ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1 - ᐊᒡᓔᑦ ᐃᑦᔪᕐᖕᓁᑦᑐᑦ

¹ ᐃᒡᓗᒐᓴᒡᔪᐊᑦ ᐃᓄᒋᐊᒃᑑᕙᓚᐅᕐᑐᑦ ᐃᓄᖃᓚᐅᕐᓯᒪᖏᑦᑐᑎᑐᑦ ᑍᒤᓕᕐᐳᑦ! ᐃᓅᖃᑎᒌᒡᔪᐊᓪᓗ ᐅᐱᒋᔭᐅᑦᓯᐊᓚᐅᕐᑐᑦ, ᒫᓐᓇ ᐅᐃᒡᒐᕐᓂᕐᑎᑐᑦ ᑍᒤᓕᕐᐳᑦ; ᓄᓇᓖᑦ ᐊᕕᒃᑐᕐᓯᒪᓂᖏᓐᓄᑦ ᐊᖓᔪᖅᑳᕆᔭᐅᓚᐅᕐᑐᑦ, ᒫᓐᓇ ᓯᐊᓛᕆᔭᐅᓕᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:1 Iomraidhean Croise

ᐊᑕᓃᑦ ᓯᕗᓪᓖᑦ 4:21

ᓲᓗᒨᓂᐅᑉ ᐊᐅᓚᑦᓯᓂᖓ ᑎᑭᐅᒪᓚᐅᕐᐳᖅ ᑰᖕᒧᑦ ᐃᕗᕅᑎᒧᑦ ᐱᓕᔅᑍᓂᒥᐅᑦ ᓄᓇᖓ ᑎᑭᓪᓗᒍ ᐄᑦᔨᑉᑎᓂᐅᓪᓗ ᓄᓇᖓᑕ ᑭᒡᓕᖓᓄᑦ ᐃᓱᖃᕐᓗᓂ; ᐊᖓᔪᖅᑳᐅᕕᒋᔭᓕᒪᖓᓂ ᓄᓇᓖᑦ ᑕᒪᕐᒥᒃ ᑖᒃᓯᔭᕐᐸᓚᐅᕐᐳᑦ, ᑖᑦᓱᒪ ᐃᓅᓂᓕᒫᖓᓂ.

ᐊᑕᓃᑦ ᐂᑉᐸᖏᑦ 23:33

ᐰᕉᑉ ᓂᑰᑉ ᐄᑦᔨᑉᑎᒥᐅᑦ ᐊᖓᔪᖅᑳᕐᔪᐊᖓᑦᑕ ᐊᕐᓵᕐᑑᔭᓄᑦ ᐊᑦᑐᖏᕐᓱᐊᕆᓚᐅᕐᐹ ᓄᓇᓕᖕᓂ ᕆᑉᓚᒥ ᕼᐊᒫᑎᐅᑉ ᓄᓇᓕᒃᑕᖏᑕ ᐃᓚᖓᓂ. ᔨᕉᓴᓕᒥ ᐊᐅᓚᑦᓯᖁᓇᒍ, ᔫᑕᒥᐅᓪᓗ ᐊᑭᓕᕐᑐᒐᒃᓴᓕᐅᕐᐰᑦ 7,500ᓂᒃ ᓯᐅᓪᕕᕆᓂᒃ, 75ᓂᒃ ᐅᖁᒤᓐᓂᖃᕐᑐᓂᒃ ᒎᓗᓂᒃ.

ᐊᑕᓃᑦ ᐂᑉᐸᖏᑦ 23:35

ᔨᕼᐅᐃᐊᑭᒻ ᐰᕉ ᓂᑯᒧᑦ ᐊᑭᓕᕐᑐᕐᑕᐅᖁᔭᐅᔪᓂᒃ ᐊᑭᓕᕐᓱᐃᕗᖅ ᓯᐅᓪᕕᕆᓂᒃ, ᐊᑭᓕᕐᓱᐃᔪᓐᓇᕈᒪᓪᓗᓂ ᓄᓇᖁᑎᓕᒫᓂ ᑖᒃᓰᔭᕐᑎᓕᕐᐰᑦ, ᐃᓄᖁᑎᖏᑕ ᑮᓇᐅᔭᓕᐅᕐᓂᖏᑦ ᒪᓕᒡᓗᒋᑦ ᐃᓕᐅᖅᑬᑎᑉᐰᑦ.

ᑯᕉᓂᑲ ᐂᑉᐸᖏᑦ 9:26

ᐊᐅᓚᑦᓯᓚᐅᕐᐳᖅ ᐊᖓᔪᖅᑳᕐᔪᐊᓕᒫᓂᒃ ᐃᕗᕅᑎᒥᑦ ᑰᖕᒥᑦ ᐱᒋᐊᕐᓗᒍ ᐱᓕᔅᑍᓂᒥᐅᑦ ᓄᓇᖓᓄᑦ ᑎᑭᓪᓗᒍ, ᐄᑦᔨᑉᑎᐅᓪᓗ ᓄᓇᖓᑕ ᑭᒡᓕᖓᓄᑦ ᑎᑭᓪᓗᒍ.

ᐄᓱᕋᐅᑉ ᐊᒡᓚᖏᑦ 4:20

ᐊᔪᖏᑦᑐᒻᒪᕆᐊᓗᐃᑦ ᔨᕉᓴᓕᒥ ᐊᖓᔪᖅᑳᕐᔪᐊᖑᖃᑦᑕᕐᓯᒪᖕᒪᑕ, ᐊᐅᓚᑦᓯᕙᓚᐅᕐᒪᑕᓗ ᓄᓇᓕᖕᓂ ᐊᕕᒃᑐᕐᓯᒪᔪᓂᒃ ᑖᕙᓂ ᑰᑉ ᐅᖓᑖᓂᒥᐅᓂᒃ, ᑖᒃᓰᔭᕐᓂᒃᑯᑦ ᑮᓇᐅᔭᓕᐅᕐᑐᓂᒃ.

ᓂᕼᐃᒤᐊᐅᑉ ᐊᒡᓚᖏᑦ 5:4

ᐊᓯᖏᑦᑕᐅᖅ ᐅᖃᕆᕗᑦ, “ᐊᑐᕐᑐᐊᕆᐊᖃᓚᐅᕐᐳᒍᑦ ᑮᓇᐅᔭᓂᒃ ᐊᑭᓖᖁᓪᓗᑕ ᐊᖓᔪᖅᑳᕐᔪᐊᕐᒧᑦ ᐊᑭᓕᕆᐊᖃᕐᑕᑦᑎᓐᓂᒃ ᑖᒃᓯᓂᒃ ᐱᕈᕐᓰᕕᖁᑎᑦᑎᓐᓄᑦ ᕔᓂᓕᐊᑦᑎᓐᓄᓪᓗ.

ᓂᕼᐃᒤᐊᐅᑉ ᐊᒡᓚᖏᑦ 9:37

ᓄᓇᐅᓪᓗ ᐱᕈᕐᑎᑕᖏᑦ ᐊᖓᔪᖅᑳᕐᔪᐊᓄᐊᕐᑕᐅᕗᑦ ᐅᕙᑦᑎᓐᓂᒃ ᐊᐅᓚᑦᓯᔪᓂᒃ ᐊᔪᕐᑐᓕᓂᕗᑦ ᐱᓪᓗᒋᑦ, ᐊᑐᕈᒪᔭᒥᖕᓂᒡᓗ ᐊᑐᕐᐳᑦ ᐅᕙᑦᑎᓐᓂᑦ ᐆᒪᔪᖁᑎᑦᑎᓐᓂᒡᓗ, ᐅᕙᒍᓪᓗ ᐊᔪᓕᕐᓯᒪᓕᕐᐳᒍᑦ ᐃᑎᔪᒥᒃ!”

ᐃᓐᖏᕈᑎᑦ 122:4

ᑕᕝᕗᖓ ᑭᖑᕚᕇᑦ ᒪᔪᐊᖃᑦᑕᕐᐳᑦ, ᐊᑕᓂᐅᑉ ᑭᖑᕚᕇᖁᑎᖏᑦ, ᐃᓴᕆᐊᓕᑎᒃᑯᓐᓄᑦ ᐊᖏᕈᑕᐅᓯᒪᔪᒥᒃ ᐊᑐᕐᓗᑎᒃ, ᖁᔭᓕᔭᕐᑐᕐᓗᑎᒃ ᐊᑕᓂᐅᑉ ᐊᑎᖓᓂᒃ.

ᐂᓮᐊᓯᐅᑉ ᐊᒡᓚᖏᑦ 14:12

“ᕿᓚᖕᒥᑦ ᑲᑕᖕᓂᑰᕗᑎᑦ, ᓘᓯᕙᕐ, ᐅᓪᓘᑉ ᐅᓪᓗᕆᐊᕆᕚᑎᑦ ᖃᐅᕙᓪᓕᐊᓯᐅᑎᐅᑉ ᐃᕐᓂᕆᕚᑎᑦ! ᓄᓇᒧᑦ ᐃᒋᑕᐅᓯᒪᕗᑎᑦ. ᐃᓅᖃᑎᒌᒡᔪᐊᓂᒃ ᒥᑭᒡᓕᑎᕆᕙᓚᐅᕐᑐᑎᑦ!

ᐂᓮᐊᓯᐅᑉ ᐊᒡᓚᖏᑦ 22:2

ᓂᐱᖅᑯᕐᑐᔪᐊᓘᓕᕋᑦᓯ, ᐅᐃᒪᔮᕐᑐᑦ ᐃᒡᓗᒐᓴᒡᔪᐊᕐᒥᐅᑦ ᓂᐱᖏᑎᑐᑦ, ᖁᕕᐊᓱᕕᒡᔪᐊᕐᑐᑎᑐᑦ ᓄᓇᓕᒡᔪᐊᒥ, ᑐᖁᑕᐅᓯᒪᔪᑦ ᐃᓕᑦᓯᓐᓂᑦ ᓴᕕᒡᔪᐊᒧᑦ ᑐᖁᕋᕐᑕᐅᓐᖏᓚᑦ ᐅᓇᑕᕐᓂᕐᒧᓪᓘᓐᓃᑦ ᑐᖁᕋᕐᑕᐅᓐᓂᓐᖏᓚᑦ.

ᐂᓮᐊᓯᐅᑉ ᐊᒡᓚᖏᑦ 3:26

ᐃᑎᕐᑕᕐᕕᖏᑦ ᐅᒡᒍᐊᕐᓂᕐᒧᑦ ᕿᐊᔪᒫᕐᐳᑦ; ᐃᒡᓗᒐᓴᒡᔪᐊᓪᓗ ᐊᓐᓄᕅᔭᕐᑕᐅᓯᒪᔪᑎᑐᑦ ᒪᓂᖅᑲᒥ ᐃᒃᓯᕙᑐᐃᓐᓇᓕᕐᑐᑎᑐᑦ ᑍᒤᑦᓱᒫᕐᐳᑦ.

ᐂᓮᐊᓯᐅᑉ ᐊᒡᓚᖏᑦ 49:21

ᐃᓱᒪᒃᑯᑦ ᐅᖃᕈᒫᕐᐳᑎᑦ: ‘ᑭᐊ ᒪᑯᓂᖓ ᕿᑐᕐᖓᕐᑖᕐᑎᓐᓂᕐᐹᖓ? ᖁᕕᐊᓇᖏᑦᑐᕐᓯᐅᕐᓗᑕ ᕿᑐᕐᖓᖃᕆᐊᒥᒃ ᐃᓱᒪᓚᐅᖏᒃᑲᓗᐊᕐᑐᖓ, ᓄᓇᒋᓐᖏᑕᑦᑎᓐᓄᓪᓗ ᐊᐅᓪᓚᕈᑦᔭᐅᓯᒪᓪᓗᑕ ᖁᔭᓈᕐᑕᐅᓪᓗᑕᓗ, ᑭᐊᓕ ᒪᑯᐊ ᐱᕈᕐᓴᔭᕕᓂᖏᑦ? ᑕᑯᒋᑦ, ᐃᓄᑑᓚᐅᕐᑐᖓ; ᒪᑯᐊᓕ ᓇᑭᑦ ᓴᖅᑭᑦᑐᐊᓗᐃᑦ?’”

ᐂᓮᐊᓯᐅᑉ ᐊᒡᓚᖏᑦ 50:5

ᐊᑕᓂᐅᑉ ᒎᑎᐅᑉ ᑐᑭᓯᔪᓐᓇᕐᓂᖃᕐᑎᑉᐹᖓ; ᐊᑭᕋᕐᑐᓚᐅᓐᖏᓚᖓ, ᑐᓄᐃᓚᐅᕐᓇᖓᓗ.

ᐂᓮᐊᓯᐅᑉ ᐊᒡᓚᖏᑦ 52:2

ᓴᓃᔭᕐᓗᑎᑦ ᒪᑭᓕᕆᑦ; ᐊᐅᓪᓚᕈᑦᔭᐅᓯᒪᓚᐅᕐᑐᑎᑦ ᔨᕉᓴᓕᒻ; ᐊᕐᓵᕐᑑᔧᓪᓗ ᖁᖓᓯᕐᓃᑦᑐᑦ ᐲᔭᕐᓗᒋᑦ, ᑎᒍᔭᐅᓯᒪᓚᐅᕐᑐᑎᑦ ᓮᐅᓂᐅᑉ ᐸᓂᖓ.

ᐂᓮᐊᓯᐅᑉ ᐊᒡᓚᖏᑦ 52:7

ᖁᕕᐊᓇᕐᐳᖅ ᖃᖅᑲᑎᒍᑦ ᐊᓚᒃᑲᕐᑐᖃᖃᑦᑕᓕᕌᖓᑦ ᐅᓪᓚᒃᑐᒥᒃ ᑐᓴᕈᒥᓇᕐᑐᒥᒃ ᐅᖃᕆᐊᕐᑐᕐᑐᒥᒃ, ᓮᒪᓇᕐᑐᒥᒃ ᑐᓴᕐᑎᑦᓯᔭᕐᑐᕐᑐᒥᒃ, ᐊᓕᐊᓁᑦᑐᓂᒃ ᐅᖃᕆᐊᕐᑐᕐᑐᒥᒃ ᐱᐅᔪᓂᒃ, ᐱᐅᓕᔭᐅᓛᕐᓂᕅᔪᓂᒃ, ᐅᖃᕐᓗᑎᒡᓗ ᓮᐅᓂᒧᑦ, “ᒎᑎᓯ ᐊᐅᓚᑦᓯᔨᐅᕗᖅ.”

ᐂᓮᐊᓯᐅᑉ ᐊᒡᓚᖏᑦ 54:4

ᑲᑉᐱᐊᓱᒃᑍᓕᒋᑦᓯ, ᑲᓐᖑᓇᕐᑐᒧᐊᕐᑎᑕᐅᓂᐊᓐᖏᓚᓯ; ᓇᓗᓕᕐᑎᑕᐅᓂᐊᓐᖏᓚᓯᓗ, ᑲᓐᖑᓱᒃᑎᑕᐅᓂᐊᕋᓯᓗ; ᐅᕕᒐᕐᑑᓂᑦᓯᓐᓄᑦ ᑲᓐᖑᓇᕐᑐᒦᓐᓂᕆᕙᓚᐅᕐᑕᓯ ᐳᐃᒍᕈᒫᕐᐸᓯ; ᐅᐃᒡᒐᕐᓂᐅᓂᑦᓯᓐᓄᑦ ᓇᕐᕈᓇᕈᑎᒋᓚᐅᕐᑕᓯ ᐃᖅᑲᐅᒪᔪᓐᓁᕈᒫᕐᐸᓯ.

ᔨᕆᒤᐊᐅᑉ ᐊᒡᓚᖏᑦ 31:7

ᐃᒫᒃ ᐊᑕᓂᖅ ᐅᖃᕐᐳᖅ, “ᔧᑯᒃᑯᑦ ᖁᕕᐊᓲᑎᒋᓗᒋᑦ ᐃᓐᖏᕆᑦᓯ, ᓂᐱᖅᑯᕐᑐᓗᓯ ᓂᓪᓕᐊᑦᔪᑎᒋᓯᐅᒃ ᐃᓅᖃᑎᒌᒡᔪᐊᓂᑦ ᐱᒻᒪᕆᐅᓂᕐᐹᖑᓂᖏᑦ ᐱᑦᔪᑎᒋᓗᒋᑦ, ᓂᕐᑐᐃᓂᓯ ᑐᓴᕐᑕᐅᑎᓯᐅᒃ, ᐅᖃᕐᓗᓯᓗ, ‘ᐊᑕᓃᖅ ᐃᓄᖁᑎᑎᑦ ᐱᐅᓕᒃᑭᑦ ᐃᓴᕆᐊᓕᒥᐅᑦ ᐊᒥᐊᒃᑯᒋᔭᖏᑦ.’

ᔨᕆᒤᐊᐅᑉ ᐊᒡᓚᖏᑦ 40:9

ᒋᑕᓔᐊᐅᑉ ᐊᕼᐂᑲᐅᑉ ᐃᕐᓂᖓᑕ ᓴᕙᓂᐅᑉ ᐃᕐᖑᑕᖓᑕ ᐊᖏᕐᕕᒋᕔᑦ ᓯᕘᕋᖏᓪᓗᑎᒃ ᐹᐱᓘᓂᒥᐅᓄᑦ ᐃᓄᖁᑎᒋᔭᐅᖁᓪᓗᒋᑦ, ᐅᖃᕐᓗᓂ, “ᓯᕘᕋᖏᓪᓗᓯ ᑲᐅᓪᑎᐊᒥᐅᓄᑦ ᐃᓄᖁᑎᒋᔭᐅᓕᕆᑦᓯ ᓄᓇᑖᕐᑐᕐᓗᓯᓗ ᐹᐱᓘᓂᒥᐅᑦ ᐊᖓᔪᖅᑳᕐᔪᐊᖓᑦ ᐊᐅᓚᑦᓯᔨᒋᓗᒍ, ᑕᕝᕙ ᖃᓄᐃᑕᐅᓂᐊᓐᖏᓚᓯ.

ᔨᕆᒤᐊᐅᑉ ᐊᒡᓚᖏᑦ 42:2

ᔨᕆᒤᐊᒧᓪᓗ ᐅᖃᕐᐳᑦ, “ᑐᒃᓯᕋᐅᑎᒋᔪᒪᔭᑦᑎᓐᓂᒃ ᐊᖏᕐᑕᐅᔪᒪᒐᓗᐊᕋᑦᑕ, ᑐᒃᓯᐅᑦᔭᐅᔪᒪᓪᓗᑕ ᐊᑕᓂᕐᒧᑦ ᒎᑎᑦᑎᓐᓄᑦ, ᐃᓅᔪᑑᓕᕐᑐᒍᑦ ᑐᒃᓯᐅᑦᔭᐅᔪᒪᒐᑦᑕ, ᐃᓄᒋᐊᓚᐅᕋᓗᐊᕐᓗᑕ ᖃᑦᓰᓐᓇᐅᓕᕋᑦᑕ ᑕᑯᓐᓇᕋᕕᑦ.

ᔨᕆᒤᐊᐅᑉ ᐊᒡᓚᖏᑦ 44:2

ᐃᒫᒃ ᕿᓚᖕᒥᐅᒐᓴᒡᔪᐃᑦ ᐊᑕᓂᖓ, ᐃᓴᕆᐊᓕᒥᐅᑦ ᒎᑎᖓᑦ ᐅᖃᕐᐳᖅ, “ᑕᑯᓯᒪᓕᕐᐳᓯ ᔨᕉᓴᓕᒥᐅᑦ ᐊᓯᕈᕐᑕᐅᓯᒪᓂᖏᓐᓂᒃ ᔫᑕᐅᓪᓗ ᓄᓇᖓᓂ ᓄᓇᓕᐅᔪᑦ, ᒫᓐᓇᓕ ᓄᓇᓕᕕᓂᑐᐃᓐᓇᐅᓕᕐᒪᑕ ᐃᓄᖃᕋᑎᒡᓗ.

ᔨᕆᒤᐊᐅᑉ ᐊᒡᓚᖏᑦ 44:6

ᓂᓐᖓᕕᒃᔪᐊᕐᓂᕋ ᓴᖅᑭᑎᓚᐅᕐᐸᕋ ᔫᑕᒥᐅᓄᑦ ᔨᕉᓴᓕᒥᐅᓄᓪᓗ ᓄᓇᓖᓪᓗ ᐃᑯᐊᓪᓚᒃᑕᐅᑎᓚᐅᕐᐸᒃᑲ, ᓄᓇᓕᕕᓂᑐᐃᓐᓇᐅᓕᕐᐳᑦ ᐅᓪᓗᒥ ᑕᑯᓪᓗᒋᓪᓗ ᑕᑯᔪᒥᓇᓐᖏᓚᑦ.

ᔨᕆᒤᐊᐅᑉ ᐊᒡᓚᖏᑦ 50:23

ᓄᓇᕐᔪᐊᕐᒥᐅᓂᒃ ᓯᖁᑦᑎᕆᓚᐅᕐᑐᑦ ᑲᐅᑕᕐᑎᑐᑦ, ᓯᖁᒥᑕᐅᓯᒪᕗᖅ, ᐹᐱᓘᓂ ᓱᓇᖃᕈᓐᓃᕐᐳᖅ ᐃᓅᖃᑎᒌᒡᔪᐊᑦ ᓴᓂᐊᓂ.

ᔨᕆᒤᐊᐅᑉ ᐊᒡᓚᖏᑦ 9:11

ᔨᕉᓴᓕᒻ ᓄᓇᓕᕕᓂᑐᐃᓐᓇᐅᓕᕐᑎᑦᓱᒫᕐᐸᕋ, ᐊᒪᕉᔮᕐᑐᓄᑦ ᑲᑦᔭᓄᑦ ᓯᑎᖃᕐᕕᒃᓴᓐᖑᕐᑎᓪᓗᒍ, ᔫᑕᐅᑉ ᓄᓇᓕᖁᑎᕕᓂᖏᑦ ᓯᖁᑦᑎᕐᓯᒪᔪᐃᓐᓇᓐᖑᕐᑎᑦᓱᒫᕐᐸᒃᑲ, ᓄᓇᖃᕐᕕᒃᓴᐅᔪᓐᓃᕐᓗᓂᓗ ᐃᓄᖕᓄᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 1:19

ᑕᐱᕆᖃᑦᑕᓚᐅᕐᑕᒃᑲ ᐃᑲᔪᕐᑎᒋᔪᒪᒐᓗᐊᕋᒃᑭᑦ, ᐊᕕᑉᐹᖓ, ᑐᓂᕐᕈᓯᕐᑎᑦᓯᔨᖁᑎᒃᑲ ᐊᖓᔪᖅᑳᖁᑎᒃᑲᓗ ᐱᕐᓕᕋᕐᐳᑦ, ᐃᒡᓗᒐᓴᒡᔪᐊᓂ ᕿᓂᕋᓗᐊᕐᓗᑎᒃ ᓂᕿᒃᓴᒥᖕᓂᒃ ᐃᓅᑦᔪᑎᒋᓂᐊᕐᑕᒥᖕᓂᒃ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:1

ᐊᑕᓂᐅᑉ ᓮᐅᓂ ᐅᓕᒃᐹ ᓂᓐᖓᐅᒪᓂᕐᒥᓂᒃ, ᓮᐅᓂᐅᓪᓗ ᐸᓂᖓ ᑲᓐᖑᓱᒃᑎᑉᐹ! ᐃᓴᕆᐊᓕᒥᐅᑦ ᐃᓂᖁᓇᕐᓂᖓ ᐊᓯᐅᑎᑉᐸᑦ ᓇᕐᕈᓇᕐᓂᕐᐸᐅᓕᕐᑎᓪᓗᒍ, ᓂᓐᖓᕕᒃᔪᐊᕐᓂᖓᑕ ᓇᓪᓕᐅᑎᓯᒪᓂᖓᓄᑦ ᑐᒃᓯᐊᕐᕕᒡᔪᐊᖁᑎᖃᕐᓂᓂ ᐊᒡᓛᑦ ᐳᐃᒍᕐᐹ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 2:10

ᓮᐅᓂᐅᓪᓗ ᐊᖓᔪᖅᑳᖏᑦ ᓂᓪᓕᐊᑦᔪᑎᒃᓴᖃᕈᓐᓁᕋᒥᒃ ᒪᓂᖅᑲᒥ ᐃᒃᓯᕚᑐᐃᓐᓇᓕᕐᐳᑦ, ᐊᕐᔭᓕᓂᕐᓂᒃ ᓂᐊᖁᕐᒥᓄᐊᖅᑬᕗᑦ ᐆᒪᔪᓪᓗ ᒥᖅᑯᕕᓂᖏᓐᓂᒃ, ᓴᓇᓯᒪᔪᓂᒃ ᐊᓐᓄᕌᑲᕐᓗᑎᒃ, ᔨᕉᓴᓕᐅᑉ ᐊᕐᓇᖁᑎᖏᑦ ᒪᓂᖅᑲᒧᑦ ᐅᑯᖓᕗᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 4:1

ᒎᓘᑉ ᐱᔪᒥᓇᕐᓂᕆᓚᐅᕐᑕᖓ ᐱᔪᒥᓇᕈᓐᓃᕐᓯᒪᕗᖅ, ᐅᔭᕋᑦᓯᐊᕔᓪᓗ ᐊᑭᑐᔪᒃᓴᔧᑦ ᓇᓂᑐᐃᓐᓇᖅ ᐊᖅᑯᑎᓂ ᑕᒫᓃᕐᕆᑐᐃᓐᓇᕐᐳᑦ.

ᔨᕆᒤᐊᐅᑉ ᐅᒡᒍᐊᕐᓂᖏᑦ 5:16

ᓂᐊᖂᑏᑦ ᓂᐊᖁᑦᑎᓐᓂᑦ ᑲᑕᒃᓯᒪᕗᑦ, ᑲᑉᐱᐊᓐᓇᒦᒃ ᐊᔪᕐᑐᓕᓚᐅᕋᑦᑕ!

ᐃᓯᑭᐊᓕᐅᑉ ᐊᒡᓚᖏᑦ 26:16

ᑕᕝᕙ ᓯᒡᔭᒥᐅᑦ ᐊᖓᔪᖅᑳᕐᔪᐊᖏᑦ ᐃᒃᓯᕙᐅᑕᕐᔪᐊᕐᒥᖕᓂᒃ ᕿᒤᔪᒫᕐᐳᑦ, ᐊᓐᓄᕌᒥᖕᓂᒡᓗ ᐊᖓᔪᖅᑳᕐᔪᐊᕐᓯᐅᑎᓂᒃ ᐲᔧᔪᒫᕐᐳᑦ, ᑕᑯᒥᓇᕐᓴᐅᑎᓖᓪᓗ ᐊᓐᓄᕌᑦ ᐲᔭᕐᓗᒋᑦ; ᓴᔪᖕᓂᕐᒥᒡᓗ ᐊᓐᓄᕌᖔᕈᒫᕐᐳᑦ; ᒪᓂᖅᑲᒥᓗ ᐃᒃᓯᕚᕈᒫᕐᐳᑦ ᓴᔪᑐᐃᓐᓇᓕᕐᓗᑎᒃ, ᐃᓕᑦᓯᓐᓂᒃ ᑲᒪᓂᐊᕐᓂᕐᒧᑦ.

ᐃᓯᑭᐊᓕᐅᑉ ᐊᒡᓚᖏᑦ 26:2

“ᐃᓅᑉ ᐃᕐᓂᖓ, ᑍᕆᒥᐅᑦ ᐅᖃᐅᓯᖃᓚᐅᕐᒪᑕ ᔨᕉᓴᓕᒥᒃ, ᐅᖃᕐᓗᑎᒃ ‘ᐋᕼᐊ, ᐃᓄᐃᑦ ᐃᑎᕐᑕᕐᕕᖓᑦ ᓯᖁᒥᑕᐅᕗᖅ, ᐅᕙᑦᑎᓐᓄᑦ ᒪᑐᐃᕐᐳᑦ; ᐱᑖᕈᓐᓇᕐᓂᐊᓕᕐᐳᒍᑦ ᑕᕝᕙᓐᖓᑦ, ᒫᓐᓇ ᐊᓯᕈᕐᑕᐅᓯᒪᓕᕐᒪᑕ.’

ᐃᓯᑭᐊᓕᐅᑉ ᐊᒡᓚᖏᑦ 5:5

ᐊᑕᓂᖅ ᒎᑎ ᐃᒫᒃ ᐅᖃᕐᐳᖅ: “ᑕᕝᕙ ᔨᕉᓴᓕᒻ; ᐃᓅᖃᑎᒌᒡᔪᐊᑦ ᕿᑎᖓᓃᑎᓚᐅᕐᐸᕋ, ᓄᓇᓕᒐᓴᒡᔪᐊᓂᒃ ᐊᕙᑎᒥᐅᑕᖃᐅᕐᑎᓪᓗᒍ.

ᒨᓯᓯ ᐱᖓᔪᖏᑦ 26:31

ᐃᒡᓗᒐᓴᒡᔪᐊᓯ ᓯᖁᑦᑎᕐᓂᐊᕐᐸᒃᑲ, ᑐᒃᓯᐊᕐᕕᒃᓯᓗ ᐊᓯᕈᕐᓗᒋᑦ, ᑐᓂᕐᕈᑎᓯᓗ ᐆᑕᒃᓮᑦ ᐃᓚᓕᐅᕐᓂᐊᓐᖏᓚᒃᑲ.

ᒨᓯᓯ ᐱᖓᔪᖏᑦ 26:33

ᓄᓇᓖᑦ ᐊᓯᖏᓐᓄᑦ ᐃᓅᖃᑎᒌᒡᔪᐊᓄᑦ ᐊᐅᓪᓚᕐᑎᓪᓗᓯ ᓯᐊᒻᒪᕐᑎᑦᓱᒫᕐᐸᑦᓯ, ᐅᓇᑕᕐᓂᕐᒥᒃᓗ ᓴᖅᑭᑎᑦᓯᓗᖓ. ᓄᓇᖁᑎᓯ ᐃᓄᖃᕈᓐᓁᕐᓗᑎᒃ ᐃᒡᓗᒐᓴᒡᔪᐊᓯ ᓯᖁᒥᓯᒪᒐᔭᕐᐳᑦ.

ᔨᐸᓁᐊᐅᑉ ᐊᒡᓚᖏᑦ 2:15

ᑖᓐᓇ ᐃᒡᓗᒐᓴᒃ ᖁᕕᐊᓱᒃᐳᖅ ᐃᓄᖏᓪᓗ ᐃᓂᓪᓚᖓᑦᓯᐊᕐᐳᑦ, ᐆᒻᒪᑎᒥᒍᑦ ᐅᖃᕐᑐᒧᑦ, “ᑖᓐᓇᐅᕗᖓ, ᐊᓯᓐᓂᒃ ᐱᑕᖃᓐᖏᓚᖅ.” ᖃᓄᐃᒻᒪᓖ ᕿᒪᒃᑕᐅᓯᒪᕚ? ᐆᒪᔪᓕᒫᓄᑦ ᐊᖁᐱᕕᐅᑐᐃᓐᓇᓕᕐᑐᖅ! ᑕᕝᕘᓇ ᐊᖅᑯᓵᕐᑐᓕᒫᑦ ᐅᖃᕐᓂᕐᓘᑎᖃᕈᒫᕐᐳᑦ ᐃᓵᒡᓗᑎᒡᓗ ᐅᕐᓕᕈᒫᕐᐳᑦ.

ᔪᐊᓇᓯᐅᑉ ᑕᑯᑎᑕᐅᓂᖏᑦ 18:7

ᐃᒻᒥᓂᒃ ᓂᕐᑐᕐᓇᕐᑎᓚᐅᕐᒪᑦ ᐊᔪᕐᓴᖏᑦᑐᕐᔪᐊᖑᓕᕐᓗᓂᓗ, ᑍᒫᒃᑕᐅᖅ ᐅᖁᒤᑦᑐᒧᑦ ᐋᓐᓂᐊᑎᑕᐅᓂᕐᒧᑦ ᕿᒃᓵᖕᓇᕐᑐᒧᐊᕐᑕᐅᓕᕐᓕ. ᐆᒻᒪᑎᒥᒍᑦ ᐃᓱᒪᕙᖕᒪᑦ, ‘ᐃᒃᓯᕙᕗᖓ ᐊᖓᔪᖅᑳᕐᔪᐊᖑᕕᖕᒥ ᐅᐃᒡᒐᕐᓂᐅᖏᓐᓇᒪ, ᕿᒃᓵᖕᓇᕐᑐᒥᒃ ᖃᐅᔨᓚᐅᕐᓯᒪᓂᐊᓐᖏᓚᖓ.’