ᔨᕆᒤᐊᐅᑉ ᐅᒡᒍᐊᕐᓂᖏᑦ 3:26 - ᐊᒡᓔᑦ ᐃᑦᔪᕐᖕᓁᑦᑐᑦ

²⁶ ᐊᑕᓂᐅᑉ ᐱᐅᓕᒃᓯᓂᒃᓴᖓ ᐅᑕᖅᑭᐊᕆᓗᒍ ᐱᐅᓂᕐᓴᐅᕗᖅ ᓂᐰᑦᑑᓗᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:26 Iomraidhean Croise

ᒨᓯᓯ ᓯᕗᓪᓖᑦ 49:18

ᐊᑕᓃᖅ, ᐱᐅᓕᒃᓯᓃᑦ ᐅᑕᖅᑭᕙᕋ.

ᑯᕉᓂᑲ ᐂᑉᐸᖏᑦ 20:17

ᐅᓇᑕᕆᐊᖃᓛᓐᖏᓚᓯ ᐅᓇᑕᕐᓂᕐᒥ ᐊᑐᐃᓐᓇᕈᕐᓗᓯ ᓄᖅᑲᖓᑐᐃᓐᓇᓛᕐᐳᓯ, ᑕᑯᓗᓯᓗ ᐊᑕᓂᐅᑉ ᓵᓚᖃᕐᓂᖓᓂᒃ ᐱᑦᔪᑎᒋᓗᓯ, ᔫᑖ ᔨᕉᓴᓕᒻᓗ.’ ᑲᑉᐱᐊᓱᖏᓪᓗᓯ, ᓴᐱᕐᑍᓕᒋᓯᓗ; ᖃᐅᒃᐸᑦ ᐅᐸᓛᕐᐸᑦᓯ ᐅᓇᑕᕆᐊᕐᓗᒋᑦ, ᐊᑕᓂᐅᓪᓗ ᐃᓚᒋᓂᐊᕐᐹᓯ.”

ᐃᓐᖏᕈᑎᑦ 119:166

ᐊᑕᓃᖅ, ᐱᐅᓕᒃᓯᓃᑦ ᓂᕆᐅᒋᕙᕋ, ᐱᖁᔭᑎᓪᓗ ᐊᑐᖃᑦᑕᕐᓗᒋᑦ.

ᐃᓐᖏᕈᑎᑦ 119:174

ᐊᑕᓃᖅ, ᐱᐅᓕᒃᓯᓃᑦ ᐅᖓᒋᕙᕋ, ᐱᖁᔭᑎᓪᓗ ᖁᕕᐊᓱᒃᑎᑕᐅᑦᔪᑎᒋᕙᒃᑲ.

ᐃᓐᖏᕈᑎᑦ 130:5

ᐊᑕᓂᖅ ᐅᑕᖅᑭᕙᕋ, ᑕᕐᓂᕋ ᐅᑕᖅᑭᕗᖅ, ᐅᖃᐅᓯᖏᓪᓗ ᑕᑎᒋᕙᒃᑲ.

ᐃᓐᖏᕈᑎᑦ 37:34

ᐊᑕᓂᖅ ᐅᑕᖅᑭᒍᒃ, ᐊᖅᑯᑎᖓᓃᑦᓮᓐᓇᕐᓗᑎᓪᓗ, ᑕᕝᕙ ᐊᖏᔪᕈᕐᑎᓐᓂᐊᕐᐹᑎᑦ ᓄᓇᒥᒃ ᑭᖑᕐᖑᑦᔨᑎᓐᓂᐊᕐᒪᑎᑦ. ᑕᑯᔪᒫᕐᐳᑎᓪᓗ ᐱᐅᖏᑦᑐᓕᔪᑦ ᐃᓚᒋᔭᐅᔪᓐᓁᕐᑎᑕᐅᑎᓪᓗᒋᑦ.

ᐃᓐᖏᕈᑎᑦ 37:7

ᐊᑕᓂᕐᒥ ᐃᓂᓪᓚᖓᓕᕆᑦ, ᕿᓄᐃᓵᕐᓗᑎᓪᓗ ᐅᑕᖅᑭᑦᓯᐊᕆᑦ ᑖᑦᓱᒥᖓ; ᐱᓂᐊᕐᓗᖕᓂᕐᒥᖕᓂᒃ ᑲᔪᓯᑎᑦᓯᔪᑦ ᐃᓱᒫᓗᓕᕈᑎᒋᑦᑍᓕᒃᑭᑦ ᐅᕝᕙᓗ ᐱᐅᖏᑦᑐᒥᒃ ᐱᓇᓱᐊᕐᑐᑦ ᑲᔪᓯᓂᕆᔭᖏᑦ.

ᐃᓐᖏᕈᑎᑦ 52:9

ᖁᔭᒋᓂᐊᕐᐸᒋᑦ ᐃᓱᖃᖏᑦᑐᒧᑦ, ᐱᓂᐊᕐᓯᒪᔭᑎᑦ ᐱᑦᔪᑎᒋᓪᓗᒋᑦ. ᐃᑦᔪᕐᓁᑦᑐᖁᑎᑎᑦ ᐃᓚᒋᓗᒋᑦ ᐊᑏᑦ ᐅᖃᐅᓯᕆᔪᒪᕙᕋ, ᐱᐅᔫᖕᒪᑦ.

ᐃᓐᖏᕈᑎᑦ 54:6

ᐃᓱᒪᕐᓱᕐᓗᖓ ᑐᓂᕐᕈᓯᕐᕕᒋᓂᐊᕐᐸᒋᑦ ᖁᕕᐊᓱᒡᓗᖓ; ᐊᑏᑦ ᖁᔭᒋᓂᐊᕐᐸᕋ, ᐊᑕᓂᖅ, ᐱᐅᔫᖕᒪᑦ.

ᐃᓐᖏᕈᑎᑦ 62:2

ᑖᓐᓇᑐᐊᖅ ᕾᕐᑐᕆᒐᒃᑯ ᐱᐅᓕᔨᒋᓪᓗᒍᓗ; ᓴᐳᑦᔨᔨᒋᕙᕋ, ᑕᕝᕙᓐᖓᑦ ᐊᐅᓚᑦᔭᒃᑎᑕᐅᓂᐊᓐᖏᓚᖓ.

ᐃᓐᖏᕈᑎᑦ 73:28

ᐅᕙᓐᓄᓪᓕ ᐱᐅᕗᖅ ᒎᑎᒧᑦ ᖃᓂᑦᑑᓗᖓ; ᐊᑕᓂᖅ ᒎᑎ ᕿᒫᕕᒃᓴᓕᐊᕆᓯᒪᒐᒃᑯ, ᐅᖃᐅᓯᖃᕈᓐᓇᖁᓪᓗᖓ ᐱᓇᓱᐊᕐᓂᕆᓯᒪᔭᓕᒫᕐᓂᒃ.

ᐃᓐᖏᕈᑎᑦ 92:1

ᐊᑕᓂᖅ ᖁᔭᒋᓗᒍ ᑕᒪᓐᓇ ᐱᐅᔫᕗᖅ, ᐊᑏᓪᓗ ᓂᕐᑐᕐᓗᒍ ᐃᓐᖏᕐᕕᒋᓗᑎᑦ ᖁᑦᓯᖕᓂᕐᐹᖑᔪᑎᑦ.

ᒨᓯᓯ ᐂᑉᐸᖏᑦ 14:13

ᒨᓯᓯᐅᑉ ᑭᐅᕔᑦ, “ᑲᑉᐱᐊᓱᖏᓪᓗᓯ ᓱᕐᕋᒃᑍᓕᒋᑦᓯ ᑕᑯᓂᐊᕐᐳᓯ ᐊᑕᓂᐅᑉ ᓴᐳᑦᔨᓂᖓᓂᒃ ᐃᓕᑦᓯᓐᓂᒃ ᐅᓪᓗᒥ. ᑖᒃᑯᐊ ᐄᑦᔨᑉᑎᒥᐅᑦ ᑕᑯᒃᑲᓐᓂᕈᓐᓇᕐᓂᐊᓐᖏᓚᓯ.

ᒨᓯᓯ ᐂᑉᐸᖏᑦ 14:14

ᐊᑕᓂᐅᑉ ᐅᓇᑕᖔᕐᓂᐊᕐᒪᒋᑦ ᐊᑭᕋᓯ, ᐃᓕᑦᓯᓕ ᓱᓇᒥᒃ ᐱᓇᓱᐊᕆᐊᖃᓐᖏᓚᓯᓘᓐᓃᑦ.”

ᐂᓮᐊᓯᐅᑉ ᐊᒡᓚᖏᑦ 30:15

ᐊᑕᓂᖅ ᒎᑎ, ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᑦ, ᐃᒫᒃ ᐅᖃᕐᐳᖅ, “ᐅᕙᓐᓄᑦ ᐅᑎᕈᑦᓯ ᓮᓕᓇᕐᑐᒦᓪᓗᓯ ᐱᐅᓕᔭᐅᒐᔭᕐᐳᓯ; ᓂᐰᑦᑑᓂᖅ ᖁᓚᖏᓐᓂᕐᓗ ᐱᔪᓐᓇᕐᓂᕆᓂᐊᕐᐸᓯ.” ᑭᓯᐊᓂᓕ ᑍᒤᑦᑐᒪᓚᐅᓐᖏᓚᓯ.

ᐂᓮᐊᓯᐅᑉ ᐊᒡᓚᖏᑦ 30:7

ᐄᑦᔨᑉᑎᒥᐅᑦ ᐃᑲᔪᕈᓐᓇᕐᓂᖓᑦ ᐊᑐᕐᓇᕐᓂᖃᖏᒻᒪᑦ, ᑍᒤᒻᒪᑦ ᐄᑦᔨᑉᑎᒥᐅᑦ ᑍᒎᓯᕐᑖᕐᑎᓯᒪᕙᒃᑲ, “ᕋᕼᐊᑉ-ᕼᐃᒻ-ᓯᐱᑎᒥᒃ ᐃᒃᓯᕙᑐᐃᓐᓇᕐᑐᒥᒃ.”

ᐂᓮᐊᓯᐅᑉ ᐊᒡᓚᖏᑦ 7:4

ᐅᖃᐅᑎᓪᓗᒍᓗ, ‘ᐅᐸᓗᖎᕐᓯᒪᑦᓯᐊᕆᑦ, ᓂᐱᖃᖏᓪᓗᑎᑦ ᑲᑉᐱᐊᓱᖏᓪᓗᑎᒡᓗ, ᓴᐱᓕᕐᑍᓕᓗᑎᓪᓗ ᒪᕐᕈᐃᑦ ᑲᑉᐱᐊᓱᒃᑎᑦᓯᔪᑦ ᐱᑦᔪᑎᒋᓪᓗᒋᑦ ᐊᖓᔪᖅᑳᕐᔪᐊᑉ ᕆᔨᓂᐅᑉ ᓯᕆᐊᒥᐅᖑᖃᑎᖏᑕᓗ, ᐊᖓᔪᖅᑳᕐᔪᐊᕐᓗ ᕆᒪᓔᐊᐅᑉ ᐃᕐᓂᖓᑕ.

ᔨᕆᒤᐊᐅᑉ ᐊᒡᓚᖏᑦ 14:22

ᐃᓅᖃᑎᒌᒡᔪᐊᖑᖃᑎᑦᑕ ᒎᑎᖏᑦ ᓱᓕᖏᑦᑐᑦ ᓯᓚᓗᒃᑎᑦᓯᔪᓐᓇᕐᐹᑦ? ᓯᓚᒥᒡᓗ ᑯᕕᑐᐃᓐᓇᕐᑎᑦᓯᔪᓐᓇᕐᐹᑦ? ᑍᒤᑎᑦᓯᔪᓐᓇᕐᑐᖃᓐᖏᓚᖅ ᐃᕝᕕᑦ ᐊᓯᖕᓂᒃ ᐊᑕᓃᖅ ᒎᑏᒃ, ᐃᓕᖕᓂᑦ ᓂᕆᐅᒋᔭᖃᕐᐳᒍᑦ, ᐃᕝᕕᑐᐊᖅ ᑕᒪᒃᑯᐊᓕᒫᑦ ᐊᐅᓚᓐᓇᕕᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:27

ᐃᓄᒃ ᐃᓅᓱᒃᑑᓂᕐᒥᓂᑦ ᐱᔭᕐᓂᖏᑦᑐᒥᒃ ᖃᐅᔨᕙᒌᕈᓂ ᐱᐅᓂᕐᓴᐅᕗᖅ.

ᕼᐊᐸᑲᐅᑉ ᐊᒡᓚᖏᑦ 2:3

ᑕᑯᑎᑦᔪᑎᑦ ᐱᕕᒃᓴᒥᖕᓂᒃ ᓇᓪᓕᐅᑎᕝᕕᐅᓯᒪᖏᒃᑲᓗᐊᕐᑎᓪᓗᒋᑦ; ᑭᖑᓪᓕᕐᐹᒥᒡᓕ ᐅᖃᐅᓯᖏᑦ ᓇᓪᓕᐅᑎᔪᒫᕐᐳᑦ ᓴᒡᓗᓂᐊᕋᑎᒡᓗ. ᓇᓪᓕᐅᑎᓂᐊᕐᓂᖓ ᐊᑯᓂᐅᖅᑰᔨᓂᐊᕋᓗᐊᕐᐳᖅ, ᐅᑕᖅᑭᑐᐃᓐᓇᕐᓯᐅᒡᓕ; ᐱᕕᒃᓴᖓ ᓇᓪᓕᐅᑎᓪᓚᕆᒍᒫᕐᒪᑦ, ᑭᖑᕙᕐᓂᐊᕋᓂᓗ.

ᒐᓔᑎᐊᒥᐅᓄᑦ 4:18

ᐃᓛᒃ ᐃᓱᒪᒋᑦᓯᐊᖃᑦᑕᐅᑎᓂᖅ ᐱᐅᔫᒐᓗᐊᕐᐳᖅ ᐱᑦᔪᑎᒃᓴᖓ ᓈᒻᒪᓈᕐᓯᒪᒃᐸᑦ, ᐃᓕᑦᓯᓐᓂ ᓇᔫᑎᖏᒃᑲᓗᐊᕈᒪ.

ᐄᑉᕈᐃᓄᑦ 10:35

ᑍᒤᒻᒪᑦ ᓴᐱᓕᕐᑍᓕᒋᑦᓯ ᑕᑎᖃᕐᓂᑦᓯᓐᓂᒃ, ᑕᒪᓐᓇ ᐊᖏᔪᒥᒃ ᐊᑭᓕᕐᑕᐅᓂᒃᓴᖃᕐᒪᑦ.

ᐄᑉᕈᐃᓄᑦ 3:14

᙭ᔅᑑᓯ ᐱᓇᓱᐊᖃᑎᒋᒐᑦᑎᒍᑦ, ᐱᒋᐊᓕᕐᓗᑕ ᑕᑎᖃᕐᓂᕆᓚᐅᕐᑕᕗᑦ ᑲᔪᓯᑎᓐᓂᐊᑐᐊᕈᑦᑎᒍᑦ ᐃᓱᐊᓄᑦ.

ᐲᑦᑐᕉᓯ ᓯᕗᓪᓖᑦ 1:13

ᑍᒤᒻᒪᑦ ᐃᓱᒪᑦᓯᒍᑦ ᐅᐸᓗᖕᒊᕐᓯᒪᓕᕆᑦᓯ; ᓇᖕᒥᓂᑦᓯᓐᓂᒃ ᑲᒪᑦᓯᐊᕐᓗᓯ ᐃᓅᓯᑦᓯᓐᓂᒃ; ᓂᕆᐅᖕᓂᓯ ᓱᖁᓯᕐᑍᓕᓗᒍ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓ ᐃᓕᑦᓯᓐᓄᑦ ᑎᑭᓐᓂᐊᕐᒪᑦ ᔩᓱᓯ ᙭ᔅᑑᓯᐅᑉ ᓴᖅᑭᕝᕕᒃᓴᖓᓂ.