ᔨᕆᒤᐊᐅᑉ ᐅᒡᒍᐊᕐᓂᖏᑦ 2:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᐃᓅᓱᒃᑐᑦ ᐃᓐᓇᑐᕾᓪᓗ ᓇᓂᑐᐃᓐᓇᖅ ᑐᖁᖓᐅᓕᕐᐳᑦ, ᐃᓅᓱᒃᑐᑦ ᐊᖑᑎᑦ ᐊᕐᓁᓪᓗ ᑐᖁᖓᐅᕐᐳᑦ ᐊᑭᕋᑦᑎᓐᓄᑦ ᑐᖁᑕᐅᓂᑯᐃᑦ, ᓂᑲᒍᓱᖏᓪᓗᑎᑦ ᑐᖁᕋᕐᑕᐅᑎᓐᓇᕕᒋᑦ ᓂᓐᖓᕕᒃᔪᐊᕐᓂᕐᐱᑦ ᓇᓪᓕᐅᓯᒪᓂᖓᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:21 Iomraidhean Croise

ᑯᕉᓂᑲ ᐂᑉᐸᖏᑦ 36:17

ᑍᒤᒻᒪᑦ ᑎᑭᑕᐅᑎᓚᐅᕐᐰᑦ ᑲᐅᓪᑎᐊᒥᐅᑦ ᐊᖓᔪᖅᑳᕐᔪᐊᖓᓄᑦ, ᑖᑦᓱᒪ ᐊᖑᑏᑦ ᐃᓅᓱᒃᑐᖁᑎᖏᑦ ᑐᖁᓚᐅᕐᐰᑦ ᓴᕕᒡᔪᐊᒧᑦ ᐃᒡᓗᖏᓐᓂ ᐃᑦᔪᕐᓁᑦᑐᕕᖕᒥᓗ, ᐃᓚᑦᓱᒋᓇᒋᑦ ᐊᖑᑏᑦ ᐃᓅᓱᒃᑐᑦ ᐊᕐᓁᓪᓗ ᐅᐃᒡᒐᓱᐃᑦ, ᐃᑦᑐᐃᑦ ᐃᓄᑐᕾᓪᓗ; ᑖᑦᓱᒪ ᑐᓂᔧᓐᓇᕆᓚᐅᕐᐰᑦ ᑖᑦᓱᒧᖓ.

ᐃᔅᑕᐅᑉ ᐊᒡᓚᖏᑦ 3:13

ᑖᒃᑯᐊᓗ ᑎᑎᕋᕐᑕᐅᔪᑦ ᐊᖓᔪᖅᑳᕐᔪᐊᑉ ᓄᓇᖁᑎᓕᒫᖏᓐᓄᑦ ᐋᑎᕐᑕᐅᕗᑦ ᐅᓪᓚᒃᑎᓄᑦ, ᐅᖃᐅᓯᖃᕐᐳᑦ ᔫᑎᓕᒫᑦ ᓄᖑᑕᐅᖁᓪᓗᒋᑦ, ᑐᖁᑕᐅᑯᓪᓗᒋᓪᓗ, ᐊᒥᐊᒃᑯᔭᐅᖏᑦᓯᐊᕐᓗᑎᒃ, ᐃᓅᓱᒃᑐᐃᑦ ᐃᓄᑐᕾᓪᓗ, ᓄᑕᕅᓪᓗ ᐊᕐᓁᓪᓗ, ᐅᓪᓗᒥ ᐊᑕᐅᓯᕐᒥ, ᐅᓪᓗᐃᑦ 13ᒋᓕᕐᐸᒍ ᑕᖅᑮᑦ 12ᖓᓂ, ᑕᖅᑭᒥ ᐊᑖᕆᒥ, ᐱᖁᑎᓕᒫᖏᓪᓗ ᓵᓚᖃᐅᓯᐊᕆᔭᐅᖁᓪᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 27:11

ᓇᐹᕐᑐᖏᑕ ᐊᕙᓚᖓᔪᖏᑦ ᐸᓐᓇᑰᓕᕋᒥᒃ ᓇᑲᑎᕐᓯᒪᓕᕐᒪᑕ ᐊᕐᓇᓄᑦ ᕿᔪᒃᓴᕆᔭᐅᔪᒪᓪᓗᑎᒃ ᑲᑎᕐᓱᕐᑕᐅᕙᓕᕐᐳᑦ ᐃᓄᐃᑦ ᑐᑭᓯᓇᓱᓚᐅᖏᒻᒪᑕ, ᑍᒤᒻᒪᑦ ᒎᑎᐅᑉ ᑖᒃᑯᓂᖓ ᐱᓐᖑᕐᑎᑦᓯᓚᐅᕐᑑᑉ ᐃᓚᑦᓱᒋᓂᐊᕈᓐᓃᕐᐰᑦ ᓂᑲᒋᓂᐊᕈᓐᓃᕐᓗᒋᓪᓗ.

ᔨᕆᒤᐊᐅᑉ ᐊᒡᓚᖏᑦ 11:22

ᑍᒤᒻᒪᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᒫᒃ ᐅᖃᕐᐳᖅ, “ᑕᑯᒋᑦ, ᓱᒋᐊᕐᓂᐊᕐᐸᒃᑲ ᐃᓅᓱᒃᑐᖁᑎᖏᑦ ᑐᖁᑕᐅᔪᒫᕐᐳᑦ ᐅᓇᑕᕐᑐᓂ; ᐃᕐᓂᖏᓪᓗ ᐸᓂᖏᓪᓗ ᑳᖕᓇᕐᑐᒧᑦ ᐱᕐᓕᕋᕈᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 13:14

ᐃᒻᒥᖕᓅᕐᑎᑦᓱᒫᕐᐸᒃᑲ ᓯᖁᑦᑎᖃᑦᑕᐅᑎᖁᓪᓗᖏᑦ, ᐃᕐᓂᕇᑦ ᐊᑖᑕᒋᑦ, ᐊᑕᓂᖅ ᐅᖃᕐᐳᖅ, ᓂᑲᒋᓂᐊᓐᖏᓚᒃᑲ ᓇᒡᓕᒋᓂᐊᓐᖏᓚᒃᑲᓘᓐᓃᑦ, ᐊᓯᕈᕐᑕᐅᖁᓪᓗᒋᑦ.’”

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 21:7

ᑕᒪᓐᓇᓗ ᐊᓂᒍᕐᒪᑦ, ᐊᑕᓂᖅ ᐅᖃᕐᐳᖅ, ᔨᑎᑬᐊ ᔫᑕᐅᑉ ᐊᖓᔪᖅᑳᕐᔪᐊᖓ, ᐊᖓᔪᖅᑳᖁᑎᖏᓪᓗ, ᐃᓄᐃᓪᓗ ᑐᖁᕋᕐᓇᕐᑐᒧᑦ ᐱᔭᐅᓂᐊᓐᖏᓚᑦ ᐅᓇᑕᕐᑐᓂᓘᓐᓃᑦ, ᑳᖕᓇᕐᑐᕐᔪᐊᒧᓪᓘᓐᓃᑦ ᐹᐱᓘᓂᒥᐅᓪᓘᓐᓃᑦ ᐊᖓᔪᖅᑳᕐᔪᐊᖓᓐᓄᑦ ᓂᐱᑯᓁᓴᒧᑦ, ᑖᒃᑯᐊ ᐊᒥᐊᒃᑰᔪᑦ ᑐᖁᑕᐅᑎᓐᓂᐊᕐᐰᑦ ᓇᒡᓕᒋᖏᓪᓗᒋᑦ ᐃᓚᑦᓱᒋᖏᓪᓗᒋᓪᓘᓐᓃᑦ.’

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 51:22

ᐊᑐᕐᓗᑎᑦ ᐊᓯᕈᐃᓚᐅᕐᐳᖓ ᐊᖑᑎᓂᒃ ᐊᕐᓇᓂᒡᓗ, ᐊᑐᕐᓗᑎᓪᓗ ᐊᓯᕈᐃᓚᐅᕐᐳᖓ ᐃᓄᑐᖃᐅᓕᕐᑐᓂᒃ ᐃᓅᓱᒃᑐᓂᒡᓗ, ᐊᑐᕐᓗᑎᑦᑕᐅᖅ ᐊᓯᕈᐃᓚᐅᕐᐳᖓ ᓄᓖᑦᑐᓂᒃ ᐅᐃᒡᒐᓱᖕᓂᒡᓗ.

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᔨᕆᒤᐊᐅᑉ ᐊᒡᓚᖏᑦ 9:20

“ᐊᕐᓇᐅᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᒋᒃ, ᑐᑭᓯᓇᓱᐊᓕᕐᓯᐅᒃ ᐊᑕᓂᐅᑉ ᐅᖃᕐᑕᖏᑦ, ᐸᓂᓯ ᕿᐊᓂᕐᒥᒃ ᐃᓕᓴᓕᕐᓯᐅᒃ, ᐅᒡᒍᐊᕐᓂᕐᒥᒃ ᐃᓕᓴᖃᑦᑕᐅᑎᓕᕆᑦᓯ.

ᔨᕆᒤᐊᐅᑉ ᐊᒡᓚᖏᑦ 9:21

ᐃᒐᓛᑎᒍᑦ ᑐᖁ ᑎᑭᐅᑎᓯᒪᖕᒪᑦ, ᐱᔭᐅᑦᔧᕐᓯᒪᕕᑦᑎᓐᓄᓪᓗ ᓴᖅᑭᓯᒪᖕᒪᑦ, ᐊᖅᑯᑎᑦᑎᓐᓂᓗ ᓄᑕᕅᕈᑎᑎᑦᓯᓪᓗᓂ, ᐃᓄᒋᐊᒃᑐᒃᑯᕕᖕᓂᒡᓗ ᐃᓅᓱᒃᑐᐃᕈᑎᑎᑦᓯᓪᓗᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15

ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:17

ᐊᑕᓂᐅᑉ ᐊᓯᕈᐃᓂᐊᕐᓂᕋᕐᓯᒪᓂᓂ ᐊᑑᑎᑎᓕᑍᓐᓇᕐᐹ, ᐊᓯᕈᕐᑕᐅᑎᒻᒪᒍ ᓂᑲᒍᓱᖕᓂᖃᖏᑦᑐᒥᒃ, ᑍᒤᒍᒪᓂᐊᕐᓂᕋᕐᓯᒪᓂᓂ ᒪᓕᒡᓗᒍ ᐊᑭᕋᕗᑦ ᓵᓚᖃᕐᑎᒻᒪᒋᑦ ᑲᑕᒃᓯᒪᓂᑦᑎᓐᓂᒡᓗ ᖁᕕᐊᓲᑎᖃᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:2

ᐊᑕᓂᖅ ᓂᑲᒍᓱᖕᓂᖃᕋᓂ ᔧᑯᒃᑯᑦ ᐃᒡᓗᒐᓴᒡᔪᐊᖁᑎᖏᑦ ᐊᓯᕈᕐᑕᐅᑎᑉᐰᑦ ᓂᓐᖓᕕᒡᔪᐊᕐᓂᕐᒥᓄᑦ ᔫᑕᐅᑉ ᐸᓂᖏᑕ ᐱᔭᐅᑦᔧᕐᓯᒪᑦᔪᑎᖏᑦ ᓯᖁᒥᑉᐰᑦ ᐊᖓᔪᖅᑲᐅᕕᖏᑦ ᐊᖓᔪᖅᑳᕐᔪᐊᖏᑕᓗ ᐃᕐᓂᖏᑦ ᐅᐱᓐᓇᕈᓐᓃᕐᑎᓪᓗᒋᑦ ᐱᔪᓐᓇᕐᓂᖃᕈᓐᓁᕐᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:43

ᓂᓐᖓᕕᒡᔪᐊᕐᓂᕐᒧᑦ ᑎᑭᑕᐅᒐᕕᑦ ᐅᕙᑦᑎᓐᓂᒃ ᒪᓕᒡᓗᑎᑦ ᓂᑲᒋᓇᑕ ᑐᖁᕋᕐᑕᐅᑎᓚᐅᕐᐸᑦᑎᒍᑦ.

ᐃᓯᑭᐊᓕᐅᑉ ᐊᒡᓚᖏᑦ 24:21

‘ᐃᓴᕆᐊᓕᐅᑉ ᑭᖑᕚᖏᑦ ᐅᖃᐅᑎᑭᑦ, ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᑕᑯᒋᑦ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓐᓂᐊᕐᐸᕋ, ᐱᔪᓐᓇᕐᓂᑦᓯᓐᓄᑦ ᐱᐅᔪᕆᑦᔪᑎᒋᓯᒪᔭᓯ, ᑕᑯᒥᒋᔭᓯᓗ, ᑕᕐᓂᑦᓯᓗ ᐱᔪᒪᔭᖓ; ᐃᕐᓂᓯ ᐸᓂᓯᓗ ᔨᕉᓴᓕᒧᑦ ᕿᒪᒃᓯᒪᔭᓯ ᓴᕕᒡᔪᐊᓄᑦ ᑐᖁᕋᕐᑕᐅᔪᒫᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 5:11

“ᑍᒤᒻᒪᑦ, ᐆᒪᒐᒪ, ᐊᑕᓂᖅ ᒎᑎ ᐅᖃᕐᐳᖅ, ᐃᑦᔪᕐᓁᑦᑐᕕᖁᑎᒐ ᓇᕐᕈᓇᕐᓯᑎᓚᐅᕋᑦᓯᐅᒃ ᐱᐅᖏᑦᑐᓂᒃ ᓇᕐᕈᓇᕐᑐᓂᒡᓗ ᐱᓂᐊᕐᓂᖃᕐᓂᑦᓯᓐᓄᑦ, ᑍᒤᒻᒪᑦ ᑐᖁᕋᕈᒫᕐᐸᑦᓯ; ᑕᑯᔭᓕᒫᓐᓂᒃ ᐊᒥᐊᒃᑯᖏᓪᓗᖓ, ᓂᑲᒋᔪᒫᓐᖏᓚᑦᓯᓗ.

ᐃᓯᑭᐊᓕᐅᑉ ᐊᒡᓚᖏᑦ 7:4

ᑕᑯᓐᖏᓮᓐᓇᕐᓂᐊᓐᖏᓚᑦᓯ, ᓂᑲᒋᓂᐊᕋᓯᓗ; ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ, ᓇᕐᕈᒋᔭᓐᓂᒃ ᐱᓂᐊᕐᓂᖃᕋᑦᓯ ᓱᓕ. ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᐅᒐᒪ.

ᐃᓯᑭᐊᓕᐅᑉ ᐊᒡᓚᖏᑦ 7:9

ᑕᑯᓐᖏᓮᓐᓇᕐᓂᐊᓐᖏᓚᑦᓯ, ᓂᑲᒋᓂᐊᕋᓯᓗ; ᓱᒋᐊᕐᓂᐊᕐᐸᑦᓯ ᐱᓂᐊᕐᓂᓯ ᒪᓕᒡᓗᒋᑦ, ᓇᕐᕈᒋᔭᓐᓂᒃ ᐱᓂᐊᕐᓂᖃᕋᑦᓯ ᓱᓕ. ᑕᕝᕙ ᖃᐅᔨᓂᐊᕐᐳᓯ ᐅᕙᖓ ᐊᑕᓂᐅᒐᒪ, ᓱᒋᐊᕐᓯᔨ.

ᐃᓯᑭᐊᓕᐅᑉ ᐊᒡᓚᖏᑦ 8:18

ᑍᒤᒻᒪᑦ ᓂᓐᖓᐅᒪᓗᖓ ᐱᓇᓱᐊᕐᕕᒋᓂᐊᓕᕐᐸᒃᑲ; ᐊᓐᓇᒃᑎᓐᓂᐊᓐᖏᓚᒃᑲ ᓂᑲᒋᓂᐊᕐᓇᒋᓪᓗ; ᕾᒐᓛᕐᓗᑎᒃ ᓂᓪᓕᐊᒐᓗᐊᕐᐸᑕ ᐅᕙᓐᓄᑦ ᑐᓴᑦᔮᓐᖏᓚᒃᑲ.”

ᐃᓯᑭᐊᓕᐅᑉ ᐊᒡᓚᖏᑦ 9:10

ᐅᕙᖓᑦᑕᐅᖅ ᓇᒡᓕᒋᓗᒋᑦ ᑕᑯᓐᓇᕐᓂᐊᕈᓐᓃᕐᐸᒃᑲ, ᓂᑲᒋᓂᐊᕈᓐᓃᕐᓗᒋᓪᓗ, ᐊᑭᓂᐊᕐᕕᒋᓂᐊᓕᕐᐸᒃᑲ ᐱᓂᐊᕐᓂᖏᑦ ᒪᓕᒡᓗᒋᑦ.”

ᐂᒨᓯᐅᑉ ᐊᒡᓚᖏᑦ 4:10

“ᖃᓄᐃᓐᓇᕐᑐᓂᒃ ᐱᑎᑦᓯᓚᐅᕐᐳᖓ ᐊᑯᓐᓇᑦᓯᓐᓄᑦ ᐄᑦᔨᑉᑎᒥᐅᑎᑐᑦ, ᐃᓅᓱᒃᑐᖁᑎᓯᓗ ᑐᖁᓚᐅᕐᐸᒃᑲ ᓴᕕᒡᔪᐊᒧᑦ, ᕿᒻᒥᕐᔪᐊᓯᓗ ᑎᒍᔭᕕᓂᓯ ᑐᖁᓚᐅᕐᐸᒃᑲ; ᑕᖕᒫᕐᓯᒪᕕᑦᓯᓗ ᒪᒤᑦᑐᓐᖑᕐᑎᓚᐅᕐᐸᒃᑲ ᑕᒪᑐᒥᖓ ᓁᒪᑎᓚᐅᕐᐸᑦᓯ; ᓱᓕᓕ ᐅᕙᓐᓄᑦ ᐅᑎᓚᐅᓐᖏᓚᓯ,” ᐊᑕᓂᖅ ᐅᖃᕐᐳᖅ.

ᐂᒨᓯᐅᑉ ᐊᒡᓚᖏᑦ 8:13

ᐅᓪᓗᒥ ᑍᑲᓂ ᐊᕐᓁᑦ ᐃᓂᖁᓇᕐᑐᑦ ᐅᐃᒡᒐᓱᐃᑦ ᐃᓅᓱᒃᑐᓪᓗ ᐊᖑᑏᑦ ᓄᑮᕈᑎᔪᒫᕐᐳᑦ ᐃᒥᕈᖕᓂᕐᒧᑦ.

ᓴᑲᕅᐊᐅᑉ ᐊᒡᓚᖏᑦ 11:6

ᐃᓄᐃᑦ ᑕᒫᓂ ᓄᓇᖃᕐᑐᑦ ᓂᑲᒋᓂᐊᕈᓁᕐᐸᒃᑲ, ᐊᑕᓂᖅ ᐅᖃᕐᐳᖅ: ᑕᒤᑕ ᓴᓂᓪᓕᖏᓐᓄᑦ ᑐᓂᔪᒪᕙᒃᑲ ᐊᖓᔪᖅᑳᕐᔪᐊᖓᓐᓄᓪᓗ: ᑖᒃᑯᓇᓐᖓᑦ ᓄᓇᖓᑦ ᐱᓕᕆᐊᖑᔪᒫᕐᒪᑦ, ᑖᒃᑯᓇᖓᓪᓗ ᓴᐳᑎᓂᐊᓐᖏᓚᒃᑲ.

ᒨᓯᓯ ᑕᓪᓕᒪᖏᑦ 28:50

ᐃᓅᖃᑎᒌᒡᔪᐊᖑᓗᑎᒃ ᓯᕘᕋᒋᔭᖃᖏᑦᑑᔪᒫᕐᐳᑦ ᓂᑲᒍᓱᖃᖏᓪᓗᑎᒡᓗ ᑭᓇᓕᒫᒥᒃ, ᐃᓅᓱᒃᑑᒐᓗᐊᓄᑦ ᐃᓄᑐᖃᕐᓄᓪᓗ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.

ᔮᓱᐊᑉ ᐊᒡᓚᖏᑦ 6:21

ᓴᕕᒡᔪᐊᒥᖕᓄᓪᓗ ᑐᖁᕅᕗᑦ ᐃᒡᓗᒐᓴᐅᑉ ᐃᓗᐊᓃᑦᑐᓂᒃ, ᐊᖑᑎᓂᒃ, ᐊᕐᓇᓂᒃ, ᐅᕕᒃᑲᓂᒃ ᐃᓄᑐᖃᕐᓂᒡᓗ, ᐃᒻᒧᒃᓯᐅᒐᕐᓂᒃ, ᓰᐱᓂᒃ ᓯᐅᑎᖅᑯᕐᑐᔪᓂᒡᓗ ᑐᖁᕅᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 15:3

ᒫᓐᓇ ᐅᓇᑕᕆᐊᓕᕆᑦ ᐊᒪᓕᒃᒧᑦ, ᐱᖁᑎᓕᒫᖏᓪᓗ ᐊᓯᕈᕐᓗᒋᑦ; ᐊᑕᐅᓯᕐᒥᒡᓘᓐᓃᑦ ᐊᒥᐊᒃᑯᑦᑍᓕᒃᑭᑦ, ᑐᖁᒃᑭᑦ ᐊᖑᑎᑦ ᐊᕐᓁᓪᓗ, ᓱᕈᓰᑦ ᐊᒫᒪᒃᑐᓪᓗ, ᑐᒃᑐᕙᖁᑎᖏᑦ ᓰᐱᖁᑎᖏᓪᓗ, ᑳᒥᓕᖁᑎᖏᑦ ᓯᐅᑎᖅᑯᕐᑐᔪᖁᑎᖏᓪᓗ.’”