58 ᓴᐳᑎᔭᕐᑐᓚᐅᕐᐸᕐᒪ, ᐊᑕᓃᖅ; ᐱᐅᓕᓪᓗᖓᓗ.
ᐂᖏᓕᐅᓪᓗ ᓴᐳᑦᔨᔨᒋᓯᒪᔭᒪ ᐱᐅᖏᑦᑐᓂᑦ ᑕᒤᓐᓂᑦ, ᐅᑯᐊᒃ ᐃᓅᓱᒃᑑᒃ ᓮᒻᒪᕐᑎᓪᓕᒋᒃ! ᑖᒃᑯᓇᓂᓗ ᐊᑎᕋ ᑲᔪᓯᑎᑕᐅᓕ, ᓯᕗᓕᕐᒪᓗ ᐂᑉᕋᕼᐋᒻ ᐂᓴᑭᐅᓪᓗ ᐊᑎᖏᒃ; ᐅᓄᕐᓯᕙᓪᓕᐊᑎᒃᑭᑦ ᐃᓄᒐᓴᒡᔪᐊᓐᖑᓕᖁᓪᓗᒋᑦ ᑕᒫᓂ ᓄᓇᒥ.”
ᐅᖃᕋᓗᐊᕐᑐᑎᑦ ᒎᑎ ᑕᑯᔪᓐᓇᖏᓐᓂᕋᕐᓗᒍ, ᓱᓕᓕ ᑕᒪᓐᓇ ᑖᑦᓱᒪ ᓵᖓᓃᑉᐳᖅ, ᕿᓄᐃᓵᕐᓗᑎᑦ ᐅᑕᖅᑭᑦᓯᐊᑐᐃᓐᓇᕈᒃ.
ᐃᓅᓰᓪᓗ ᓴᐳᑎᓚᐅᕐᐹ ᐊᓯᕈᕐᑕᐅᕕᖕᒥᑦ, ᓂᐊᖂᓯᕐᐹᑎᓪᓗ ᓇᒡᓕᖕᓂᕐᒥᓂᒃ ᐃᓱᖃᖏᑦᑐᒥᒃ ᓂᑲᒍᓱᖕᓂᕐᒥᓂᒡᓗ,
ᐊᑕᓂᐅᑉ ᐱᔨᓂ ᐱᐅᓕᕔᑦ; ᑖᑦᓱᒧᖓᓗ ᕿᒫᔪᑦ ᐸᓯᔭᒃᓴᐅᓂᐊᓐᖏᓚᑦ.
ᖃᓂᕋ ᕾᒐᓛᕐᓂᐊᕐᐳᖅ ᖁᕕᐊᓱᖕᓂᐊᕐᒧᑦ, ᐃᓕᖕᓄᑦ ᐃᓐᖏᓕᕈᒪ ᓂᕐᑐᕐᓗᑎᑦ; ᑕᕐᓂᓐᓄᓪᓗᑦᑕᐅᖅ ᐱᐅᓕᓚᐅᕐᑕᕐᓄᑦ.
ᐃᓅᖃᑎᒌᒡᔪᐊᑦ ᐃᓂᕐᑎᕐᐸᑎᑦ, ᐱᐅᖏᑦᑐᓕᔪᓪᓗ ᑐᖁᓪᓗᒋᑦ; ᐊᑎᖏᓪᓗ ᓄᖑᑎᑉᐸᑎᑦ ᐃᓱᖃᖏᑦᑐᒥᑦ ᐃᓱᖃᖏᑦᑐᒧᑦ.
ᐊᑕᓂᓯ ᐃᒫᒃ ᐅᖃᕐᐳᖅ, ᑖᓐᓇ ᐊᑕᓂᖅ ᒎᑎᓯ, ᓯᕐᓈᕐᑐᖅ ᐃᓄᖁᑎᒥᓂᒃ: “ᑕᑯᒋᑦᓯ ᐃᒥᐅᑦ ᐅᕐᕈᔮᕈᑎᒋᓚᐅᕐᑕᓯ ᐲᕐᐸᕋ ᐊᒡᒐᑦᓯᓐᓂᑦ, ᐃᒥᐅᑦ ᐃᒪᖃᓚᐅᕐᑐᖅ ᓂᓐᖓᐅᒪᓂᓐᓂᒃ, ᑕᕝᕙᓐᖓᑦ ᐃᒥᒃᑲᓐᓂᕐᓂᐊᕈᓐᓃᕐᐳᓯ.
ᐊᑕᓃᕐᓕ ᖁᑦᓯᖕᓂᕐᐸᐅᔪᑎᑦ, ᓈᒻᒪᓈᕐᑐᒥᒃ ᐃᖅᑲᕐᑐᐃᔪᑎᑦ, ᐃᓄᐃᓪᓗ ᐆᒻᒪᑎᖓᓃᑦᑐᓂᒃ ᐃᓱᒪᖓᓃᑦᑐᓂᒡᓗ ᖃᐅᔨᓴᕈᓐᓇᕐᑐᑎᑦ, ᐊᑭᓂᐊᕐᓂᖅ ᑖᒃᑯᓄᖓ ᐃᓕᖕᓄᑦ ᑐᓂᖔᕐᐸᕋ.
ᐊᑕᓂᐅᑉ ᔧᑯᒃᑯᑦ ᐅᑎᕐᑎᑕᐅᓂᖓ ᐊᑭᓕᕈᒫᕐᐹ, ᓵᓚᒋᔨᒋᓯᒪᔭᖏᓐᓂᓪᓗ ᐱᐅᓕᓗᒋᑦ ᐅᑎᕐᑎᑦᓱᒫᕐᐰᑦ.
ᐊᒧᕚᓪᓗ ᐃᒥᕐᑕᕐᕕᒃᓴᒥᑦ, ᐊᒃᓗᓈᓄᑦ ᐊᒧᐊᕈᑎᖃᕐᓗᑎᒃ. ᔨᕆᒤᐊᓗ ᖃᐅᔨᓴᕐᑏᑦ ᓇᔪᕐᑕᖏᓐᓂ ᐃᓂᖃᓕᓚᐅᕐᐳᖅ.
ᐱᐅᓕᔨᒃᓴᖓᑦ ᐱᔪᓐᓇᕐᓂᕐᔪᐊᖃᕐᐳᖅ, ᐊᑎᖃᕋᒥ ᐊᑕᓂᕐᒥᒃ ᐊᔪᒐᖃᖏᑦᑐᕐᔪᐊᕐᒥᒃ. ᓴᐳᑦᔨᓇᓱᒡᓗᓂ ᐊᔪᐃᓐᓇᕈᓐᓇᕐᑐᖅ, ᓮᓕᑦᓯᐊᕐᓂᕐᒥᒃ ᑎᑭᑎᑦᓯᔪᒫᕐᐳᖅ ᓄᓇᕐᔪᐊᕐᒧᑦ, ᐹᐱᓘᓂᒦᑦᑐᓪᓕ ᓮᓕᑦᓯᐊᕈᓐᓇᕈᒫᓐᖏᓚᑦ.
ᑍᒤᒻᒪᑦ, ᐃᒫᒃ ᐊᑕᓂᖅ ᐅᖃᕐᐳᖅ, “ᑕᑯᒋᑦ, ᓴᐳᑎᓂᐊᕐᐸᑦᓯ ᓯᕐᓈᕐᓗᖓ ᐊᑭᒋᐊᕈᑎᓂᐊᕐᐸᑦᓯ; ᑕᕆᐅᖁᑎᖏᑦ ᐃᒤᕈᑎᑎᓐᓂᐊᕐᐸᒃᑲ, ᓄᓇᒥᓪᓗ ᑰᒃᑐᖁᑎᖏᑦ ᓴᓗᐊᕐᑎᓪᓗᒋᑦ.
ᑍᕕᑎᓕ ᑐᓴᕋᒥ ᓁᐳᓕᐅᑉ ᑐᖁᓂᖓᓂᒃ, ᐅᖃᕐᐳᖅ, “ᐊᑕᓂᖅ ᓂᕐᑐᕐᑕᐅᓕ ᐊᑭᒋᐊᓚᐅᕐᒪᑦ ᓁᐳᓪᒥᒃ, ᐅᕙᓐᓂᒃ ᒥᑕᐅᑎᖃᕐᓂᖓ ᐱᓪᓗᒍ, ᑕᒻᒪᕐᓂᕐᒥᓪᓗ ᓴᐳᑎᓚᐅᕐᒪᖓ; ᐊᑕᓂᐅᑉ ᓱᒋᐊᓚᐅᕐᐹ ᓁᐳᓪ ᐱᐅᖏᑦᑐᒥᒃ ᐱᓂᐊᓚᐅᕐᓂᖓ ᐱᓪᓗᒍ.” ᑍᕕᑎᓗ ᑎᓕᓯᓚᐅᕐᐳᖅ ᐅᖃᕆᐊᕐᑐᕐᑐᓂᒃ ᓄᓕᐊᕐᑖᕈᒪᓪᓗᓂ ᐊᐱᒊᓕᒥᒃ.
