ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁰ ᐊᑭᕋᕐᑐᑎᖏᑕᓗ ᐱᒃᑯᒥᓇᕐᑐᖁᑎᖏᑦ ᐱᐅᕋᕐᐰᑦ, ᑕᑯᓐᓇᕐᐳᑦ ᑐᒃᓯᐊᕐᕕᒡᔪᐊᖓ ᐃᓅᖃᑎᒌᒡᔪᐊᓄᑦ ᐃᑎᕐᑕᐅᑎᓪᓗᒍ, ᒎᑎᐅᑉ ᐅᒃᐱᕆᔨᒋᓐᖏᑕᒥᓄᑦ ᐃᑎᕐᑕᐅᖁᓚᐅᕐᓯᒪᓐᖏᑎᓪᓗᓂᐅᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:10 Iomraidhean Croise

ᑯᕉᓂᑲ ᐂᑉᐸᖏᑦ 36:18

ᒎᑎᐅᑉ ᐃᒡᓗᖓᓃᑦᑐᑦ ᐱᖁᑎᓕᒫᑦ, ᒥᑭᔪᑦ ᐊᖏᔪᓪᓗ, ᐊᑕᓂᐅᓪᓗ ᐃᒡᓗᖓᓂ ᑮᓇᐅᔭᖃᐅᑏᑦ, ᐊᖓᔪᖅᑳᕐᔪᐊᑉ ᐊᖓᔪᖅᑳᖁᑎᖏᑕᓗ ᑮᓇᐅᔭᖃᐅᑎᓕᒫᖏᑦ, ᐊᑕᖏᕐᓗᒋᑦ ᐊᐅᓪᓚᕈᑎᓚᐅᕐᐰᑦ ᐹᐱᓘᓂᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 13:1

ᑕᕝᕙᓂ ᐅᓪᓗᒥ ᒨᓯᓯᐅᑉ ᐊᒡᓚᖏᑦ ᐊᑐᐊᕐᑕᐅᓚᐅᕐᐳᑦ ᐃᓄᒐᓴᒡᔪᐊᑦ ᑐᓵᑎᓪᓗᒋᑦ, ᑕᕝᕙᓂ ᑎᑎᕋᕐᓯᒪᔪᓂᒃ ᓇᓂᓯᔪᖃᓚᐅᕐᐳᖅ ᐊᒧᓁᑎᒥᐅᑦ ᒧᐊᐱᒥᐅᓪᓗ ᒎᑎᐅᑉ ᑲᑎᓐᖓᔪᖁᑎᖏᓐᓄᑦ ᐃᓚᐅᑎᑕᐅᔭᕆᐊᖃᖏᓐᓂᖏᓐᓂᒃ ᐅᖃᕐᓯᒪᔪᕐᑕᖃᕐᒪᑦ;

ᐂᓮᐊᓯᐅᑉ ᐊᒡᓚᖏᑦ 63:18

ᐃᓄᖁᑎᑎᑦ ᐃᑦᔪᕐᓁᑦᑐᑦ ᐱᖃᓚᐅᕐᑐᓚᐅᕐᐳᑦ ᐃᑦᔪᕐᓁᑦᑐᕕᖁᑎᖕᓂᒃ ᐊᑯᓂᐅᖏᑦᑐᖅ; ᐊᑭᕋᑦᑕᓕ ᑐᓪᓕᕋᑐᐃᓐᓇᕐᓯᒪᕚᑦ.

ᔨᕆᒤᐊᐅᑉ ᐊᒡᓚᖏᑦ 15:13

“ᐊᒃᓗᐃᑦᔪᑎᓯ ᐱᒃᑯᒥᓇᕐᑐᖁᑎᓯᓗ ᓇᒡᕚᕐᑕᒐᒃᓴᐅᔪᒫᕐᐳᑦ, ᐊᑭᖃᖏᓪᓗᑎᒃ, ᐊᔪᕐᑐᓕᓂᓯ ᐱᓪᓗᒋᑦ ᓄᓇᒋᔭᓕᒫᑦᓯᓐᓂ.

ᔨᕆᒤᐊᐅᑉ ᐊᒡᓚᖏᑦ 20:5

ᐊᑭᕋᑦᓯᓐᓄᑦ ᐊᔪᕐᓴᖏᑦᔪᑎᓯ ᐱᑖᕆᔭᐅᔪᒫᕐᐳᑦ, ᓴᖅᑭᑎᑕᕕᓂᖏᓪᓗ ᑲᑎᕐᓱᐊᖏᓪᓗ ᐱᒃᑯᒥᓇᕐᑐᑦ ᔫᑕᒥᐅᑦ ᐊᖓᔪᖅᑳᕐᔪᐊᖏᑕ ᐱᕕᓂᖏᑦ, ᓇᒡᕚᕐᑖᕆᓗᓂᑦᔪᒃ ᐊᖏᕐᕋᐅᑎᔪᒫᕐᐰᑦ ᐹᐱᓘᓂᒧᑦ.

ᔨᕆᒤᐊᐅᑉ ᐊᒡᓚᖏᑦ 27:19

“ᐃᒫᒃ ᐊᑕᓂᖅ ᐅᖃᐅᓯᒃᓴᖃᕐᐳᖅ, ᓇᐸᔪᑦ ᐱᓪᓗᒋᑦ, ᑕᓯᓕᐊᕆᓯᒪᔪᕐᓗ ᐱᓪᓗᒍ, ᐃᑯᕐᕅᓪᓗ ᐊᓯᖏᓪᓗ ᐱᖁᑎᑦ ᐃᒡᓗᒐᓴᒡᔪᐊᓂ ᐊᒥᐊᒃᑰᔪᑦ,

ᔨᕆᒤᐊᐅᑉ ᐊᒡᓚᖏᑦ 27:21

“ᑍᒫᒃ ᑕᕝᕙ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, ᐊᑕᓂᐅᑉ ᐃᒡᓗᖓᑕ ᐱᖁᑎᖏᑦ ᐊᒥᐊᒃᑰᔪᑦ ᐱᑦᔪᑎᒋᓪᓗᒋᑦ ᔫᑕᒥᐅᑦ ᔨᕉᓴᓕᒥᐅᓪᓗ ᐊᖓᔪᖅᑳᕐᔪᐊᖃᕐᕕᖓᓃᑦᑐᑦ;

ᔨᕆᒤᐊᐅᑉ ᐊᒡᓚᖏᑦ 50:28

“ᐹᐱᓘᓂᒥᑦ ᕿᒫᓂᑯᐃᑦ ᓮᐅᓂᒥ ᓄᓇᑖᕐᓂᑯᐃᑦ ᐅᖃᐅᓯᖏᑦ ᑐᓵᓯᐅᒃ, ᐊᑕᓂᐅᑉ ᒎᑎᑦᑕ ᐊᑭᓂᐊᕐᕕᒋᕔᑦ, ᑐᒃᓯᐊᕐᕕᒡᔪᐊᖁᑎᓂ ᐱᑦᔪᑎᒋᓪᓗᒍ.

ᔨᕆᒤᐊᐅᑉ ᐊᒡᓚᖏᑦ 51:51

ᑲᓐᖑᓇᕐᑐᒥᒃ ᐊᑐᕐᑎᑕᐅᒐᑦᑕ, ᒥᑕᐅᑎᒋᔭᐅᓯᒪᓂᑦᑎᓐᓄᑦ ᑲᓐᖑᓱᓕᕐᐳᒍᑦ, ᐃᓅᖃᑎᒋᓚᐅᕐᓯᒪᓐᖏᑕᑦᑎᓐᓄᑦ ᑐᒃᓯᐊᕐᕕᒡᔪᐊᖅ ᐊᑕᓂᐅᑉ ᐃᑦᔪᕐᓁᑦᑐᖁᑎᖓ ᐃᓵᕐᑕᐅᓯᒪᖕᒪᑦ.

ᔨᕆᒤᐊᐅᑉ ᐊᒡᓚᖏᑦ 52:13

ᑐᒃᓯᐊᕐᕕᒡᔪᐊᕐᓗ ᐃᑯᐊᓪᓚᒃᐹ, ᐊᖓᔪᖅᑳᕐᔪᐊᓪᓗ ᐃᒡᓗᖏᑦ ᐃᒡᓗᒐᓴᒡᔪᐊᓕᒫᓪᓗ ᔨᕉᓴᓕᒥ, ᐃᒡᓗᐃᑦ ᐱᒻᒪᕆᐅᓂᓕᒫᖏᑦ ᐃᑯᐊᓪᓚᒃᐰᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:7

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᓗᓂ ᐃᓂᖁᓇᕐᓂᕆᓚᐅᕐᑕᖓ ᑕᐅᑐᓐᖑᐊᕐᓇᑐᐃᓐᓇᓕᕐᐳᖅ ᐊᑭᕋᒥᓄᑦ ᐱᔭᐅᑎᓪᓗᒍ ᐃᑲᔪᕐᑎᒃᓴᖃᓚᐅᓐᖏᓚᖅ, ᓵᓚᖃᕐᑐᓪᓗ ᒥᑕᐅᑎᖃᕐᐳᑦ ᑲᑕᖕᓂᖓᓂᒃ.

ᐃᓯᑭᐊᓕᐅᑉ ᐊᒡᓚᖏᑦ 44:7

ᓄᓇᓕᑐᖃᐅᖏᑦᑐᓂᒃ ᐃᑎᕐᑎᑦᓯᓯᒪᒐᑦᓯ ᐆᒻᒪᑎᒃᑯᑦ ᑎᒥᒃᑯᓪᓗ ᑭᐱᒪᖏᑦᑐᓂᒃ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᓚᐅᕐᐳᓯ, ᐆᒪᔪᓂᒃ ᐅᕙᓐᓄᑦ ᓂᕿᒃᓴᐅᖁᓪᓗᒋᑦ ᑐᓂᕐᕈᓯᕐᓯᒪᒐᑦᓯ, ᑐᓐᓄᖏᓐᓂᒃ ᐊᐅᖏᓐᓂᒡᓗ. ᐊᖏᖃᑎᒌᒍᑎᒋᓯᒪᔭᒃᑲ ᓯᖁᒥᓚᐅᕐᐸᓯ, ᓇᕐᕈᓇᕐᑐᓂᒃ ᐱᓇᓱᐊᕐᓯᒪᓂᑦᓯᓐᓄᑦ ᐃᓚᓕᐅᑎᓪᓗᒋᑦ.

ᐃᓯᑭᐊᓕᐅᑉ ᐊᒡᓚᖏᑦ 7:22

ᑖᒃᑯᐊ ᐊᓚᕈᒫᕐᐸᒃᑲ, ᐃᑦᔪᕐᓁᑦᑐᕕᖁᑎᓐᓂᒃ ᓇᕐᕈᓇᕐᓯᑎᑦᓯᔪᓐᓇᖁᓪᓗᒋᑦ; ᑎᒡᓕᒃᑎᓄᑦ ᐃᑎᕐᑕᐅᓗᓂ ᓇᕐᕈᓇᕐᓯᑎᑕᐅᔪᒫᕐᐳᖅ.

ᐃᓯᑭᐊᓕᐅᑉ ᐊᒡᓚᖏᑦ 9:7

ᑕᕝᕙ ᐅᖃᐅᑎᕔᑦ, “ᑐᒃᓯᐊᕐᕕᒡᔪᐊᖅ ᐃᑦᔪᕐᓇᕐᓯᑎᓯᐅᒃ, ᐊᓃᕋᔭᒡᕕᖏᑦ ᑐᖁᑕᐅᔪᓂᒃ ᓈᓗᒋᑦ. ᐊᑏ ᐂᓕᕆᑦᓯ.” ᐊᓂᒐᒥᒡᓗ, ᑐᖁᕅᓕᕐᐳᑦ ᐃᓄᖕᓂᒃ ᐃᒡᓗᒐᓴᒡᔪᐊᓃᑦᑐᓂᒃ.

ᒫᑯᓯᐅᑉ ᐊᒡᓚᖏᑦ 13:14

“ᑕᑯᓕᕈᑦᓯ ᑕᑯᒥᓁᑦᑐᕐᔪᐊᕐᒥᒃ ᓇᑉᐸᕐᑕᐅᔪᒥᒃ ᑕᒫᓂ ᐃᓂᒃᓴᕆᓐᖏᑕᖓᓂ (ᐊᑐᐊᕐᓯᔫᑉ ᑐᑭᓯᓕᐅᒃ ᖃᓄᖅ ᑐᑭᖃᕐᒪᖔᑦ), ᑕᕝᕙ ᔫᑎᐊᒦᑦᑐᑦ ᕿᒫᔭᕆᐊᖃᓕᕈᒫᕐᐳᑦ ᖃᖅᑲᓄᑦ.

ᒨᓯᓯ ᑕᓪᓕᒪᖏᑦ 23:3

“ᐊᒧᓁᑎᓂᒃ ᐅᕝᕙᓗ ᒧᐊᐱᒥᐅᓂᒡᓘᓐᓃᑦ, ᐊᒡᓛᑦ ᑭᖑᕚᖏᑕ ᖁᓕᖏᓐᓄᑦ ᑎᑭᓯᒪᒐᓗᐊᕐᑎᓪᓗᒋᑦ ᐊᑕᓂᐅᑉ ᐃᓄᖁᑎᖏᓐᓄᑦ ᐃᓚᒋᔭᐅᔪᖃᕐᑐᒃᓴᐅᓐᖏᓚᖅ.

ᒨᓯᓯ ᑕᓪᓕᒪᖏᑦ 23:4

ᑖᒃᑯᐊ ᓂᕿᒃᓴᓂᒃ ᐃᒥᒃᓴᒥᒡᓗ ᐃᑲᔪᕈᒪᓚᐅᕐᓯᒪᖏᒻᒪᑕ, ᐄᑦᔨᑉᑎᒥᑦ ᐊᐅᓪᓚᓕᕐᑎᓪᓗᓯ ᐊᒡᓛᑦ ᑎᓕᓯᓚᐅᕐᓯᒪᕗᑦ ᐸᓛᒻᒥᒃ ᐱᐅᕆᐅᑉ ᐃᕐᓂᖓᓂᒃ, ᐃᒡᓗᒐᓴᖕᓂᑦ ᐱᑑᕆᒦᑦᑐᒥᑦ ᒥᓱᐳᑍᒥᐊᒦᑦᑐᒥᑦ, ᐃᓕᑦᓯᓐᓂᒃ ᓯᕗᓂᕐᓗᒃᑎᑦᓯᖁᓪᓗᒍ.