ᔨᕆᒤᐊᐅᑉ ᐅᒡᒍᐊᕐᓂᖏᑦ 2:19 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁹ ᐅᓐᓄᐊᑐᐃᓐᓇᒃᑯᑦ ᑐᐸᒡᓗᓯ ᐊᑕᓂᕐᒧᑦ ᕿᐊᕕᖃᕆᑦᓯ; ᐃᓗᒥᐅᑕᓕᒫᓯ ᑯᕕᓯᐅᒃ ᐃᒪᕐᑎᑐᑦ ᐊᑕᓂᐅᑉ ᓵᖓᓂ, ᐊᒡᒐᓯ ᐃᓴᒃᓯᒋᒃ ᕿᑐᕐᖓᓯ ᐱᑦᔪᑎᒋᓗᒋᑦ, ᕿᑐᕐᖓᓯ ᐱᕐᓕᓕᕐᒪᑕ ᐊᖅᑯᑎᓂ ᓇᓂᑐᐃᓐᓇᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:19 Iomraidhean Croise

ᔫᐱᐅᑉ ᐊᒡᓚᖏᑦ 3:24

ᓂᕆᓂᐊᓕᕌᖓᒪ ᐊᓂᕐᓴᐅᒥᖃᑦᑕᕐᐳᖓ, ᕿᒃᓵᖕᓂᒃᑲᓗ ᐅᕙᓐᓄᑦ ᑯᕕᔭᐅᕗᑦ ᐃᒥᕐᑎᑐᑦ.

ᐃᓐᖏᕈᑎᑦ 119:55

ᐊᑕᓃᖅ, ᐅᓐᓄᐊᒃᑯᑦ ᐃᖅᑲᐅᒪᖃᑦᑕᕐᐸᒋᑦ, ᐱᖁᔭᑎᓪᓗ ᓈᓚᒃᐸᒃᑲ.

ᐃᓐᖏᕈᑎᑦ 134:2

ᐊᒡᒐᓯ ᖁᒻᒧᐊᒃᑎᓯᐅᒃ ᐃᑦᔪᕐᓁᑦᑐᕕᖕᒥ, ᐊᑕᓂᕐᓗ ᓂᕐᑐᕐᓯᐅᒃ!

ᐃᓐᖏᕈᑎᑦ 141:2

ᑐᒃᓯᐊᕐᓂᕋ ᐃᓕᖕᓄᑦ ᑐᓂᕐᕈᑎᑐᑦ ᑎᐱᑦᓯᐊᕆᒃᑐᑎᑐᑦ ᑍᒤᓚᐅᕐᓕ, ᐊᒡᒐᖕᒪᓗ ᖁᒻᒧᑦ ᐃᓵᖓᓂᖏᑦ ᐅᓐᓄᒃᑯᑦ ᑐᓂᕐᕈᓯᕈᑕᐅᔪᑎᑐᑦ ᑍᒤᓪᓗᑎᒃ.

ᐃᓐᖏᕈᑎᑦ 142:2

ᓈᒻᒪᒃᓴᖏᓐᓂᒃᑲ ᑖᑦᓱᒧᖓ ᓈᕕᑉᐸᒃᑲ; ᐊᑲᐅᓐᖏᓕᐅᕈᑎᒋᔭᒃᑲ ᑖᑦᓱᒧᖓ ᓴᖅᑭᑎᑉᐸᒃᑲ.

ᐃᓐᖏᕈᑎᑦ 142:3

ᐊᓂᕐᓂᕋ ᓄᑭᖃᕈᓐᓃᓕᕌᖓᑦ, ᐊᑐᕐᑕᕋ ᖃᐅᔨᒪᑦᓯᐊᖃᑦᑕᕐᐸᑦ! ᐊᖅᑯᑎᒋᓂᐊᕐᑕᓐᓂ ᐃᔨᕋᕐᑐᕐᓗᑎᒃ ᐅᕙᓐᓄᑦ ᓂᒐᓕᐅᕐᓯᒪᕗᑦ.

ᐃᓐᖏᕈᑎᑦ 28:2

ᕿᓄᓂᕐᒧᑦ ᓂᓪᓕᐊᓂᒃᑲ ᑐᓴᒃᑭᑦ, ᐃᑲᔪᕐᑕᐅᔪᒪᓂᕐᒧᑦ ᓂᓪᓕᐊᓂᒃᑲ ᐃᓕᖕᓄᑦ. ᐊᒡᒐᒃᑲ ᖁᒻᒧᑦ ᐃᓴᒃᐸᒃᑲ, ᐃᓂᒋᔭᕐᓄᑦ ᐃᑦᔪᕐᓁᓐᓂᕐᐹᖑᔪᒧᑦ.

ᐃᓐᖏᕈᑎᑦ 42:3

ᖁᕝᕕᒃᑲ ᓂᕿᒋᕙᒃᑲ ᐅᓪᓗᒃᑯᑦ ᐅᓐᓄᐊᒥᓗ, ᑍᒪᓐᖓᑦ ᓂᓪᓕᐊᕕᒋᕚᖓ ᐅᖃᕐᓗᑎᒃ, “ᒎᑏᑦ ᓇᓃᑉᐸ?”

ᐃᓐᖏᕈᑎᑦ 42:4

ᐃᖅᑲᐅᒪᓕᕌᖓᒪ ᑕᒪᒃᑯᓂᖓ, ᑕᕐᓂᕋ ᐅᒃᑯᐃᕐᐸᒃᐸᕋ ᐅᕙᓐᓄᑦ. ᐃᓄᒋᐊᒃᑐᕐᔪᐊᑦ ᐃᓚᒋᕙᓚᐅᕋᒃᑭᑦ; ᒎᑎᐅᑉ ᐃᒡᓗᖓᓄᑦ ᐂᖃᑕᐅᓪᓗᖓ, ᓂᓪᓕᐊᓪᓗᑕᓗ ᖁᕕᐊᓱᖕᓂᕐᒧᑦ ᓂᕐᑐᐃᓂᕐᒧᓪᓗ, ᐃᓄᒋᐊᒃᑐᕐᔪᐊᑦ ᐃᓚᒋᓪᓗᒋᑦ ᓇᓪᓕᐅᓐᓂᕐᓯᐅᖃᑎᒌᒃᑐᑦ.

ᐃᓐᖏᕈᑎᑦ 42:8

ᐊᑕᓂᐅᑉ ᓇᒡᓕᖕᓂᓂ ᓱᖁᓯᔪᐃᑦᑐᖅ ᐅᓪᓘᑎᓪᓗᒍ ᑐᓂᓂᐊᕐᐹ; ᐅᓐᓄᐊᒥᓗ ᐃᓐᖏᕈᓯᖓ ᐃᓗᓐᓃᓐᓂᐊᕐᐳᖅ, ᑐᒃᓯᐊᕐᓂᐅᓗᓂ ᐃᓅᓯᕐᒪ ᒎᑎᖓᓄᑦ.

ᐃᓐᖏᕈᑎᑦ 62:8

ᑍᒪᓐᖓᓕᒫᖅ ᑕᑎᒋᓯᐅᒃ, ᐃᓅᔪᓯ; ᐆᒻᒪᑎᒥᐅᑕᓯ ᓈᕕᓯᒋᒃ ᓵᖓᓄᑦ; ᒎᑎ ᕿᒫᕕᒃᓴᕆᒐᑦᑎᒍ. ᓰᓚ

ᐃᓐᖏᕈᑎᑦ 63:4

ᑍᒫᒃ ᓂᕐᑐᕈᒪᕙᒋᑦ ᐃᓅᓂᓕᒫᓐᓂ; ᐊᑎᕐᓂ ᐊᒡᒐᒃᑲ ᖁᒻᒧᐊᒃᑎᓐᓂᐊᕐᐸᒃᑲ.

ᐂᓮᐊᓯᐅᑉ ᐊᒡᓚᖏᑦ 26:9

ᑕᕐᓂᕋ ᐅᖓᕗᖅ ᐃᓕᖕᓄᑦ ᐅᓐᓄᐊᒃᑯᑦ, ᐊᓂᕐᓂᕐᒪ ᐃᓗᓐᓃᑦᑑᑉ ᐃᓗᖏᕐᑐᕐᓗᓂ ᕿᓂᕐᐹᑎᑦ; ᓄᓇᕐᔪᐊᕐᒥᐅᑦ ᐃᓄᖏᑦ ᐃᖅᑲᕐᑐᓕᕌᖓᕕᒋᑦ, ᑕᕝᕙ ᐃᓕᓐᓂᐊᓕᕐᐸᒃᐳᑦ ᐃᓱᐊᕐᑐᓕᓂᕐᒥᒃ.

ᐂᓮᐊᓯᐅᑉ ᐊᒡᓚᖏᑦ 51:20

ᐃᕐᓂᑎᑦ ᓄᑮᕈᑎᓯᒪᕗᑦ, ᓇᓚᓪᓗᑎᒡᓗ ᐊᖅᑯᑏᑦ ᓴᖑᒋᐊᕐᕕᖏᓐᓂ, ᑐᒃᑐᖓᔪᑎᑐᑦ ᓄᓗᐊᕐᑎᑕᐅᓯᒪᔪᑎᑐᑦ; ᑖᒃᑯᐊ ᐊᑕᓂᐅᑉ ᓂᓐᖓᐅᒪᓂᖓᓄᑦ ᐊᒃᑐᐊᔭᐅᕗᑦ, ᒎᑎᑦᓯᓗ ᐃᓂᕐᑎᕆᓂᖓᓄᑦ.

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 9:20

“ᐊᕐᓇᐅᔪᓯ ᐊᑕᓂᐅᑉ ᐅᖃᐅᓯᖏᑦ ᑐᓴᕐᓯᒋᒃ, ᑐᑭᓯᓇᓱᐊᓕᕐᓯᐅᒃ ᐊᑕᓂᐅᑉ ᐅᖃᕐᑕᖏᑦ, ᐸᓂᓯ ᕿᐊᓂᕐᒥᒃ ᐃᓕᓴᓕᕐᓯᐅᒃ, ᐅᒡᒍᐊᕐᓂᕐᒥᒃ ᐃᓕᓴᖃᑦᑕᐅᑎᓕᕆᑦᓯ.

ᐃᓯᑭᐊᓕᐅᑉ ᐊᒡᓚᖏᑦ 5:10

ᑍᒤᒻᒪᑦ ᐊᑖᑕᐅᔪᑦ ᕿᑐᕐᖓᒥᖕᓂᒃ ᓂᕿᖃᓕᕈᒫᕐᐳᑦ ᐊᑯᓐᓇᑦᓯᓐᓂ, ᕿᑐᕐᖓᐅᔪᓪᓗ ᐊᖓᔪᖅᑳᒥᖕᓂᒃ ᓂᕿᖃᓕᕐᒥᓗᑎᒃ; ᑍᒫᒃ ᓱᒋᐊᕈᒫᕐᐸᑦᓯ, ᐊᒥᐊᒃᑰᔪᓪᓗ ᓇᒧᓕᒫᖅ ᓯᐊᒻᒪᒍᒫᕐᐳᑦ ᐊᓄᕆᓕᒫᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:16

ᑳᖕᓇᕐᑐᕐᔪᐊᓪᓗ ᖃᕐᔪᖏᓐᓄᑦ ᐱᓯᒋᐊᖃᑦᑕᓕᕈᒪ, ᖃᕐᔪᓄᑦ ᐊᓯᕈᐃᔪᓄᑦ, ᐱᒋᐊᕈᒫᕐᐸᑦᓯ ᓄᖑᑕᐅᖁᓪᓗᓯ, ᑳᖕᓇᕐᑐᕐᔪᐊᓄᑦ ᑭᖑᓕᕇᓄᑦ ᑎᑭᑕᐅᑎᑦᓱᒫᕐᐸᑦᓯ, ᓂᐊᖂᔭᒃᓴᖁᑎᓯᓗ ᐊᔭᐱᕐᕕᒋᕙᒃᑕᓯ ᓄᖑᓪᓗᒋᑦ.

ᒤᑲᐅᑉ ᐊᒡᓚᖏᑦ 1:16

ᓄᔧᔭᓕᕆᑦᓯ ᓂᐊᖁᓯ ᓄᔧᕈᑎᓗᒍ ᕿᒃᓵᖕᓂᕐᒧᑦ, ᓄᔧᕈᑎᓕᕆᑦᓯ ᑎᖕᒥᐊᑎᑐᑦ ᑎᒥᕕᓂᕐᑐᓲᑎᑐᑦ, ᕿᑐᕐᖓᓯ ᓇᒡᓕᒋᔭᓯ ᐱᓪᓗᒋᑦ, ᐊᐅᓪᓚᐅᑦᔭᐅᔪᒫᕐᒪᑕ ᑎᒍᔭᐅᓗᑎᒃ.

ᓇᕼᐅᒥᐅᑉ ᐊᒡᓚᖏᑦ 3:10

ᑎᐲᓯᐅᓪᓕ ᐃᓄᖏᑦ ᐊᐅᓪᓚᕈᑦᔭᐅᓕᕐᐳᑦ, ᐊᖅᑯᑏᓪᓗ ᓴᖑᖓᓂᖏᓐᓂ ᕿᑐᕐᖓᖏᑦ ᑏᒐᕆᐅᑦᔭᐅᕙᒃᓗᑎᒃ ᑐᖁᕋᕐᑕᐅᕗᑦ; ᓯᓚᑐᓂᖏᓪᓗ ᓇᓚᐅᑦᑖᕈᑎᒃᑯᑦ ᐱᑖᕐᑐᒐᐅᕗᑦ, ᓯᕗᓕᕐᑎᓕᒫᖏᓪᓗ ᐊᕐᓵᕐᑑᔭᓄᑦ ᐃᐱᕐᑐᕐᑕᐅᓪᓗᑎᒃ.

ᒫᑎᐅᓯᐅᑉ ᐊᒡᓚᖏᑦ 14:25

ᐅᓪᓛᒃᑯᑦ ᓯᕿᕐᖑᔭᖅ 3ᓗ 6ᓯᐅᓪᓗ ᐊᑯᓐᓂᖓᓃᑎᓪᓗᒍ, ᔩᓱᓯᐅᑉ ᐅᐸᓕᕐᐰᑦ, ᐃᒪᐅᑉ ᖄᖓᒍᑦ ᐱᓱᒃᓗᓂ.

ᒫᑯᓯᐅᑉ ᐊᒡᓚᖏᑦ 1:35

ᐅᓪᓛᒻᒪᕆᒃᑯᑦ ᖃᐅᒻᒪᓚᐅᕐᑎᓐᓇᒍ ᓱᓕ, ᔩᓱᓯ ᒪᑭᑉᐳᖅ ᐊᓂᓪᓗᓂ ᐃᒡᓗᒥᑦ ᐃᓄᖃᖏᑦᑐᒧᐊᕐᐳᖅ ᐃᓄᑑᓪᓗᓂ, ᑕᕝᕙᓂ ᑐᒃᓯᐊᕐᐳᖅ.

ᒫᑯᓯᐅᑉ ᐊᒡᓚᖏᑦ 13:35

ᑍᒤᒻᒪᑦ ᖃᐅᔨᓴᑦᓯᐊᕆᑦᓯ, ᐃᒡᓘᑉ ᐊᖓᔪᖅᑳᖓᑕ ᑎᑭᕝᕕᒋᓂᐊᕐᑕᖓ ᖃᐅᔨᒪᖏᓐᓇᑦᓯᐅᒃ, ᐅᓐᓄᒃᑯᑦ ᑎᑭᑐᐃᓐᓇᕆᐊᖃᕐᒪᑦ, ᐅᕝᕙᓗ ᐅᓐᓄᐊᓪᓗᐊᒃᑯᑦ ᑎᑭᑐᐃᓐᓇᕆᐊᖃᕐᓗᓂ, ᐅᕝᕙᓗ ᖃᐅᒻᒪᓕᕐᑎᓪᓗᒍ ᐊᖑᑎᕕᐊᑉ ᓂᓪᓕᕐᕕᖓᓂ, ᐅᕝᕙᓗ ᐅᓪᓛᓐᖑᕐᑎᓪᓗᒍ.

ᓘᑲᓯᐅᑉ ᐊᒡᓚᖏᑦ 6:12

ᐅᓪᓗᓂ ᑖᒃᑯᓇᓂ ᔩᓱᓯ ᖃᖅᑲᒧᑦ ᒪᔪᐊᕐᐳᖅ ᑐᒃᓯᐊᕆᐊᕐᑐᕐᓗᓂ; ᐅᓐᓄᐊᖅ ᓈᓪᓗᒍ ᑕᕝᕙᓂ ᑐᒃᓯᐊᕐᐳᖅ ᒎᑎᒧᑦ.

ᑎᒧᑎᒧᑦ ᓯᕗᓪᓖᑦ 2:8

ᐱᖁᔨᕗᖓ ᐊᖑᑏᑦ ᓇᓂᓕᒫᖅ ᑐᒃᓯᐊᖃᑦᑕᖁᓪᓗᒋᑦ, ᐊᒡᒐᖕᒥᖕᓂᒃ ᐃᑦᔪᕐᓁᑦᑐᓂᒃ ᖁᒻᒧᐊᒃᑎᑦᓯᔪᓐᓇᕐᓗᑎᒃ ᓂᓐᖓᐅᒪᓇᑎᒃ ᐂᕙᓇᑎᒡᓗ.

ᐃᓗᐊᕐᓮᔩᑦ ᐊᒡᓚᖏᑦ 7:19

ᑕᕝᕙ ᒋᑎᐅᓂ ᐃᓄᖁᑎᖏᓪᓗ 100ᐃᑦ ᑕᖕᒫᕐᓯᒪᕕᖏᑦᑕ ᑭᒡᓕᖓᓄᐊᕐᐳᖅ ᕿᑎᕋᓕᓚᐅᕐᑎᓐᓇᒍ ᐅᓐᓄᒃᑯᑦ, ᖃᐅᔨᓴᕐᑏᑦ ᐊᓯᑦᔨᕐᑕᐅᕋᑖᕐᑎᓪᓗᒋᑦ; ᐊᑕᐅᑦᓯᒃᑯᑦ ᑎᑦᑐᓚᐅᑎᒥᖕᓂᒃ ᓂᓪᓕᕐᑎᑦᓯᕗᑦ, ᒪᕐᕅᓪᓗ ᐃᒪᖃᐅᑏᑦ ᑎᒍᒥᐊᕐᑕᑎᒃ ᓯᖁᒥᓪᓗᒋᑦ,

ᓴᒧᐃᓕ ᓯᕗᓪᓖᑦ 1:15

ᕼᐋᓇᓕ ᑭᐅᕗᖅ, “ᐊᖓᔪᖅᑳᒃ, ᐋᖓᔮᓐᖏᓚᖓ, ᐃᒥᐊᓗᓚᐅᕐᓇᖓᓗ ᕔᓂᒥᒃ ᓴᓐᖏᔪᒥᒡᓘᓐᓃᑦ, ᐃᓗᖏᕐᓱᒻᒪᕆᒡᓗᖓᓕ ᑐᒃᓯᐊᕐᐳᖓ; ᐅᖁᒤᒃᓴᐅᑎᒋᔭᒃᑲ ᑕᕐᓂᓐᓂ ᑐᓂᕙᒃᑲ ᐊᑕᓂᕐᒧᑦ.

ᓴᒧᐃᓕ ᓯᕗᓪᓖᑦ 7:6

ᑍᒤᒻᒪᑦ ᑲᑎᓚᐅᕐᐳᑦ ᒥᔅᐸᒥ, ᐃᒪᕐᒥᒃ ᖃᓗᓯᓪᓗᑎᒃ ᑯᕕᓪᓗᒍᓗ ᐂᑦᑑᑎᒋᓚᐅᕐᐹᑦ ᐊᑕᓂᕐᒧᑦ, ᓂᕆᑦᑍᓕᓚᐅᕐᐳᓪᓗ ᐅᓪᓗᒥ ᑕᕝᕙᓂ, ᐅᖃᕐᓗᑎᒡᓗ, “ᐊᑕᓂᕐᒧᑦ ᐊᔪᕐᑐᓕᓚᐅᕐᐳᒍᑦ.” ᑕᕝᕙᓂᓗ ᒥᔅᐸᒥ ᓴᒧᐃᓕᐅᑉ ᐃᓴᕆᐊᓕᒥᐅᑦ ᐃᓗᐊᖏᑦᔪᑎᖏᓐᓂᑦ ᐃᓱᐊᕐᓯᑎᓚᐅᕐᐰᑦ.