ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10 Iomraidhean Croise

ᓴᒧᐃᓕ ᐂᑉᐸᖏᑦ 13:19

ᑕᒫᕆᓕ ᐃᒻᒥᓂᒃ ᐊᕐᔭᓕᓂᕐᓂᒃ ᑲᑕᒑᑎᕝᕕᒋᓚᐅᕐᐳᖅ ᓂᐊᖁᕐᒥᓄᑦ, ᐅᓕᑯᑖᓂᓗ ᐊᓕᒃᑐᕐᓗᒍ; ᐊᒡᒐᒥᓄᑦ ᑮᓇᓂ ᒪᑐᓯᒪᓚᐅᕐᐹ, ᐊᓂᓚᐅᕐᐳᕐᓗ, ᕿᐊᓪᓗᓂ ᓂᐱᖅᑯᕐᑐᓪᓗᓂ.

ᐂᓮᐊᓯᐅᑉ ᐊᒡᓚᖏᑦ 15:3

ᐃᓄᐃᑦ ᐊᖅᑯᑎᑎᒍᑦ ᐱᓱᑲᑕᒃᑐᑦ ᕿᒃᓵᒃᑐᕐᓯᐅᑎᓂᒃ ᐊᑐᓕᕐᐳᑦ; ᐃᓄᐃᑦ ᑲᑎᑦᑕᕐᕕᖏᓐᓂ ᐃᒡᓗᐃᓪᓗ ᖄᖏᓐᓂ ᓇᓂᑐᐃᓐᓇᖅ ᕿᐊᔪᕐᑕᖃᓕᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 3:24

ᑎᐱᑦᓯᐊᕆᒃᓴᐅᑎᐅᑉ ᑎᐱᖓ ᑭᖑᕝᕕᕐᑕᐅᔪᒫᕐᐳᖅ ᐃᒍᓇᕐᓂᒥᒃ; ᑕᑦᓯᕈᑏᓪᓗ ᐱᐅᔪᑦ ᑭᖑᕝᕕᕐᑕᐅᓗᑎᒃ, ᐊᒃᓱᓈᒧᑦ; ᓄᔭᕐᓂᒃ ᐋᖅᑭᑦᓯᐊᕐᓯᒪᓂᖏᑦ ᑭᖑᕝᕕᕐᑕᐅᓗᑎᒃ ᓄᔧᕈᑎᓂᕐᒧᑦ; ᐊᔪᕐᓴᖏᑦᑐᕐᓯᐅᑎᓂᒃ ᐊᓐᓄᕌᕐᓯᒪᓂᖅ ᑭᖑᕝᕕᕐᑕᐅᓗᓂ ᐳᑐᕐᓛᓂᒃ ᐊᓐᓄᕌᕐᓯᒪᓂᕐᒧᑦ; ᐃᓂᖁᓇᕐᑑᓂᖅ ᑭᖑᕝᕕᕐᑕᐅᓗᓂ ᑲᓐᖑᓱᖕᓂᕐᒧᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 36:22

ᑕᕝᕙ ᐃᓔᐊᑭᒻ, ᕼᐃᓪᑬᐊᐅᑉ ᐃᕐᓂᖓ, ᐊᖓᔪᖅᑳᕐᔪᐊᑉ ᐃᒡᓗᖓᓄᑦ ᑲᒪᔨ, ᓯᑉᓇᓗ ᐊᒡᓚᒃᑎ, ᔪᐊᓗ ᐊᓴᐸᐅᑉ ᐃᕐᓂᖓ, ᐊᓐᓄᕌᒥᖕᓂᒃ ᐊᓕᒃᑐᐃᕗᑦ ᕿᒃᓵᖕᓂᕐᒧᑦ, ᕼᐃᓯᑬᐊᒧᓪᓗ ᐂᕗᑦ ᑐᓴᕐᑎᒋᐊᕐᑐᕐᓗᒍ ᐊᓯᕆᐊᒥᐅᑦ ᐊᖓᔪᖅᑳᖁᑎᖏᑦᑕ ᐅᖃᐅᓯᕆᔭᖏᓐᓂᒃ.

ᐂᓮᐊᓯᐅᑉ ᐊᒡᓚᖏᑦ 47:1

“ᐊᖅᑲᕐᓗᑎᑦ ᒪᓂᖅᑲᒥ ᐃᒃᓯᕚᓕᕆᑦ, ᐹᐱᓘᓂᐅᑉ ᐸᓂᖓ ᐅᐃᒡᒐᓱᒃ; ᒪᓂᖅᑲᒥ ᐃᒃᓯᕚᓕᕆᑦ ᐃᒃᓯᕙᐅᑕᕐᔪᐊᕐᒥᐅᖏᑦᑐᖅ, ᑲᐅᓪᑎᐊᒥᐅᑦ ᐸᓂᖓ! ᑍᔭᐅᓂᐊᕈᓐᓃᕋᕕᑦ ᐋᓐᓂᕐᓴᕅᑦᑐᒥᒃ ᓂᑲᓇᕐᑐᒥᒡᓗ.

ᐂᓮᐊᓯᐅᑉ ᐊᒡᓚᖏᑦ 47:5

ᓂᐱᖃᖏᓪᓗᑎᑦ ᐃᒃᓯᕙᓕᕆᑦ, ᑖᕐᑐᒦᓪᓗᑎᓪᓗ, ᑲᐅᓪᑎᐊᒥᐅᑦ ᐸᓂᖓ; ᑍᔭᐅᓂᐊᕈᓐᓃᕋᕕᑦ ᐊᖓᔪᖅᑳᕐᔪᐊᖃᕐᕕᐅᑉ ᐊᕐᓇᖁᑎᖓᓂᒃ.

ᔨᕆᒤᐊᐅᑉ ᐊᒡᓚᖏᑦ 8:14

“ᖃᓄᐃᒻᒪᑦ ᑲᑎᒪᓪᓗᑕ ᐃᒃᓯᕚᑐᐃᓐᓇᕐᐱᑖ? ᕿᒫᓚᐅᕐᑕ ᐃᒡᓗᒐᓴᒡᔪᐊᓄᑦ ᐱᔭᐅᑦᔧᕐᓯᒪᔪᓄᑦ ᑐᖁᔭᕐᑐᕐᓗᑕ. ᐊᑕᓂᐅᑉ ᒎᑎᑦᑕ ᑐᖁᔪᒃᓴᐅᖁᓕᕐᒪᑎᒍᑦ, ᑐᖁᓐᓇᕐᑐᒥᒡᓗ ᐃᒥᖁᑎᖃᓕᕐᑎᒻᒪᑎᒍᑦ, ᐊᔪᕐᑐᓕᕕᒋᓚᐅᕋᑦᑎᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1

ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:4

ᓮᐅᓂᒧᑦ ᑐᒃᓯᐊᕆᐊᕐᑐᖃᕈᓐᓁᕐᐳᖅ ᐅᓪᓗᐃᑦ ᐃᑦᔪᕐᓁᑦᑐᑦ ᓇᓪᓕᐅᑎᕕᖏᓐᓂ, ᐃᑎᕐᑕᕐᕕᖏᑦ ᐃᓄᖃᕈᓐᓁᕐᐳᑦ, ᐊᔪᕆᕐᑐᐃᔨᖁᑎᖏᓪᓗ ᐅᖁᒤᒃᓴᕐᓇᕐᑐᒦᓕᕐᒪᑕ ᕿᒃᓵᖕᓇᕐᑐᒦᑎᑕᐅᕗᑦ, ᐊᕐᓁᑦ ᐃᓅᓱᒃᑐᑦ ᕿᒃᓵᒃᐳᑦ ᐋᓐᓂᐊᓇᕐᑐᒦᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:28

ᓂᐰᑦᑑᓗᑕ ᐃᓄᑑᓗᑕ ᐃᒃᓯᕙᒃᔪᒃᓴᐅᕗᒍᑦ ᐊᑕᓂᐅᑉ ᑍᒤᑎᑉᐸᒍ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:16

ᐊᑕᓂᐅᑉ ᑲᒪᒋᔪᓐᓃᕐᒪᒋᑦ ᓯᐊᒻᒪᕐᑎᑉᐰᑦ ᓇᒧᑐᐃᓐᓇᖅ, ᑐᓂᕐᕈᓯᕐᑎᑦᓯᔩᑦ ᐊᖓᔪᖅᑳᓪᓗ ᐅᐱᒋᔪᓐᓃᕐᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:5

ᐃᓄᐃᑦ ᓂᕿᑦᓯᐊᕙᖕᓂᒃ ᓂᕆᕙᓚᐅᕐᑐᑦ ᐱᕐᓕᕋᕐᓗᑎᒃ ᓇᓂᑐᐃᓐᓈᓕᕐᐳᑦ, ᐊᔪᕐᓴᖏᑦᑐᕐᔪᐊᓂᓗ ᐱᕈᕐᓴᓚᐅᕐᑐᑦ ᐊᒃᑕᑯᕐᓂᐊᕐᑎᑐᐃᓐᓇᐅᓕᕐᐳᑦ ᓂᕆᔭᒃᓴᕐᓯᐅᕐᓗᑎᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:12

ᐊᖓᔪᖅᑳᕐᔪᐊᓪᓗ ᐃᕐᓂᖏᑦ ᓂᕕᓐᖓᕐᑕᐅᖃᑦᑕᕐᐳᑦ ᐊᒡᒊᓐᓇᖏᑎᒍᑦ, ᐃᓄᑐᖃᕆᔭᕗᓪᓗ ᐅᐱᒋᔭᐅᓂᖃᓐᖏᓚᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:14

ᐃᓄᑐᖃᐅᔪᑦ ᐃᑎᕐᑕᕐᕕᖕᓂᒃ ᑲᑎᒪᖃᑦᑕᕐᕕᖕᒥᖕᓂᒃ ᕿᒤᕗᑦ, ᐃᓅᓱᒃᑐᓪᓗ ᐃᓐᖏᖃᑦᑕᕐᑐᑦ ᑐᓴᕐᓴᐅᔪᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 27:30

ᓂᐱᕐᔪᐊᒧᑦ ᐅᒡᒍᐊᕈᒫᕐᐳᑦ, ᕿᐊᕕᒡᔪᐊᕐᓗᑎᒡᓗ. ᓴᓂᕐᓂᒃ ᓂᐊᖁᕐᒥᖕᓄᐊᕐᓯᓪᓗᑎᒃ ᐊᕐᔭᓕᓂᕐᓂ ᐊᒃᓴᑳᖃᑦᑕᕈᒫᕐᐳᑦ;

ᐃᓯᑭᐊᓕᐅᑉ ᐊᒡᓚᖏᑦ 27:31

ᓂᐊᖁᑎᒃ ᓴᓕᔪᒫᕐᐰᑦ ᐱᓪᓗᓯ, ᐳᑐᕐᓛᓂᒡᓗ ᐊᑎᔪᒫᕐᐳᑦ, ᑕᕐᓂᒃᑯᑦ ᐃᒃᐱᖕᓂᐊᓗᑎᒃ ᕿᐊᑦᔪᑎᒋᔪᒫᕐᐹᓯ, ᕿᒡᓵᕕᒡᔪᐊᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 7:18

ᐳᑐᕐᓛᓂᒃ ᐊᓐᓄᕌᕈᒫᕐᐳᑦ, ᑲᑉᐱᐊᓱᖕᓂᕐᒧᑦ ᑕᑕᒥᓯᒪᓗᑎᒃ; ᑲᓐᖑᓱᖕᓂᖅ ᑮᓇᖏᓐᓂ ᑕᑯᒃᓴᐅᔪᒫᕐᐳᖅ, ᓂᐊᖁᑎᒡᓗ ᓴᓕᓗᒋᑦ ᓄᔧᕈᑎᔪᒫᕐᐰᑦ.

ᔪᐃᓕᐅᑉ ᐊᒡᓚᖏᑦ 1:8

ᕿᐊᒋᑦᓯ, ᐃᓕᑦᓯ ᐃᓅᔪᓯ, ᐊᕐᓇᑐᑦ ᐃᓅᓱᒃᑑᓪᓗᓂ ᕿᒃᓵᒍᑎᖃᕐᑐᑐᑦ ᐅᐃᑖᕆᓂᐊᓚᐅᕐᑕᖓ ᑐᖁᖕᒪᑦ.

ᐂᒨᓯᐅᑉ ᐊᒡᓚᖏᑦ 5:13

ᑍᒤᒻᒪᑦ ᓯᓚᑐᔪᖅ ᓂᐱᖃᕐᓂᐊᓐᖏᓚᖅ ᑍᒤᑦᑐᒥ, ᐱᕕᒃᓴᖅ ᓇᓪᓕᐅᑎᔪᖅ ᐱᐅᖏᑦᑑᖕᒪᑦ.

ᐂᒨᓯᐅᑉ ᐊᒡᓚᖏᑦ 8:13

ᐅᓪᓗᒥ ᑍᑲᓂ ᐊᕐᓁᑦ ᐃᓂᖁᓇᕐᑐᑦ ᐅᐃᒡᒐᓱᐃᑦ ᐃᓅᓱᒃᑐᓪᓗ ᐊᖑᑏᑦ ᓄᑮᕈᑎᔪᒫᕐᐳᑦ ᐃᒥᕈᖕᓂᕐᒧᑦ.

ᐂᒨᓯᐅᑉ ᐊᒡᓚᖏᑦ 8:3

ᑐᒃᓯᐊᕐᕕᒡᔪᐊᒥ ᐃᓐᖏᕐᓃᑦ, ᐅᓪᓗᒥ ᑍᑲᓂ ᕿᐊᓂᕐᔪᐊᓐᖑᕐᑎᑦᓱᒫᕐᐸᒃᑲ,” ᐊᑕᓂᖅ ᒎᑎ ᐅᖃᕐᐳᖅ, “ᑐᖁᖓᔪᑦ ᑎᒥᖏᑦ ᐅᓄᕐᑐᕐᔪᐊᖑᔪᒫᕐᐳᑦ. ᓇᓂᑐᐃᓐᓇᖅ ᐊᓂᐅᖃᕐᑕᐅᔪᒫᕐᐳᑦ ᓂᐰᑦᑑᓗᑎᒃ.”

ᔫᓇᐅᑉ ᐊᒡᓚᖏᑦ 3:6

ᓂᓂᕕᒥᐅᓪᓕ ᐊᖓᔪᖅᑳᕐᔪᐊᖓᑕ ᑕᒪᓐᓇ ᑐᓴᕋᒥᐅᒃ, ᐃᒃᓯᕙᐅᑕᕐᔪᐊᒥᓂᑦ ᓂᑯᕕᓪᓗᓂ, ᐊᓐᓄᕌᓂ ᐊᖓᔪᖅᑳᕐᔪᐊᓯᐅᑏᑦ ᐱᕐᓗᒋᑦ ᐃᒃᐱᐊᕐᔪᒐᔭᖕᒥᒃ ᐳᑐᕐᓛᒥᒃ ᐊᑎᓯᕗᖅ, ᐃᖏᓪᓗᓂᓗ ᐊᕐᔭᓕᓃᑦ ᖄᖏᓐᓄᑦ.

ᔮᓱᐊᑉ ᐊᒡᓚᖏᑦ 7:6

ᑕᕝᕙ ᔮᓱᐊ ᐃᓴᕆᐊᓕᒥᐅᓪᓗ ᐊᖓᔪᖅᑳᖏᑦ ᐊᓐᓄᕌᑎᒃ ᐊᓕᒃᐰᑦ ᕿᒃᓵᖕᓂᕐᒧᑦ, ᐹᒻᒪᒃᐳᓪᓗ ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᑕ ᓵᖓᓄᑦ, ᑕᕝᕙᓃᓚᐅᕐᐳᓪᓗ ᐅᓐᓄᒃ ᑎᑭᓪᓗᒍ; ᐊᕐᔭᓕᓂᕐᓂᒡᓗ ᓂᐊᖁᕐᒥᓅᕆᓚᐅᕐᐳᑦ ᓇᓗᓁᕐᓯᓪᓗᑎᒃ ᕿᒃᓵᕕᒡᔪᐊᕐᓂᕐᒥᖕᓂᒃ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:19

ᓂᐊᖁᑎᒡᓗ ᓴᓂᕐᒥᒃ ᑲᑕᒑᕕᒋᓪᓗᒋᑦ, ᕿᐊᕗᑦ ᐅᒡᒍᐊᕐᓗᑎᒡᓗ, ᐅᖃᕐᐳᑦ, “ᑲᑉᐱᐊᓐᓇᒦᒃ, ᑲᑉᐱᐊᓐᓇᒦᒃ, ᐃᒡᓗᒐᓴᒡᔪᐊᑦ ᐊᔪᖏᑦᑐᕐᔪᐊᑦ ᐊᔪᕐᓴᕈᓐᓃᕐᕕᐅᓯᒪᕗᑦ ᐅᒥᐊᕐᑐᕐᑎᓄᑦ! ᐃᑲᕐᕋᒥᒃ ᐊᑕᐅᓯᕐᒥᒃ ᓄᖑᑉᐳᖅ.