ᔨᕆᒤᐊᐅᑉ ᐅᒡᒍᐊᕐᓂᖏᑦ 5:5 - ᐊᒡᓔᑦ ᐃᑦᔪᕐᖕᓁᑦᑐᑦ

⁵ ᖁᖓᓯᑦᑎᒍᑦ ᓇᖕᒪᐅᓯᕐᓗᑕ ᐊᐅᓚᑉᐹᑎᒍᑦ, ᐱᓇᓱᐊᕋᓗᐊᕋᑦᑕ ᑕᕾᕐᓯᕐᕕᖃᓐᖏᓚᒍᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:5 Iomraidhean Croise

ᔨᕆᒤᐊᐅᑉ ᐊᒡᓚᖏᑦ 27:2

ᐃᒫᒃ ᐊᑕᓂᐅᑉ ᐅᖃᕐᕕᒋᕚᖓ, “ᐃᖃᕐᑎᐅᔭᕐᒥᒃ ᐊᓄᓕᐅᕆᑦ ᕿᔪᖕᒥᒡᓗ ᐃᑳᖓᔪᒃᓴᓕᐅᕐᓗᒍ ᖁᖓᓯᕐᓄᓪᓗ ᐊᑎᓗᒍ.

ᔨᕆᒤᐊᐅᑉ ᐊᒡᓚᖏᑦ 27:8

“ᐃᓅᖃᑎᒌᒡᔪᐊᖑᔪᓪᓕ ᐊᐅᓚᑕᐅᓕᕈᒪᓂᐊᖏᑉᐸᑕ ᓂᐱᑯᓁᓴᒧᑦ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑖᒃᑯᐊ ᓱᒋᐊᕐᑕᐅᑎᑦᓱᒫᕐᐸᒃᑲ ᐅᓇᑕᕐᓂᕐᒧᑦ, ᑳᖕᓇᕐᑐᕐᔪᐊᒧᑦ ᐋᓐᓂᐊᓇᕐᑐᓄᓪᓗ ᐊᓯᕈᕐᑕᐅᖏᓐᓂᓕᒫᖏᓐᓂ ᓂᐱᑯᓁᓴᐅᑉ ᐱᔪᓐᓇᕐᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 28:14

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓ ᐅᖃᕐᐳᖅ, ᐃᓅᖃᑎᒌᒡᔪᐊᑦ ᐊᓄᓯᒪᐅᑎᓕᐅᕈᒪᕙᒃᑲ ᓴᕕᕋᔭᖕᒥᒃ ᐱᔨᑦᓯᖁᓪᓗᒋᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᑖᑦᓱᒧᖓ ᐊᐅᓚᑕᐅᖁᓪᓗᒋᑦ ᐆᒪᔪᓪᓗᑦᑕᐅᖅ ᐊᒡᓛᑦ ᑖᑦᓱᒧᖓ ᐊᐅᓚᑕᐅᑎᑦᓱᒫᕐᐸᒃᑲ.”

ᔨᕆᒤᐊᐅᑉ ᐊᒡᓚᖏᑦ 51:58

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᐹᐱᓘᓂᒥᐅᑦ ᐊᕙᓗᕐᔪᐊᖓ ᐃᑦᔪᔪᐊᓘᒐᓗᐊᖅ ᓄᖑᑎᑕᐅᓗᓂ ᒪᓂᖅᑲᒦᓕᕈᒫᕐᐳᖅ, ᐃᑎᕐᑕᕐᕕᖏᓪᓗ ᐃᑯᐊᓪᓚᒃᑕᐅᓗᑎᒃ. ᐃᓄᐃᑦ ᐱᓇᓱᐊᕕᒃᔪᐊᕐᓂᕆᓚᐅᕐᑕᖏᑦ ᐊᑐᕐᓇᕐᓂᖃᓐᖏᓚᑦ, ᐃᓅᖃᑎᒌᒡᔪᐊᓪᓗ ᓴᓇᖃᑦᑕᕐᓯᒪᔭᖏᑦ ᐃᑯᐊᓪᓚᖅᑯᑎᒃᓴᓐᖑᕐᐳᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:14

ᐊᔪᕐᑐᓕᓂᒃᑲ ᑲᑎᑎᓪᓗᓂᒋᑦ ᓇᖕᒪᐅᑎᓐᖑᕐᑎᑉᐰᑦ, ᐊᒡᒐᖕᒥᓄᑦ ᓄᕕᕐᓴᕐᓗᓂᒋᑦ ᖁᖓᓯᓐᓄᑦ ᑲᐅᑎᑉᐰᑦ. ᐊᑕᓂᐅᑉ ᓄᑭᖏᕈᑎᑎᒻᒪᖓ ᐊᑭᕋᕐᑐᕐᑎᓐᓄᑦ ᐱᔭᐅᕗᖓ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:19

ᓇᒃᑐᕋᓕᐅᑉ ᐊᐅᕐᓵᕐᓂᖓᓂᑦ ᓱᒃᑲᓂᕐᓴᐅᓪᓗᑎᒃ ᐅᕙᑦᑎᓐᓂᒃ ᐊᖑᓯᓚᐅᕐᐳᑦ, ᒪᓕᒃᓗᓂᑎᒍᑦ ᐊᖑᓚᐅᕐᐹᑎᒍᑦ ᖃᖅᑲᓂ, ᐃᓄᖃᔪᐃᑦᑐᒥᓗ ᐅᑕᖅᑭᓪᓗᑕ ᑎᒍᓚᐅᕐᐹᑎᒍᑦ.

ᒤᑲᐅᑉ ᐊᒡᓚᖏᑦ 2:3

ᑍᒤᒻᒪᑦ ᐊᑕᓂᖅ ᐅᖃᕐᐳᖅ: “ᑕᑯᒋᑦ, ᐅᖁᒤᒃᓴᕐᓇᕐᑐᓂᒃ ᐋᖅᑭᒃᓱᐃᕗᖓ ᐃᓄᖕᓄᑦ ᑖᒃᑯᓄᖓ, ᐃᒻᒥᖕᓂᒡᓗ ᓴᐳᑎᔪᓐᓇᕐᓂᐊᓐᖏᓚᑦ; ᐱᐅᔪᕆᓗᑎᒡᓗ ᐱᓱᖃᑦᑕᕐᓂᐊᕈᓐᓁᕐᐳᑦ, ᐅᖁᒤᓐᓇᕐᑐᖅ ᑕᒪᓐᓇ ᓇᓪᓕᐅᑎᓂᐊᓕᕐᒪᑦ.

ᒫᑎᐅᓯᐅᑉ ᐊᒡᓚᖏᑦ 11:29

ᓇᖕᒪᐅᑕᕋ ᑎᒍᓯᐅᒃ ᐊᑎᓗᒍ, ᐃᓕᓐᓂᐊᕐᕕᒋᓕᕐᓯᓐᖓ; ᐱᖁᓐᓂᕐᑑᒐᒪ ᐱᐅᔪᕆᓇᖓᓗ ᐆᒻᒪᑎᒃᑯᑦ; ᑕᕾᕐᓯᕐᓂᕐᒥᒃ ᑕᕝᕙ ᓇᓂᓯᓂᐊᕐᐳᓯ ᑕᕐᓂᑦᓯᒍᑦ.

ᐋᐴᓯᑕᓖᑦ ᐱᓂᐊᕐᓂᖏᑦ 15:10

ᒫᓐᓇᓕ ᓱᖕᒪᑦ ᒎᑎ ᐆᒃᑐᕋᓱᐊᕐᐱᓯᐅᒃ, ᐅᖁᒤᓐᓇᕐᑐᓂᒃ ᐃᓕᓯᔪᒪᓪᓗᓯ ᐃᓕᓐᓂᐊᕐᑎᓄᑦ ᓯᕗᓕᕕᓂᑦᑕᓘᓐᓃᑦ, ᐅᕙᒍᓪᓘᓐᓃᑦ ᐊᒡᔭᕈᓐᓇᓚᐅᖏᑕᑦᑎᓐᓃᒃ?

ᒨᓯᓯ ᑕᓪᓕᒪᖏᑦ 28:48

ᑍᒤᒻᒪᑦ, ᐊᑭᕋᕐᑐᕐᑎᑦᓯᓐᓂᒃ ᐱᔨᑦᓯᕆᐊᖃᕈᒫᓕᕐᐳᓯ ᐊᑕᓂᐅᑉ ᑎᓕᓂᐊᕐᑕᖏᓐᓂᒃ ᐃᓕᑦᓯᓐᓄᑦ ᓵᓚᒋᔭᐅᖁᓪᓗᓯ, ᑳᒍᒫᕐᐳᓯ, ᐃᒥᕈᒡᓗᓯᓗ, ᐊᓐᓄᕌᖃᖏᓪᓗᓯᓗ ᓱᓇᓕᒫᓂᒡᓗ ᑭᓐᖒᒪᒃᓯᕐᓗᓯ; ᐊᑕᓂᐅᑉ ᐅᖁᒤᒃᓴᕐᑎᑦᓱᒫᕐᐹᓯ ᓂᑲᒋᖏᓪᓗᓂᓯ ᐋᓐᓂᕐᓇᕐᑐᓄᑦ ᓄᖑᑕᐅᓚᐅᖏᓐᓂᑦᓯᓐᓂ.