ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐊᑕᓂᐅᑉ ᑐᓂᕐᕈᓯᕐᕕᖁᑎᓂ ᐃᑦᔪᕐᓁᑦᑐᒃᑯᕕᖁᑎᓂᓗ ᖁᔭᓈᕐᐰᑦ ᐃᒡᓗᒐᓴᒡᔪᐊᖁᑎᒥᓗ ᐊᕙᓗᕐᔪᐊᖏᑦ ᓯᖁᒥᑕᐅᑎᑉᐰᑦ ᐊᑭᕋᖏᓐᓄᑦ, ᓵᓚᖃᕐᓂᕐᒥᒃ ᓂᓪᓕᐊᕕᐅᓕᕐᐳᑦ ᑐᒃᓯᐊᕐᕕᒃᔪᐊᖁᑎᕗᑦ ᓂᕐᑐᐃᕙᓗᒃᑐᓂᒃ ᓂᓪᓕᐊᕕᐅᕙᓚᐅᕐᑐᖅ ᓇᓪᓕᐅᓐᓂᕐᓯᐅᕖᑦ ᐊᑐᕐᑎᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:7 Iomraidhean Croise

ᐊᑕᓃᑦ ᐂᑉᐸᖏᑦ 25:9

ᐊᑕᓂᐅᑉ ᐃᒡᓗᖓ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖓ, ᐃᒡᓗᓕᒫᓪᓗ ᔨᕉᓴᓕᒦᑦᑐᑦ; ᐱᒻᒪᕆᓕᒫᓪᓗ ᐃᒡᓗᖏᑦ ᐃᑯᐊᓪᓚᒃᑕᐅᕗᑦ.

ᑯᕉᓂᑲ ᐂᑉᐸᖏᑦ 36:19

ᒎᑎᐅᓪᓗ ᐃᒡᓗᖓ ᐃᑯᐊᓪᓚᓚᐅᕐᐹᑦ, ᔨᕉᓴᓕᐅᓪᓗ ᐊᕙᓗᕐᔪᐊᖓ ᓯᖁᑦᑎᕐᓗᒍ, ᐊᖓᔪᖅᑳᕐᔪᐊᓪᓗ ᐃᒡᓗᕐᔪᐊᓕᒫᖏᑦ ᐃᑯᐊᓪᓚᒃᐰᑦ, ᐱᒋᔭᐅᔪᓪᓗ ᐱᔪᒥᓇᕐᑐᓕᒫᑦ ᐊᓯᕈᕐᓗᒋᑦ.

ᐃᓐᖏᕈᑎᑦ 89:39

ᐱᔨᖕᓄᑦ ᐊᖏᖃᑎᒌᒍᑎᒋᓯᒪᔧᑦ ᐊᑐᕈᓐᓃᕐᑎᑉᐸᑦ; ᑖᑦᓱᒪ ᓂᐊᖂᑎᖓ ᓇᕐᕈᓇᕐᓯᑎᑉᐸᑦ ᓄᓇᒧᑦ ᐃᒋᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 64:9

ᓂᓐᖓᐅᒪᔪᐊᓘᑦᑍᓕᒋᑦ ᑕᐅᕗᖓᓕᒫᖅ, ᐊᑕᓃᖅ, ᐊᔪᕐᑐᓕᓂᕗᑦ ᐃᖅᑲᐅᒤᓐᓇᕐᓂᐊᕐᓇᒋᑦ ᐃᓱᖃᖏᑦᑐᒧᑦ; ᑕᑯᒋᑦ ᐃᓱᒪᓚᐅᕆᑦ ᐃᓕᖕᓄᑦ ᐃᓘᓐᓇᑕ ᐃᓄᖁᑎᒋᔭᐅᓂᑦᑎᓐᓂᒃ.

ᔨᕆᒤᐊᐅᑉ ᐊᒡᓚᖏᑦ 21:4

“ᔨᑎᑬᐊ ᐃᒫᒃ ᐅᖃᐅᑎᓯᐅᒃ, ‘ᐊᑕᓂᖅ ᐃᒫᒃ ᐅᖃᕐᐳᖅ, ᐃᓴᕆᐊᓕᒥᐅᑦ ᒎᑎᖓᑦ, ᑕᑯᒋᑦ, ᐅᓇᑕᐅᑎᒃᓴᓯ ᐊᑐᕐᓗᒋᑦ ᐃᓕᑦᓯᓐᓂᒃ ᓵᑦᓯᖔᕐᓂᐊᕐᐳᖓ ᐅᓇᑕᐅᑎᒃᓴᓕᐊᕆᓯᒪᔭᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓄᑦ ᑲᐅᓪᑎᐊᒥᐅᑦ ᐅᓇᑕᕐᑎᖏᓐᓄᑦ ᒫᓐᓇ ᐃᒡᓗᒐᓴᒡᔪᐊᖃᕐᕕᑦᓯᓐᓂᒃ ᐃᓗᒪᓯᓗᑎᒃ ᐱᕖᕈᑦᔨᓯᒪᔪᓄᑦ ᐃᓕᑦᓯᓐᓂᒃ; ᐃᒡᓗᒐᓴᒡᔪᐊᖃᕐᕕᑦᓯ ᐃᓗᐊᓄᐊᕈᓐᓇᕐᓯᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 26:18

“ᕼᐃᓯᑬᐊ ᐊᖓᔪᖅᑳᕐᔪᐊᖑᑎᓪᓗᒍ ᔫᑕᒥᐅᓄᑦ, ᒤᑲ ᒧᕆᓯᑎᒥᐅᖅ ᓇᓚᐅᑦᑍᓚᐅᕐᐳᖅ ᐅᖃᕐᓗᓂᓗ, ‘ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ, ᓮᐅᓂ ᐱᕈᕐᓰᕕᒃᑎᑐᑦ ᐋᖅᑭᒃᓱᕐᑕᐅᔪᒫᕐᐳᖅ; ᔨᕉᓴᓕᒻᓗ ᐅᔭᕋᓛᖑᓂᕐᑎᑐᑦ ᖃᑦᑎᒃᓯᓯᒪᓗᓂ, ᑐᒃᓯᐊᕐᕕᒡᔪᐊᓪᓗ ᐃᓂᒋᔭᖓ ᐃᕕᒃᓱᒐᕐᓄᑦ ᐱᕈᕐᕕᐅᓯᒪᓗᓂ ᓂᐊᖁᑦᑕᕕᓂᑐᐃᓐᓇᐅᓕᕈᒫᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 32:29

ᑲᐅᓪᑎᐊᒥᐅᓪᓗ ᑎᑭᒃᑯᑎᒃ ᐃᒡᓗᒐᓴᒡᔪᐊᑦ ᐃᑯᐊᓪᓚᒍᒫᕐᐹᑦ, ᐃᑯᒪᒧᑦ ᓄᖑᑕᐅᖁᓪᓗᒋᑦ, ᑍᒃᑯᐊᓗ ᓂᓐᖓᒡᕕᒋᓚᐅᕐᑕᒃᑲ ᒎᑎᓐᖑᐊᒧᑦ ᐰᓕᒧᑦ ᑐᓂᕐᕈᓯᖃᑦᑕᕐᓂᖏᓐᓄᑦ ᕔᓂᒥᒃ ᐃᒡᓗᒥ ᖄᖏᓐᓂ; ᐃᑯᒪᒧᑦ ᓄᖑᑕᐅᑎᓐᓂᐊᕐᐸᒃᑲ.

ᔨᕆᒤᐊᐅᑉ ᐊᒡᓚᖏᑦ 39:8

ᑲᐅᓪᑎᐊᒥᐅᓪᓗ ᐊᖓᔪᖅᑳᕐᔪᐊᑉ ᐃᒡᓗᖓ ᐃᑯᐊᓪᓚᒃᐹᑦ ᐃᓄᐃᓪᓗ ᐃᒡᓗᖏᑦ, ᔨᕉᓴᓕᐅᓪᓗ ᐊᕙᓗᕐᔪᐊᖏᑦ ᓯᖁᑦᑎᕐᓗᒋᑦ.

ᔨᕆᒤᐊᐅᑉ ᐊᒡᓚᖏᑦ 4:26

ᓄᓇᓗ ᕿᒥᕐᕈᒐᒃᑯ, ᐱᕈᕐᑐᖃᓚᐅᕐᑐᖅ ᐸᓂᕐᓗᓂ ᓱᓇᑕᖃᓐᖏᓚᖅ, ᓄᓇᖃᕐᕕᕕᓃᓪᓗ ᓄᓇᓕᕕᓂᑐᐃᓐᓇᐅᓕᕐᐳᑦ, ᐊᑕᓂᐅᑉ ᓵᖓᓂ, ᐊᑕᓂᐅᑉ ᓂᓐᖓᒡᕕᒋᓚᐅᕐᒪᒋᑦ. (

ᔨᕆᒤᐊᐅᑉ ᐊᒡᓚᖏᑦ 4:27

ᐃᒫᒃ ᐊᑕᓂᖅ ᐅᖃᕐᐳᖅ, “ᓄᓇᓕᒫᖅ ᐊᓯᕈᕐᑕᐅᓂᐊᕐᐳᖅ ᑭᓯᐊᓂᓕ ᓄᖑᑕᐅᒻᒪᕆᒃᑎᓐᓂᐊᓐᖏᓚᕋ.)

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:5

ᐊᑕᓂᖅ ᐊᑭᕋᕐᑎᑐᑦ ᑍᒤᓕᕐᐳᖅ ᐃᓴᕆᐊᓕᒥᐅᓂᒃ ᓄᖑᕅᓪᓗᓂ, ᐃᒡᓗᒐᓴᒡᔪᐊᖁᑎᖏᑦ ᓄᖑᑎᒻᒪᒋᑦ ᐱᔭᐅᒌᒃᑯᑎᖏᓪᓗ ᓯᖁᑦᑎᕐᓱᒋᑦ ᔫᑕᐅᑉ ᐸᓂᖏᓐᓄᑦ ᓇᓂᑐᐃᓐᓇᖅ ᕿᒃᓵᖕᓇᕐᑐᖃᕐᑎᑦᓯᕗᖅ ᐅᒡᒍᐊᕐᓇᕐᑐᖃᕐᑎᑦᓯᓪᓗᓂᓗ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 7:24

ᐃᓅᖃᑎᒌᒡᔪᐊᓂᑦ ᐱᐅᖏᓐᓂᕐᐹᓂᒃ ᑎᑭᑎᑦᓯᔪᒫᕐᐳᖓ ᐃᒡᓗᖏᑦ ᑖᒃᑯᓄᖓ ᐱᑖᕆᔭᐅᖁᓪᓗᒋᑦ; ᐱᐅᔪᕆᓂᕐᒧᑦ ᐊᔪᖏᑦᔪᑎᖏᑦ ᓄᖅᑲᕐᑎᑦᓱᒫᕐᐸᒃᑲ, ᐃᑦᔪᕐᓁᑦᑐᖁᑎᖏᓪᓗ ᓇᕐᕈᓇᕐᓯᑎᑕᐅᔪᒫᕐᐳᑦ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᐱᖓᔪᖏᑦ 26:44

ᑍᒤᒃᑲᓗᐊᕐᐸᑦ, ᐊᑭᕋᒥ ᓄᓇᖏᓐᓃᒃᑲᓗᐊᕐᐸᑕ, ᕿᒪᒻᒪᕆᖕᓂᐊᓐᖏᓚᒃᑲ ᑐᓄᐃᓂᕐᒧᓪᓗ ᓄᖑᑎᒻᒪᕆᖕᓂᐊᓐᖏᓚᒃᑲ, ᓄᖑᑕᐅᒻᒪᕆᒃᐸᑕ ᐊᖏᖃᑎᒌᒍᑎᒋᓯᒪᔭᕋ ᓄᖑᖁᓇᒍ. ᐅᕙᖓ ᐊᑕᓂᐅᒐᒪ ᑖᒃᑯᐊ ᒎᑎᖓᑦ.

ᐂᒨᓯᐅᑉ ᐊᒡᓚᖏᑦ 2:5

ᔫᑕ ᐃᑯᐊᓪᓚᒃᑎᓐᓂᐊᕐᐸᕋ, ᔨᕉᓴᓕᐅᓪᓗ ᕿᒫᕕᖏᑦ ᓄᖑᑎᓐᓂᐊᕐᐸᒃᑲ.”

ᒤᑲᐅᑉ ᐊᒡᓚᖏᑦ 3:12

ᑍᒤᒻᒪ ᐃᓕᑦᓯ ᐱᓪᓗᓯ ᓮᐅᓂᐅᑉ ᓄᓇᖓ ᒧᒥᒃᑎᑕᐅᔪᒫᕐᐳᖅ ᐱᕈᕐᓰᕕᒃᑎᑐᑦ, ᔨᕉᓴᓕᒻ ᓱᕋᒃᑎᕐᓯᒪᓕᕈᒫᕐᐳᖅ, ᑐᒃᓯᐊᕐᕕᒡᔪᐊᓪᓗ ᐃᓂᖓ, ᐱᖑᑐᐃᓐᓇᐅᓕᕐᓗᓂ ᓇᐹᕐᑐᓄᑦ ᐱᕈᕐᕕᑐᐃᓐᓇᐅᓕᕐᓗᓂ.”

ᒫᑎᐅᓯᐅᑉ ᐊᒡᓚᖏᑦ 24:2

ᔩᓱᓯᐅᑉ ᐅᖃᐅᑎᕔᑦ, “ᑕᒪᒃᑯᐊᓕᒫᑦ ᑕᑯᒥᓇᕐᓂᖏᑦ ᑕᑯᒐᓗᐊᕐᑕᓯ, ᓱᓕᔪᒥᒃ ᐅᖃᐅᑎᕙᑦᓯ, ᑕᕝᕙᓃᑦᑐᑦ ᐅᔭᕅᑦ ᐃᓂᒥᓂ ᖃᓕᕇᒃᑐᖃᕈᓐᓃᕈᒫᕐᐳᑦ; ᐃᓘᓐᓇᓕᒫᖓ ᓯᖁᒥᑕᐅᔪᒫᕐᒪᑦ.”