ᔨᕆᒤᐊᐅᑉ ᐅᒡᒍᐊᕐᓂᖏᑦ 4:8 - ᐊᒡᓔᑦ ᐃᑦᔪᕐᖕᓁᑦᑐᑦ

⁸ ᖃᐅᔨᒪᔭᐅᖏᑦᑐᑎᑐᓪᓕ ᐊᖅᑯᑎᒥᐅᑕᑐᐃᓐᓇᐅᓕᕐᐳᑦ, ᑮᓇᖏᓪᓗ ᕿᕐᓂᕐᑕᐅᓂᕐᓴᐅᓕᕐᐳᑦ ᐸᐅᕐᒥᑦ, ᐅᕕᓂᖏᓪᓗ ᕿᔪᖕᒥᑦ ᐸᓪᓕᕐᒥᑦ ᐸᓂᕐᓂᕐᓴᐅᓕᕐᐳᑦ ᐃᒧᓪᓗᖏᓪᓗ ᓴᐅᓂᖏᓐᓄᑦ ᑎᑭᑉᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:8 Iomraidhean Croise

ᔫᐱᐅᑉ ᐊᒡᓚᖏᑦ 19:20

ᓴᐅᓂᒃᑲ ᐅᕕᓂᓐᓄᑦ ᐊᑕᑎᑕᐅᑐᐃᓐᓇᓕᕐᐳᑦ, ᐆᒪᓱᖔᕐᔪᑐᐃᓐᓇᓕᕐᐳᖓᓗ ᓯᕐᓚᑦᓯᐊᖅ.

ᔫᐱᐅᑉ ᐊᒡᓚᖏᑦ 2:12

ᓱᓕᓕ ᐅᖓᓯᒃᑐᒦᓪᓗᑎᒃ ᔫᐱᒥᒃ ᑕᑯᒐᒥᒃ, ᐃᓕᑕᕆᓐᖏᓛᑦ; ᐃᓕᑕᕆᓕᕋᒥᑦᔪᒡᓗ ᕿᐊᓕᕐᐳᑦ; ᐊᓐᓄᕌᑎᒡᓗ ᐊᓕᒃᑐᕐᐰᑦ ᐳᔪᕋᕐᒥᒡᓗ ᖁᒻᒧᐊᒃᑎᑦᓯᓪᓗᑎᒃ ᓂᐊᖁᒥᖕᓂᒃ ᑕᒪᑐᒧᖓ ᑲᑕᒑᕕᐅᑎᑉᐳᑦ.

ᔫᐱᐅᑉ ᐊᒡᓚᖏᑦ 30:30

ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.

ᔫᐱᐅᑉ ᐊᒡᓚᖏᑦ 33:21

ᑎᒥᖓ ᓴᓗᒃᑎᓐᓂᕐᒧᑦ ᒥᑭᒡᓕᖁᓪᓗᒍ; ᓴᐅᓂᖏᓪᓗ ᐅᕕᓂᖓᓄᑦ ᑕᕐᕆᓯᒪᑐᐃᓐᓇᕐᑑᔭᓕᕐᑎᓪᓗᒋᑦ.

ᐃᓐᖏᕈᑎᑦ 102:11

ᐅᓪᓗᒃᑲ ᐅᓐᓄᒃᐸᓪᓕᐊᔫᑉ ᑕᕐᕋᖓᑐᑦ ᐳᒃᑭᒡᓕᕙᓪᓕᐊᓕᕐᐳᑦ; ᐃᕕᒃᓱᒃᑲᑎᑐᑦ ᐸᓂᓕᕐᑐᑎᑐᑦ ᑍᒤᓕᕐᐳᖓ.

ᐃᓐᖏᕈᑎᑦ 119:83

ᕔᓂᖃᐅᑎᑐᑦ ᕿᓯᒃᑐᑦ ᐳᔪᕐᒧᑦ ᐃᕿᑎᑕᐅᔪᑎᑐᑦ ᑍᒤᓕᕐᐳᖓ; ᑭᓯᐊᓂᓕ ᐊᑐᕐᑕᐅᖁᔭᑎᑦ ᓱᓕ ᐳᐃᒍᓐᖏᓚᒃᑲ.

ᐃᓐᖏᕈᑎᑦ 32:4

ᐅᓪᓗᒃᑯᑦ ᐅᓐᓄᐊᒃᑯᓪᓗ, ᐊᒡᒐᑎᑦ ᐅᖁᒤᓚᐅᕐᐳᑦ ᐅᕙᓐᓄᑦ; ᑎᒥᒪ ᐃᑦᓯᖓ ᓴᓗᐊᕐᓯᒪᓕᓚᐅᕐᐳᖅ ᐊᐅᔭᑐᑦ ᓯᓚᓗᒃᑕᐅᓚᐅᕐᓯᒪᖏᑦᑐᑐᑦ. ᓰᓚ

ᐃᓐᖏᕈᑎᑦ 38:3

ᐅᕕᓂᒐ ᖃᓄᐃᖏᑦᑐᖃᓐᖏᓚᖅ, ᓂᓐᖓᐅᒪᓃᑦ ᐱᑦᔪᑎᒋᓪᓗᒍ; ᓴᐅᓂᒃᑲᓗ ᖃᓄᐃᖏᑦᑑᓐᖏᓚᑦ, ᐊᔪᕐᓂᒃᑲ ᐱᑦᔪᑎᒋᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 52:14

ᑍᒫᒃᑕᐅᖅ ᐅᓄᕐᑐᓄᑦ ᑕᑕᒥᓂᐊᕈᑕᐅᓚᐅᕐᐳᖅ, ᑮᓇᖓᑕ ᑕᐅᑦᑐᐊ ᐊᓯᑦᔨᕐᑕᐅᓚᐅᕐᒪᑦ ᐃᓅᑉ ᑕᐅᑦᑐᕆᕙᒃᑕᖓᑐᑦ ᑍᒤᑦᓱᓐᓃᕐᓗᓂ, ᐃᓅᓂᖓᑕᓗ ᑕᐅᑦᑐᐊ ᐃᓅᑉ ᐃᕐᓂᖏᑎᑐᑦ ᑍᒤᑦᓱᓐᓃᓚᐅᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:10

ᑳᓗᐊᕐᓂᑯᒧᑦ ᐆᑎᕐᓇᕐᓯᖃᑦᑕᕐᐳᒍᑦ ᐅᕕᓂᕗᑦ ᐆᑎᕐᓇᕐᓂᑯᒧᑦ ᐃᒐᕕᒃᑎᑐᑦ ᐆᓇᕐᑎᒋᕙᒃᐳᑦ.

ᔪᐃᓕᐅᑉ ᐊᒡᓚᖏᑦ 2:6

ᐃᓄᐃᑦ ᓯᕗᓂᐊᓃᑦᑐᑦ ᓴᔪᒃᐳᑦ ᑲᑉᐱᐊᓱᖕᓂᕐᒧᑦ, ᑮᓇᖏᓪᓗ ᐊᐅᖏᕈᑎᕗᑦ.

ᓇᕼᐅᒥᐅᑉ ᐊᒡᓚᖏᑦ 2:10

ᓱᓁᕈᑎᕗᖅ, ᕿᒪᒃᑕᐅᓯᒪᓕᕐᐳᖅ, ᐊᓯᕈᕐᑕᐅᓪᓗᓂᓗ; ᐆᒻᒪᑏᑦ ᓄᑮᕈᑎᕗᑦ ᑲᑉᐱᐊᓱᖕᓂᕐᒧᑦ; ᓰᖅᑯᐃᑦ ᓴᔪᓕᕐᐳᑦ ᓄᑭᖃᕈᓐᓃᕐᓗᑎᒡᓗ; ᑮᓇᖏᓪᓗ ᖃᒃᑯᑑᓕᕐᓱᑎᒃ.

ᓘᑲᓯᐅᑉ ᐊᒡᓚᖏᑦ 10:11

‘ᓴᓃᑦ ᓄᓇᑦᓯᓐᓂᑦ ᐱᓯᒪᔪᑦ, ᐃᑎᒐᑦᑎᓐᓃᑦ ᐲᔭᕐᐸᕗᑦ ᓇᒻᒪᒋᔭᐅᖏᓐᓂᑦᓯᓐᓂᒃ ᑲᐅᔨᑦᔪᑕᐅᖁᓪᓗᒋᑦ, ᒎᑎᐅᑉ ᐊᑕᓂᐅᕕᖓᑕ ᖃᓂᒋᓕᕐᒪᓯ.’