ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐃᒡᓗᒐᓴᒡᔪᐊᑎᒍᑦ ᐊᖅᑯᓵᕐᑐᑦ ᐅᖃᐅᓯᕐᓘᑎᖃᕐᐳᑦ ᐃᓕᑦᓯᓐᓂᒃ ᐱᔪᓇᕈᓱᓐᖏᒧᑦ ᐃᒡᓚᐅᑎᖃᕐᐳᑦ ᔨᕉᓴᓕᐅᑉ ᐊᓯᕈᕐᑕᐅᓯᒪᓂᖓᓂᒃ, ᐅᖃᕐᓗᑎᒃ, “ᐃᒡᓗᒐᓴᒡᔪᐊᑦ ᑕᕝᕙ ᐱᐅᓂᕐᐹᖑᓂᕋᕐᑕᐅᕙᓚᐅᕐᑐᑦ, ᓯᓚᕐᔪᐊᕐᒥᐅᓄᑦ ᐅᐱᒍᓲᑎᒃᓴᐅᓂᕋᕐᑕᐅᕙᓚᐅᕐᑐᑦ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:15 Iomraidhean Croise

ᐊᑕᓃᑦ ᐂᑉᐸᖏᑦ 19:21

ᐃᒫᒃ ᐊᑕᓂᐅᑉ ᐅᖃᐅᓯᒃᓴᖃᕐᕕᒋᕚ: ᑖᑦᓱᒪ ᓇᕐᕈᒋᕚᑎᑦ, ᒥᑕᐅᑎᒋᓪᓗᑎᓪᓗ ᐅᐃᒡᒐᓲᔪᑎᑦ ᓮᐅᓂᐅᑉ ᐸᓂᖓ; ᐅᖃᐅᑎᒋᕚᑎᑦ ᖃᐅᔨᓐᖏᑎᓪᓗᑎᑦ ᔨᕉᓴᓕᐅᑉ ᐸᓂᖓ.

ᑯᕉᓂᑲ ᐂᑉᐸᖏᑦ 7:21

“ᑖᓐᓇᓗ ᐃᒡᓗ, ᓂᕐᑐᕐᓇᕐᓯᑎᑕᐅᓯᒪᔪᖅ, ᓴᓂᖅᑯᑦᑐᓕᒫᓄᑦ ᑲᒪᓂᐊᕈᑕᐅᖃᑦᑕᕈᒫᕐᐳᖅ, ᐅᖃᕐᓗᑎᒡᓗ, ‘ᓱᖕᒪᑦ ᐊᑕᓂᐅᑉ ᑍᒫᒃ ᑕᒪᓐᓇ ᓄᓇ ᐱᓂᐊᕐᕕᐅᑎᓯᒪᕚ ᑖᓐᓇᓗ ᐃᒡᓗ?’

ᐃᓐᖏᕈᑎᑦ 109:25

ᐊᑭᕋᕐᑐᕐᑎᒃᑲ ᐅᕙᓐᓂᒃ ᑕᑯᓴᕐᑐᑦ ᒥᑕᐅᑎᒃᓴᕐᐳᑦ; ᓂᐊᖁᕐᒥᖕᓂᒃ ᐃᓕᕿᓴᒫᕐᓗᑎᒃ.

ᐃᓐᖏᕈᑎᑦ 22:7

ᐅᕙᓐᓂᒃ ᑕᑯᔪᑦ ᑕᒪᕐᒥᒃ ᐃᔪᕆᕚᖓ ᒥᑕᐅᑎᒋᓪᓗᖓ; ᖃᓂᕐᒥᖕᓄᓪᓗ ᐅᖃᕐᓂᕐᓗᒡᕕᒋᕚᖓ, ᐃᓕᕿᑕᒫᕐᓗᑎᒡᓗ, ᐅᖃᕐᐳᑦ,

ᐃᓐᖏᕈᑎᑦ 48:2

ᑲᑦᔮᕐᓇᕐᑑᕗᖅ ᖁᑦᓯᒃᑐᒦᓪᓗᓂ, ᓄᓇᕐᔪᐊᕐᒥᐅᓂᑦ ᖁᕕᐊᒋᔭᐅᔪᖅ, ᖃᖅᑲᖅ ᓮᐅᓂ ᐅᓐᓄᐊᑉ ᓇᓛᓃᑦᑐᖅ ᖃᖅᑲᐅᑉ ᐅᕕᖓᓂᖓᓂ ᐅᐊᖕᓇᒥ, ᐊᔪᖏᑦᑑᑉ ᐊᖓᔪᖅᑳᕐᔪᐊᑉ ᐃᒡᓗᒐᓴᒡᔪᐊᖁᑎᖏᓐᓂ.

ᐃᓐᖏᕈᑎᑦ 48:3

ᒎᑎ ᐊᖓᔪᖅᑳᕐᔪᐊᑉ ᐃᒡᓗᖏᓐᓃᑉᐳᖅ ᑖᒃᑯᓇᓂ; ᓇᖕᒥᓂᖅ ᓇᓗᓁᕐᐳᖅ ᑖᒃᑯᓄᖓ ᕿᒫᕕᒃᓴᐅᓂᕐᒥᓂᒃ.

ᐃᓐᖏᕈᑎᑦ 50:2

ᓮᐅᓂᒥᑦ, ᐃᓂᖁᓇᕐᓂᒥᒃ ᓈᒻᒪᒃᓯᓯᒪᑦᓯᐊᕐᑐᒥᒃ, ᒎᑎ ᖃᐅᒪᓂᐊᕐᐳᖅ.

ᐃᓐᖏᕈᑎᑦ 64:8

ᓵᑕᐅᑎᑦᓱᒫᕐᐰᓪᓗ ᓇᖕᒥᓂᖅ ᐅᖃᐅᓯᖏᓐᓄᑦ; ᐊᔪᓕᕐᑎᓪᓗᒋᓪᓗ, ᑖᒃᑯᓂᖓᓗ ᑕᑯᔪᑦ ᕿᒫᔪᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 28:21

ᐊᑕᓂᖅ ᒪᑭᑦᓱᒫᕐᒪᑦ ᖃᖅᑲᒥ ᐱᕋᔨᒻᒥ ᐱᓇᓱᐊᓚᐅᕐᓯᒪᓂᕐᒥᑐᑦ, ᓂᓐᖓᐅᒪᕕᒡᔪᐊᕈᒫᕐᐳᖅ ᒋᐱᐅᓂᐅᑉ ᓇᕐᓴᖓᓂ ᓂᓐᖓᐅᒪᓚᐅᕐᓯᒪᓂᕐᒥᑐᑦ; ᐃᓕᑕᕐᓇᖏᑦᑐᒥᒃ ᐱᓂᐊᕐᓂᓕᒃ, ᐱᓇᓱᐊᕐᑕᒥᓂᒡᓗ ᐱᓇᓱᐊᕐᓗᓂ ᑖᑦᓱᒪ ᐱᓇᓱᐊᕐᓂᖓ ᐊᑦᔨᐅᓐᖏᓚᖅ!

ᐂᓮᐊᓯᐅᑉ ᐊᒡᓚᖏᑦ 37:22

ᐊᑕᓂᖅ ᐃᒫᒃ ᐅᖃᕐᐳᖅ ᓯᓇᑭᕆᑉ ᐱᓪᓗᒍ: ‘ᐅᐃᒡᒐᓲᑉ ᓮᐅᓂᐅᑉ ᐸᓂᖓᑕ; ᐆᒥᒋᕚᑎᑦ, ᒥᑕᐅᑎᒋᓪᓗᑎᓪᓗ; ᐃᓕᕿᑕᒫᕐᓗᓂᓗ ᑐᓄᖕᓂ ᔨᕉᓴᓕᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 64:11

ᐃᑦᔪᕐᓁᑦᑐᖅ ᐃᒡᓗᖁᑎᕗᑦ ᑕᑯᒥᓇᕐᑐᕐᔪᐊᖅ, ᓯᕗᓕᑦᑕ ᓂᕐᑐᐃᕕᒋᕙᓚᐅᕐᑕᖓ ᐃᓕᖕᓂᒃ, ᐃᑯᐊᓪᓚᒃᑕᐅᓪᓗᓂ ᓄᖑᓯᒪᕗᖅ, ᐃᓂᑦᓯᐊᕆᓚᐅᕐᑕᓕᒫᕗᓪᓗ ᐃᒡᓗᕕᓂᑐᐃᓐᓇᐅᓕᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 18:16

ᓄᓇᖓ ᐊᑐᕐᑐᒃᓴᐅᔪᓐᓃᕐᓂᐊᕐᐳᖅ, ᓄᓇᒋᔭᐅᔭᕆᐊᒃᓴᖅ ᓇᕐᕈᒋᔭᐅᓕᕐᓗᓂ. ᐊᖅᑯᓵᕐᑐᓕᒫᑦ ᑲᒪᓂᐊᖃᑦᑕᕈᒫᕐᐳᑦ ᐃᓕᕿᑕᒫᕐᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 19:8

ᑖᒃᑯᐊ ᐃᒡᓗᒐᓴᒡᔪᐊᑦ ᓱᕋᒃᑕᐅᑎᓐᓂᐊᕐᐸᒃᑲ ᓇᕐᕈᒋᔭᒃᓴᓐᖑᕐᑎᓪᓗᒋᓪᓗ; ᐊᖅᑯᓵᕐᑐᓪᓗ ᑲᒪᓂᐊᕐᓗᑎᒃ ᓱᕋᒃᑎᕐᓯᒪᓂᖓᓂᒃ ᖁᐊᕐᓵᖓᔪᒫᕐᐳᑦ.

ᔨᕆᒤᐊᐅᑉ ᐊᒡᓚᖏᑦ 25:18

ᔨᕉᓴᓕᒧᑦ ᔫᑕᐅᓪᓗ ᓄᓇᓕᖏᓐᓄᑦ ᐊᖓᔪᖅᑳᕐᔪᐊᖏᓐᓄᑦ ᐊᖓᔪᖅᑳᖁᑎᖏᓐᓄᓪᓗ ᐊᓯᕈᕈᑎᒃᓴᐅᖁᓪᓗᒍ ᑲᑉᐱᐊᒋᔭᐅᑦᔪᑎᒃᓴᐅᓕᖁᓪᓗᒍᓗ ᐱᐅᒋᔭᐅᖏᑦᔪᑎᒃᓴᓐᖑᖁᓪᓗᒍᓗ ᐅᓪᓗᒥᒧᑦ ᑍᒤᒻᒪᑕ.

ᔨᕆᒤᐊᐅᑉ ᐊᒡᓚᖏᑦ 25:9

ᑕᑯᒋᑦ, ᐅᓐᓄᐊᓪᓗᐊᑉ ᓇᓛᓃᑦᑐᑦ ᐃᓄᓕᒫᖏᓐᓂᒃ ᑎᓕᓯᓂᐊᕐᐳᖓ, ᑭᒡᒐᓐᓂᒡᓗ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ, ᐊᑕᓂᖅ ᐅᖃᕐᐳᖅ, ᐅᓇᑕᕆᐊᕐᑎᓐᓂᐊᕐᐸᒃᑲᓗ ᓄᓇᒧᑦ ᑕᒪᐅᖓ ᐃᓅᖃᑎᒌᒡᔪᐊᓄᑦ, ᓄᓇᓕᐅᖃᑎᒋᔭᓕᒫᓯᓗ ᐊᓯᕈᕐᑕᐅᑎᓐᓂᐊᕐᐸᒃᑲ ᑲᑉᐱᐊᓲᑎᒃᓴᓐᖑᕐᑎᓪᓗᒋᓪᓗ ᐋᖅᑭᒃᑕᐅᒃᑲᓐᓂᕐᓂᐊᕈᓐᓃᕐᑐᒥᒃ ᓄᓇᓕᕕᓂᑐᐃᓐᓇᐅᓕᕐᑎᓐᓂᐊᕐᐸᕋ.

ᔨᕆᒤᐊᐅᑉ ᐊᒡᓚᖏᑦ 26:6

ᑕᕝᕙ ᑐᒃᓯᐊᕐᕕᒃᔪᐊᖅ ᐱᓂᐊᕐᕕᒋᓂᐊᕐᐸᕋ ᓮᓗᐊᒧᑦ ᐱᓇᓱᐊᕐᓂᕆᓚᐅᕐᑕᑦᑐᑦ, ᓄᓇᓖᓪᓗ ᑖᒃᑯᐊ ᓇᕐᕈᒋᔭᐅᓕᕈᒫᕐᐳᑦ ᐃᓅᖃᑎᒌᒡᔪᐊᓄᑦ ᑕᒤᓐᓄᑦ.”

ᔨᕆᒤᐊᐅᑉ ᐊᒡᓚᖏᑦ 29:18

ᐅᓇᑕᕐᑕᐅᑎᓐᓂᐊᕐᐸᒃᑲ ᑳᖕᓇᕐᑐᕐᔪᐊᖃᕐᑎᑦᓯᓗᖓᓗ ᐋᓐᓂᐊᓇᕐᑐᖃᕐᑎᑦᓯᓂᐊᕐᐳᖓ ᐃᓅᖃᑎᒌᒡᔪᐊᓄᓪᓗ ᑲᑉᐱᐊᓲᑕᐅᓂᐊᕐᐳᑦ ᑕᒪᒃᑯᐊ ᑕᑯᔭᐅᓕᕈᑎᒃ ᑍᒃᑯᓄᖓ ᑎᑭᑎᒃᑯᒃᑭᑦ.

ᔨᕆᒤᐊᐅᑉ ᐊᒡᓚᖏᑦ 48:27

ᐃᓴᕆᐊᓕᒥᐅᑦ ᑍᒫᒃᑕᐅᖅ ᒥᑕᐅᑎᒋᔭᐅᑎᓚᐅᓐᖏᓚᑏᑦ? ᑎᒡᓕᒃᑎᓄᓪᓗ ᐱᔭᐅᑎᓪᓗᒋᑦ, ᐃᓕᕿᑕᒫᕐᓗᑎᓪᓗ ᐅᖃᐅᓯᕆᓕᕌᖓᕕᒋᑦ ᐱᕙᓚᐅᓐᖏᓚᑏᑦ?

ᔨᕆᒤᐊᐅᑉ ᐊᒡᓚᖏᑦ 51:37

ᐹᐱᓘᓂᒥᐅᑦ ᖃᑦᑎᒃᓯᓯᒪᓕᕈᒫᕐᐳᑦ ᓄᓇᓕᕕᓂᑐᐃᓐᓇᐅᓕᕈᑎᒃ, ᑎᕆᒐᓂᐊᖓᔪᓄᑦ ᐃᓂᐅᓕᕐᓂᐊᕐᐳᖅ ᑕᑯᒥᓁᑦᑐᕐᔪᐊᖑᔪᒫᕐᐳᖅ, ᐃᓄᖃᖏᓪᓗᓂᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:16

ᐊᑭᕋᖏᑕ ᒥᑕᐅᑎᒋᕚᑦ ᖀᒥᒋᓪᓗᒍᓗ ᐅᖃᕐᐳᑦ ᐊᓯᕈᕐᑕᐅᕋᑕᕐᐳᑦ, ᑍᒤᑕᐅᖁᓪᓗᒍ ᐅᑕᖅᑭᐊᕆᕙᓚᐅᕐᑕᕗᑦ ᐊᑑᑎᑎᑕᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:6

ᑐᒃᓯᐊᕐᕕᒡᔪᐊᖅ ᐃᓂᒋᓂᕋᕐᑕᓂ ᓯᖁᑦᑎᕐᑕᐅᑎᑉᐹ ᐱᕈᕐᓰᕕᒃᑎᑐᑦ ᑖᓐᓇ ᑲᑎᕕᒋᕙᒃᑕᕗᑦ, ᐊᑕᓂᐅᑉ ᓮᐅᓂ ᐳᐃᒍᕐᑕᐅᑎᑉᐹ ᓇᓪᓕᐅᓐᓂᕐᓯᐅᕐᕕᐅᕙᒃᑐᓂᒃ ᓴᐸᑎᓂᓗ, ᐊᖓᔪᖅᑳᕐᔪᐊᖅ ᑐᓂᕐᕈᓯᕐᑎᑦᓯᔩᓪᓗ ᓂᓐᖓᕕᒃᔪᐊᕐᓂᕐᒥᓄᑦ ᓇᕐᕈᒋᓕᕐᐰᑦ.

ᐃᓯᑭᐊᓕᐅᑉ ᐊᒡᓚᖏᑦ 16:13

ᑍᒫᒃ ᐱᐅᓴᐅᓯᕐᓯᒪᓚᐅᕐᐳᑎᑦ ᒎᓗᓂᒃ ᓯᐅᓪᕕᕆᓂᒡᓗ; ᐊᓄᕌᖃᕐᓗᑎᓪᓗ ᖃᓪᓗᓈᕐᑕᒥᒃ ᓵᑦᑐᒥᒃ ᐱᐊᒃᑐᒥᒡᓗ, ᑕᕐᓯᕐᑐᕐᓯᒪᔪᒥᒡᓗ; ᓂᐊᖂᔭᒃᓴᑦᓯᐊᕙᐅᓂᕐᐹᓂᒡᓗ ᓂᐊᖂᔭᕐᑐᕐᐸᒡᓗᑎᑦ ᕼᐊᓂᑐᕐᐸᒡᓱᑎᑦ ᐸᐅᕐᖎᓪᓗ ᐅᕐᓱᖓᓂᒃ ᓂᕆᕙᒃᓱᑎᑦ. ᑕᑯᒥᓇᕐᓯᑦᓯᐊᓚᐅᕐᐳᑎᑦ, ᐊᖓᔪᖅᑳᕐᔪᐊᑎᑐᑦ ᐊᒡᓛᑦ ᑍᒤᓕᕐᓱᑎᑦ.

ᐃᓯᑭᐊᓕᐅᑉ ᐊᒡᓚᖏᑦ 16:14

ᐃᓅᖃᑎᒌᒡᔪᐊᓄᓪᓗ ᐊᒡᓛᑦ ᖃᐅᔨᒪᔭᐅᓕᓚᐅᕐᐳᑎᑦ ᐃᓂᖁᓇᕐᓃᑦ ᐱᓪᓗᒍ, ᐃᓕᖕᓂᒃ ᐃᓂᖁᓇᕐᑐᓐᖑᕐᑎᑦᓯᓚᐅᕋᒪ, ᐊᑕᓂᖅ ᒎᑎ ᐅᖃᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 23:32

ᐃᒫᒃ ᐊᑕᓂᖅ ᒎᑎ ᐅᖃᕐᐳᖅ: ᐊᖓᔪᕕᑦ ᐃᒥᐅᑎᖓᓂᑦ ᐃᒥᕈᒫᕐᐳᑎᑦ ᐃᓗᑐᓪᓗᓂ ᐊᖏᔫᖕᒪᑦ; ᐃᓄᖕᓄᑦ ᒥᑕᐅᑎᒋᔭᐅᓗᑎᑦ ᐃᔪᕿᑕᐅᑕᐅᔪᒫᕐᐳᑎᑦ, ᐃᒥᐅᑦ ᐃᒪᖅᑯᕐᑐᖕᒪᑦ;

ᐃᓯᑭᐊᓕᐅᑉ ᐊᒡᓚᖏᑦ 25:6

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᖁᕕᐊᓱᖕᓂᕐᒧᑦ ᐃᑎᒐᓯ ᑐᒃᑲᕐᑕᓚᐅᕐᐸᓯ ᐸᑎᒃᑕᕐᓗᓯᓗ ᐃᓴᕆᐊᓕᐅᑉ ᓄᓇᖓᓂᒃ ᒥᑕᐅᑎᖃᕈᓐᓇᕐᕕᓕᒫᑦᓯᓐᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 5:15

“ᓇᕐᕈᓇᕐᓯᔪᒫᕐᐳᓯ ᒥᑕᐅᑎᒃᓴᐅᓕᕐᓗᓯᓗ, ᐃᓂᕐᑎᕈᑎᒃᓴᐅᓗᓯ ᑲᑉᐱᐊᓵᕆᑦᔪᑎᒃᓴᐅᓗᓯᓗ ᐃᓅᖃᑎᒌᒡᔪᐊᓄᑦ ᐊᕙᑎᑦᓯᓐᓃᑦᑐᓄᑦ, ᐃᖅᑲᕐᑐᐃᓕᕈᒪ ᓂᓐᖓᐅᒪᓂᒃᑯᑦ ᓂᓐᖓᕕᒡᔪᐊᕐᓯᒪᓂᒃᑯᓪᓗ, ᓱᒋᐊᕐᓯᓂᒃᑯᑦ ᑲᑉᐱᐊᓇᕐᑐᑎᒍᑦ, ᐅᕙᖓ ᐊᑕᓂᖅ, ᐅᖃᕐᐳᖓ.

ᑖᓂᐊᓕᐅᑉ ᐊᒡᓚᖏᑦ 9:16

ᐊᑕᓃᖅ ᐱᓂᐊᕐᓂᑎᑦ ᐃᓱᐊᕐᑐᑦ ᑲᔪᓯᑎᓪᓗᒋᑦ, ᓂᓐᖓᐅᒪᓃᑦ ᔨᕉᓴᓕᒥᑦ ᓴᖑᑎᓚᐅᕈᒃ ᓂᓐᖓᐅᒪᕕᒃᔪᐊᕐᓃᑦ ᐃᒡᓗᒐᓴᒡᔪᐊᖁᑎᖕᓂᑦ, ᖃᖅᑲᒥᑦ ᐃᑦᔪᕐᓁᑦᑐᒥᑦ ᐊᔪᕐᑐᓕᓂᑦᑕ ᓯᕗᓕᑦᑕᓗ ᐱᐅᖏᑦᑐᓕᓂᖏᑕ, ᔨᕉᓴᓕᒻ ᐃᓄᖁᑎᑎᓪᓗ ᒥᑕᐅᑎᒋᔭᒃᓴᓐᖑᕐᑎᓯᒪᖕᒪᒋᑦ ᐃᓄᖕᓄᑦ ᐊᕙᑎᑦᑎᓐᓂ ᓄᓇᖃᕐᑐᓄᑦ.

ᒤᑲᐅᑉ ᐊᒡᓚᖏᑦ 6:16

ᐊᖓᔪᖅᑳᕐᔪᐊᑉ ᐅᒻᕆᐅᑉ ᒪᓕᖓᖏᓐᓂᒃ ᒪᓕᒃᑲᑦᓯ, ᐂᕼᐊᑉᓗ ᐱᓂᐊᕐᓂᖏᓐᓂᒃ ᐱᐅᖏᑦᑐᓂᒃ ᒪᓕᒃᓗᓯ; ᑍᒃᑯᐊ ᐱᐅᓯᖏᓐᓂᒃ ᐱᐅᓯᖃᕋᑦᓯ; ᑍᒤᒻᒪᑦ ᐃᓂᓕᐅᕈᒫᕐᐳᓯ ᓄᓇᖅᑲᑎᓯ ᒥᑕᐅᑎᒃᓴᐅᓕᕐᓗᑎᒃ, ᐃᓅᖃᑎᒌᒡᔪᐊᓄᓪᓗ ᒥᑕᐅᑎᒋᔭᐅᓂᓯ ᐊᑐᓕᕐᓗᒍ.”

ᓇᕼᐅᒥᐅᑉ ᐊᒡᓚᖏᑦ 3:19

ᐋᓐᓂᕈᑎᒋᓯᒪᔭᕐᓄᑦ ᒪᒥᑦᔪᑎᒃᓴᕐᑕᖃᕈᓐᓃᕐᐳᖅ, ᐃᑭᑎᑦ ᐊᖏᓗᐊᕐᒪᑕ. ᐃᓕᑦᓯᓐᓂᒃ ᑐᓴᕐᑐᓕᒫᑦ ᐸᑦᑕᒃᑐᕐᐳᑦ ᖁᕕᐊᓱᒧᑦ, ᑍᒃᑯᐊ ᐱᐅᖏᑦᑐᓕᓂᕐᒥᒃ ᐱᓇᓱᐊᕐᕕᒌᓐᓇᖃᑦᑕᓚᐅᕋᑦᓯᐅᒃ.

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᒫᑎᐅᓯᐅᑉ ᐊᒡᓚᖏᑦ 27:39

ᑕᕝᕘᓇ ᐊᖅᑯᓵᕐᑐᑦ ᐃᓕᕿᑕᒫᕐᓗᑎᒃ ᐅᖃᕐᓂᕐᓗᐊᖃᑦᑕᕐᐳᑦ ᔩᓱᓯᒧᑦ: ᐅᖃᕐᓗᑎᒃ;

ᒫᑯᓯᐅᑉ ᐊᒡᓚᖏᑦ 15:29

ᐃᓄᐃᑦ ᓴᓐᓂᖓᔪᓕᐅᑉ ᓴᓂᐊᒎᕐᑐᑦ, ᓂᐊᖁᕐᒥᖕᓂᒃ ᐃᓕᕿᑕᒫᕐᓗᑎᒃ ᐅᖃᕐᐳᑦ, “ᑕᑯᒋᑦ! ᑐᒃᓯᐊᕐᕕᒡᔪᐊᕐᒥᒃ ᓯᖁᒥᑦᓯᓂᐊᓚᐅᕐᑐᑎᑦ ᓴᓇᖕᒥᓗᒍ ᐅᓪᓗᓂᒃ ᐱᖓᓱᓂᒃ,