ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20 - ᐊᒡᓔᑦ ᐃᑦᔪᕐᖕᓁᑦᑐᑦ

²⁰ ᐊᑕᓃᖅ, ᑕᑯᓚᐅᓐᖓ ᐋᓐᓂᐊᕐᑐᖓ, ᐃᓗᒃᑯᑦ ᐋᓐᓂᐊᓕᕐᐳᖓ, ᐆᒻᒪᑎᒐ ᓯᖁᒥᑉᐳᖅ, ᐊᔪᕐᑐᓕᓯᒪᓂᕋ ᐱᑦᔪᑎᒋᓪᓗᒍ, ᓯᓚᒥ ᑐᖁᕋᐅᑎᔪᑦ ᐅᓄᕐᐳᑦ, ᐃᒡᓗᒥᓗ ᑐᖁᖓᔪᕐᑕᖃᐅᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:20 Iomraidhean Croise

ᔫᐱᐅᑉ ᐊᒡᓚᖏᑦ 30:27

ᑕᕝᕙ ᐆᒻᒪᑎᒐ ᐃᓂᓯᔪᓐᓁᓪᓕᕗᖅ, ᕿᑲᕈᓐᓁᓪᓕᓪᓗᓂᓗ; ᐅᓪᓗᑕᒫᑦ ᐅᖁᒤᑦᑐᒧᑦ ᑎᑭᐅᒪᔭᐅᒐᒪ.

ᔫᐱᐅᑉ ᐊᒡᓚᖏᑦ 33:27

ᐃᓄᐃᓪᓗ ᓵᖏᓐᓂ ᐅᖃᕆᒃᓴᐅᑎᒋᓂᐊᕐᐹ, ᐅᖃᕐᓗᓂ, ‘ᐊᔪᕐᑐᓕᓚᐅᕐᐳᖓ, ᓇᓛᒎᕐᓂᕐᒥᓗ ᐃᓅᓚᐅᕐᓇᖓ, ᒎᑎᐅᓪᓕ ᓂᑲᒋᓪᓗᖓ ᓴᐳᑎᓚᐅᕐᐹᖓ.

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᐃᓐᖏᕈᑎᑦ 38:8

ᐱᒡᒐᕐᑐᐊᓘᓕᕐᐳᖓ, ᓯᖁᒥᓯᒪᓕᕐᓗᖓᓗ; ᐋᓐᓂᐊᓂᕐᒧᓪᓗ ᓂᓪᓕᐊᕗᖓ ᐆᒻᒪᑎᒪ ᐅᖁᒤᒃᓴᓗᐊᕐᓂᖓᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:13

ᐊᔪᕐᓂᕐᒥᓂᒃ ᐃᔨᕐᓯᔪᖅ ᐱᕙᓪᓕᐊᓂᐊᓐᖏᓚᖅ, ᓇᓪᓕᐊᓪᓕ ᖃᕿᐊᓕᕐᑐᖅ ᐊᔪᕐᓂᕐᒥᒡᓗ ᕿᒤᓗᓂ ᓂᑲᒋᔭᐅᔪᒫᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 16:11

ᑍᒤᒻᒪᑦ ᑕᕐᓂᕋ ᕿᒃᓵᖕᓂᕐᒧᑦ ᓂᓪᓕᐊᓕᕐᐳᖅ ᑭᕆ-ᕼᐃᕆᑐᑦ ᒧᐊᐱ ᐱᓪᓗᒍ.

ᐂᓮᐊᓯᐅᑉ ᐊᒡᓚᖏᑦ 38:14

ᖁᐸᓄᐊᑎᑐᑦ ᑕᑎᒡᒐᕐᔪᐊᑐᓪᓗ ᓂᓪᓕᐊᓕᓚᐅᕐᐳᖓ, ᑑᕕᑎᑐᑦ ᑎᖕᒥᐊᑐᑦ ᓂᑦᔮᔫᔮᓕᕐᓗᖓ, ᐃᔩᒃᑲᒡᓗ ᑕᖃᓪᓗᑎᒃ ᖁᒻᒧᑦ ᑕᑯᓇᓱᖕᓂᕐᒧᑦ, ᐊᑕᓃᖅ, ᐅᖁᒤᒃᓴᕕᒡᔪᐊᓕᕋᒪ ᓴᐳᑎᓚᐅᓐᖓ!

ᔨᕆᒤᐊᐅᑉ ᐊᒡᓚᖏᑦ 14:18

ᐱᕈᕐᓰᕕᖕᒧᐊᕈᒪ, ᑕᑯᒋᑦ, ᓇᓂᑐᐃᓐᓇᖅ ᓴᕕᒡᔪᐊᒧᑦ ᑐᖁᑕᕕᓂᕐᓂᒃ ᑕᑯᕗᖓ, ᐃᒡᓗᒐᓴᖕᓄᐊᕋᒪᓗ, ᑕᑯᒋᑦ, ᐱᕐᓕᕋᕐᑐᕕᓂᕐᓂᒃ ᑕᑯᒋᕗᖓ, ᓇᓚᐅᑦᑍᔪᑦ ᑐᓂᕐᕈᓯᕐᑎᑦᓯᔩᓪᓗ ᑕᒪᕐᒥᒃ, ᑲᔪᓯᕗᑦ ᐱᓇᓱᐊᕐᑕᒥᖕᓂᒃ ᖃᐅᔨᒪᓇᑎᒃ.”

ᔨᕆᒤᐊᐅᑉ ᐊᒡᓚᖏᑦ 14:20

ᐊᑕᓃᖅ ᓇᓗᓁᕐᓯᓕᕐᐳᒍᑦ ᐱᐅᖏᑦᑐᓕᓯᒪᓂᑦᑎᓐᓂᒃ; ᓯᕗᓕᑦᑕᓗ ᐸᓯᔭᒃᓴᐅᓂᖏᓐᓂᒃ, ᐄᓛᒃ ᐊᔪᕐᑐᓕᓚᐅᕐᐳᒍᑦ ᐃᓕᖕᓄᑦ.

ᔨᕆᒤᐊᐅᑉ ᐊᒡᓚᖏᑦ 2:35

ᐅᖃᕐᐳᓯ ᐸᓯᔭᒃᓴᐅᖏᓐᓂᕋᕐᓗᓯ, ᓂᓐᖓᐅᑦᔭᐅᔪᒃᓴᐅᖏᓐᓂᕋᕐᓗᓯᓗ ᐅᕙᓐᓄᑦ. ᑕᑯᒋᑦ ᐃᖅᑲᕐᑐᐃᓂᐊᕐᐳᖓ ᐃᓕᑦᓯᓐᓂᒃ, ᐅᖃᓚᐅᕋᑦᓯ ᐊᔪᕐᑐᓕᓚᐅᖏᓐᓂᕋᕐᓗᓯ.

ᔨᕆᒤᐊᐅᑉ ᐊᒡᓚᖏᑦ 3:13

ᐸᓯᔭᒃᓴᐅᓃᑦ ᓇᓗᓁᓕᕈᒃ, ᐊᑕᓂᖅ ᒎᑏᑦ ᐊᑭᕋᕐᑐᓚᐅᕋᕕᐅᒃ ᐱᓂᐊᕐᓂᕆᔭᑎᓪᓗ ᔫᑎᐅᖏᑦᑐᑦ ᒎᑎᓐᖑᐊᖏᓐᓄᑦ ᐱᓂᐊᓚᐅᕋᕕᒋᑦ. ᓇᐹᕐᑐᐃᑦ ᓇᒧᑐᐃᓐᓇᖅ ᓯᐊᒻᒪᖓᔪᑦ ᐊᑖᓐᓂ ᐅᕙᓐᓂᒃ ᓈᓚᓚᐅᖏᓐᓇᕕᑦ. ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 31:20

ᐃᕗᕅᑎ ᐃᕐᓂᕆᓐᖏᓚᕌ? ᕿᑐᕐᖓᕆᓪᓗᒍ ᖁᕕᐊᒋᕙᕋ ᐊᑭᕋᕐᑐᕐᑑᔮᕐᓗᒍ ᐅᖃᕐᕕᒋᕙᒃᑕᕋᓗᐊᕋ, ᑭᓯᐊᓂ ᐳᐃᒍᑦᔮᓐᖏᓚᒋᑦ ᐆᒻᒪᑎᒃᑯᑦ ᐅᖓᒋᕙᒋᑦ, ᐃᓚᑦᓱᒋᓪᓗᑎᓪᓗ, ᐊᑕᓂᖅ ᐅᖃᕐᐳᖅ.

ᔨᕆᒤᐊᐅᑉ ᐊᒡᓚᖏᑦ 4:19

ᐊᒃᓱᕈᕐᐳᖓ, ᐊᒃᓱᕈᕐᐳᖓ ᕿᑲᕈᓐᓁᓪᓕᕗᖓ ᐋᓐᓂᐊᓂᕐᒧᑦ ᐃᓗᒃᑯᑦ, ᐆᒻᒪᑎᒃᑯᑦ ᐋᓐᓂᐊᕋᒪ, ᐆᒻᒪᑎᒐ ᐊᖏᔪᒥᒃ ᑎᒡᓕᓕᕐᒪᑦ, ᓂᐱᖃᖏᑦᑑᔪᓐᓇᓐᖏᓚᖓ ᑎᑦᑐᓚᐅᑎᐅᑉ ᓂᐱᖓᓂᒃ ᑐᓴᕐᓯᒪᓕᕋᒪ, ᐅᓇᑕᕐᓂᐊᕐᑐᓂᒡᓗ ᑐᓵᓕᕐᐳᖓ.

ᔨᕆᒤᐊᐅᑉ ᐊᒡᓚᖏᑦ 48:36

“ᒧᐊᐱᒥᐅᑦ ᐅᒡᒍᐊᕈᑎᒋᕙᒃᑲ ᐃᓗᕕᕐᓯᔪᓂ ᓱᐴᒐᕐᒥᒃ ᓂᓪᓕᐊᑎᑦᓯᔪᑎᑐᑦ ᐅᒡᒍᐊᕈᑕᐅᔪᑦ ᓂᓪᓕᐊᑎᑦᓯᓂᖏᑎᑐᑦ ᐅᒡᒍᐊᕈᑎᒋᕙᒃᑲ ᑭᕆ-ᕼᐃᕆᐅᑉ, ᐊᔪᕐᓴᖏᑦᑐᕐᔪᐊᓐᖑᕈᑎᒋᓚᐅᕐᑕᖏᑦ ᓄᖑᒻᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:11

ᔨᕉᓴᓕᐅᑉ ᐃᓄᖏᑦ ᐊᒃᓱᕈᕐᓗᑎᒃ ᓂᕿᒃᓴᕐᓯᐅᕐᐳᑦ, ᐱᖁᑎᑎᒡᓗ ᑕᐅᕐᓯᐅᑎᖃᑦᑕᕐᓗᒋᑦ ᓂᕿᒧᑦ ᐆᒪᑦᔪᑎᒋᓇᓱᐊᕐᓗᒋᑦ, “ᑕᑯᒋᑦ ᐊᑕᓃᖅ ᓱᓇᐅᔪᓐᓃᕐᑐᖓ ᐃᓱᒪᒋᑦᓯᐊᓚᐅᓐᖓ.”

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:18

ᐊᑕᓂᖅ ᓈᒻᒪᑦᓯᐊᕐᑐᒥᒃ ᐃᓕᖅᑯᓯᖃᕐᐳᖅ, ᐊᑭᕋᕐᑐᓕᓚᐅᕋᒃᑭᑦ ᐱᖁᔭᖏᑦ ᑐᓴᕐᑕᐅᔪᒪᓕᕐᐳᖓ ᐃᓄᖕᓄᑦ ᐋᓐᓂᐊᓂᒃᑲ ᑕᑯᔭᐅᖁᓪᓗᒋᑦ. ᐃᓅᓱᒃᑐᖁᑎᒃᑲ ᐅᐃᒡᒐᓱᖁᑎᒃᑲᓗ ᑎᒍᔭᐅᓪᓗᑎᒃ ᐊᐅᓪᓚᕈᑦᔭᐅᓯᒪᖕᒪᑕ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:11

ᐃᔩᒃᑲᒃ ᖁᕕᕐᓴᖃᕈᓐᓁᕐᐴᒃ ᕿᐊᓂᕐᒧᑦ, ᐃᓗᒃᑯᑦ ᐋᓐᓂᐊᕋᒪ, ᐃᓄᖁᑎᒃᑲ ᐊᓯᕈᕐᑕᐅᔪᑦ ᐱᑦᔪᑎᒋᓪᓗᒋᑦ ᑕᖃᕗᖓ, ᓄᑕᖅᑲᑦ ᓄᑕᕋᓛᓪᓗ ᓄᑭᖏᕈᑎᓂᑯᐃᑦ ᓇᓂᑐᐃᓐᓈᓕᕐᐳᑦ ᐊᖅᑯᑎᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:16

ᓂᐊᖂᑏᑦ ᓂᐊᖁᑦᑎᓐᓂᑦ ᑲᑕᒃᓯᒪᕗᑦ, ᑲᑉᐱᐊᓐᓇᒦᒃ ᐊᔪᕐᑐᓕᓚᐅᕋᑦᑕ!

ᐃᓯᑭᐊᓕᐅᑉ ᐊᒡᓚᖏᑦ 7:15

“ᓴᕕᒡᔪᐊᓕᔭᕐᑐᑦ ᓯᓚᑖᓃᑉᐳᑦ, ᖃᓂᒪᓇᕐᑐᖅ ᑳᖕᓇᕐᑐᕐᓗ ᐃᓗᐊᓃᑎᓪᓗᒋᑦ; ᐱᕈᕐᓰᕕᖕᒦᑦᑐᑦ ᓴᕕᒡᔪᐊᓄᑦ ᑐᖁᑕᐅᕗᑦ; ᐃᒡᓗᒐᓴᒡᔪᐊᓃᑦᑐᓪᓗ ᑐᑯᕋᕐᐳᑦ ᐱᕐᓕᕋᕐᓂᕐᒧᑦ ᐋᓐᓂᐊᓇᕐᑐᓄᓪᓗ.

ᑖᓂᐊᓕᐅᑉ ᐊᒡᓚᖏᑦ 9:5

“ᐱᐅᖏᑦᑐᓕᓯᒪᒐᑦᑕ ᓈᒻᒪᖏᑦᑐᓂᒡᓗ ᐱᓂᐊᕐᓂᖃᕐᓯᒪᓪᓗᑕ, ᐱᐅᖏᑦᑐᐊᓘᓯᒪᒐᑦᑕ ᐃᓕᖕᓂᒡᓗ ᐊᑭᕋᕐᑐᕐᓯᒪᓪᓗᑕ; ᒪᓕᒐᒃᓴᐅᖁᔭᕐᓂᒃ ᐱᖁᔭᕐᓂᒡᓗ ᕿᒤᓯᒪᒐᑦᑕ.

ᕼᐆᓯᐊᑉ ᐊᒡᓚᖏᑦ 11:8

“ᖃᓄᕐᓕ ᐃᓕᖕᓂᒃ ᓴᐱᓕᕈᓐᓇᕐᐳᖔ ᐃᕗᕅᒥ? ᖃᓄᕐᓕ ᓴᒃᑯᐃᔪᓐᓇᕐᐳᖔ, ᐃᓴᕆᐊᓖ? ᖃᓄᕐᓕ ᐊᑦᔨᐅᑎᑦᑐᓐᓇᕐᐱᒌᑦ ᐊᑦᒪᒧᑦ? ᖃᓄᕐᓕ ᐱᓂᐊᕐᕕᒋᔪᓐᓇᕐᐱᒌᑦ ᔨᐳᐃᒻᑐᑦ? ᐆᒻᒪᑎᒐ ᐃᒃᐱᖕᓂᐊᕗᖅ ᐃᓗᓐᓂ, ᐃᓚᑦᓱᒍᓱᖕᓂᕋ ᓂᕈᒥᒃᓯᕗᖅ ᐊᕿᓕᓪᓗᓂᓗ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᒨᓯᓯ ᑕᓪᓕᒪᖏᑦ 32:25

ᐃᒡᓗᖃᖏᑦᑐᓂ ᓴᕕᒡᔪᐊᒧᑦ ᑐᖁᕋᕐᑕᐅᔪᒫᕐᐳᑦ; ᑲᑉᐱᐊᓇᕐᑐᓄᑦ ᑎᑭᑕᐅᔪᒫᕐᐳᑦ ᐊᖏᕐᕋᒥᖕᓂ, ᑐᖁᕋᕐᑕᐅᔪᒫᕐᐳᑦ ᐃᓅᓱᒃᑐᑦ ᐊᖑᑎᑦ ᐅᐃᒡᒐᓱᐃᓪᓗ, ᓄᑕᕋᓛᑯᓗᐃᑦ ᐊᒫᒪᒃᑐᑦ ᐃᓄᑐᕾᓪᓗ ᖃᑯᕐᑕᓂᒃ ᓄᔭᓖᑦ.