ᔨᕆᒤᐊᐅᑉ ᐅᒡᒍᐊᕐᓂᖏᑦ 1:17 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁷ ᓮᐅᓂ ᐃᓵᖓᒐᓗᐊᕐᒪᑦ ᐃᑲᔪᕐᑕᐅᔪᒪᓪᓗᓂ, ᐃᑲᔪᕐᑎᒃᓴᕐᑕᖃᓐᖏᓚᕐᓕ, ᐊᑕᓂᐅᑉ ᔧᑯᒃᑯᑦ ᐅᓇᑕᕐᕕᐅᔭᕐᑐᖁᕔᑦ, ᐃᓅᖃᑎᒋᓇᓱᒋᓚᐅᕐᑕᖏᑦ ᐊᑭᕋᕐᑐᓕᖁᓪᓗᒋᑦ, ᔨᕉᓴᓕᒻᓗ ᓇᕐᕈᒋᔭᐅᓕᕐᐳᖅ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:17 Iomraidhean Croise

ᐊᑕᓃᑦ ᓯᕗᓪᓖᑦ 8:22

ᓲᓗᒨᓂ ᐊᑕᓂᐅᑉ ᑐᓂᕐᕈᓯᕐᕕᖓᑕ ᓵᖓᓄᐊᕐᐳᖅ ᑲᑎᒪᔭᕐᑐᕐᓯᒪᔪᑦ ᐃᓴᕆᐊᓕᒥᐅᑦ ᓇᔪᕐᑕᖓᓐᓂ, ᖁᒻᒧᓪᓗ ᐃᓵᒃᐳᖅ ᐊᒡᒐᓂ ᐊᕕᑎᓪᓗᒋᑦ;

ᐊᑕᓃᑦ ᓯᕗᓪᓖᑦ 8:38

ᖃᓄᑐᐃᓐᓇᖅ ᑐᒃᓯᐊᕐᐸᑕ, ᑐᒃᓯᐅᑦᔨᔪᖃᕐᐸᓪᓘᓐᓃᑦ ᐃᓄᖕᒥᒃ ᓇᓪᓕᐊᓐᓂᒃ ᐃᓴᕆᐊᓕᒥᐅᓪᓘᓐᓃᑦ ᑕᒪᒃᑭᕐᓗᑎᒃ, ᖃᐅᔨᒪᓗᑎᒃ ᐆᒻᒪᑎᒃᑯᑦ ᐊᒃᑐᐊᔭᐅᑦᔪᑎᒥᖕᓂᒃ ᐊᒡᒐᑎᒡᓗ ᐃᓵᖓᓗᒋᑦ ᑖᑦᓱᒪ ᐃᒡᓘᑉ ᓇᓛᓄᑦ,

ᐊᑕᓃᑦ ᐂᑉᐸᖏᑦ 25:1

ᑕᖅᑮᑦ 10ᖓᑦᑕ ᐅᓪᓗᖏᑕ 10ᖓᓐᓂ ᐊᕐᕌᒍᐃᑦ 9ᒋᓕᕐᑕᖓᓂ ᔨᑎᑬᐊᐅᑉ ᐊᖓᔪᖅᑳᕐᔪᐊᖑᕕᒋᔭᖏᓐᓂ, ᓂᐱᑯᓁᓴ ᐅᓇᑕᕐᑎᖁᑎᓕᒫᒥᓂᒃ ᐃᓚᖃᕐᓗᓂ ᐅᓇᑕᕆᐊᕐᐳᖅ ᔨᕉᓴᓕᒧᑦ, ᐃᒡᓗᒐᓴᒡᔪᐊᑦ ᐃᓗᒪᓪᓗᒋᑦ ᑕᖕᒫᕐᑎᕐᐳᑦ ᓴᐴᓗᑕᓕᐅᕐᓗᑎᒡᓗ ᐃᒡᓗᒐᓴᒡᔪᐊᑦ ᑬᕙᓪᓚᓯᒪᓪᓗᒋᑦ ᔨᑎᑬᐊ ᐊᑭᕋᕐᑐᓕᓚᐅᕐᒪᑦ ᓂᐱᑯᓁᓴᒥᒃ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᓐᓂᒃ.

ᐃᓕᓯᒪᓃᑦ ᐃᒃᓖᓯᐊᓯᑏᔅ 4:1

ᓱᓕ ᖃᐅᔨᓇᓱᐊᒃᑲᓐᓂᓚᐅᕐᐳᖓ, ᑕᑯᓚᐅᕐᐳᖓᓗ ᐅᖁᒤᒃᓴᕐᑎᑕᐅᓂᕐᓂᒃ ᐊᑐᕐᑕᐅᔪᓂᒃ ᓯᕿᓂᐅᑉ ᐊᑖᓂ: ᑕᑯᒋᑦ ᐅᖁᒤᒃᓴᕐᑎᑕᐅᔪᑦ ᖁᕝᕕᖏᑦ, ᒪᓂᒍᐃᔨᒃᓴᖃᓐᖏᓚᓪᓕ; ᐅᖁᒤᒃᓴᕐᑎᑦᓯᔨᖏᑦ ᐊᖏᔪᒥᒃ ᐱᔪᓐᓇᕐᓂᖃᕐᐳᑦ, ᑖᒃᑯᐊᓕ ᒪᓂᒍᐃᔨᒃᓴᖃᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 1:15

“ᐊᒡᒐᓯ ᐃᓵᒃᑲᓗᐊᕋᑦᓯᐅᒃ ᐅᕙᓐᓄᑦ, ᑕᑯᓐᓇᕐᓂᐊᕈᓐᓃᕐᐸᑦᓯ; ᐅᓄᕐᑐᓂᒃ ᑐᒃᓯᐊᕐᓂᓕᐅᕋᓗᐊᕈᑦᓯ ᓈᓚᖕᓂᐊᓐᖏᓚᖓ, ᐊᒡᒐᓯ ᐊᐅᖏᓐᓇᐅᖕᒪᑕ.

ᐂᓮᐊᓯᐅᑉ ᐊᒡᓚᖏᑦ 54:11

ᐋᓐᓂᐊᑎᑕᐅᔪᓯ, ᐊᖅᑯᓇᕐᒧᓪᓗ ᐃᒋᑕᐅᖃᑦᑕᕐᑐᓯ, ᐃᑲᔪᕐᑕᐅᓇᓯᓗ, ᑕᑯᒋᑦ, ᐃᓕᐅᕋᕐᓂᐊᕐᐸᑦᓯ ᐅᔭᖅᑲᓄᑦ ᐱᐅᔪᓄᑦ, ᑐᓐᖓᕕᓕᐅᕐᓗᓯᓗ ᐅᔭᕋᖕᓄᑦ ᑕᑯᒥᓇᕐᑐᕐᔪᐊᓄᑦ.

ᔨᕆᒤᐊᐅᑉ ᐊᒡᓚᖏᑦ 12:9

ᐃᓄᖁᑎᒋᔪᒪᓪᓗᒋᑦ ᓂᕈᐊᓚᐅᕐᑕᒃᑲ ᑎᖕᒥᐊᑎᑐᑦ ᐅᑭᓕᕆᐊᑐᑦ ᑍᒤᓕᕐᐳᑦ ᑎᖕᒥᐊᖑᖃᑎᖏᓐᓄᑦ ᓂᕆᔭᐅᓇᓱᐊᕐᑐᑎᑐᑦ, ᐆᒪᔪᑦ ᐃᕐᓯᓇᕐᑐᑦ ᕾᖁᓕᒃᑭᑦ ᑖᒃᑯᓂᖓ ᓂᕆᖃᑕᐅᓂᐊᓕᕐᒪᑕ.

ᔨᕆᒤᐊᐅᑉ ᐊᒡᓚᖏᑦ 15:5

ᑭᒃᑯᓐᓄᓪᓕ ᓇᒡᓕᒋᔭᐅᓂᐊᕐᐱᓰ, ᔨᕉᓴᓕᒥᐅᑕᐅᔪᓯ? ᑭᒃᑯᓐᓄᓪᓗ ᕿᒃᓵᒍᑕᐅᓂᐊᕐᐱᓰ? ᑭᓇᒃᑯᓐᓄᓪᓗ ᖃᓄᐃᒻᒪᖔᑦᓯ ᐊᐱᕆᔭᐅᔪᓐᓇᕐᓂᐊᕐᐱᓰ?

ᔨᕆᒤᐊᐅᑉ ᐊᒡᓚᖏᑦ 16:6

ᑕᒪᕐᒥᒃ ᐊᔪᖏᑦᑐᑦ ᐊᔪᕐᑐᓪᓗ ᑐᖁᔪᒫᕐᐳᑦ ᓄᓇᒥ ᑕᒫᓂ; ᐃᓗᕕᕐᑕᐅᔪᒫᓐᖏᓚᑦ, ᕿᒃᓵᒍᑕᐅᔪᒫᓐᖏᓚᓪᓘᓐᓃᑦ ᐅᒡᒍᐊᕐᓂᕐᒧᑦ ᑭᓪᓕᐊᑦᔪᑕᐅᔪᒫᓐᖏᓚᑦ ᓄᔧᔭᕈᑕᐅᔪᒫᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 34:22

ᑎᓕᓯᓂᐊᕐᐳᖓ, ᐊᑕᓂᖅ ᐅᖃᕐᐳᖅ, ᐅᑎᕐᓂᐊᕐᒪᑕ ᑕᕝᕗᖓ ᐃᒡᓗᒐᓴᒡᔪᐊᓄᑦ ᐅᓇᑕᕐᓗᒍᓗ ᓵᓚᒋᒍᓂᑦᔪᒃ ᐃᑯᐊᓪᓚᖕᓂᐊᕐᐹᑦ, ᔫᑕᒥᐅᓪᓗ ᓄᓇᓕᖁᑎᖏᑦ ᓄᓇᒋᔭᒃᓴᐅᔪᓐᓃᕐᑎᓐᓂᐊᕐᐸᒃᑲ ᓄᓇᒋᔭᐅᔪᓐᓃᖁᓪᓗᒋᑦ ᐃᓄᖕᓄᑦ.”

ᔨᕆᒤᐊᐅᑉ ᐊᒡᓚᖏᑦ 4:31

ᓂᓪᓕᐊᔪᒥᒃ ᑐᓵᕗᖓ ᐃᕐᓂᓱᒃᑑᑉ ᓂᓪᓕᐊᓂᖓᑎᑐᑦ ᓂᓪᓕᐊᔪᒥᒃ, ᓲᕐᓗ ᕿᑐᕐᖏᔭᕆᐅᕈᑎᒥᓂᒃ ᕿᑐᕐᖓᕐᑖᕋᓱᐊᓕᕐᑑᑉ ᓂᓪᓕᐊᓂᖓᑎᑐᑦ, ᓮᐅᓂᐅᑉ ᐸᓂᖓᑕ ᓂᐱᖓ ᐊᓂᕐᓵᕐᑐᒡᒐᓕᕐᑐᑎᑐᑦ ᑍᒤᑦᑐᖅ ᑕᓖᖕᓂᓗ ᐃᓵᒡᓗᒋᒃ ᐅᖃᕐᑐᖅ, “ᑲᑉᐱᐊᓐᓇᒦᒃ! ᓄᑮᕈᑎᓕᕐᐳᖓ ᐃᓄᐊᕐᑏᑦ ᓵᖏᓐᓂ!”

ᔨᕆᒤᐊᐅᑉ ᐊᒡᓚᖏᑦ 6:3

ᓰᐱᓕᕆᔨᓄᑦ ᓰᐱᖁᑎᖏᓐᓄᓪᓗ ᐅᐸᒃᑕᐅᓂᐊᕐᐳᑎᑦ, ᐅᖓᓗᔭᐅᓗᑎᑦ ᑕᖕᒫᕐᑎᕐᓂᐊᕐᐳᑦ ᐊᑐᓂᑦ ᖃᓂᒋᔭᒥᓃᑦᑐᓂᒃ ᑲᒪᒋᔭᖃᕐᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 8:18

ᕿᒃᓵᓕᕋᒪ ᒪᓂᒍᒐᒃᓴᐅᖏᑦᑐᒥᒃ; ᐆᒻᒪᑎᒐ ᓄᑮᕈᑎᕗᖅ ᐃᓗᓐᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:16

ᑕᒪᓐᓇᓗ ᐱᓪᓗᒍ ᕿᐊᒧᑦ ᐃᔩᒃᑲ ᓴᓗᐊᔪᐃᑦᑑᓕᕐᐴᒃ ᖁᕝᕕᓐᓄᑦ, ᓮᒻᒪᕐᑎᑦᓯᔪᒃᓴᖅ ᒪᑭᑎᑦᓯᔪᒃᓴᕐᓗ ᐅᕙᓐᓂᑦ ᐅᖓᓯᖕᒪᑦ ᕿᑐᕐᖓᒃᑲᓗ ᐆᒪᑦᔪᑎᒃᓴᖃᕈᓐᓁᕐᐳᑦ, ᐊᑭᕋᕗᑦ ᓵᓚᖃᕐᒪᑕ ᐅᕙᑦᑎᓐᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:2

ᐅᓐᓄᐊᒃᑯᑦ ᕿᐊᖓᔭᖕᓂᕐᒧᑦ ᖁᕝᕕᖏᑦ ᑰᒐᕐᐳᑦ ᑮᓇᖓᓂ. ᐃᓚᓐᓇᕆᔭᖃᖏᑦᑐᑎᑐᑦ ᓮᒻᒪᕐᓮᔨᒃᓴᖃᓐᖏᓚᖅ, ᐃᓚᓐᓇᕆᓚᐅᕐᑕᖏᑕ ᐊᑭᕋᕐᑐᓕᕐᒪᑦᔪᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:21

ᐃᓄᐃᑦ ᑐᓵᒐᓗᐊᕋᒥᒃ ᐅᖁᒤᒃᓴᕐᓂᕆᔭᓐᓂᒃ ᓮᒻᒪᕐᓮᔪᒃᓴᕐᑕᖃᓐᖏᓚᖅ, ᐊᑭᕋᕐᑐᕐᑎᒃᑲ ᑐᓴᕋᒥᒃ ᐊᒃᓱᕈᕐᓂᕆᔭᓐᓂᒃ ᖁᕕᐊᓲᑎᖃᕐᐳᑦ ᖃᐅᔨᒐᒥᒃ ᓱᒋᐊᕐᑕᐅᓂᓐᓂᒃ ᐃᓕᖕᓄᑦ ᐃᖅᑲᕐᑐᐃᓂᕆᔪᒫᕐᓂᕋᕐᑍᑦ ᓇᓪᓕᐅᑎᑎᑦᔪᒃ, ᐅᕙᑦᑐᑦᑕᐅᖅ ᐅᖁᒤᓐᓇᕐᑐᒦᑎᒋᓕᖁᓪᓗᒋᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:8

ᔨᕉᓴᓕᒥᐅᑦ ᐊᔪᕐᑐᓕᓚᐅᕐᒪᑕ ᕿᒃᓵᖕᓇᕐᑐᒥᒃ ᒥᑕᐅᑎᒃᓴᑐᐃᓐᓇᐅᓕᕐᐳᑦ, ᐅᐱᒍᓲᑎᖃᓚᐅᕐᑐᓕᒫᑦ ᒫᓐᓇ ᓇᕐᕈᓕᕐᐳᑦ, ᓱᓇᖃᖏᓐᓂᖓ ᑕᑯᓕᕋᒥᑦᔪᒃ, ᓇᖕᒥᓂᕐᓗ ᐋᓐᓂᐊᑎᑉᐳᑦ ᑲᓐᖑᓱᒃᓗᑎᒡᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:9

ᓴᓗᒪᖏᓐᓂᖏᑦ ᐃᔨᕐᓯᒪᔭᒃᓴᐅᓐᖏᓚᑦ, ᓯᕗᓂᒃᓴᒥᖕᓂ ᐃᓱᒪᓚᐅᖏᓐᓇᒥᒃ ᐊᓯᕈᕐᑕᐅᓂᖓ ᑲᒪᓇᕐᐳᖅ, ᓮᒻᒪᕐᓴᕐᑎᒃᓴᖃᓚᐅᓐᖏᓚᕐᓗ, ᐊᑕᓃᖅ ᐅᖁᒤᒃᓴᕐᓂᕆᔭᒃᑲ ᑕᑯᓐᓈᓚᐅᒃᑭᑦ, ᐊᑭᕋᕐᑐᕐᑎᑦᑎᓐᓄᑦ ᓵᓚᐅᒐᑦᑕ!

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:15

ᐃᓄᖕᓄᑦ ᐅᖃᐅᑦᔭᐅᖃᑦᑕᓕᕐᐳᑦ, “ᑕᒫᓃᒐᓯ! ᓴᓗᒤᑦᑑᒐᑦᓯ! ᐊᒃᑐᐃᑦᑍᓕᒋᑦᓯ ᐅᕙᑦᑎᓐᓂᒃ!” ᑐᓐᖓᓱᖏᓐᓇᒥᒃ ᓇᓂᓕᒫᖅ ᐃᓅᖃᑎᒌᒡᔪᐊᓄᑦ ᐂᕙᒃᓗᑎᒃ ᐃᓂᒃᓴᕐᓯᐅᓕᕐᐳᑦ.

ᐃᓯᑭᐊᓕᐅᑉ ᐊᒡᓚᖏᑦ 36:17

“ᐃᓅᑉ ᐃᕐᓂᖓ, ᐃᓴᕆᐊᓕᐅᑉ ᑭᖑᕚᖏᑦ ᓄᓇᒥᖕᓃᓪᓗᑎᒃ, ᓄᓇᒥᖕᓂᒃ ᓇᕐᕈᓇᕐᓯᑎᑦᓯᓚᐅᕐᒪᑕ ᐃᓕᖅᑯᓯᕐᒥᒃᑎᒍᑦ ᐱᓂᐊᕐᓂᕐᒥᒃᑎᒍᓪᓗ; ᐃᓕᖅᑯᓯᖏᑦ ᓵᓐᓂ ᓴᓗᒤᑦᑑᓚᐅᕐᐳᑦ ᐊᕐᓇᐅᑉ ᐊᐅᓈᕐᕕᖕᒥᓄᑦ ᓇᓪᓕᐅᑎᕕᐅᓯᒪᓂᖓᑐᑦ.

ᕼᐆᓯᐊᑉ ᐊᒡᓚᖏᑦ 8:8

ᐃᓴᕆᐊᓕ ᐄᔭᐅᓯᒪᕗᖅ; ᒫᓐᓇ ᐃᓅᖃᑎᒌᒡᔪᐊᓃᓕᕐᒪᑕ ᐴᒍᑕᕐᑎᑐᑦ ᐊᑑᑎᖃᖏᑦᑐᑎᑐᑦ ᑍᒤᓕᕐᐳᑦ.