ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᔨᕉᓴᓕᐅᑉ ᐃᑎᕐᑕᕐᕕᖏᑦ ᓄᓇᒧᑦ ᒪᖑᒃᑎᑉᐰᑦ, ᐹᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᐰᑦ, ᐊᖓᔪᖅᑳᕐᔪᐊᖓᑦ ᐃᕐᓂᖏᓪᓗ ᐊᐅᓪᓚᕈᑦᔭᐅᕗᑦ ᐃᓅᖃᑎᒌᒡᔪᐊᓄᑦ; ᐱᖁᔭᖏᓪᓗ ᐊᑑᑎᔪᓐᓁᕐᐳᑦ, ᒎᑎᐅᓪᓗ ᐅᖃᕐᑎᖏᑦ ᐊᑕᓂᕐᒥᑦ ᐱᔪᓂᒃ ᑕᑯᑎᑕᐅᕙᒍᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:9 Iomraidhean Croise

ᐊᑕᓃᑦ ᐂᑉᐸᖏᑦ 25:7

ᔨᑎᑬᐊ ᑕᑯᓐᓇᕐᑎᓪᓗᒍ ᐃᕐᓂᖏᑦ ᑐᖁᕋᕐᑕᐅᕗᑦ, ᓂᐱᑯᓁᓴᐅᓪᓗ ᔨᑎᑬᐊᐅᑉ ᐃᔨᖏᒃ ᖄᕐᑕᐅᑎᑉᐰᒃ, ᐊᕐᓵᕐᑑᔭᓄᓪᓗ ᐊᑦᑐᖏᕐᓱᕐᓗᒍ, ᐹᐱᓘᓂᒧᑦ ᐊᐅᓪᓚᕈᑎᕚ.

ᑯᕉᓂᑲ ᐂᑉᐸᖏᑦ 15:3

ᐃᓴᕆᐊᓕᒥᐅᑦ ᐊᑯᓂᐊᓗᒃ ᒎᑎᒥ ᓱᓕᔪᒦᓚᐅᖏᒻᒪᑕ, ᑐᓂᕐᕈᓯᕐᑎᑦᓯᔨᒥᒡᓗ ᐃᓕᓮᔨᖃᕋᑎᒃ, ᐱᖁᔭᖃᕋᑎᒡᓗ;

ᓂᕼᐃᒤᐊᐅᑉ ᐊᒡᓚᖏᑦ 1:3

ᑖᒃᑯᐊ ᐅᖃᐅᑎᕚᖓ, “ᑖᒃᑯᐊ ᐅᑎᕐᓯᒪᓕᕐᑐᑦ ᑕᕝᕗᖓ ᐊᐅᓪᓚᕈᑦᔭᐅᓯᒪᓚᐅᕐᑐᓂᑦ ᐅᑯᒤᒃᓴᕐᑐᒻᒪᕆᐊᓘᕗᑦ ᑲᓐᖑᓇᕐᑐᒦᓪᓗᑎᒡᓗ; ᔨᕉᓴᓕᐅᓪᓗ ᐊᕙᓗᕐᔪᐊᖓ ᓱᕋᒃᓯᒪᓪᓗᓂ, ᐃᑎᕐᑕᕐᕕᖏᓪᓗ ᐃᑯᒪᒧᑦ ᓄᖑᑕᐅᓯᒪᕗᑦ.”

ᐃᓐᖏᕈᑎᑦ 74:9

ᐅᕙᒍᓪᓕ ᓇᓗᓁᒃᑯᑕᑦᑎᓐᓂᒃ ᑕᑯᓐᖏᓚᒍᑦ; ᒎᑎᒧᓪᓘᓐᓃᑦ ᐅᖃᕐᑎᑕᖃᕈᓐᓃᕐᐳᖅ; ᖃᐅᔨᒪᔪᖃᓐᖏᓚᒍᓪᓘᓐᓃᑦ ᖃᓄᖅ ᓯᕕᑐᑎᒋᔪᒥᒃ ᑍᒤᓐᓂᐊᕐᒪᖔᑦ.

ᐂᓮᐊᓯᐅᑉ ᐊᒡᓚᖏᑦ 24:12

ᐃᒡᓗᒐᓴᒡᔪᐊᕕᓂᐅᒐᓗᐊᑦ ᓯᖁᒻᒪᑰᓕᕐᐳᑦ, ᐃᑎᕐᑕᕐᕕᒡᔪᐊᖏᑕ ᐅᒃᑯᐊᕐᔪᐊᖏᑦ ᓯᖁᑦᑎᕐᓯᒪᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 14:14

ᐊᑕᓂᐅᓪᓗ ᐅᖃᐅᑎᕚᖓ, “ᓇᓚᐅᑦᑍᔩᓂᒃᑯᐊ ᐅᖃᕐᑎᑕᐅᓂᕋᖃᑦᑕᕐᑐᑦ ᐊᑎᓐᓂ ᓴᒡᓗᓪᓗᑎᒃ; ᐅᖃᖁᓗᒋᑦ ᑎᓕᓚᐅᓐᖏᓚᒃᑲ, ᐅᖃᕐᕕᒋᓚᐅᕐᓇᒋᓪᓗ. ᐅᖃᐅᓯᖏᑦ ᓱᓕᓐᖏᓚᑦ ᑕᑯᑎᑕᐅᓂᕋᕐᓂᖏᑦ, ᓯᕗᓂᒃᓴᒥᒃ ᐱᔪᒫᕐᓂᕅᓂᖏᑦ ᐊᑑᑎᖃᓐᖏᓚᑦ, ᐃᓱᒪᒋᔭᑐᐃᓐᓇᕐᒥᖕᓂᒃ ᓯᓔᕐᕆᒃᓯᕐᓗᑎᒃ ᐅᖃᐅᓯᖃᖃᑦᑕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 23:16

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ: “ᓇᓚᐅᑦᑍᓂᕐᓗᒃᑐᑦ ᐅᖃᐅᓯᕆᔭᖏᑦ ᓈᓚᒃᑍᓕᓯᒋᒃ; ᓱᓕᖏᑦᑐᓂᒃ ᓂᕆᐅᒋᔭᒃᓴᕐᑖᕐᑎᖃᑦᑕᕐᒪᓯ ᐃᓱᒪᒋᔭᑐᐃᓐᓇᕐᒥᖕᓂᒡᓗ ᑕᑯᑎᑕᐅᓂᕋᕐᐸᒃᓗᑎᒃ ᐊᑕᓂᕐᒥᑦ ᐱᖏᑦᑐᓂᒃ.

ᔨᕆᒤᐊᐅᑉ ᐊᒡᓚᖏᑦ 39:2

ᔨᑎᑬᐊᐅᑉ ᐊᖓᔪᖅᑳᕐᔪᐊᖑᓂᖓᑕ 11ᒋᓕᕐᑕᖓᓂ ᑕᖅᑮᑦ ᓯᑕᒪᖓᓐᓂ ᐅᓪᓗᖏᑕ 9ᒋᓕᕐᑕᖓᓐᓂ ᔨᕉᓴᓕᐅᑉ ᐊᕙᓗᕐᔪᐊᖓ ᑭᓚᒃᑕᐅᕗᖅ ᐃᓗᒻᒧᑦ.

ᔨᕆᒤᐊᐅᑉ ᐊᒡᓚᖏᑦ 39:8

ᑲᐅᓪᑎᐊᒥᐅᓪᓗ ᐊᖓᔪᖅᑳᕐᔪᐊᑉ ᐃᒡᓗᖓ ᐃᑯᐊᓪᓚᒃᐹᑦ ᐃᓄᐃᓪᓗ ᐃᒡᓗᖏᑦ, ᔨᕉᓴᓕᐅᓪᓗ ᐊᕙᓗᕐᔪᐊᖏᑦ ᓯᖁᑦᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 51:30

ᐹᐱᓘᓂᒥᐅᑦ ᐅᓇᑕᕐᑎᖁᑎᖏᑦ ᓴᐱᓕᕐᐳᑦ, ᐱᔭᐅᑦᑍᓕᕕᖕᒥᓃᒃᑲᓗᐊᕐᓗᑎᒃ, ᑕᖃᓂᕐᒧᑦ ᐊᕐᓇᑎᑐᑦ ᑍᒤᓕᕐᒪᑕ, ᐊᖏᕐᕋᖏᑦ ᐃᑯᐊᓪᓚᒃᑕᐅᖕᒪᑕ, ᐃᑎᕐᑕᕐᕕᖏᑕᓗ ᓴᕕᕋᔭᒃᑕᖏᑦ ᓯᖁᑦᑎᕐᑕᐅᖕᒪᑕ.

ᔨᕆᒤᐊᐅᑉ ᐊᒡᓚᖏᑦ 52:14

ᑲᐅᓪᑎᐊᒥᐅᑦ ᐅᓇᑕᕐᑎᖏᑦ ᐊᖓᔪᖅᑳᒥᖕᓂᒃ ᐃᓚᓖᑦ ᔨᕉᓴᓕᐅᑉ ᐊᕙᓗᕐᔪᐊᓕᒫᖓ ᓯᖁᑦᑎᓚᐅᕐᐹᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:3

ᐅᖁᒤᑦᑐᒦᑎᑕᐅᓪᓗᑎᒃ ᐊᒃᓱᕈᕐᓇᕐᑐᒦᑎᑕᐅᕗᑦ, ᔫᑕᒥᐅᓪᓗ ᓄᓇᒋᓐᖏᑕᒥᖕᓄᑦ ᐊᐅᓪᓚᕈᑦᔭᐅᕗᑦ, ᐃᓅᖃᑎᒌᒡᔪᐊᓂᑦ ᓄᓇᖃᖃᑕᐅᓕᕐᐳᑦ, ᒥᕐᖑᐃᕐᓯᕕᒃᓴᒥᒡᓗ ᓇᒡᕚᕈᓐᓇᕋᑎᒃ, ᐊᑭᕋᕐᑐᕐᑎᖏᑕ ᓵᓚᒋᖕᒪᔪᒃ ᓇᒧᓐᖓᕐᕕᒃᓴᖃᕈᓐᓁᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:15

ᐃᓄᖕᓄᑦ ᐅᖃᐅᑦᔭᐅᖃᑦᑕᓕᕐᐳᑦ, “ᑕᒫᓃᒐᓯ! ᓴᓗᒤᑦᑑᒐᑦᓯ! ᐊᒃᑐᐃᑦᑍᓕᒋᑦᓯ ᐅᕙᑦᑎᓐᓂᒃ!” ᑐᓐᖓᓱᖏᓐᓇᒥᒃ ᓇᓂᓕᒫᖅ ᐃᓅᖃᑎᒌᒡᔪᐊᓄᑦ ᐂᕙᒃᓗᑎᒃ ᐃᓂᒃᓴᕐᓯᐅᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:20

ᐊᑕᓂᐅᑉ ᐅᕐᓱᕐᑎᕐᓯᒪᔭᖓ ᐃᓅᓯᖃᕐᕕᒋᔭᕗᑦ, ᑎᒍᕚᑦ ᐃᑎᕐᓴᓕᐊᕆᓯᒪᔭᒥᖕᓂ, ᐅᖃᐅᓯᕆᓚᐅᕐᑕᕗᑦ, “ᑖᑦᓱᒪ ᑕᕐᕋᖓᓂ ᐃᓅᔪᒫᕐᐳᒍᑦ ᐃᓅᖃᑎᒌᒡᔪᐊᑦ ᐊᑯᕐᖓᓐᓂ.”

ᐃᓯᑭᐊᓕᐅᑉ ᐊᒡᓚᖏᑦ 12:13

ᓄᓗᐊᓐᓄᓪᓕ ᐅᓕᒍᒫᕐᐸᕋ, ᓂᒐᕐᑎᓪᓗᒍᓗ ᓂᒐᖁᑎᓐᓄᑦ; ᐹᐱᓘᓂᒧᐊᕈᑎᓗᒍᓗ ᓄᓇᒧᑦ ᑲᐅᓪᑎᐊᒧᑦ, ᑕᑯᔪᒫᓐᖏᓛᓕ; ᑕᕝᕙᓂᓗ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:20

ᓄᓗᐊᓐᓄᑦ ᐃᓯᕕᑦᓯᕕᒋᓗᒍ ᓄᓗᐊᕐᑎᑦᓱᒫᕐᐸᕋ, ᐹᐱᓘᓂᒧᐊᕈᑎᔪᒫᕐᐸᕋᓗ ᑍᑲᓂ ᐃᖅᑲᕐᑐᕈᒫᕐᐸᕋ ᐊᖏᖃᑎᒌᒍᑎᒥᓂᒃ ᐅᕙᓐᓄᑦ ᓯᖁᒥᑦᑎᓯᒪᓂᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 7:26

ᐊᓯᕈᕐᑕᐅᓇᕐᑐᑦ ᑭᖑᓕᕇᒃᑕᕐᓗᑎᒃ ᓇᓪᓕᐅᑎᖃᑦᑕᕈᒫᕐᐳᑦ, ᑐᓴᐅᒪᑐᐃᓐᓇᕐᓂᒃᑯᑦ ᑐᓴᕐᑎᑦᓯᓃᑦ ᑭᖑᓕᕇᒃᑕᕈᒫᕐᐳᑦ; ᒎᑎᐅᓪᓗ ᐱᔪᒫᕐᑐᒃᓴᓂᒃ ᐅᖃᕐᑎᖏᑕ ᑕᑯᑎᑕᐅᓂᖏᓐᓂᒃ ᕿᓂᖃᑦᑕᕈᒫᕐᐳᑦ, ᑐᓂᕐᕈᓯᕐᑎᑦᓯᔩᓪᓗ ᐱᖁᔭᓂᒃ ᐊᓯᐅᔨᔪᒫᕐᐳᑦ, ᐃᓄᑐᖃᐅᔪᓪᓗ ᐅᖃᐅᑦᔨᒋᐊᕈᑎᒃᓴᖃᕈᓐᓁᕐᓗᑎᒃ.

ᕼᐆᓯᐊᑉ ᐊᒡᓚᖏᑦ 11:6

ᐃᒡᓗᒐᓴᖏᑦ ᓴᕕᒡᔪᐊᒧᑦ ᐊᕕᒃᑐᕐᑕᐅᔪᒫᕐᐳᑦ, ᐃᑎᕐᑕᕐᕕᖏᑕᓗ ᓴᓐᓂᕈᐊᖏᑦ ᐊᓯᕈᕐᓗᒋᑦ ᓄᖑᑦᓱᒫᕐᐰᑦ, ᓂᕆᔭᐅᔪᒫᕐᐳᓪᓗ ᐱᐅᓇᓱᒋᔭᒥᒍᑦ ᐱᓇᓱᐊᕐᐸᒃᑕᒥᖕᓄᑦ.

ᕼᐆᓯᐊᑉ ᐊᒡᓚᖏᑦ 3:4

ᑍᒫᒃᑕᐅᖅ ᐃᓴᕆᐊᓕᐅᑉ ᐃᓄᖏᑦ ᐃᓅᔭᕆᐊᖃᕈᒫᕐᐳᑦ ᐊᑯᓂ ᐊᖓᔪᖅᑳᕐᔪᐊᖃᖏᓪᓗᑎᒃ ᓯᕗᓕᕐᑎᖃᖏᓪᓗᑎᒡᓗ, ᑐᓂᕐᕈᓯᖃᑦᑕᖏᓪᓗᑎᒃ ᐅᔭᕋᖕᓂᒡᓗ ᓇᐸᔪᓂᒃ ᐊᑐᖏᓪᓗᑎᒃ, ᒎᑎᓐᖑᐊᓂᒡᓘᓐᓃᑦ ᖃᐅᔨᓇᓱᐊᕈᑕᐅᕙᒃᑐᓂᒃ ᐊᑐᖏᓪᓗᑎᒃ.

ᐂᒨᓯᐅᑉ ᐊᒡᓚᖏᑦ 1:5

ᑕᒫᓯᑰᓯᐅᓪᓗ ᐃᑎᕐᑕᕐᕕᖓᑕ ᓴᕕᕋᔭᖓ ᓱᕋᒃᑎᕐᓂᐊᕐᐸᕋ, ᓄᓇᖃᕐᑐᓪᓗ ᐂᕙᓐ ᓇᕐᓴᖓᓂ ᓄᖑᑎᓐᓂᐊᕐᐸᒃᑲ, ᑍᓐᓇᓗ ᑎᒍᒥᐊᕐᑐᖅ ᐊᖓᔪᖅᑳᕐᔪᐊᑉ ᑎᒃᑯᐊᕐᓯᑦᔪᑎᖓᓂᒃ ᐱᑦ-ᐄᑕᓂᒥ; ᓯᕆᐊᓪᓗ ᐃᓄᖏᑦ ᑎᒍᔭᐅᓂᐊᕐᐳᑦ ᑭᕆᒧᑦ ᐊᐅᓪᓚᕈᑦᔭᐅᓗᑎᒃ,” ᐊᑕᓂᖅ ᐅᖃᕐᐳᖅ.

ᒨᓯᓯ ᑕᓪᓕᒪᖏᑦ 28:36

“ᐊᑕᓂᐅᑉ ᐱᔭᐅᑎᑦᓱᒫᕐᐹᓯ, ᐊᖓᔪᖅᑳᕐᔪᐊᓯᓗ ᐊᖓᔪᖅᑳᕐᔪᐊᓐᖑᕐᑎᓯᒪᔭᓯ ᐃᓕᑦᓯᓐᓄᑦ, ᐃᓅᖃᑎᒌᒡᔪᐊᓄᑦ ᓯᕗᓕᓯᓘᓐᓃᑦ ᐃᓕᑦᓯᓘᓐᓃᑦ ᓯᕗᓕᖓᒍᑦ ᓄᓇᒋᓚᐅᕐᓯᒪᓐᖏᑕᑦᓯᓐᓄᑦ ᐊᐅᓪᓚᕈᑦᔭᐅᓗᓯ; ᑕᕝᕙᓂᓗ ᒎᑎᒋᔭᐅᔪᓂᒃ ᕿᔪᖕᓂᒃ ᐅᔭᕋᖕᓂᒡᓗ ᐱᔨᑦᓯᕈᒫᕐᐳᓯ.

ᒨᓯᓯ ᑕᓪᓕᒪᖏᑦ 28:63

ᐊᑕᓂᖅ ᑲᑦᓱᖎᕐᓯᒪᓪᓗᓂ ᐃᓕᑦᓯᓐᓂᒃ ᐊᔪᕐᓴᕈᓐᓁᕐᐸᓪᓕᐊᑎᑦᓯᓚᐅᕐᒪᑦ ᐃᓄᒋᐊᒃᓯᕙᓪᓕᐊᑎᑦᓯᓪᓗᓂᓗ, ᑍᒫᒃᑕᐅᖅ ᑲᑦᓱᖎᕐᓯᒪᓗᓂ ᓄᖒᑦᓯᕙᓪᓕᐊᔪᒫᕐᐳᖅ ᓯᖁᒥᑕᐅᕙᓪᓕᐊᑎᑦᓯᓗᓂᓗ. ᓄᓇᒋᔭᑦᓯᓐᓂᓪᓗ ᐊᒧᔭᐅᕙᓪᓕᐊᔪᒫᕐᐳᓯ ᑕᕝᕙᓐᖓᑦ ᓄᓇᑖᕆᓂᐊᓕᕐᑕᑦᓯᓐᓂᑦ.

ᓴᒧᐃᓕ ᓯᕗᓪᓖᑦ 28:6

ᑍᒤᒻᒪᑦ ᓴᐅᓕ ᐊᑕᓂᕐᒥᒃ ᐊᐱᕆᓚᐅᕐᐳᖅ ᓱᔪᒃᓴᐅᖕᒪᖔᕐᒥ, ᐊᑕᓂᐅᓪᓕ ᑭᐅᓚᐅᓐᖏᓛ, ᓯᓐᓇᒃᑐᕐᓂᒃᑯᑦ, ᓇᓚᐅᑦᓵᕈᑎᒃᑯᓪᓘᓐᓃᑦ, ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖏᑎᒍᓪᓘᓐᓃᑦ.