ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9 - ᐊᒡᓔᑦ ᐃᑦᔪᕐᖕᓁᑦᑐᑦ

⁹ ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9 Iomraidhean Croise

ᓴᒧᐃᓕ ᐂᑉᐸᖏᑦ 16:12

ᐊᑕᓂᐅᑉ ᖁᕕᐊᓱᖏᓐᓂᓐᓂᒃ ᖃᐅᔨᒍᓂᖓ, ᐊᑭᓕᕐᓂᐊᕐᐹᖓ ᐱᐅᔪᒥᒃ ᐅᓪᓗᒥ ᓇᕐᕈᓇᕐᑎᑕᐅᓂᕋ ᐲᖔᕐᓗᓂᐅᒃ.”

ᐊᑕᓃᑦ ᐂᑉᐸᖏᑦ 14:26

ᐃᓴᕆᐊᓕᒥᐅᑦ ᐊᖏᔪᒥᒃ ᐅᖁᒤᒃᓴᕐᑎᑕᐅᓂᖏᑦ ᐊᑕᓂᐅᑉ ᑕᑯᓐᓇᓚᐅᕐᐰᑦ. ᐊᑕᐅᓯᕐᒥᒡᓘᓐᓃᑦ ᐃᑲᔪᕐᑎᒃᓴᖓᓂᒃ ᐱᑕᖃᓚᐅᓐᖏᓚᖅ ᐃᓴᕆᐊᓕᓂ.

ᓂᕼᐃᒤᐊᐅᑉ ᐊᒡᓚᖏᑦ 9:32

ᒎᑏᒃ, ᒎᑎᕗᑦ ᐊᖏᔪᕐᔪᐊᖑᕗᑎᑦ ᐊᔪᒐᖃᖏᑦᑐᕐᔪᐊᖑᓪᓗᑎᓪᓗ! ᑲᑉᐱᐊᓇᕐᑐᐊᓘᓪᓗᑎᑦ, ᐱᔪᓐᓇᕐᓂᕐᔪᐊᖃᕐᐳᑎᑦ! ᓇᒡᓕᒍᓱᖕᓂᕐᔪᐊᕐᓄᑦ ᐊᖏᖃᑎᒌᒍᑎᒋᓚᐅᕐᑍᑦ ᑲᔪᓯᑎᒃᑲᕕᐅᒃ: ᑍᑦᓱᒪᓐᖓᒥᑦ ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖏᑕ ᐅᖁᒤᒃᓴᕐᑎᓚᐅᕐᒪᑎᒍᑦ ᒫᓐᓇᒧᑦ ᐊᒡᓛᑦ ᐊᒃᓱᕈᕐᐳᒍᑦ. ᐊᖓᔪᖅᑳᕐᔪᐊᕗᑦ, ᓯᕗᓕᕐᑎᕗᑦ, ᑐᓂᕐᕈᓯᕐᑎᑦᓯᔨᕗᑦ, ᐅᖃᕐᑎᕗᓪᓗ, ᓯᕗᓕᕗᓪᓗ, ᐃᓅᖃᑎᓕᒫᕗᓪᓗ ᐊᒃᓱᕈᕐᑎᑕᐅᓯᒪᕗᑦ, ᐃᖅᑲᐅᒪᓚᐅᕆᑦ ᐊᒃᓱᕈᕐᑎᑕᐅᓯᒪᓂᑦᑎᓐᓂᒃ ᑕᒪᓐᓇᓗ ᒥᑭᔫᑎᑦᑍᓕᓗᒍ!

ᐃᓐᖏᕈᑎᑦ 119:153

ᐋᓐᓂᐊᑎᑕᐅᓂᒃᑲ ᑕᑯᓚᐅᒃᑭᑦ ᓴᐳᑎᓗᖓᓗ, ᐱᖁᔭᑎᑦ ᐳᐃᒍᖏᓐᓇᒃᑭᑦ.

ᐃᓐᖏᕈᑎᑦ 140:8

ᐊᑕᓃᖅ, ᐱᐅᖏᑦᑐᑦ ᐱᔪᒪᔭᖏᓐᓂᒃ ᑐᓂᓯᕕᒋᑦᑍᓕᒃᑭᑦ; ᐱᐅᖏᑦᑑᓪᓗ ᐱᓕᕆᐊᕆᓇᓱᐊᕐᑕᖏᑦ ᑲᔪᓯᑎᑦᑍᓕᒃᑭᑦ! ᓰᓚ

ᐃᓐᖏᕈᑎᑦ 25:18

ᐋᓐᓂᐊᕐᓂᒃᑲ ᑕᑯᓐᓈᑭᑦ ᐅᖁᒤᓪᓕᐅᕐᓂᒃᑲᓗ; ᐊᔪᕐᓂᒃᑲᓗ ᑕᒪᕐᒥᒃ ᐃᓱᒪᒋᔪᓐᓁᓚᐅᒃᑭᑦ.

ᐃᓐᖏᕈᑎᑦ 69:21

ᑳᓕᕐᑎᓪᓗᖓ ᓂᕆᓂᐊᕐᑕᒃᑲ ᓱᖓᕐᒥᒃ ᐃᓚᕔᑦ, ᐃᒥᕈᓕᕋᒪᓗ ᕕᓂᒐᒥᒃ ᐃᒥᕐᑎᑉᐹᖓ.

ᒨᓯᓯ ᐂᑉᐸᖏᑦ 3:17

ᐄᑦᔨᑉᑎᒥᑦ ᐊᐅᓪᓚᕐᑎᑦᓱᒪᓕᕋᒃᑭᑦ ᐃᓖᔭᕆᔭᐅᕕᒋᔭᖓᓐᓂᑦ ᓄᓇᒧᓪᓗ ᐊᔪᕐᓴᕐᓇᖏᑦᑐᒧᓐᖓᐅᑎᓗᒋᑦ, ᑖᓐᓇ ᓄᓇᒋᔭᐅᔪᖅ; ᑬᓇᓂᒥᐅᓄᑦ, ᕼᐃᑍᑎᒥᐅᓄᑦ, ᐊᒧᕅᑎᒥᐅᓄᑦ, ᐱᕆᔧᑎᒥᐅᓄᑦ, ᕼᐃᕔᑎᒥᐅᓄᓪᓗ, ᔨᐳᓮᑎᒥᐅᓄᓪᓗ.

ᒨᓯᓯ ᐂᑉᐸᖏᑦ 3:7

ᐊᑕᓂᕐᓗ ᐅᖃᕐᐳᖅ, “ᑕᑯᓯᒪᒐᒪ ᐃᓄᖁᑎᒪ ᐃᓖᔭᕆᔭᐅᓂᖏᓐᓂᒃ ᐄᑦᔨᑉᑎᒥ, ᓴᐳᑎᔭᐅᔪᒪᓂᖏᑦ ᐃᓖᔭᕐᓱᐃᔨᒋᔭᒥᖕᓂᑦ ᑐᓴᕋᒃᑭᑦ, ᐃᓗᖏᕐᓱᕐᓂᖏᑦ ᖃᐅᔨᒪᑦᓯᐊᕐᐸᒃᑲ.

ᒨᓯᓯ ᐂᑉᐸᖏᑦ 4:31

ᐃᓄᐃᓪᓗ ᐅᒃᐱᕈᓱᓕᕐᐳᑦ; ᑐᓴᕋᒥᒡᓗ ᐊᑕᓂᐅᑉ ᐅᐸᒍᑎᓂᕕᓂᖓᓂᒃ ᐃᓴᕆᐊᓕᒥᐅᓄᑦ ᐅᖁᒤᒃᓴᕐᑎᑕᐅᓂᖏᓐᓂᒡᓗ ᑕᑯᓯᒪᓂᖓᓂᒃ ᖃᐅᔨᒐᒥᒃ, ᐅᑯᓪᓗᑎᒃ ᑐᒃᓯᐊᓕᕐᐳᑦ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 3:8

ᔨᕉᓴᓕᒻ ᐹᓪᓚᒃᓯᒪᕗᖅ, ᔫᑕᓗ ᑲᑕᒃᓯᒪᓪᓗᓂ; ᐅᖃᐅᓯᖏᑦ ᐱᓂᐊᕐᓂᖏᓪᓗ ᐊᑭᕋᕐᑐᕐᒪᑕ ᐊᑕᓂᕐᒥᒃ ᑲᒪᒋᓇᒍ ᓇᔫᑎᓂᖓᑕ ᐱᓐᓇᕐᓇᕐᓂᕐᔪᐊᖓ.

ᐂᓮᐊᓯᐅᑉ ᐊᒡᓚᖏᑦ 37:17

ᒫᓐᓇ ᐊᑕᓃᖅ ᓈᓚᓚᐅᕆᑦ ᑐᓴᕐᓗᑎᓪᓗ; ᐊᑕᓃᖅ ᑕᑯᓕᕆᑦ; ᑐᓵᓗᑎᓪᓗ ᓯᓇᑯᕆᐅᑉ ᐅᖃᐅᓯᖏᓐᓂᒃ ᑕᒤᓐᓂᒃ, ᑎᓕᓯᑦᔪᑎᒋᓚᐅᕐᑕᖏᑦ ᒥᑕᐅᑎᖃᕐᑐᑦ ᒎᑎᒥᒃ ᐆᒪᔪᒥᒃ.

ᐂᓮᐊᓯᐅᑉ ᐊᒡᓚᖏᑦ 37:23

ᑭᓇᒥᒃ ᒥᑕᐅᑎᖃᓚᐅᕐᐲᑦ ᐅᖃᕐᓂᕐᓘᑎᖃᕐᓗᑎᓪᓗ? ᑭᓇᒧᑦ ᓂᐱᖅᑯᕐᑐᓪᓗᑎᑦ ᓂᓪᓕᐊᓚᐅᕐᐱᑦ ᐃᔩᒃᑭᒡᓗ ᖁᒻᒧᑦ ᕿᕕᐊᖓᓪᓗᒋᒃ ᐱᐅᔪᕆᓂᕐᒧᑦ? ᐊᑭᕋᕐᑐᕐᓗᑎᑦ ᐃᓴᕆᐊᓕᒥᐅᑦ ᐃᑦᔪᕐᓁᑦᑐᖁᑎᖓᓐᓂᒃ!

ᐂᓮᐊᓯᐅᑉ ᐊᒡᓚᖏᑦ 37:29

ᐅᕙᓐᓄᑦ ᐊᒃᓱᕈᕐᓗᑎᑦ ᐊᑭᕋᕐᑐᕋᕕᑦ ᐱᐅᔪᕆᓃᓪᓗ ᓯᐅᑎᓐᓄᑦ ᑎᑭᑉᐳᖅ, ᑍᒤᒻᒪᑦ ᕿᖓᒃᑯᑦ ᓂᒃᓯᖕᓂᐊᕐᐸᒋᑦ ᖃᓂᒃᑯᓪᓗ ᕿᓪᓗᒻᒥᑦᔪᑎᑖᕐᑎᓪᓗᑎᑦ, ᐅᑎᕐᑎᓐᓂᐊᕐᐸᒋᑦ ᑕᒪᐅᓇᑦᓮᓐᓇᖅ ᑎᑭᕝᕕᒋᓚᐅᕐᑕᒃᑯᑦ.’”

ᐂᓮᐊᓯᐅᑉ ᐊᒡᓚᖏᑦ 37:4

ᐃᒻᒪᖄ, ᐊᑕᓂᐅᑉ ᒎᑎᕕᑦ ᕌᑉᓴᑭᐅᑉ ᐅᖃᐅᓯᖏᑦ ᑐᓴᕐᐰᑦ, ᐊᓯᕆᐊᒥᐅᑦ ᐊᖓᔪᖅᑳᕐᔪᐊᖓᑦᑕ ᑎᓕᓚᐅᕐᒪᒍ ᒎᑎᒥᒃ ᐆᒪᔪᒥᒃ ᒥᑕᐅᑎᖃᖁᓪᓗᒍ, ᐃᓂᕐᑎᕆᑐᐃᓐᓇᕆᐊᖃᕐᓗᓂᓗ ᐅᖃᐅᓯᖏᓐᓂᒃ ᐊᑕᓂᐅᑉ ᒎᑎᕕᑦ ᑐᓴᕐᑕᒥᓂᒃ; ᑍᒤᒻᒪᑦ ᑐᒃᓯᐅᑎᓚᐅᒃᑭᑦ ᐃᓄᐃᑦ ᐊᒥᐊᒃᑰᔪᑦ ᐱᓪᓗᒋᑦ.’”

ᐂᓮᐊᓯᐅᑉ ᐊᒡᓚᖏᑦ 40:2

“ᐅᖃᓪᓚᓕᕆᑦ ᒪᓂᒍᕐᑕᐅᓇᕐᑐᓂᒃ ᔨᕉᓴᓕᒧᑦ, ᐅᖃᓪᓚᒡᕕᒋᒃᑭᑦ ᐅᓇᑕᕐᓂᖓᑦ ᐃᓱᓕᒻᒪᑦ, ᐊᔪᕐᑐᓕᓂᖏᓪᓗ ᐃᓱᒪᒋᔪᓐᓁᕐᑕᐅᖕᒪᑕ, ᐊᑕᓂᕐᒧᑦ ᓱᒋᐊᕐᑕᐅᓯᒪᖕᒪᑕ ᐊᔪᕐᑐᓕᓂᖏᑕ ᒪᕐᕈᐃᕐᑑᑎᓪᓗᐊᖏᓐᓂᒃ.”

ᐂᓮᐊᓯᐅᑉ ᐊᒡᓚᖏᑦ 47:7

ᐅᖃᓚᐅᕐᐳᑎᑦ, ‘ᐃᓱᖃᖏᑦᑐᒧᑦ ᐊᕐᓇᖁᑎᒋᔭᐅᖏᓐᓇᕐᓂᐊᕐᐳᖓ,’ ᑕᒪᒃᑯᐊ ᐆᒻᒪᒻᒥᐅᑕᕐᑖᕆᓚᐅᓐᖏᓚᑎᑦ, ᐃᓱᒪᒃᓴᕐᓯᐅᕈᑎᒋᓇᒋᓪᓗ ᑭᖑᓂᒃᓴᖏᑦ.

ᐂᓮᐊᓯᐅᑉ ᐊᒡᓚᖏᑦ 51:19

ᑖᒃᑯᐊ ᒪᕐᕈᐃᑦ ᐃᓕᖕᓄᑦ ᑎᑭᐅᑎᓯᒪᕘᒃ; ᑭᐊᓕ ᕿᒃᓵᖃᑎᒋᓂᐊᕐᐹᑎᑦ? ᓄᖑᕈᑦᔭᐅᓯᒪᒐᕕᑦ ᐃᒡᓗᒐᓴᒡᔪᐊᓪᓗ ᓯᖁᑦᑎᕐᑕᐅᓪᓗᑎᒃ, ᑳᖕᓇᕐᑐᕐᔪᐊᖃᓕᕐᐳᑦ, ᐅᓇᑕᕐᓃᓪᓗ; ᑭᓇᒧᓕ ᓮᒻᒪᕐᓴᕐᑕᐅᓂᐊᓕᕐᐲ?

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 13:27

ᓇᕐᕈᓇᕐᑐᓕᓂᓯ ᑕᑯᓯᒪᒐᒃᑭᑦ, ᐊᓯᓐᓂᐊᕐᓯᒪᓂᓯ ᐱᔪᒪᓗᐊᕐᓂᓯᓗ, ᑲᓐᖑᓱᒐᓯ ᓄᓕᐊᕐᓃᑦ ᐱᓇᓱᐊᓚᐅᕐᑕᓯ ᑕᑯᓯᒪᕙᒃᑲ, ᖃᖅᑬᑦ ᖄᖏᓐᓂ ᓇᑎᕐᓇᓂᓗ. ᑲᑉᐱᐊᓐᓇᒦᖑᔪᓯ ᔨᕉᓴᓕᒥᐅᑦ! ᖃᓄᖅ ᐊᑯᓂᐅᑎᒋᔪᖅ ᓴᓗᒤᑦᑑᓂᐊᕐᐱᓰ?”

ᔨᕆᒤᐊᐅᑉ ᐊᒡᓚᖏᑦ 16:7

ᐃᓚᓐᖓᕐᑐᓪᓗ ᓂᕆᔭᒃᓴᖏᓐᓂᒃ ᐋᑦᓯᕕᐅᓂᐊᓐᖏᓚᑦ ᓮᒻᒪᕐᓴᕐᑕᐅᓇᓱᐊᕐᓗᑎᒃ; ᐊᑖᑍᕐᑑᒐᓗᐊᑦ ᐊᓈᓁᕐᑑᒐᓗᐊᓪᓗ ᐃᓚᑦᓱᒋᔭᐅᔪᒫᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 2:34

ᐊᓐᓄᕌᓯ ᐊᐅᒥᓯᒪᕗᑦ ᐸᓯᔭᒃᓴᐅᖏᑦᑐᑦ ᐊᔪᕐᓴᕐᑐᓪᓗ ᐊᐅᖏᓐᓂᒃ, ᖃᐅᔨᒪᒐᓗᐊᕐᓗᓯᐅᒃ ᑎᒡᓕᒐᕐᑎᐅᖏᒻᒪᑕ. “ᑍᒤᒐᓗᐊᕐᑎᓪᓗᒍ,

ᔨᕆᒤᐊᐅᑉ ᐊᒡᓚᖏᑦ 48:26

“ᐋᖓᔮᓕᕐᑎᑕᐅᓕᑦ, ᐊᑕᓂᕐᒥᑦ ᐱᔪᓐᓇᕐᓂᕐᓴᐅᓇᓱᒋᓕᓚᐅᕐᒪᑕ, ᒧᐊᐱᒥᐅᑦ ᒥᕆᐊᒥᓂᒃ ᓇᓪᓚᖓᕕᖃᓕᕐᓕᑦ, ᒥᑕᐅᑎᒋᔭᒃᓴᐅᓗᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 5:31

ᒎᑎᐅᑉ ᐅᖃᕐᑎᖏᑦ ᐅᖃᐅᓯᖃᕐᒪᑕ ᓱᓕᖏᑦᑐᓂᒃ, ᑐᓂᕐᕈᓯᕐᑎᑦᓯᔩᓪᓗ ᓇᖕᒥᓂᖅ ᐊᑐᕈᒪᔭᒥᖕᓂᒃ ᑭᓯᐊᓂ ᐊᐅᓚᑦᓯᔪᒪᖕᒪᑕ, ᐃᓄᖁᑎᒪᓗ ᑍᒫᒃ ᖁᕕᐊᒋᓪᓗᓂᑦᔪᒃ ᖃᓄᕐᓕ ᐱᔪᒫᕐᐹᑦ ᑕᒪᓐᓇ ᐃᓱᓕᑉᐸᑦ?”

ᔨᕆᒤᐊᐅᑉ ᐊᒡᓚᖏᑦ 50:29

“ᐱᑎᒃᓵᕐᑏᑦ ᐹᐱᓘᓂᒧᑦ ᐱᑎᒃᓵᕆᐊᕐᑐᖁᔭᐅᓕᑦ, ᐊᕙᑕᖏᕐᑕᐅᓯᒪᓗᑎᒃ ᓯᓂᒃᑕᕆᐊᕐᕕᐅᓕᑦ, ᐊᑕᐅᓯᕐᒥᒡᓘᓐᓃᑦ ᐊᓐᓇᒃᑐᖃᕐᑍᓕᓕ, ᐊᑭᓂᐊᕐᕕᐅᓕᑦ ᐱᓂᐊᕐᓂᕆᖃᑦᑕᓚᐅᕐᑕᖏᑦ ᒪᓕᒡᓗᒋᑦ, ᐊᑕᓂᖅ ᐊᑭᕋᕐᑐᓚᐅᕐᒪᑦᔪᒃ ᐃᓴᕆᐊᓕᒥᐅᑦ ᐃᑦᔪᕐᓁᓐᓂᕐᐹᖁᑎᖓᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:17

ᓮᐅᓂ ᐃᓵᖓᒐᓗᐊᕐᒪᑦ ᐃᑲᔪᕐᑕᐅᔪᒪᓪᓗᓂ, ᐃᑲᔪᕐᑎᒃᓴᕐᑕᖃᓐᖏᓚᕐᓕ, ᐊᑕᓂᐅᑉ ᔧᑯᒃᑯᑦ ᐅᓇᑕᕐᕕᐅᔭᕐᑐᖁᕔᑦ, ᐃᓅᖃᑎᒋᓇᓱᒋᓚᐅᕐᑕᖏᑦ ᐊᑭᕋᕐᑐᓕᖁᓪᓗᒋᑦ, ᔨᕉᓴᓕᒻᓗ ᓇᕐᕈᒋᔭᐅᓕᕐᐳᖅ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:13

ᔨᕉᓴᓕᒥᐅᑦ ᖃᓄᖅ ᐅᖃᐅᓯᕆᔪᓐᓇᕐᐸᒃᑳ, ᓱᓇᒥᒡᓗ ᑐᑭᓕᐅᑦᔨᓗᖓ ᐊᑦᔨᐅᑎᑦᓯᔪᓐᓇᕐᐳᖔ? ᓮᒻᒪᕐᓴᕐᑕᐅᖁᓪᓗᓯ ᓮᐅᓂᒥᐅᑕᐅᔪᓯ? ᐋᓐᓂᕐᓯᒪᓂᓯ ᑕᕆᐅᕐᔪᐊᑎᑐᑦ ᐃᑎᑎᒋᖕᒪᑦ, ᑭᓇᒧᑦ ᐋᖅᑭᒃᑕᐅᔪᓐᓇᕋᔭᕐᐱᓰ?

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:1

ᐊᑕᓃᖅ ᐃᖅᑲᐅᒪᓚᐅᒃᑭᑦ ᖃᓄᐃᑕᐅᓂᕆᓯᒪᔭᕗᑦ, ᐅᑦᔨᕆᓚᐅᕐᑎᒍᑦ ᓇᕐᕈᓇᕐᓂᕗᑦ ᑕᑯᓗᒍ.

ᕼᐆᓯᐊᑉ ᐊᒡᓚᖏᑦ 2:14

“ᑍᒤᒻᒪᑦ, ᑕᑯᒋᑦ, ᓇᕆᐊᓕᕐᓯᒪᓗᒍ ᐃᓄᖃᖏᑦᑐᒧᐊᕈᑎᔪᒫᕐᐸᕋ, ᑍᑲᓂᓗ ᐅᖃᕐᕕᒋᔪᒫᕐᐸᕋ ᐅᖃᐅᓯᕐᓄᑦ ᓇᒡᓕᒃᑐᕐᑐᓄᑦ.

ᔨᐸᓁᐊᐅᑉ ᐊᒡᓚᖏᑦ 2:10

ᐱᐅᔪᕆᓂᖏᑕ ᐱᓂᐊᕐᓂᕆᓚᐅᕐᑕᖏᑦ ᐱᓪᓗᒋᑦ ᑍᒤᑕᐅᔪᒫᕐᐳᑦ, ᐅᖃᕐᓂᕐᓘᑎᖃᓚᐅᕐᓂᖏᑦ ᒥᑕᐅᑎᖃᓚᐅᕐᓂᖏᓪᓗ ᐱᓪᓗᒋᑦ, ᐃᓄᖁᑎᓐᓂᒃ ᐊᑭᕋᕐᑐᓚᐅᕐᓂᖏᑦ ᕿᓚᖕᒥᐅᒐᓴᒡᔪᐃᑦ ᐊᑕᓂᖓᑕ ᐃᓄᖁᑎᖏᓐᓂᒃ.

ᔪᐊᓇᓯᐅᑉ ᐊᒡᓚᖏᑦ 11:19

ᔫᑎᓪᓗ ᐊᒥᓱᑦ ᐅᐸᒍᑎᓯᒪᓚᐅᕐᐳᑦ ᒫᑕᒥᒃ ᒥᐊᕆᒥᒡᓗ ᐃᑲᔪᕐᓯᕆᐊᕐᑐᕈᒪᓪᓗᑎᒃ ᐊᓂᖓᑦᑕ ᐃᓅᔪᓐᓃᕐᓂᖓ ᐱᑦᔪᑎᒋᓪᓗᒍ.

ᒨᓯᓯ ᑕᓪᓕᒪᖏᑦ 26:7

ᐊᑕᓂᕐᒧᓪᓕ ᐊᒃᓱᕈᕐᓗᑕ ᐃᑲᔪᕐᑕᐅᔪᒪᓪᓗᑕ ᑐᒃᓯᐊᓚᐅᕐᐳᒍᑦ, ᓯᕗᓕᕕᓂᑦᑕ ᒎᑎᖓᓄᑦ, ᑖᑦᓱᒪᓗ ᑐᓴᓚᐅᕐᐹᑎᒍᑦ, ᐊᒃᓱᕈᕐᑎᑕᐅᓂᕗᓪᓗ ᑕᑯᓚᐅᕐᐹ, ᐅᑯᒤᒃᓴᕐᑎᑕᐅᓂᕗᑦ, ᐱᑦᓯᐊᕐᑕᐅᖏᓐᓂᕗᓪᓗ,

ᒨᓯᓯ ᑕᓪᓕᒪᖏᑦ 32:27

ᐊᑭᕋᕐᑐᕐᑎᖏᑦ ᐱᐅᔪᕆᓂᐊᕋᓱᒋᖏᒃᑯᒃᑭᑦ ᑍᒤᓕᐅᕋᔭᕐᐳᖓ, ᐊᑭᕋᖏᑦ ᓱᓕᖏᑦᑐᒥᒃ ᐅᖃᐅᓯᖃᕐᓂᐅᓴᖏᑉᐸᑕ, ᐅᖃᓕᖁᓇᒋᑦ, ᐱᔪᓐᓇᕐᓂᑦᑎᓐᓄᑦ ᓵᓚᖃᕐᐳᒍᑦ ᐊᑕᓂᖅ ᐃᑲᔪᕐᑎᒋᓇᒍ ᓵᓚᖃᕐᐳᒍᑦ.’

ᒨᓯᓯ ᑕᓪᓕᒪᖏᑦ 32:29

ᓯᓚᑐᒍᑎᒃ ᑕᒪᑐᒥᖓ ᖃᐅᔨᒐᔭᕐᐳᑦ, ᓱᖕᒪᑦ ᑍᒤᑦᑐᒦᓕᕐᒪᖔᕐᒥᒃ ᑐᑭᓯᒐᔭᕐᐳᑦ.

ᐲᑦᑐᕉᓯ ᓯᕗᓪᓖᑦ 4:17

ᒫᓐᓇ ᐃᖅᑲᕐᑐᕐᑕᐅᓂᖅ ᐱᒋᐊᕐᒪᑦ ᒎᑎᐅᑉ ᐃᓄᖁᑎᖏᓐᓂᑦ; ᐅᕙᑦᑎᓐᓂᓪᓗ ᐱᒋᐊᕐᓂᖃᕐᐸᑦ, ᖃᓄᕐᓕ ᒎᑎᐅᑉ ᐅᖃᐅᓯᖏᓐᓂᒃ ᑐᓴᕈᒥᓇᕐᑐᖁᑎᖏᓐᓂᑦ ᓈᓚᒍᒪᖏᑦᑐᑦ ᐃᓱᓕᑉᕕᖃᓛᕐᐸᑦ?

ᓴᒧᐃᓕ ᓯᕗᓪᓖᑦ 1:11

ᐊᖏᒻᒪᕆᒡᓗᓂᓗ ᐅᖃᕐᐳᖅ, “ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᑕᑯᔪᓐᓇᕈᕕᐅᒃ ᐊᑲᐅᓐᖏᓕᐅᕈᑎᒋᔭᕋ, ᐃᖅᑲᐅᒪᓚᐅᓐᖓ, ᐳᐃᒍᕐᑍᓕᓗᓐᖓ, ᐃᕐᓂᕐᑖᕐᑎᓚᐅᓐᖓ, ᐊᖏᒻᒪᕆᒃᐳᖓ ᐃᓕᖕᓄᑦ ᐊᑕᓃᖅ ᐃᓅᓯᓕᒪᖓ ᑐᓂᔪᒫᕐᐸᕋ, ᓄᔭᖏᓪᓗ ᑭᑦᔭᕐᑕᐅᓚᐅᕐᓯᒪᒐᔭᓐᖏᓚᑦ.”