ᔨᕆᒤᐊᐅᑉ ᐅᒡᒍᐊᕐᓂᖏᑦ 1:13 - ᐊᒡᓔᑦ ᐃᑦᔪᕐᖕᓁᑦᑐᑦ

¹³ ᖁᑦᓯᒃᑐᒥᑦ ᐃᑯᒪᒥᒃ ᑎᑭᑎᑦᓯᕗᖅ ᐃᑯᐊᓚᔪᒥᒃ, ᓴᐅᓂᒃᑲ ᑎᑭᓪᓗᒋᑦ, ᒎᑎ ᓂᒐᕐᕕᒃᓴᓂᒃ ᐋᖅᑭᒃᓯᕗᖅ, ᓂᒐᕋᒪᓗ ᐅᑎᕆᐊᕐᑎᑉᐹᖓ, ᓱᓁᕈᑎᓪᓗᓂᖓ ᓄᑭᖃᕈᓐᓁᕐᑎᑉᐹᖓ ᐅᓪᓗᓕᒫᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:13 Iomraidhean Croise

ᔫᐱᐅᑉ ᐊᒡᓚᖏᑦ 18:8

ᓇᖕᒥᓂᖅ ᐃᑎᒐᒥᓄᑦ ᓄᓗᐊᕐᐳᖅ, ᓂᒐᕐᓄᓪᓗ ᐱᓱᒡᓗᓂ ᐅᐸᒍᑎᕗᖅ.

ᔫᐱᐅᑉ ᐊᒡᓚᖏᑦ 19:6

ᖃᐅᔨᔪᓐᓇᓐᖏᓚᓰ ᒎᑎᐅᑉ ᐅᕙᓐᓄᑦ ᑍᒤᓕᐅᕐᓂᖓᓂᒃ? ᐱᓇᓱᐊᕐᓗᓂᖓ ᓄᓗᐊᕐᑎᑕᒥᑐᑦ ᑍᒤᓯᒪᖕᒪᖓ.

ᔫᐱᐅᑉ ᐊᒡᓚᖏᑦ 30:30

ᐅᕕᓂᒐ ᖃᑯᐃᓕᕗᖅ ᐊᒦᔭᕐᓗᖓᓗ, ᓴᐅᓂᒃᑲᓗ ᐆᑎᕐᓇᕐᑐᒧᑦ ᐆᑕᐅᓪᓗᑎᒃ.

ᐃᓐᖏᕈᑎᑦ 129:5

ᓮᐅᓂᒥᒃ ᐆᒥᓱᒃᑐᓕᒫᑦ ᐅᑎᕆᐊᕐᑎᑕᐅᓕᑦ ᑲᓐᖑᓱᓕᕐᓗᑎᒃ.

ᐃᓐᖏᕈᑎᑦ 140:5

ᐱᐅᔪᕆᔪᑦ ᐃᔨᕐᓯᒪᔪᒥᒃ ᐊᒃᓱᓈᓂᒃ ᓂᒐᕐᕕᒃᓴᓐᓂᒃ ᓴᓇᓯᒪᕗᑦ, ᐊᒃᓱᓈᖃᕐᓗᑎᒃ ᐃᓯᕕᑦᓯᓯᒪᕗᑦ ᓄᓗᐊᓂᒃ ᐊᖅᑯᑎᐅᑉ ᓴᓂᐊᓄᑦ, ᒥᑭᒋᐊᕐᕕᒃᓴᓐᓂᒡᓗ ᐋᖅᑭᒃᓱᐃᓯᒪᕗᑦ. ᓰᓚ

ᐃᓐᖏᕈᑎᑦ 22:14

ᐃᒥᕐᑐᑦ ᑯᕕᔭᐅᕗᖓ, ᓇᒡᒍᐊᒃᑲ ᑕᒪᕐᒥᒃ ᐃᓂᒥᓂᑦ ᓄᓱᒃᓯᒪᕗᑦ; ᐆᒻᒪᑎᒐ ᐸᑎᐅᔭᑐᑦ ᑍᒤᓕᕐᐳᖅ; ᐊᐅᒃᓯᒪᓪᓗᓂ ᓴᒡᕕᖕᒪ ᐃᓗᐊᓂ;

ᐃᓐᖏᕈᑎᑦ 31:10

ᐃᓅᓯᕋ ᓄᖑᑕᐅᓕᕐᐳᖅ ᐃᓱᒪᔮᕐᓂᕐᒧᑦ; ᐊᕐᕌᒍᒃᑲᓗᑦᑕᐅᖅ ᐊᓂᕐᓴᐅᒥᓂᕐᒧᑦ; ᓄᑭᖏᕈᑎᕗᖓ ᐊᔪᕐᑐᓕᓂᒃᑲ ᐱᑦᔪᑎᒋᓪᓗᒋᑦ, ᓴᐅᓂᒃᑲᓘᓐᓃᑦ ᓴᓐᖐᑦᑑᓕᕐᐳᑦ.

ᐃᓐᖏᕈᑎᑦ 35:4

ᑲᓐᖑᓱᒃᑎᑕᐅᓕᕐᓕᑦ ᐅᐱᓐᓇᕈᓐᓃᕐᓗᑎᒡᓗ ᐅᕙᓐᓂᒃ ᑐᖁᑦᓯᔪᒪᔪᑦ; ᐅᑎᒧᑦ ᓵᑎᑕᐅᓕᑦ, ᓇᓗᓕᕐᑎᑕᐅᓗᑎᒡᓗ ᐅᕙᓐᓂᒃ ᐋᓐᓂᕐᓯᓇᓱᐊᕐᑐᑦ.

ᐃᓐᖏᕈᑎᑦ 38:8

ᐱᒡᒐᕐᑐᐊᓘᓕᕐᐳᖓ, ᓯᖁᒥᓯᒪᓕᕐᓗᖓᓗ; ᐋᓐᓂᐊᓂᕐᒧᓪᓗ ᓂᓪᓕᐊᕗᖓ ᐆᒻᒪᑎᒪ ᐅᖁᒤᒃᓴᓗᐊᕐᓂᖓᓄᑦ.

ᐃᓐᖏᕈᑎᑦ 66:11

ᐊᓄᓪᓚᒃᓯᕐᑕᐅᕕᖕᒧᑦ ᐱᑎᓚᐅᕋᑦᑎᒍᑦ; ᐅᖁᒤᑦᑐᓂᒃ ᐊᒡᔭᕐᓯᑎᓚᐅᕐᐸᑦᑎᒍᑦ;

ᒨᓯᓯ ᐂᑉᐸᖏᑦ 12:9

ᒥᑭᒐᐅᑎᓪᓗᒍᓕ ᐃᒥᕐᒧᓪᓗ ᐆᔪᓕᐅᕐᓯᒪᑎᓪᓗᒍ ᓂᕆᔭᒃᓴᕆᓐᖏᓚᓯ, ᑭᓯᐊᓂᓕ ᐃᑯᒪᒧᑦ ᐆᓯᒪᑎᓪᓗᒍ ᓂᕆᔭᒃᓴᕆᕙᓯ ᐊᑕᖏᕐᓗᒍ, ᓂᐊᖁᖓᓗ ᓂᐅᖏᓪᓗ ᐃᕐᕋᕕᖏᓪᓗ ᐱᖃᓯᐅᑎᓗᒋᑦ.

ᐂᓮᐊᓯᐅᑉ ᐊᒡᓚᖏᑦ 42:17

ᑍᒃᑯᐊ ᐅᑎᕐᑎᑕᐅᔪᒫᕐᐳᑦ ᑲᓐᖑᓇᕐᑐᒦᓕᕐᓗᑎᒡᓗ, ᒎᑎᓐᖑᐊᓂᒃ ᑕᑎᖃᕋᓱᓚᐅᕐᑐᑦ, ᐅᖃᕐᐸᒃᑐᑦ ᒎᑎᓐᖑᐊᓄᑦ, ‘ᐃᓕᑦᓯᓐᓂᒃ ᒎᑎᖃᕐᐳᒍᑦ.’”

ᔨᕆᒤᐊᐅᑉ ᐊᒡᓚᖏᑦ 44:6

ᓂᓐᖓᕕᒃᔪᐊᕐᓂᕋ ᓴᖅᑭᑎᓚᐅᕐᐸᕋ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓄᓇᓖᓪᓗ ᐃᑯᐊᓪᓚᒃᑕᐅᑎᓚᐅᕐᐸᒃᑲ, ᓄᓇᓕᕕᓂᑐᐃᓐᓇᐅᓕᕐᐳᑦ ᐅᓪᓗᒥ ᑕᑯᓪᓗᒋᓪᓗ ᑕᑯᔪᒥᓇᓐᖏᓚᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:22

ᐊᔪᕐᑐᓕᓂᖏᑦ ᓵᖕᓄᑦ ᓴᖅᑭᑎᒃᑭᑦ ᐱᓇᓱᐊᕈᑎᒋᓗᒋᓪᓗ, ᑍᒫᒃᑕᐅᖅ ᐊᔪᕐᑐᓕᓂᒃᑲ ᐱᓪᓗᒋᑦ ᐱᓂᐊᕐᕕᒋᓚᐊᕋᕕᖓ, ᐅᖁᒤᒃᓴᕈᑎᒋᔭᒃᑲ ᐅᓄᕐᒪᑕ ᐆᒻᒪᑎᒐᓗ ᓄᑭᖏᕈᑎᓕᕐᐳᖅ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 3:11

ᐊᖅᑯᑎᒋᔭᓐᓂᑦ ᐅᓂᐊᕐᓗᓂᖓ ᐅᒋᐊᕐᓴᕐᐹᖓ ᕿᒤᓐᓇᕐᓗᓂᖓᓗ ᐃᓱᖃᖏᑦᑐᒧᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:17

ᑍᒤᒻᒪᑦ ᐆᒻᒪᑎᕗᑦ ᖃᓂᒪᕗᑦ, ᐃᔨᕗᓪᓗ ᑕᐅᑐᑦᓯᐊᕈᓐᓃᕐᓗᑎᒃ.

ᐃᓯᑭᐊᓕᐅᑉ ᐊᒡᓚᖏᑦ 12:13

ᓄᓗᐊᓐᓄᓪᓕ ᐅᓕᒍᒫᕐᐸᕋ, ᓂᒐᕐᑎᓪᓗᒍᓗ ᓂᒐᖁᑎᓐᓄᑦ; ᐹᐱᓘᓂᒧᐊᕈᑎᓗᒍᓗ ᓄᓇᒧᑦ ᑲᐅᓪᑎᐊᒧᑦ, ᑕᑯᔪᒫᓐᖏᓛᓕ; ᑕᕝᕙᓂᓗ ᑐᖁᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 17:20

ᓄᓗᐊᓐᓄᑦ ᐃᓯᕕᑦᓯᕕᒋᓗᒍ ᓄᓗᐊᕐᑎᑦᓱᒫᕐᐸᕋ, ᐹᐱᓘᓂᒧᐊᕈᑎᔪᒫᕐᐸᕋᓗ ᑍᑲᓂ ᐃᖅᑲᕐᑐᕈᒫᕐᐸᕋ ᐊᖏᖃᑎᒌᒍᑎᒥᓂᒃ ᐅᕙᓐᓄᑦ ᓯᖁᒥᑦᑎᓯᒪᓂᖓᓄᑦ.

ᐃᓯᑭᐊᓕᐅᑉ ᐊᒡᓚᖏᑦ 32:3

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: ᓄᓗᐊᓂᒃ ᐃᒋᑦᓯᕕᒋᔪᒫᕐᐸᒋᑦ ᐃᓄᒐᓴᒡᔪᐊᑦ ᑕᑯᓐᓇᕐᑎᓪᓗᒋᑦ; ᓄᓗᐊᕐᓯᒪᑎᓪᓗᑎᓪᓗ ᓄᓇᒧᑦ ᖃᑭᑦᓱᒫᕐᐸᒋᑦ.

ᕼᐆᓯᐊᑉ ᐊᒡᓚᖏᑦ 7:12

ᐃᖏᕐᕋᑎᓪᓗᒋᑦ ᓄᓗᐊᒃᑲ ᐃᓯᕕᑦᓱᒫᕐᐸᒃᑲ ᑖᒃᑯᓄᖓ; ᓄᓗᐊᕐᑎᓪᓗᒋᑦ ᑎᖕᒥᐊᑎᑐᑦ ᖃᖓᑕᑎᓪᓗᒋᑦ ᑲᑕᒃᑎᑕᐅᔪᑎᑐᑦ; ᓱᒋᐊᕈᒫᕐᐸᒃᑲ ᐱᐅᖏᑦᑐᓕᓂᖏᑦ ᐱᓪᓗᒋᑦ.

ᓇᕼᐅᒥᐅᑉ ᐊᒡᓚᖏᑦ 1:6

ᓂᓐᖓᓕᕐᐸᑦ, ᑭᓇ ᐊᓐᓇᒍᓐᓇᕋᔭᕐᐹ? ᑭᓇᓗ ᐊᓐᓇᒍᓐᓇᕐᐹ ᓂᓐᖓᐅᒪᕕᒡᔪᐊᕐᓂᖓᓂᑦ? ᑖᑦᓱᒪ ᓂᓐᖓᐅᒪᓂᖓ ᐃᑯᒪᔪᑐᑦ ᑍᒤᑦᑐᖅ ᓈᕕᑕᐅᕗᖅ; ᑕᕝᕙ ᐅᔭᕅᑦ ᓯᖃᓪᓕᕗᑦ ᑖᑦᓱᒪ ᓵᖓᓂ.

ᕼᐊᐸᑲᐅᑉ ᐊᒡᓚᖏᑦ 3:16

ᑕᒪᓐᓇᓗ ᑐᓴᕋᒃᑯ, ᐃᓗᒐ ᓴᔪᓕᕐᐳᖅ; ᖃᓂᕐᒪᓗ ᓯᓈ ᐆᓕᒃᑐᑎᑐᑦ ᑍᒤᓕᕐᐳᖅ ᑲᑉᐱᐊᓱᖕᓂᕐᒧᑦ. ᓴᐅᓂᒃᑲᓗ ᓴᐅᓂᓐᖑᔪᑎᑐᑦ ᑍᒤᓕᕐᐳᑦ, ᐃᑎᒐᒃᑲᓗ ᖁᐂᔭᕿᑦᑖᓕᕐᐳᑦ ᑐᖕᒪᕐᑕᒃᑯᑦ. ᓂᐱᖃᖏᓪᓗᖓ ᐅᑕᖅᑭᑐᐃᓐᓇᕐᓂᐊᓕᕐᐳᖓ ᑎᑭᓛᕐᑐᒥᒃ ᒎᑎᐅᑉ ᓱᒋᐊᕐᓯᓂᒃᓴᖓᓂᒃ ᐅᕙᑦᑎᓐᓂᒃ ᓱᒃᑯᔨᐊᖃᕐᑐᓂᒃ.

ᒨᓯᓯ ᑕᓪᓕᒪᖏᑦ 28:65

ᑕᒪᒃᑯᓇᓂᓗ ᐃᓅᖃᑎᒌᒡᔪᐊᓃᑎᓪᓗᓯ ᓮᓕᑦᓯᐊᕐᓇᕐᑐᒥᒃ ᓇᓂᓯᔪᒫᓐᖏᓚᓯ, ᓇᖕᒥᓂᕆᔭᕐᓂᒡᓗ ᑍᔭᒃᓴᕐᑕᖃᕈᒫᓐᖏᓚᖅ; ᐊᑕᓂᐅᑉ ᓵᓚᒋᔭᐅᑎᑦᓱᒫᕐᒪᓯ ᐃᓱᒪᔮᕐᓂᕐᒧᑦ, ᓂᕆᐅᒋᔭᒃᓴᖃᖏᓐᓂᕐᒧᑦ, ᓴᐱᓕᕐᓂᕐᒧᓪᓗ.

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:8

ᐃᑯᒪᒧᑦ ᐃᑯᐊᓚᔪᒧᑦ, ᓱᒋᐊᕈᒫᕐᐰᑦ ᒎᑎᒥᒃ ᖃᐅᔨᒪᖏᑦᑐᑦ ᐅᖃᐅᓯᕐᓂᒡᓗ ᑐᓴᕈᒥᓇᕐᑐᓂᒃ ᐊᑕᓂᑦᑎᓐᓂᒃ ᔩᓱᓯᒥᒃ ᓈᓚᓚᐅᖏᑦᑐᑦ.

ᐄᑉᕈᐃᓄᑦ 12:29

ᒎᑎᕗᑦ ᐃᑯᒪᐅᖕᒪᑦ ᓄᖒᑦᓯᔪᕐᔪᐊᖅ.