ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁵ ᐅᓇᑕᕐᑎᖁᑎᒃᑲ ᓴᓐᖏᓂᕐᐹᖑᔪᑦ ᐊᑕᓂᐅᑉ ᓇᕐᕈᒋᕔᑦ; ᐅᓇᑕᕐᑎᓂᒃ ᑎᓕᓯᕗᖅ ᐃᓅᓱᒃᑐᖁᑎᒃᑲ ᐊᓯᕈᕐᑕᐅᖁᓪᓗᒋᑦ, ᔫᑕᒥᐅᓪᓗ ᐅᐃᒡᒐᓱᖁᑎᖏᑦ ᐸᐅᕐᖓᕐᑎᑐᑦ ᐃᑦᑏᔭᕐᑕᐅᓯᒪᔪᑎᑐᑦ ᑐᓪᓕᕋᕐᑕᐅᑎᑉᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:15 Iomraidhean Croise

ᐊᑕᓃᑦ ᐂᑉᐸᖏᑦ 9:33

ᔨᕼᐆᑉ ᕾᒐᓛᕐᕕᒋᕔᑦ, “ᐃᒐᓛᒃᑯᑦ ᐃᒋᓪᓗᒍ ᑲᑕᒃᑎᓚᐅᕐᓯᐅᒃ!” ᑕᕝᕙ ᔨᓴᐱᐅᓪ ᐱᖑᕚᑦ, ᒪᓂᖅᑲᒧᑦ ᑐᓐᓇᒥ ᐊᐅᖓᑕ ᓯᕐᐹᕿᓂᑯᖓᓄᑦ ᐃᒡᓘᑉ ᐊᑭᓐᓇᖓ ᐊᐅᒥᑦᑕᕐᐳᖅ ᕿᒥᕐᔪᐊᓄᓪᓗ ᑐᓪᓕᕋᕐᑕᐅᑦᓴᐅᑎᒋᓪᓗᓂ.

ᐃᓐᖏᕈᑎᑦ 119:118

ᐱᐅᒋᓐᖏᓚᑎᑦ ᑕᒪᕐᒥᒃ ᐊᑐᕐᑕᐅᖁᔭᕐᓂᒃ ᕿᒤᔪᑦ; ᐄᓛᒃ, ᐅᐃᕖᕐᕆᒃᓯᓂᖏᑦ ᓴᒡᓗᓂᕐᒦᒻᒪᑕ.

ᐂᓮᐊᓯᐅᑉ ᐊᒡᓚᖏᑦ 28:18

“ᑕᕝᕙ ᑐᖁᒧᑦ ᐊᖏᖃᑎᒌᒍᑎᒋᓯᒪᔭᓯ ᐃᓱᓕᑎᑕᐅᔪᒫᕐᐳᑦ, ᑐᖁᖓᔪᓪᓗ ᐃᓂᖓᓄᑦ ᐊᖏᖃᑎᖃᕐᓯᒪᓂᓯ ᐊᑐᕈᓐᓃᕐᓗᑎᒃ; ᑏᒐᕈᑎᒧᑦ ᑏᒐᕆᐊᕐᑕᐅᒍᑦᓯ ᐊᑭᓐᖓᕐᑕᐅᔪᒫᕐᐳᓯ ᐅᕐᕈᑎᑕᐅᓗᓯ.

ᐂᓮᐊᓯᐅᑉ ᐊᒡᓚᖏᑦ 41:2

ᑭᐊ ᑎᑭᑎᓚᐅᕐᐸᐅᒃ ᓯᕿᓂᐅᑉ ᓄᐃᕕᐊᑕ ᓇᓛᓂᑦ ᐱᔪᖅ ᓵᓚᖃᕆᐊᕐᑐᕐᑐᖅ, ᓇᒧᑐᐃᓐᓇᕐᓗ ᐂᕕᒋᔭᓂ ᓵᓚᒌᓐᓇᕈᓐᓇᓚᐅᕐᐰᑦ? ᑖᑦᓱᒪ ᓵᓚᒃᓴᕐᑎᖃᑦᑕᓚᐅᕐᐹ ᐃᓅᖃᑎᒌᒡᔪᐊᓂᒃ, ᐊᖓᔪᖅᑳᕐᔪᐊᓪᓗ ᓵᓚᒋᓪᓗᒋᑦ ᐊᐅᓚᑦᓯᖃᑦᑕᓚᐅᕐᐳᖅ, ᓴᕕᒡᔪᐊᖓᑕ ᐱᒋᐊᕐᑕᕐᓂᖓᓄᑦ ᓱᓇᐅᑎᓚᐅᓐᖏᓔᑦ ᐳᔪᕋᕐᑎᑐᑦ, ᖃᕐᔪᖏᓪᓗ ᓯᐊᒻᒪᒃᑎᑎᕆᓚᐅᕐᐳᑦ ᐃᕕᒐᕐᑎᑐᑦ ᐊᓄᕆᒧᑦ ᑎᒃᑕᐅᕋᕐᑐᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 5:5

“ᒫᓐᓇᓕ ᐅᖃᐅᑎᓂᐊᓕᕐᐸᒋᑦ ᐱᕈᕐᓰᕕᖁᑎᓐᓄᑦ ᐱᓇᓱᐊᕐᓂᐊᕐᓂᓐᓂᒃ, ᐊᕙᓗᓕᐅᕐᓯᒪᔪᖅ ᐱᕈᕐᑐᓂᒃ ᐲᕈᒪᕙᕋ, ᑕᕝᕙ ᓄᖑᑕᐅᓂᐊᕐᐳᖅ; ᐊᕙᓗᖏᓪᓗ ᓯᖁᒥᓪᓗᒋᑦ ᑐᓪᓕᕋᕐᑕᐅᓗᓂ.

ᐂᓮᐊᓯᐅᑉ ᐊᒡᓚᖏᑦ 63:3

“ᐃᓄᑑᓪᓗᖓ ᐸᐅᕐᖓᓂᒃ ᖃᒐᕐᑎᕆᕕᖕᒥ ᑐᓪᓕᓚᐅᕋᒪ, ᐃᓄᒐᓴᒡᔪᐊᑦ ᐃᑲᔪᕐᑐᒃᓴᖃᖏᒻᒪᑕ, ᓂᓐᖓᐅᒪᓪᓗᖓ ᑐᓪᓕᕋᒪ ᐸᐅᕐᖓᓂᒃ ᓂᓐᖓᐅᒪᓂᓐᓄᑦ ᐊᑦᑕᕆᓇᒋᑦ ᑐᑎᖃᑦᑕᓕᓚᐅᕋᒃᑭᑦ, ᐃᑦᑎᖏᓐᓄᑦ ᐊᓐᓄᕌᕋ ᓯᕐᐹᕿᕕᐅᖃᑦᑕᓕᓚᐅᕐᒪᑦ, ᐊᓐᓄᕌᓕᒫᕋ ᓯᕐᐸᕐᑕᐅᓪᓗᓂ ᐃᑦᓴᒃᑕᐅᕗᖅ.

ᔨᕆᒤᐊᐅᑉ ᐊᒡᓚᖏᑦ 13:24

ᓴᓃᔭᕐᓂᑯᑎᑐᑦ ᐊᕕᐅᖅᑲᕐᑎᓐᓂᐊᕐᐸᑦᓯ ᐊᓄᕆᒧᑦ ᑎᒃᑕᐅᔪᑎᑐᑦ ᓱᓇᖃᔪᐃᑦᑐᒥᑦ ᐱᔪᒧᑦ.

ᔨᕆᒤᐊᐅᑉ ᐊᒡᓚᖏᑦ 14:17

ᒪᑯᓂᖓ ᐅᖃᐅᓯᕐᓂᒃ ᐅᖃᐅᑎᒃᑭᑦ: “ᐃᔩᒃᑲᒃ ᖁᕝᕕᐅᕐᓂᕐᒧᑦ ᑯᕕᑐᐃᓐᓇᓕᕐᐴᒃ ᐅᓐᓄᐊᓕᒫᖅ ᐅᓪᓗᓕᒫᕐᓗ, ᓄᖅᑲᕈᓐᓁᓪᓕᓪᓗᖓᓗ, ᐅᐃᒡᒐᓱᒃᑎᑦᑐᑦ ᐃᓄᖁᑎᒃᑲ ᐃᑎᔪᒥᒃ ᑭᓕᕐᑕᐅᖕᒪᑕ, ᐋᓐᓂᐊᓇᕐᑐᕐᔪᐊᕐᒧᑦ ᐋᓐᓂᕐᑕᐅᓪᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 18:21

ᑍᒤᒻᒪᑦ ᕿᑐᕐᖓᖏᑦ ᑳᖕᓇᕐᑐᕐᔪᐊᒧᑦ ᐱᕐᓕᕋᓕᕐᓕᑦ; ᐅᓇᑕᕐᑐᓄᓪᓗ ᑐᖁᕋᕐᑕᐅᓕᕐᓕᑦ, ᓄᓕᐊᖏᑦ ᕿᑐᕐᒊᕈᑦᔭᐅᓕᕐᓕᑦ, ᐅᐃᒡᒐᕐᓂᐅᓕᕐᓗᑎᒡᓗ, ᐊᖑᑎᖏᓪᓗ ᑐᖁᕋᕐᑕᐅᓗᑎᒃ ᐋᓐᓂᐊᓇᕐᑐᓄᑦ, ᐃᓅᓱᒃᑐᖁᑎᖏᓪᓗ ᐅᓇᑕᕐᑐᓂ ᑐᖁᕋᕐᑕᐅᓗᑎᒃ.

ᔨᕆᒤᐊᐅᑉ ᐊᒡᓚᖏᑦ 37:10

ᑲᐅᓪᑎᐊᒥᐅᑦ ᐅᓇᑕᕐᑎᖁᑎᖏᑦ ᐃᓕᑦᓯᓐᓂᒃ ᐅᓇᑕᕆᐊᕐᑐᑦ ᓵᓚᒋᒐᓗᐊᕈᑦᓯᐅᒃ ᐃᑭᓕᕐᓱᕐᑕᕕᓂᓯᓗ ᓯᓂᒃᑕᕐᕕᖏᓐᓂ ᐊᒥᐊᒃᑯᑐᐊᖑᓕᕋᓗᐊᕐᐸᑕ, ᓱᓕ ᔨᕉᓴᓕᒥᒃ ᐃᑯᐊᓪᓔᔪᓐᓇᕐᐳᑦ.’”

ᔨᕆᒤᐊᐅᑉ ᐊᒡᓚᖏᑦ 50:26

ᐅᖓᓯᒃᑐᓂᑦ ᐅᐸᒡᓗᒍ, ᐸᐅᕐᖓᒃᓴᒃᑯᕕᖏᑦ ᒪᑐᐃᕐᓯᐅᒃ, ᓂᐊᖂᔭᒃᓴᑎᑐᓪᓗ ᐹᐱᓘᓂᒥᐅᑦ ᐱᖑᐊᕐᔪᓕᐅᕐᓯᒪᑎᓯᐅᒃ, ᐊᒥᐊᒃᑯᖃᖏᓪᓗᒋᑦ ᓄᖑᑕᐅᓕᑦ.

ᔨᕆᒤᐊᐅᑉ ᐊᒡᓚᖏᑦ 51:34

ᓂᐱᑯᓁᓴᐅᑉ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦᑕ ᔨᕉᓴᓕᒥᐅᖑᔪᒍᑦ ᓂᕆᓚᐅᕐᐹᑎᒍᑦ, ᒪᕐᕋᑎᑐᑦ ᐃᓗᓕᖃᖏᑦᑐᑎᑐᑦ ᑍᒤᑎᓚᐅᕐᐹᑎᒍᑦ, ᖁᒡᓗᒋᐊᑎᑐᑦ ᐄᕚᑎᒍᑦ, ᓂᕆᓚᐅᕐᓗᓂᑎᒍᓪᓗ ᐅᕆᐊᕆᕚᑎᒍᑦ.

ᔨᕆᒤᐊᐅᑉ ᐊᒡᓚᖏᑦ 6:11

ᐅᕙᖓᓕ ᐊᑕᓂᐅᑉ ᓂᓐᖓᐅᓯᖓᓂᑦ ᐱᑕᖃᓗᐊᓂᕐᒧᑦ ᐱᓯᒪᒋᐊᖓ ᑕᖃᕙᕋ, “ᐊᓂᑎᓕᕈᒃ ᕿᑐᕐᖓᖏᓐᓄᑦ ᐊᖅᑯᑎᒦᑦᑐᓄᑦ, ᐃᓅᓱᒃᑐᖁᑎᖏᓐᓄᓪᓗ ᑲᑎᒪᔪᓄᑦ, ᓄᓕᐊᕇᓄᓪᓗ ᓴᖅᑭᓐᓂᐊᕐᐸᕋ ᐃᓄᑐᖃᐅᓕᕐᑐᓄᓪᓗ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:21

ᐃᓅᓱᒃᑐᑦ ᐃᓐᓇᑐᕾᓪᓗ ᓇᓂᑐᐃᓐᓇᖅ ᑐᖁᖓᐅᓕᕐᐳᑦ, ᐃᓅᓱᒃᑐᑦ ᐊᖑᑎᑦ ᐊᕐᓁᓪᓗ ᑐᖁᖓᐅᕐᐳᑦ ᐊᑭᕋᑦᑎᓐᓄᑦ ᑐᖁᑕᐅᓂᑯᐃᑦ, ᓂᑲᒍᓱᖏᓪᓗᑎᑦ ᑐᖁᕋᕐᑕᐅᑎᓐᓇᕕᒋᑦ ᓂᓐᖓᕕᒃᔪᐊᕐᓂᕐᐱᑦ ᓇᓪᓕᐅᓯᒪᓂᖓᓂ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:34

ᑎᒍᔭᐅᓯᒪᔪᑎᑑᓕᕐᑎᓪᓗᒍ ᐊᓂᕐᓂᕗᑦ ᐊᑕᓂᐅᑉ ᖃᐅᔨᒪᕔᑦ.

ᑖᓂᐊᓕᐅᑉ ᐊᒡᓚᖏᑦ 3:13

ᓂᐱᑯᓁᓴ ᓂᓐᖓᒃᑐᐊᓘᒐᒥ, ᓵᑐᕌᑭ, ᒥᓵᑭᓗ, ᐊᐱᓐᑎᒎᓗ, ᕾᑕᐅᖁᕔᑦ. ᑖᒃᑯᐊᓗ ᐊᖓᔪᖅᑳᕐᔪᐊᑉ ᓵᖓᓄᑦ ᐱᑎᑕᐅᕗᑦ.

ᔪᐃᓕᐅᑉ ᐊᒡᓚᖏᑦ 3:13

ᐱᕈᕐᑐᓂᒃ ᑭᓪᓗᐃᑦᔪᑏᑦ ᑎᒍᓕᕐᓯᒋᒃ, ᐱᕈᕐᑐᑦ ᐱᕈᕇᕐᒪᑕ ᑲᑎᕐᓱᐃᕕᒃ ᓇᓪᓕᐅᑎᖕᒪᑦ. ᕾᓗᓯ, ᐱᓇᓱᐊᕆᐊᕐᑐᓕᕆᑦᓯ ᐸᐅᕐᖎᑦ ᐃᑦᑏᔭᕐᓗᒋᑦ, ᕔᓂᓕᐅᕐᕕᒃ ᑕᑕᒻᒪᑦ ᐃᒻᒥᕐᓱᕐᕕᖏᓪᓗ ᖄᒥᒻᒪᑕ, ᐃᓅᖃᑎᒌᒡᔪᐊᑦ ᐊᔪᕐᑐᓕᓂᖏᑦ ᐊᖏᓗᐊᕐᒪᑕ.

ᒤᑲᐅᑉ ᐊᒡᓚᖏᑦ 7:10

ᐊᑭᕋᕋ ᑕᑯᔪᒫᕐᐳᖅ, ᑲᓐᖑᓱᖕᓂᕐᒧᓪᓗ ᐅᓕᒃᑕᐅᔪᒫᕐᐳᖅ ᐅᕙᓐᓄᑦ ᐅᖃᓚᐅᕐᑐᖅ, “ᓇᐅᒡᓕ ᐊᑕᓂᖅ ᒎᑏᑦ?” ᐃᔨᓐᓄᑦ ᑕᑯᔪᒫᕐᐸᕋ ᓵᓚᐅᔪᖅ ᑐᓪᓕᕌᕐᑕᐅᔪᕐᓗ ᒪᕐᕋᑎᑐᑦ ᐊᖅᑯᑎᒥ.

ᒪᓚᑬᑉ ᐊᒡᓚᖏᑦ 4:3

ᐱᐅᖏᑦᑐᓕᔪᓂᒡᓗ ᑐᓪᓕᕋᕈᒫᕐᐳᓯ, ᑖᒃᑯᐊ ᐊᕐᔭᓕᓂᕈᕐᑐᑎᑐᑦ ᑍᒤᑦᓱᒫᕐᐳᑦ ᑐᓪᓕᕋᓕᕈᑦᓯᐅᒃ, ᐱᓇᓱᐊᕐᓂᒪ ᐅᓪᓗᖓ ᓇᓪᓕᐅᑎᒃᐸᑦ, ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐅᖃᕐᐳᖅ.

ᓘᑲᓯᐅᑉ ᐊᒡᓚᖏᑦ 21:24

ᐃᓚᖏᑦ ᓴᕕᒡᔪᐊᒧᑦ ᑐᖁᑕᐅᔪᒫᕐᐳᑦ, ᐃᓚᖏᓪᓗ ᑎᒍᔭᐅᓗᑎᒃ ᐊᐅᓪᓚᕈᑦᔭᐅᔪᒫᕐᐳᑦ ᔫᑎᐅᓐᖏᑦᑐᓄᑦ; ᔨᕉᓴᓕᒻᓗ ᑐᓪᓕᕋᕐᓴᐅᔪᒫᕐᐳᖅ ᔫᑎᐅᓐᖏᑦᑐᓄᑦ, ᐱᕕᒃᓴᖓᑦ ᐃᓱᓕᓚᐅᖏᓐᓂᖓᓂ.”

ᒨᓯᓯ ᑕᓪᓕᒪᖏᑦ 28:33

ᐃᓅᖃᑎᒌᒡᔪᐊᓄᑦ ᐊᓯᑦᓯᓐᓂᑦ ᐱᓯᒪᔪᓄᑦ ᖃᐅᔨᒪᓐᖏᑕᑦᓯᓐᓄᑦ ᓂᐊᖂᔭᒃᓴᖁᑎᓯ ᓂᕿᒋᔭᐅᔪᒫᕐᐳᑦ ᐊᒃᓱᕈᒻᒪᕆᒃᓗᑎᑦ ᐱᓇᓱᐊᕈᑎᒋᖃᑦᑕᕐᓯᒪᔭᑎᑦ ᐱᕈᕐᑎᓐᓇᓱᐊᕐᓗᒋᑦ; ᐱᑎᑕᐅᖏᑦᓯᐊᕐᓗᓯ ᐅᖁᒤᒃᓴᕐᑎᑕᐅᔪᒫᕐᐳᓯ ᑍᒪᓐᖓᑦ ᐱᑲᒻᒪᒃᑕᐅᖃᑦᑕᕐᓗᓯᓗ ᓂᑲᒋᔭᐅᖏᓪᓗᓯ.

ᐄᑉᕈᐃᓄᑦ 10:29

ᖃᓄᖅ ᓱᒋᐊᕐᑕᐅᔭᕆᐊᖃᕐᓂᕐᓴᐅᓇᓱᒋᕕᓯᐅᒃ? ᒎᑎᐅᑉ ᐃᕐᓂᖓᓂᒃ ᑐᓪᓕᕋᕐᑐᖅ, ᐊᖏᕈᑕᐅᓯᒪᔫᓪᓗ ᐊᐅᖓᓂᒃ ᓇᕐᕈᓇᕐᓯᑎᑦᓯᔪᖅ ᐃᑦᔪᕐᓁᑎᑕᐅᑦᔪᑎᒋᓚᐅᕐᑕᒥᓂᒃ, ᒥᑕᐅᑎᖃᕐᑐᕐᓗ ᐊᓂᕐᓂᐅᑉ ᐱᔪᓐᓇᕐᓯᑎᑦᓯᓂᖓᓂᒃ?

ᔪᐊᓇᓯᐅᑉ ᑕᑯᑎᑕᐅᓂᖏᑦ 19:15

ᖃᓂᖓᓂᓪᓗ ᐊᓂᔪᖃᕐᐳᖅ ᓴᕕᒡᔪᐊᒥᒃ ᐃᐱᒃᑐᒥᒃ ᑖᑦᓱᒧᖓ ᐃᓅᖃᑎᒌᒡᔪᐊᑦ ᓵᓚᒋᔪᒫᕐᐰᑦ, ᐊᐅᓚᓐᓂᐊᕐᐰᓪᓗ ᐊᔭᐅᑉᐱᐊᒧᑦ ᓴᕕᕋᔭᖕᒧᑦ; ᑐᓪᓕᕋᕐᓗᒋᓪᓗ ᐅᐂᓃᑦ ᐃᑦᑏᔭᕐᓂᐊᕐᐰᑦ ᐃᑦᑏᔧᕕᖕᒦᑦᑐᑦ ᑕᒪᑦᔭ ᒎᑎᐅᑉ ᐊᔪᒐᖃᖏᑦᑑᑉ ᓂᓐᖓᐅᓯᕐᔪᐊᖓᑕ ᐃᑦᓯᖓ.

ᐃᓗᐊᕐᓮᔩᑦ ᐊᒡᓚᖏᑦ 10:8

ᐊᕐᕌᒍᓂᒃ 18ᓂᒃ ᐊᒃᓱᕈᕐᑎᑉᐰᑦ ᐊᑭᕋᕐᑐᕐᓗᒋᓪᓗ ᐃᓴᕆᐊᓕᒥᐅᑦ ᓄᓇᖃᕐᑐᓕᒫᑦ ᐊᒧᕅᑎᑦ ᓄᓇᖏᓐᓂ ᔪᐊᕐᑕᓂᐅᑉ ᑰᖓᓂᑦ ᓯᕿᓂᐅᑉ ᓂᐱᕕᐊᑕ ᓇᓛᓂ ᓄᓇᖃᕐᑐᑦ ᒋᓕᐊᑎᒥ.