41 ᐆᒻᒪᑎᕗᑦ ᐅᒃᑯᐃᑦᓯᐊᕐᓗᒋᑦ ᒎᑎᒧᑦ ᐅᖃᕐᓗᑕᓗ,
ᐃᓱᒪᑖᑦᓯᐊᕈᕕᑦ ᐆᒻᒪᑎᒃᑯᑦ, ᒎᑎᒧᑦ ᐃᓴᒻᒥᓕᕐᓂᐊᕐᐳᑎᑦ.
ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!
ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.
ᐃᓕᖕᓄᑦ ᐊᑕᓃᖅ, ᑕᕐᓂᕋ ᖁᒻᒧᐊᒃᑎᑉᐸᕋ;
ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.
ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.
ᐱᔨᕕᑦ ᑕᕐᓂᖓ ᖁᕕᐊᓱᓕᕐᑎᓚᐅᕈᒃ, ᐊᑕᓃᖅ, ᑕᕐᓂᓐᓂᒃ ᐂᑦᑐᐃᕕᒋᒐᒃᑭᑦ.
ᐊᑕᓂᖅ ᖁᑦᓯᖕᓃᕐᐹᒥ ᐃᓂᖃᕐᑐᖅ ᐃᓱᖃᖏᑦᑐᒥ, ᐊᑎᖓᓗ ᐃᑦᔪᕐᓁᑦᑐᖅ ᐃᒫᒃ ᐅᖃᕐᒪᑦ, “ᖁᑦᓯᒃᑐᒥ ᐃᑦᔪᕐᓁᑦᑐᒥᓗ ᐃᓂᖃᕐᐳᖓ, ᓯᖁᒥᓯᒪᔪᓂᒃ ᐊᓂᕐᓂᕐᒥᒍᓪᓗ ᒥᑭᒡᓕᑎᕐᓯᒪᔪᓂᒃ ᐃᓚᖃᕐᐳᖓ, ᓯᖁᒥᓯᒪᔪᓪᓗ ᐆᒻᒪᑎᖏᑦ ᐆᒻᒪᕐᑎᑦᓱᒪᓪᓗᒋᑦ.
ᑍᒫᒃ ᐊᖏᑎᒋᔪᒥᒃ ᐃᓕᑦᓯᓐᓂᒃ ᓇᒡᓕᒍᓱᖕᓂᑦᑎᓐᓄᑦ, ᐱᓇᓱᐊᖃᑎᒋᔪᒪᓚᐅᕐᐸᑦᓯ ᐅᖃᐅᓯᕐᓂᒃ ᑐᓴᕈᒥᓇᕐᑐᓂᑐᐃᓐᓇᐅᖏᑦᑐᖅ ᒎᑎᒥᓐᖔᕐᑐᓂᒃ, ᐃᓅᓯᑦᑎᓐᓂᒡᓕᑦᑕᐅᖅ ᐊᒡᓛᑦ, ᐊᒃᓱᒻᒪᕆᐊᓗᒃ ᐅᕙᑦᑎᓐᓄᑦ ᓇᒡᓕᖕᓇᕐᑑᒐᑦᓯ.
