ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32 - ᐊᒡᓔᑦ ᐃᑦᔪᕐᖕᓁᑦᑐᑦ

³² ᕿᒃᓵᒃᑎᓚᐅᕋᓗᐊᕐᓗᓂᑎᒍᑦ, ᐃᓚᑦᓱᒍᓱᒍᒫᕐᐳᖅ ᓇᒡᓕᒍᓱᖕᓂᖓ ᐃᓱᖃᖏᑦᑑᖕᒪᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:32 Iomraidhean Croise

ᐊᑕᓃᑦ ᐂᑉᐸᖏᑦ 13:23

ᐊᑕᓂᐅᑉ ᐱᑦᓯᐊᕐᕕᒋᓚᐅᕐᐰᑦ ᐃᓚᑦᓱᒋᓪᓗᒋᑦ ᐃᓱᒪᒋᑦᓯᐊᓚᐅᕐᐰ ᐊᖏᖃᑎᒌᒍᑎᓕᐅᕐᓯᒪᓂᓂ ᐱᑦᔪᑎᒋᓪᓗᒍ ᐂᑉᕋᕼᐋᒧᑦ, ᐂᓴᑭᒧᑦ, ᔧᑯᒧᓪᓗ. ᐅᓪᓗᒥ ᑎᑭᓪᓗᒍ ᓱᓕ ᐊᓯᕈᕐᑕᐅᖁᓐᖏᓔᑦ ᕿᒪᒍᒪᓇᒋᓪᓗ ᓇᔪᐃᓐᓇᕈᒪᓚᐅᕐᐰᑦ.

ᐃᓐᖏᕈᑎᑦ 103:11

ᓲᕐᓗ ᕿᓚᒃ ᖁᑦᓯᒃᑑᖕᒪᑦ ᓄᓇᒥᑦ, ᑍᒫᒃᑕᐅᖅ ᑖᑦᓱᒪ ᓇᒡᓕᖕᓂᖓ ᓱᖁᓯᔪᐃᑦᑑᒋᕗᖅ ᓯᕘᕋᒋᔭᖃᕐᑐᓄᑦ ᑖᑦᓱᒥᖓ;

ᐃᓐᖏᕈᑎᑦ 30:5

ᓂᓐᖓᐅᒪᓂᖓ ᕿᓚᒥᒻᒪᕆᑯᓗᒃ ᐊᓂᒍᕐᒪᑦ, ᐱᑦᓯᐊᕐᓂᖓᓕ ᐃᓅᓯᐅᑉ ᓈᓂᖓᓄᑦ ᑎᑭᑉᐳᖅ; ᐅᓐᓄᐊᖅ ᓈᓗᒍ ᖁᕝᕕᐅᕐᓂᖃᕐᐳᖅ, ᐅᓪᓛᖑᓕᕐᐸᓪᓕ ᖁᕕᐊᓱᖕᓂᖅ ᑎᑭᑉᐳᖅ.

ᐃᓐᖏᕈᑎᑦ 78:38

ᑖᓐᓇᓕ, ᓇᒡᓕᒍᓱᖕᓂᕐᒥᒃ ᑕᑕᓐᓇᒥ, ᐊᔪᕐᓂᖏᓐᓂᑦ ᐃᓱᒪᒋᔪᓐᓁᕐᕕᒋᓚᐅᕐᐰᑦ, ᐊᓯᕈᕐᓇᒋᓪᓗ; ᐅᓄᕐᑐᐃᓱᕐᓗᓂ ᓂᓐᖓᐅᒪᓂᓂ ᓄᖅᑲᕐᑎᖃᑦᑕᓚᐅᕐᐹ, ᓂᓐᖓᐅᒪᓂᓕᒫᓂᓗ ᐊᑕᖏᕐᓗᒍ ᓴᖅᑭᑎᓚᐅᓐᖏᓛ.

ᒨᓯᓯ ᐂᑉᐸᖏᑦ 2:23

ᐊᕐᕌᒍᐃᓪᓗ ᐅᓄᕐᑐᑦ ᐊᓂᒍᕐᓯᒪᓕᕐᑎᓪᓗᒋᑦ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦ ᑐᖁᕗᖅ. ᑭᓯᐊᓂᓕ ᓱᓕ ᐃᓴᕆᐊᓕᒥᐅᑦ ᐃᓖᔭᕆᔭᐅᓂᕐᒥᖕᓂᒃ ᓂᓪᓕᐊᑦᔪᑎᒌᓐᓇᓚᐅᕐᐹᑦ ᐃᑲᔪᕐᑕᐅᔪᒪᓪᓗᑎᒃ, ᕿᓄᓂᖓᓪᓗ ᒎᑎᒧᑦ ᑐᓴᕐᑕᐅᕗᖅ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 27:8

ᐊᑕᓂᐅᑉ ᐃᓄᖁᑎᓂ ᓱᒋᐊᓚᐅᕐᒪᒋᑦ ᐊᐅᓪᓚᕈᑦᔭᐅᑎᓪᓗᒋᑦ ᓄᓇᒋᔭᖓᓐᓂᑦ. ᐊᐅᓪᓚᕈᑎᓚᐅᕐᐰᑦ ᐊᓄᕆᕐᔪᐊᕐᒥᒃ ᐊᓄᕌᕐᑎᑦᓯᓪᓗᓂ ᓯᕿᓂᐅᑉ ᓄᐃᕕᐊᑕ ᓇᓛᓂᓐᖔᕐᑐᒥᒃ.

ᐂᓮᐊᓯᐅᑉ ᐊᒡᓚᖏᑦ 54:7

ᓯᕐᓛᐱᒃ ᕿᒪᑬᓐᓇᓚᐅᕐᐸᑦᓯ, ᑭᓯᐊᓂᓕ ᓇᒡᓕᒋᓗᐊᕋᑦᓯ ᐅᑎᕐᑎᓐᓂᐊᕐᐸᑦᓯ ᐅᕙᓐᓄᑦ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:22

ᐊᑕᓂᐅᑉ ᓂᒡᓕᒍᓱᖕᓂᖓ ᑲᔪᓯᑦᓮᓐᓇᕐᐳᖅ, ᓂᑲᒍᓱᖕᓂᖓ ᓄᖅᑲᓚᐅᕐᓯᒪᓐᖏᓚᖅ,

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᓇᕼᐅᒥᐅᑉ ᐊᒡᓚᖏᑦ 1:12

ᐊᑕᓂᖅ ᐃᒫᒃ ᐅᖃᕐᐳᖅ: “ᐊᑭᕋᓯ ᓴᓐᖏᔫᓪᓗᑎᒃ ᐅᓄᕋᓗᐊᕐᒪᑕ, ᓄᖑᑕᐅᔪᒫᕐᐳᑦ ᐊᓯᐅᓗᑎᒡᓗ. ᐃᓄᖁᑎᒃᑲ, ᐊᒃᓱᕈᕐᓇᕐᑐᒃᑰᕐᑎᓚᐅᕋᓗᐊᕐᐸᑦᓯ, ᑍᒤᑦᑐᒃᑰᕐᑎᒃᑲᓐᓂᕐᓂᐊᓐᖏᓚᑦᓯᓕ.

ᓘᑲᓯᐅᑉ ᐊᒡᓚᖏᑦ 15:20

ᐊᐅᓪᓚᕋᒥ ᐊᑖᑕᒥᓄᑦ ᐅᑎᓕᕐᐳᖅ. “ᓱᓕ ᐅᖓᓯᒃᑐᒦᑎᓪᓗᒍ ᐊᑖᑕᖓᑕ ᑕᑯᕚ, ᐃᓚᑦᓱᒋᓕᕐᓗᒍ, ᐊᑖᑕᖓ ᐅᓪᓚᒃᓯᓪᓗᓂ ᐸᕐᕆᐊᕐᐹ, ᑎᑭᓐᓇᒥᐅᒡᓗ ᐃᕿᑉᐹ ᑯᓂᒡᓗᒍᓗ,

ᐃᓗᐊᕐᓮᔩᑦ ᐊᒡᓚᖏᑦ 10:16

ᑕᕝᕙ ᓄᓇᖃᑎᒋᓐᖏᑕᒥ ᒎᑎᓐᖑᐊᖏᓐᓂᒃ ᕿᒤᓚᐅᕐᐳᑦ ᑐᒃᓯᐊᓕᕐᓗᑎᒡᓗ ᐊᑕᓂᕐᒧᑦ; ᐃᓱᒪᔮᕈᑎᖃᓕᕐᐳᕐᓗ ᐃᓴᕆᐊᓕᒥᐅᑦ ᐊᒃᓱᕈᕐᓂᖏᓐᓂᒃ.