ᔮᓱᐊᑉ ᐊᒡᓚᖏᑦ 9:6 - ᐊᒡᓔᑦ ᐃᑦᔪᕐᖕᓁᑦᑐᑦ

⁶ ᔮᓱᐊᓪᓗ ᑕᖕᒫᕐᓯᒪᕕᖓᓄᑦ ᒋᐅᓪᒐᐅᓪᒧᑦ ᐂᕗᑦ, ᐅᖃᕐᓗᑎᒡᓗ ᔮᓱᐊᒧᑦ ᐃᓴᕆᐊᓕᒥᐅᓄᓪᓗ, “ᐅᖓᓯᒃᑐᒥᑦ ᓄᓇᒥᑦ ᐱᕗᒍᑦ; ᐊᖏᖃᑎᖃᕈᒪᒐᑦᑕ ᐃᓕᑦᓯᓐᓂᒃ.”

ᔮᓱᐊᑉ ᐊᒡᓚᖏᑦ 9:6 Iomraidhean Croise

ᐊᑕᓃᑦ ᓯᕗᓪᓖᑦ 8:41

“ᓱᓕᓗ ᓄᓇᖅᑲᑎᑐᖃᕆᓐᖏᑕᕗᑦ ᐃᓄᖁᑎᖕᓂᑦ ᐃᓴᕆᐊᓕᒥᐅᓂᑦ ᐱᓯᒪᖏᑦᑐᑦ ᑎᑭᖃᑦᑕᓕᕋᔭᕐᐳᑦ ᐅᖓᓯᒃᑐᒥᑦ ᐊᑏᑦ ᑎᑭᑦᔪᑎᒋᓗᒍ

ᐊᑕᓃᑦ ᐂᑉᐸᖏᑦ 20:14

ᑕᕝᕙ ᒎᑎᐅᑉ ᐱᔪᖃᓛᕐᑐᒥᒃ ᐅᖃᕐᑎᖓ ᐂᓮᐊᓯ ᐊᖓᔪᖅᑳᕐᔪᐊᕐᒧᑦ ᐃᓯᑬᐊᒧᐊᕐᓗᓂ ᐊᐱᕆᕚ, “ᓇᑭᓄᑯᐊ ᐊᖑᑏᑦ ᐱᓯᒪᔪᑦ, ᖃᓄᖅ ᐅᖃᐅᓯᖃᕐᐸᑦ ᐃᓕᖕᓄᑦ?” ᕼᐃᓯᑬᐊᐅᑉ ᑭᐅᕚ, “ᐅᖓᓯᒃᑐᕐᔪᐊᕐᒥᑦ ᓄᓇᒥᑦ ᐹᐱᓘᓂᒥᑦ ᑕᒪᐅᖓ ᑎᑭᓯᒪᕗᑦ.”

ᔮᓱᐊᑉ ᐊᒡᓚᖏᑦ 10:43

ᑕᕝᕙ ᔮᓱᐊᒃᑯᑦ ᐅᓇᑕᕐᑎᓕᒫᖏᓪᓗ ᐅᑎᕐᐳᑦ ᑕᖕᒫᕐᓯᒪᕕᖕᒥᓄᑦ ᒋᐅᓪᒐᐅᓪᒧᑦ.

ᔮᓱᐊᑉ ᐊᒡᓚᖏᑦ 10:6

ᒋᐱᐅᓂᒥᐅᓪᓗ ᐅᖃᕆᐊᕐᑐᕐᑎᑦᓯᕗᑦ ᔮᓱᐊᒧᑦ ᑕᖕᒫᕐᓯᒪᑎᓪᓗᒋᑦ ᒋᐅᓪᒐᐅᓪᒥ ᐅᖃᕐᓗᑎᒃ: “ᑲᒪᒋᖏᑦᑑᑦᑍᓕᑎᒍᑦ ᐊᖓᔪᖅᑳᒃ; ᕾᑦᓴᐅᑎᒋᓚᐅᕆᑦ ᐃᑲᔪᕆᐊᕐᓗᑕ, ᐱᐅᓕᓚᐅᕐᑎᒍᑦ ᐊᒧᕅᑎᒥᐅᑦ ᐊᖓᔪᖅᑳᕐᔪᐊᓕᒫᖏᑦ ᖃᖅᑲᒥᐅᑍᑦ ᑕᐱᕇᒃᓗᑎᒃ ᐅᓇᑕᕆᐊᓕᕐᒪᑕ ᐅᕙᑦᑎᓐᓂᒃ.”

ᔮᓱᐊᑉ ᐊᒡᓚᖏᑦ 4:19

ᐃᓄᐃᑦ ᐃᑳᓚᐅᕐᐳᑦ ᑰᖕᒥᒃ ᔪᐊᕐᑕᓂᒥᒃ ᑕᖅᑭᐅᑉ ᓯᕗᓪᓕᕐᐹᖓᑕ ᐅᓪᓗᖓᑕ 10ᖓᓂ, ᑕᖕᒫᕐᓗᑎᒡᓗ ᒋᐅᓪᒐᐅᓪᒧᑦ ᔨᕆᑰᑉ ᓄᓇᖓᑕ ᑭᒡᓕᖓᓄᑦ ᓯᕿᓂᖓᑕ ᓄᐃᕕᐊᑕ ᓇᓛᓃᑦᑐᒧᑦ.

ᔮᓱᐊᑉ ᐊᒡᓚᖏᑦ 5:10

ᐃᓴᕆᐊᓕᒥᐅᑦ ᑕᖕᒫᕐᓯᒪᓪᓗᑎᒃ ᒋᐅᓪᒐᐅᓪᒥ ᓇᑎᕐᓇᒦᑦᑐᒥ ᔨᕆᑰᑉ ᓴᓂᐊᓂ, ᓇᓪᓕᐅᓐᓂᕐᓯᐅᓚᐅᕐᐳᑦ ᖄᖏᕐᑕᐅᕕᐅᑉ ᓇᓪᓕᐅᓂᖓᓂᒃ ᑕᖅᑭᐅᑉ ᐅᓪᓗᖓᑕ 14ᖓᓂ ᐅᓐᓄᒃᑎᓪᓗᒍ.

ᔮᓱᐊᑉ ᐊᒡᓚᖏᑦ 9:5

ᐊᓐᓄᕌᕕᓂᑐᖃᕐᓂᒃ ᐊᑎᕗᑦ, ᐃᑎᒐᐅᔭᕐᓗᑎᒡᓗ ᐃᓛᕐᑐᕐᓯᒪᔪᓂᒃ; ᓂᐊᖂᔭᓂᒡᓗ ᓇᒃᓴᕐᐳᑦ ᐸᓂᕐᑐᓂ ᐅᖁᒃᓯᒪᔪᓂᒃ.

ᔮᓱᐊᑉ ᐊᒡᓚᖏᑦ 9:9

ᑖᒃᑯᐊ ᐅᖃᐅᑎᕚᑦ, “ᓄᓇᒥᑦ ᐅᖓᓯᒃᑐᒥᑦ ᐱᓯᒪᕗᒍᑦ, ᑐᓴᓚᐅᕋᑦᑕ ᐊᑕᓂᕐᒥᒃ ᒎᑎᑦᓯᓐᓂᒃ, ᑐᓴᕐᑎᑕᐅᓯᒪᒐᑦᑕ ᑖᑦᓱᒥᖓ, ᐱᓂᐊᕐᓂᕆᓯᒪᔭᓕᒫᖏᓐᓂᒡᓗ ᐄᑦᔨᑉᑎᒥ,