ᔮᓱᐊᑉ ᐊᒡᓚᖏᑦ 9:27 - ᐊᒡᓔᑦ ᐃᑦᔪᕐᖕᓁᑦᑐᑦ

²⁷ ᐅᓪᓗᒥ ᑖᑦᓱᒪᓂ ᔮᓱᐊᑉ ᐱᔨᓐᖑᕐᑎᓚᐅᕐᐰᑦ, ᕿᔪᖕᓂᒃ ᓇᑲᑎᕆᔨᓐᖑᕐᓗᑎᒃ ᐃᒥᕐᑕᕐᑎᐅᓕᕐᓗᑎᒡᓗ ᐃᓴᕆᐊᓕᒥᐅᓄᑦ ᐊᑕᓂᐅᓪᓗ ᑐᓂᕐᕈᓯᕐᕕᖁᑎᖓᓄᑦ, ᐅᓪᓗᒥᒧᑦ ᑎᑭᓪᓗᒍ ᓱᓕ ᑍᒤᓕᐅᕐᐳᑦ ᐊᑕᓂᐅᑉ ᑐᒃᓯᐊᕆᐊᕐᑐᕐᕕᐅᖁᔭᖓᓄᑦ, ᐱᓇᓱᐊᕐᑎᐅᓪᓗᑎᒃ.

ᔮᓱᐊᑉ ᐊᒡᓚᖏᑦ 9:27 Iomraidhean Croise

ᑯᕉᓂᑲ ᐂᑉᐸᖏᑦ 2:16

ᕿᔪᖕᓂᒡᓗ ᓇᑲᑎᕆᔪᓐᓇᕐᐳᒍᑦ ᓕᐸᓇᓂᒥᑦ ᐱᔭᕆᐊᖃᕐᑕᓕᒫᕐᓂᒃ, ᓇᒃᓯᐅᑎᔪᓐᓇᕐᐸᕗᑦ ᐃᒪᒃᑯᑦ ᐅᓯᑲᕐᑕᐅᑎᒃᑰᕐᑎᓪᓗᒋᑦ ᔮᐸᒧᑦ, ᑍᑲᓐᖓᓪᓕ ᔨᕉᓴᓕᒧᐊᕈᑎᔪᒫᕋᕕᒋᑦ.”

ᒨᓯᓯ ᓯᑕᒪᖏᑦ 31:28

ᐅᓇᑕᕆᐊᕐᓯᒪᓚᐅᕐᑐᑦ, ᑐᓂᔭᒃᓴᒥᖕᓂᒃ ᐊᑕᓂᕐᒧᑦ ᓴᓂᕐᕔᔭᕆᐊᖃᕐᐳᑦ, ᐱᑖᒥᖕᓂᑦ 500ᓂᑦ ᐊᑕᐅᓯᕐᒥᒃ, ᐃᓄᖕᓂᒃ, ᐃᒻᒧᕐᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᒎᑦᓯᓂᒡᓗ ᐆᒪᔪᓂᒡᓗ ᐊᓯᖏᓐᓂᒃ.

ᒨᓯᓯ ᓯᑕᒪᖏᑦ 31:30

ᐃᓴᕆᐊᓕᒥᐅᓪᓗ ᐱᔭᒃᓴᖏᓐᓂᑦ 50ᓂᑦ ᑕᒫᑦ ᐊᑕᐅᓯᕐᒥᒃ ᑎᒍᓯᔭᕆᐊᖃᕐᐳᑎᑦ, ᐃᓄᖕᓂᒃ, ᐃᒻᒧᒃᓯᐅᒐᓂᒡᓗ, ᓯᐅᑎᖅᑯᕐᑐᔪᓂᒡᓗ, ᓰᐱᓂᒡᓗ, ᐆᒪᔪᓕᒫᓪᓗ, ᓕᕔᑎᓄᑦ ᑐᓂᓗᒋᑦ ᐊᑕᓂᐅᑉ ᑐᐱᕐᔪᐊᖁᑎᖓᓂ ᑲᒪᔨᐅᔪᓄᑦ.”

ᒨᓯᓯ ᓯᑕᒪᖏᑦ 31:47

ᐃᓴᕆᐊᓕᒥᐅᓄᑦ ᑐᓂᔭᐅᔪᓂᑦ, ᒨᓯᓯ ᑖᒃᑯᓇᓐᖓᑦ ᐊᑐᓂᑦ ᑎᒍᓯᓚᐅᕐᐳᖅ 50ᐅᓈᕐᑎᕐᑐᓂᒃ, ᐃᓄᖕᓂᒃ, ᐆᒪᔪᓂᒡᓗ, ᑐᓂᓪᓗᒋᓪᓗ ᓕᕔᑎᓄᑦ, ᐊᑕᓂᐅᑉ ᑐᐱᕐᔪᐊᖁᑎᖓᓂᒃ ᑲᒪᔨᐅᔪᓄᑦ, ᑍᒫᑦ ᒨᓯᓯ ᐊᑕᓂᐅᑉ ᐱᖁᓚᐅᕐᒪᒍ.

ᒨᓯᓯ ᑕᓪᓕᒪᖏᑦ 12:11

ᑕᕝᕙᓂᓗ ᐊᑕᓂᖅ ᒎᑎᓯ ᓂᕈᐊᕈᒫᕐᐳᖅ ᐊᑕᐅᓯᕐᒥᒃ ᑖᑦᓱᒧᖓ ᑐᒃᓯᐊᖃᑦᑕᕐᕕᒃᓴᑦᓯᓐᓂᒃ, ᑕᕝᕙᓂ ᑐᓂᓯᖃᑦᑕᕐᕈᒫᕐᐳᓯ ᐃᓕᑦᓯᓐᓄᑦ ᐱᖁᔨᑦᔪᑎᒋᓯᒪᔭᓕᒫᓐᓂᒃ: ᑐᓂᕐᕈᑎᒃᓴᑦᓯᓐᓂᒃ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᑐᓂᕐᕈᑎᒃᓴᑦᓯᓐᓂᒃ ᑐᓂᓯᔪᓐᓇᖁᓪᓗᓯ, ᑕᓪᓕᒪᐅᔪᐃᕈᑎᒋᔭᓯᓗ ᐊᓯᖏᓪᓗ ᑐᓂᕐᕈᑎᒃᓴᕆᔭᓯ, ᑐᓂᔭᒃᓴᓯᓗ ᐱᓪᓚᕆᐅᔪᑦ ᐊᑕᓂᕐᒧᑦ ᑐᓂᔭᒃᓴᕆᓪᓗᒋᑦ ᐊᖏᕈᑎᒋᓯᒪᔭᓯ.

ᒨᓯᓯ ᑕᓪᓕᒪᖏᑦ 12:14

ᑕᒪᒃᑯᐊᓕ ᑐᓂᕐᕈᑎᒃᓮᑦ ᑐᓂᔭᒃᓴᕆᕙᓯ ᑐᓂᕐᕈᓯᕐᕕᖕᒥ ᐊᑕᓂᐅᑉ ᓄᓇᒥ ᓂᕈᐊᕐᓯᒪᔭᖓᓂ ᓇᓪᓕᐊᑦᑕ ᑭᖑᕚᕇᑦ ᓄᓇᖁᑎᖓᑦᑕ ᐃᓚᖓᓂ ᐊᓯᐊᓂᐅᖏᑦᑐᖅ. ᑕᕝᕙᓂ ᑭᓯᐊᓂ ᑐᓂᕐᕈᓯᕐᑐᒃᓴᐅᕗᓯ ᐃᑯᐊᓚᑎᑕᒃᓴᓂᒃ ᐊᓯᖏᓐᓂᒡᓗ ᐃᓕᑦᓯᓐᓄᑦ ᐊᑐᕐᑕᐅᖁᓯᒪᔭᓐᓂᒃ.

ᒨᓯᓯ ᑕᓪᓕᒪᖏᑦ 12:5

ᕿᓂᕆᐊᖃᕈᒫᕐᐳᓯᓕ ᐃᓂᒃᓴᒥᒃ ᐊᑕᓂᐅᑉ ᒎᑎᑦᓯ ᓂᕈᐊᕐᑕᖓᓂᒃ ᑭᖑᕚᖑᖃᑎᒌᓕᒫᑦ ᓄᓇᖏᓐᓂ ᐊᑎᖓᑕ ᐃᓂᒃᓴᖓᓂᒃ ᓇᔪᒐᒃᓴᖓᓂᒡᓗ; ᑕᕝᕙ ᑍᑯᖓ ᐂᖃᑦᑕᕆᐊᖃᕈᒫᕐᐳᓯ,

ᔮᓱᐊᑉ ᐊᒡᓚᖏᑦ 9:21

ᑕᕝᕙ ᐅᖃᒃᑲᓐᓂᕐᐳᑦ ᐃᓄᖕᓄᑦ, “ᐃᓅᑎᓕᕐᓚᕗᑦ,” ᕿᔪᖕᓂᒡᓕ ᓇᑲᑎᕆᔨᐅᓕᓚᐅᕐᐳᑦ ᐃᒥᕐᑕᕐᑎᐅᓪᓗᑎᒡᓗ ᐃᓄᓕᒫᓄᑦ, ᓯᕗᓕᕐᑏᑦ ᐊᖏᖃᑎᖃᕐᓯᒪᖕᒪᑕ ᑖᒃᑯᓂᖓ.

ᔮᓱᐊᑉ ᐊᒡᓚᖏᑦ 9:26

ᑕᕝᕙ ᔮᓱᐊ ᐱᓇᓱᐊᓚᐅᕐᐳᖅ ᑖᒃᑯᓄᖓ, ᓴᐳᑎᓚᐅᕐᐰᑦ ᑐᖁᑕᐅᖁᓇᒋᑦ ᐃᓴᕆᐊᓕᒥᐅᓄᑦ; ᑖᒃᑯᐊᓗ ᑐᖁᑕᐅᓚᐅᓐᖏᓚᑦ.