᒋᓗᒋᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑍᒪᒃ ᐊᑕᓂᖅ ᐱᖁᔨᖕᒪᑦ.”

ᒨᓯᓯ ᓯᑕᒪᖏᑦ 15:25

ᑍᒫᒃ ᑐᓂᕐᕈᓯᕐᑎᑦᓯᔨ ᐃᓅᖃᑎᒌᒡᔪᐊᓂᒃ ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᒐᔭᕐᐳᖅ, ᑖᒃᑯᐊ ᐃᓱᒪᒋᔪᓐᓁᕐᕕᐅᒐᔭᕐᐳᑦ ᐲᔮᕆᓂᐅᖏᒻᒪᑦ; ᑐᓂᕐᕈᑎᒃᓴᒥᒃ ᓇᒃᓴᕐᓗᑎᒃ, ᑐᓂᕐᕈᑎᒃᓴᒥᒃ ᐃᑯᐊᓚᑎᑕᒃᓴᒥᒃ ᐊᑕᓂᕐᒧᑦ, ᐊᔪᕐᑐᓕᓂᖅ ᐱᑦᔪᑎᒋᓗᒍ ᐊᑕᓂᐅᑉ ᓵᖓᓂ, ᐱᔮᕆᓇᑎᒃ ᐊᔪᕐᑐᓕᓂᖏᓐᓄᑦ.

ᒨᓯᓯ ᓯᑕᒪᖏᑦ 15:28

ᑐᓂᕐᕈᓯᕐᑎᑦᓯᔨᐅᑉ ᐃᓱᒪᒋᔪᓐᓁᕐᕕᐅᑎᒃᒐᔭᕐᐹ ᐃᓄᒃ ᐱᔮᕆᓇᓂ ᐊᔪᕐᑐᓕᓚᐅᕐᑐᖅ, ᐱᔮᕆᓇᓂ ᐊᔪᕐᑐᓕᓚᐅᕐᐸᑦ ᐊᑕᓂᐅᑉ ᓵᖓᓂ, ᐃᓱᒪᒋᔪᓐᓁᕐᕕᐅᖁᓪᓗᒍ; ᑕᕝᕙ ᐃᓱᒪᒋᔪᓐᓁᕐᕕᐅᓂᐊᕐᐳᖅ.

ᒨᓯᓯ ᓯᑕᒪᖏᑦ 25:13

ᑖᓐᓇ ᑭᖑᕚᖏᓪᓗ ᐊᖏᖃᑎᒌᒍᑎᒧᑦ ᑐᓂᕐᕈᓯᕐᑎᑦᓯᔨᐅᖏᓐᓇᕐᓂᐊᓕᕐᐳᑦ ᐃᓱᖃᖏᑦᑐᒧᑦ, ᒎᑎᒥᓂᒃ ᐊᒃᓱᕈᕈᑎᖃᓚᐅᕐᒪᑦ ᓴᐳᑎᔪᒪᓪᓗᒍ, ᐃᓴᕆᐊᓕᒥᐅᓂᒃ ᐃᓱᒪᒋᔪᓐᓁᕐᕕᐅᑎᑦᓯᓚᐅᕐᒪᑦ.”

ᒨᓯᓯ ᓯᑕᒪᖏᑦ 8:10

ᑍᒫᒃ ᓕᕔᑎᑦ ᐊᑕᓂᐅᑉ ᓵᖓᓄᑦ ᐱᑎᑦᓴᕆᐊᖃᕐᐸᑎᑦ, ᐃᓴᕆᐊᓕᐅᓪᓗ ᕿᑐᕐᖓᖏᑕ ᐊᒡᒐᒥᖕᓄᑦ ᐸᑎᒻᒥᔭᕆᐊᖃᕐᐰᑦ;

ᒨᓯᓯ ᓯᑕᒪᖏᑦ 8:12

ᓕᕔᑎᑦ ᑕᕝᕙ ᐸᖕᓃᑦ ᐃᒻᒧᒃᓯᐅᒊᑦ ᐃᓐᓇᐅᖏᑦᑐᑦ ᓂᐊᖁᖏᑎᒍᑦ ᐸᑎᒻᒥᔭᕆᐊᖃᕐᐰᑦ, ᑐᓂᕐᕈᓯᕆᐊᖃᕐᐳᑦ ᑕᕝᕙ ᐊᔪᕐᓂᖅ ᐱᓪᓗᒍ ᑐᓂᕐᕈᑕᐅᔪᒥᒃ ᐂᑉᐸᖓᓗ ᐆᑕᒃᓴᐅᓗᓂ ᑐᓂᕐᕈᑎ ᐊᑕᓂᕐᒧᑦ, ᓕᕔᑎᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ.

ᕉᒪᒥᐅᓄᑦ 12:1

ᑍᒤᒻᒪᑦ ᐃᓇᑉᐸᑦᓯ ᐃᓅᖃᑎᒃᑳ, ᒎᑎᐅᑉ ᓂᑲᒍᓱᖕᓂᕐᔪᐊᖓ ᐱᑦᔪᑎᒋᓗᒍ, ᑎᒥᓯ ᑐᓂᓯᒋᒃ ᑐᓂᕐᕈᑎᒃᓴᑐᑦ; ᐆᒪᓗᓯᓕ, ᐃᑦᔪᕐᓁᑦᑐᑐᑦ ᒎᑎᒧᓪᓗ ᖁᕕᐊᒋᔭᐅᔪᑐᑦ, ᑍᒤᓕᐅᕈᑦᓯ ᒎᑎ ᓱᓕᑦᓯᐊᕐᑐᒥᒃ ᐱᔨᑦᓯᕐᓂᐊᕐᐸᓯ ᐊᓂᕐᓂᒃᑯᑦ.

ᕉᒪᒥᐅᓄᑦ 3:25

ᑖᓐᓇ ᒎᑎᐅᑉ ᑐᓂᕚ ᑐᓂᕐᕈᑎᒋᓪᓗᒍ ᑐᖁᖓᒍᑦ ᐃᓱᒪᒋᔪᓐᓁᕐᕕᐅᖁᓪᓗᒋᑦ, ᑖᑦᓱᒧᖓ ᐅᒃᐱᕐᑐᑦ. ᒎᑎ ᑍᒤᓕᐅᓚᐅᕐᐳᖅ ᓈᒻᒪᓈᑦᓯᐊᕐᓂᓂ ᓴᖅᑭᑎᑦᓱᒪᓪᓗᒍ, ᑍᒪᓐᖓᑦ ᕿᓄᐃᓵᕈᑎᒋᓚᐅᕋᒥᒋᑦ ᓯᕗᕐᖓᒍᑦ ᐊᔪᕐᑐᓕᓂᕆᔭᐅᓚᐅᕐᑐᑦ;

ᕉᒪᒥᐅᓄᑦ 5:11

ᑕᒪᓐᓇᑐᐊᖑᓐᖏᓚᕐᓕ, ᒎᑎᒥᒡᓕ ᖁᕕᐊᓲᑎᖃᕐᐳᒍᑦ ᐊᑕᓂᑦᑎᒍᑦ ᔩᓱᓯ ᙭ᔅᑑᓯᒃᑯᑦ, ᑖᑦᓱᒨᓇ ᒫᓐᓇ ᐅᑎᕐᑎᑕᐅᓯᒪᓕᕋᑦᑕ ᒎᑎᒧᑦ.

ᐱᓕᐱᒥᐅᓄᑦ 4:18

ᒫᓐᓇ ᑕᒤᓐᓂᒃ ᑭᓐᖒᒪᔭᖃᕈᓐᓃᕐᐳᖓ, ᐱᖃᓗᐊᕐᓗᖓ ᐊᒡᓛᑦ; ᐃᐸᐳᕈᑍᑕᓯᐅᑉ ᓇᒃᓴᕐᕕᒋᖕᒪᖓ ᑐᔫᑎᑦᓯᓐᓂᒃ, ᑕᒪᒃᑯᐊ ᑎᐱᑦᓯᐊᕆᒃᓴᐅᑎᑎᑐᑦ ᑐᓂᕐᕈᑕᐅᔪᑎᑐᑦ ᑍᒤᑉᐳᑦ ᒎᑎᒧᑦ, ᑐᓂᕐᕈᑎᒃᓴᖅ ᓈᒻᒪᒋᔭᐅᔪᖅ ᒎᑎᒧᓪᓗ ᖁᕕᐊᒋᔭᐅᔪᖅ.

ᐄᑉᕈᐃᓄᑦ 10:4

ᐃᒻᒧᓕᐅᕐᑏᓪᓕ ᐊᖑᓴᓪᓗᖏᑕ ᒎᑦᓰᓪᓗ ᐊᐅᖏᓐᓄᑦ ᐊᔪᕐᓃᑦ ᐲᔭᕐᑕᐅᔭᕆᐊᖏᑦ ᐊᔪᕐᓇᒻᒪᕆᒃᐳᑦ.

ᔪᐊᓇᓯ ᓯᕗᓪᓖᑦ 2:2

ᑖᓐᓇᓗ ᐊᖅᑯᑎᒃᓴᑑᕗᖅ ᐊᔪᕐᓂᑦᑕ ᐃᓱᒪᒋᔪᓐᓁᕐᑕᐅᑦᔪᑎᒃᓴᖏᓐᓄᑦ, ᐅᕙᒍᑑᖏᑦᑐᕐᓕ ᓯᓚᕐᔪᐊᕐᒥᐅᓪᓕ ᑕᒪᕐᒥᒃ ᐊᔪᕐᓂᖏᑦ ᐱᓪᓗᒋᑦ.