ᔮᓱᐊᑉ ᐊᒡᓚᖏᑦ 9:14 - ᐊᒡᓔᑦ ᐃᑦᔪᕐᖕᓁᑦᑐᑦ

¹⁴ ᐃᓴᕆᐊᓕᒥᐅᑦ ᐊᖏᖃᑎᖃᓚᐅᕐᐳᑦ ᑖᒃᑯᓂᖓ ᓂᕿᖏᓐᓂᒡᓗ ᐱᓪᓗᑎᒃ, ᑭᓯᐊᓂᓕ ᐊᑕᓂᕐᒥᒃ ᖃᐅᔨᒋᐊᓚᐅᓐᖏᓚᑦ.

ᔮᓱᐊᑉ ᐊᒡᓚᖏᑦ 9:14 Iomraidhean Croise

ᓴᒧᐃᓕ ᐂᑉᐸᖏᑦ 2:1

ᑕᒪᑐᒪ ᑭᖑᕐᖓᓂ ᑍᕕᑎᐅᑉ ᐊᑕᓂᖅ ᐊᐱᕆᕚ, “ᔫᑕᐅᑉ ᓄᓇᓕᖁᑎᖏᓐᓄᑦ ᐂᔪᒃᓴᐅᕗᖔ ᐊᐅᓚᒋᐊᕐᑐᓕᕐᓗᒋᑦ?” ᐊᑕᓂᖅ ᑭᐅᕗᖅ, “ᐂᔪᓐᓇᕐᐳᑎᑦ.” ᑍᕕᑎ ᐊᐱᕆᕗᖅ, “ᓇᓪᓕᐊᓐᓄᑦ ᓄᓇᓕᖕᓄᑦ?” ᐊᑕᓂᖅ ᐅᖃᕐᐳᖅ, “ᕼᐃᐸᕋᓐᒧᑦ.”

ᓴᒧᐃᓕ ᐂᑉᐸᖏᑦ 5:19

ᑍᕕᑎᓗ ᐊᑕᓂᕐᒥᒃ ᐊᐱᕐᓱᓚᐅᕐᐳᖅ, “ᐅᓇᑕᕆᐊᕈᓐᓇᕐᐳᖔ ᐱᓕᔅᑍᓂᒥᐅᓂᒃ? ᑖᒃᑯᓂᖓ ᓵᓚᖃᕐᑎᓐᓂᐊᕐᐱᖔ?” ᐊᑕᓂᖅ ᑭᐅᕗᖅ, “ᐊᑏ ᐅᓇᑕᕆᐊᓕᕆᑦ; ᓵᓚᖃᕐᑎᓐᓂᐊᕐᐸᒋᑦ ᐱᓕᔅᑍᓂᒥᐅᓂᒃ.”

ᐄᓱᕋᐅᑉ ᐊᒡᓚᖏᑦ 8:21

ᑰᖕᒥ ᓴᓇᔭᐅᓯᒪᔪᒥ ᐊᕼᐋᕙᒥ ᐱᖁᔨᓚᐅᕐᐳᖓ ᓂᕆᑦᑍᓕᖁᓪᓗᑕ ᒥᑭᓕᑎᕐᓗᑕᓗ ᓇᖕᒥᓂᑦᑎᓐᓂᒃ ᒎᑎᑦᑕ ᓵᖓᓂ, ᑕᓯᐅᕐᑕᐅᔪᒪᓪᓗᑕ ᐃᖏᕐᕋᓂᑦᑎᓐᓂ ᓴᐳᑎᔭᐅᓯᒪᖁᓪᓗᑕᓗ ᕿᑐᕐᖓᕗᑦ ᐱᖁᑎᕗᓪᓗ ᑖᑦᓱᒧᖓ.

ᒨᓯᓯ ᐂᑉᐸᖏᑦ 28:30

ᑕᕝᕗᖓ ᓴᒡᕕᖕᒥᐅᑕᕐᒧᑦ ᐃᓕᓯᔪᒃᓴᐅᕗᓯ ᖃᐅᔨᓇᓱᐊᕈᑎᒃᓵᖕᓂᒃ ᒪᕐᕉᖕᓂᒃ ᑍᔭᐅᔫᖕᓂᒃ ᔪᕆᒻ ᐊᒻᒪᓗ ᑕᐅᒪᒻᒥᒃ, ᐂᕉᓂ ᐃᑎᓕᕈᓂ ᐃᑦᔪᕐᓁᑦᑐᕕᖕᒧᑦ ᐊᑕᓂᐅᑉ ᓵᖓᓄᑦ, ᑖᒃᑯᓂᖓ ᓇᒃᓴᖃᑦᑕᖁᓪᓗᒍ ᑕᕝᕗᖓ; ᑍᒪᓐᖓᑦ ᑖᒃᑯᐊ ᐊᑐᕐᑕᒃᓴᕆᓂᐊᕐᐰᑦ, ᐱᔭᐅᖁᔭᓐᓂᒃ ᖃᐅᔨᓇᓱᒋᐊᖃᓕᕈᓂ ᐃᓴᕆᐊᓕᒥᐅᓄᑦ ᖃᐅᔨᔪᓐᓇᖁᓪᓗᒍ ᑕᒪᒃᑯᓄᖓ ᐊᑕᓂᐅᑉ ᓵᖓᓂ.”

ᒨᓯᓯ ᓯᑕᒪᖏᑦ 27:21

ᑐᓂᕐᕈᓯᕐᑎᑦᓯᔨᐅᑉ ᐃᓕᓯᕆᐅᑉ ᓵᖓᓂ ᓇᖏᕐᓗᓂ, ᐃᓕᓯᕆ ᐊᑕᓂᕐᒥᒃ ᐊᐱᕐᓱᕐᓂᐊᕐᒪᑦ ᐃᓱᒻᒥᕐᑐᐃᓂᕐᒧᑦ ᐊᑐᕐᑕᐅᕙᒃᑐᖅ ᔫᕆᒻ ᐊᑐᕐᓗᒍ; ᐅᖃᕌᖓᑦ ᐊᐅᓪᓚᖃᑦᑕᕐᓂᐊᕐᒪᑕ, ᐅᖃᕌᖓᓪᓗ ᑎᑭᖃᑦᑕᕐᓂᐊᕐᒪᑕ, ᐃᓴᕆᐊᓕᒥᐅᓕᒫᓂᒃ ᐃᓚᖃᕐᓗᓂ ᐃᓄᒋᐊᒃᑐᕐᔪᐊᓂᒃ.”

ᔧᒥᓯᐅᑉ ᐊᒡᓚᖏᑦ 1:5

ᓇᓪᓕᕐᓯᓕ ᓯᓚᑐᓂᕐᒥᒃ ᐊᔪᕐᓴᕈᓂ, ᒎᑎᒧᑦ ᑐᒃᓯᐊᕐᑐᒃᓴᐅᕗᖅ, ᑖᑦᓱᒪ ᑕᑉᕙ ᑐᓂᓯᕕᒋᓂᐊᕐᐹ ᐱᔪᒪᔭᖓᓂᒃ. ᐃᓄᓕᒫᑦ ᑐᓂᓯᕕᒋᕙᖕᒪᒋᑦ ᖁᕕᐊᒋᓪᓗᒋᑦ ᐊᓐᓂᕈᓱᒐᓂᓗ.

ᔮᓱᐊᑉ ᐊᒡᓚᖏᑦ 9:13

ᕔᓂᖃᐅᑎᕗᑦ ᓄᑖᖑᑎᓪᓗᒋᑦ ᐃᒻᒥᓚᐅᕐᑕᕋᓗᐊᕗᑦ, ᑕᑯᓚᐅᕐᓯᒋᑦ, ᐊᓕᒃᑐᕐᓯᒪᓕᕐᑐᑦ, ᐊᓐᓄᕌᕗᓪᓗ ᐃᑎᒐᐅᔭᕗᓪᓗ ᐱᑐᖃᐅᓕᕐᐳᑦ ᐊᑯᓂ ᐃᖏᕐᕋᓂᑦᑎᓐᓄᑦ.”

ᐃᓗᐊᕐᓮᔩᑦ ᐊᒡᓚᖏᑦ 1:1

ᔮᓱᐊᑉ ᑐᖁᓂᖓᑕ ᑭᖑᓂᐊᒍᑦ ᐃᓴᕆᐊᓕᒥᐅᑦ ᐃᓄᖏᑦ ᐊᐱᕆᓕᕐᐳᑦ ᐊᑕᓂᕐᒧᑦ, “ᐃᓴᕆᐊᓕᐅᑉ ᑭᖑᕚᕇᖏᓐᓂᑦ ᓇᓪᓕᐊᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᑬᓇᓂᒥᐅᓂᒃ, ᐅᕙᑦᑎᓐᓂᒃ ᐱᑦᔪᑦᔨᓗᑎᒃ?”

ᐃᓗᐊᕐᓮᔩᑦ ᐊᒡᓚᖏᑦ 20:18

ᐃᓴᕆᐊᓕᒥᐅᑦ ᑐᒃᓯᐊᕆᐊᕐᑐᓚᐅᕐᐳᑦ ᐱᑎᓕᒧᑦ, ᑍᑲᓂᓗ ᒎᑎ ᐊᐱᕐᓱᕐᐹᑦ, “ᓇᓪᓕᕗᑦ ᑭᖑᕚᖑᖃᑎᒌᓂᑦ ᓯᕗᓪᓕᕐᐸᐅᓗᑎᒃ ᐅᓇᑕᕆᐊᕐᑐᒃᓴᐅᕚᑦ ᐱᓐᔭᒥᓂᐅᑉ ᑭᖑᕚᖏᓐᓂᒃ?” ᐊᑕᓂᐅᑉ ᑭᐅᕔᑦ, “ᔫᑕᐅᑉ ᑭᖑᕚᖏᑦ.”

ᐃᓗᐊᕐᓮᔩᑦ ᐊᒡᓚᖏᑦ 20:28

ᐱᓂᕼᐋᓯᓗ, ᐃᓕᓯᕆᐅᑉ ᐃᕐᓂᖓ ᐂᕉᓂᐅᑉ ᐃᕐᖑᑕᖓ, ᑲᒪᔨᐅᓚᐅᕐᐳᖅ ᐅᓪᓗᓂ ᑍᒃᑯᓇᓂ), ᐅᖃᕐᓗᓂ, “ᐅᓇᑕᕆᐊᒃᑲᓐᓂᕆᐊᖃᕐᐱᑖ ᖃᑕᓐᖑᑎᑦᑎᓐᓂᒃ ᐱᓐᔭᒥᓂᐅᑉ ᑭᖑᕚᖏᓐᓂᒃ, ᐅᕝᕙᓘᓐᓃᑦ ᓄᖅᑲᕆᐊᖃᓕᕐᐱᑖ?” ᐊᑕᓂᐅᑉ ᑭᐅᕔᑦ, “ᐅᓇᑕᕆᐊᓕᕆᑦᓯ, ᖃᐅᒃᐸᑦ ᓵᓚᖃᕐᑎᓐᓂᐊᕐᐸᑦᓯ.”

ᓴᒧᐃᓕ ᓯᕗᓪᓖᑦ 22:10

ᐊᐱᕆᓚᐅᕐᐳᕐᓗ ᐊᑕᓂᕐᒧᑦ ᑖᓐᓇ ᐱᑦᔪᑎᒋᓪᓗᒍ, ᑖᑦᓱᒪᓗ ᑐᓂᓚᐅᕐᐹ ᓂᕿᒃᓴᖏᓐᓂᒃ, ᒍᓔᐊᓪᓗ ᐱᓕᔅᑍᓂᒥᐅᑕᐅᑉ ᓴᕕᒡᔪᐊᖓᓂᒃ ᑐᓂᓪᓗᓂᐅᒃ.”