ᔮᓱᐊᑉ ᐊᒡᓚᖏᑦ 8:33 - ᐊᒡᓔᑦ ᐃᑦᔪᕐᖕᓁᑦᑐᑦ

³³ ᐃᓴᕆᐊᓕᒥᐅᓕᒫᑦ, ᐊᖓᔪᖅᑳᖏᓪᓗ ᐅᓇᑕᕐᑐᒃᓮᓪᓗ ᐊᖓᔪᖅᑳᖏᑦ, ᐃᓱᒪᓕᐅᕆᔩᓪᓗ ᓄᓇᓕᑐᖃᐅᖏᑦᑐᓪᓗ ᐃᓚᒋᔭᖏᑦ ᓇᖏᓚᐅᕐᐳᑦ ᐊᑭᓕᕇᒃᓗᑎᒃ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᑕ ᓴᓂᐊᓂ, ᓵᓐᖓᓪᓗᑎᒃ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐊᒡᔭᕐᓯᔪᓄᑦ ᑖᑦᓱᒥᖓ, ᐃᓄᐃᑦ ᐊᕝᕙᖏᑦ ᓇᖏᕐᐳᑦ ᖃᖅᑲᐅᑉ ᒋᕆᔨᐅᑉ ᓵᖓᓂ, ᐊᕝᕙᖏᓪᓗ ᖃᖅᑲᐅᑉ ᐄᐸᐅᑉ ᓵᖓᓃᓪᓗᑎᒃ, ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᑍᒫᒃ ᐱᖁᓚᐅᕐᒪᒋᑦ ᓯᕗᓪᓕᕐᐹᒥᒃ, ᐃᓴᕆᐊᓕᒥᐅᓕᒫᑦ ᓮᒻᒪᕐᑕᐅᕕᒃᓴᖓᑦ ᓇᓪᓕᐅᑎᒃᐸᑦ.

ᔮᓱᐊᑉ ᐊᒡᓚᖏᑦ 8:33 Iomraidhean Croise

ᒨᓯᓯ ᐂᑉᐸᖏᑦ 12:49

ᐊᑕᐅᓯᕐᒥᒡᓕ ᐱᖁᔭᖃᕐᑐᒃᓴᐅᕗᑦ ᐃᓚᒋᔭᓯᓗ ᐃᓚᒋᓐᖏᑕᓯᓗ ᐃᒡᓗᒥᐅᑕᓕᒫᓯ.”

ᒨᓯᓯ ᐱᖓᔪᖏᑦ 24:22

ᐊᑦᔨᒌᒥᒃ ᐱᖁᔭᖃᕆᐊᖃᕐᐳᓯ ᐃᓴᕆᐊᓕᒥᐅᖑᒃᐸᑦ ᐊᓯᐊᓂᒥᐅᑕᐅᒃᐸᓪᓘᓐᓃᑦ ᐃᓕᑦᓯᓐᓂ ᓄᓇᖃᖃᑕᐅᔪᓕᒫᑦ ᐅᕙᖓ ᐊᑕᓂᐅᒐᒪ ᒎᑎᓯ.”

ᒨᓯᓯ ᓯᑕᒪᖏᑦ 15:15

ᒪᓕᒐᖃᕐᓂᐊᕐᐳᓯ ᐃᓕᑦᓯᓐᓄᑦ ᑲᑎᒪᔪᕐᔪᐊᓄᑦ ᓄᓇᐅᓪᓗ ᐊᓯᐊᓂᑦ ᐱᓯᒪᔪᓄᑦ, ᑍᒪᓐᖓᓕᒫᖅ ᒪᓕᒐᕆᓂᐊᕐᑕᓯ ᑭᖑᕚᕇᓂᑦ ᑭᖑᕚᕇᓄᑦ; ᐃᓕᑦᓯ ᑍᒤᑦᓴᕆᐊᖃᕐᓂᐊᕋᑦᓯ, ᑍᒫᒃᑕᐅᖅ ᓄᓇᐅᑉ ᐊᓯᐊᓂᑦ ᐱᓯᒪᔪ ᐱᔭᕆᐊᖃᕆᕗᑦ ᐊᑕᓂᐅᑉ ᓵᖓᓂ.

ᒨᓯᓯ ᓯᑕᒪᖏᑦ 15:16

ᐱᖁᔭᖅ ᐊᑕᐅᓯᖅ ᐱᐅᓯᕐᓗ ᐊᑕᐅᓯᖅ ᐃᓕᑦᓯ ᒪᓕᒋᐊᖃᕐᐸᓯ ᓄᓇᖃᑎᒋᓐᖏᑕᓯᓗ ᐃᓕᑦᓯᓐᓃᑦᑐᑦ ᑍᒫᑦᓮᓐᓇᖅ.”

ᒨᓯᓯ ᓯᑕᒪᖏᑦ 15:29

ᐊᑕᐅᓯᕐᒥᒃ ᐱᖁᔭᖃᕐᓂᐊᕐᐳᓯ ᐱᔮᕆᓇᓂ ᐊᔪᕐᑐᓕᔪᒧᑦ, ᐃᓴᕆᐊᓕᒥᐅᓂ ᓄᓇᖃᖃᑕᐅᓗᓂ ᐃᓅᓚᐅᕐᑐᒧᑦ ᐊᓯᓂᓪᓗ ᓄᓇᒥᑦ ᐱᓯᒪᓗᓂ ᑖᒃᑯᓇᓂ ᓄᓇᖃᖃᑕᐅᔪᓄᑦ.”

ᔪᐊᓇᓯᐅᑉ ᐊᒡᓚᖏᑦ 4:20

ᓯᕗᓕᕗᑦ ᐅᕙᓂ ᖃᖅᑲᒥ ᒎᑎᒧᑦ ᑐᒃᓯᐊᖃᑦᑕᓚᐅᕐᐳᑦ; ᐃᓕᑦᓯᓕ ᔫᑎᐅᔪᓯ ᐅᖃᕐᐳᓯ ᔨᕉᓴᓕᒻᒥ ᑭᓯᐊᓂ ᒎᑎᒧᑦ ᐃᓄᐃᑦ ᑐᒃᓯᐊᕆᐊᖃᕐᓂᕋᕐᓗᒋᑦ.”

ᒨᓯᓯ ᑕᓪᓕᒪᖏᑦ 11:29

ᐊᑕᓂᐅᑉ ᒎᑎᑦᓯ ᓄᓇᒧᑦ ᑎᑭᑎᑉᐸᓯ ᓄᓇᑖᕆᓂᐊᓕᕐᑕᑦᓯᓐᓄᑦ, ᖃᖅᑲᖅ ᒋᕆᔨᒥᒃ ᐊᑎᓕᒃ ᓮᒻᒪᕐᑎᑕᐅᖁᔭᒃᓴᕆᕙᓯ ᖃᖅᑲᕐᓗ ᐄᐸᐅᓪᒥᒃ ᐊᑎᓕᒃ ᓱᒋᐊᕐᑕᐅᔪᒃᓴᐅᖁᓗᒍ.

ᒨᓯᓯ ᑕᓪᓕᒪᖏᑦ 31:12

ᐃᓄᐃᑦ ᕾᖁᔭᒃᓴᕆᕙᓯ ᐊᖑᑎᑦ, ᐊᕐᓁᓪᓗ, ᓄᑕᕅᓪᓗ, ᓄᓇᖃᕐᑐᑐᖃᐅᖏᑦᑐᓪᓗ ᓄᓇᑦᓯᓐᓃᑦᑐᑦ, ᐃᓄᓕᒫᑦ ᑐᓴᖁᓪᓗᒋᑦ ᑐᑭᓯᖁᓪᓗᒋᓪᓗ ᐊᑕᓂᕐᒥᒃ ᒎᑎᑦᓯᓐᓂᒃ ᐃᓕᕋᓱᒍᓐᓇᖁᓪᓗᒋᑦ, ᑲᒪᑦᓯᐊᕐᓗᑎᒡᓗ ᒪᓕᒍᓐᓇᖁᓪᓗᒋᑦ ᐱᖁᔧᑦ ᐅᖃᐅᓯᓕᒫᖏᓐᓂᒃ.

ᒨᓯᓯ ᑕᓪᓕᒪᖏᑦ 31:25

ᐱᔭᕇᕋᒥᒋᑦ, ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ ᐅᖃᕐᐳᖅ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ,

ᒨᓯᓯ ᑕᓪᓕᒪᖏᑦ 31:9

ᒨᓯᓯᐅᓪᓗ ᐱᖁᔧᑦ ᑎᑎᕋᓚᐅᕐᐰᑦ ᑐᓂᓪᓗᒋᓪᓗ ᓕᕔᑎᓄᑦ ᑐᓂᕐᕈᓯᕐᑎᑦᓯᔨᓄᑦ, ᑖᒃᑯᐊ ᐊᒡᔭᕐᓯᔨᐅᖕᒪᑕ ᐊᑕᓂᐅᑉ ᐊᖏᖃᑎᒌᒍᑎᖏᑕ ᐃᒃᓯᕐᕕᖓᓂᒃ, ᐃᓴᕆᐊᓕᒥᐅᓪᓗ ᐊᖓᔪᖅᑳᖏᓐᓄᑦ.

ᔮᓱᐊᑉ ᐊᒡᓚᖏᑦ 23:2

ᑍᒤᒻᒪᑦ ᔮᓱᐊᑉ ᐃᓴᕆᐊᓕᒥᐅᓕᒫᑦ ᕾᖁᕔᑦ, ᐊᖓᔪᖅᑳᖏᑦ, ᓯᕗᓕᕐᑎᖏᓪᓗ, ᐃᓱᒪᓕᐅᕐᑎᖏᑦ, ᐱᓇᓱᐊᕐᑎᐅᔪᓪᓗ ᐃᓄᖕᓄᑦ, ᐅᖃᐅᑎᓪᓗᒋᓪᓗ, “ᐃᓄᑐᖃᐅᓕᕋᒪ ᒫᓐᓇ;

ᔮᓱᐊᑉ ᐊᒡᓚᖏᑦ 24:1

ᔮᓱᐊᑉ ᐃᓴᕆᐊᓕᒥᐅᑦ ᑭᖑᕚᕇᓕᒫᑦ ᑲᑎᖁᕔᑦ ᓯᑭᒻᒧᑦ ᕾᖁᕔᓪᓗ ᐊᖓᔪᖅᑳᑦ, ᓯᕗᓕᕐᑏᑦ, ᐃᓱᒪᓕᐅᕐᑏᑦ, ᐊᖓᔪᖅᑲᐅᑏᓪᓗ ᐃᓴᕆᐊᓕᒥᐅᓂ; ᑲᑎᕗᓪᓗ ᒎᑎᐅᑉ ᓇᔪᕐᑕᖓᓄᑦ.

ᔮᓱᐊᑉ ᐊᒡᓚᖏᑦ 3:14

ᑕᕝᕙ ᐃᓄᐃᑦ ᐊᐅᓪᓚᕋᒥᒃ ᑕᖕᒫᕐᓯᒪᕕᖕᒥᓂᑦ, ᐃᑳᕆᐊᕐᑐᓕᕐᓗᑎᒃ ᔪᐊᕐᑕᓂᐅᑉ ᑰᖓᓄᑦ ᑐᓂᕐᕈᓯᕐᑎᑦᓯᔩᑦ ᓯᕗᓪᓕᐅᓚᐅᕐᐳᑦ ᐊᒡᔭᕐᓯᓪᓗᑎᒃ ᐊᖏᖃᑎᒌᖕᓂᐅᑉ ᐃᒃᓯᕐᕕᖓᓂᒃ ᐃᓄᐃᑦ ᓯᕗᓂᖓᓂ,

ᔮᓱᐊᑉ ᐊᒡᓚᖏᑦ 3:3

ᐅᖃᐅᑎᓪᓗᒋᓪᓗ, “ᑐᓂᕐᕈᓯᕐᑎᑦᓯᔩᑦ ᓕᕔᑎᓪᓗ ᑕᑯᒍᑦᓯᒋᒃ ᐊᑕᓂᑦᓯ ᒎᑎᑦᓯ ᐊᖏᖃᑎᒌᖕᓂᖓᑕ ᐃᒃᓯᕐᕕᖓᓂᒃ ᐊᒡᔭᕐᓯᑎᓪᓗᒋᑦ, ᑕᕝᕙ ᐃᓂᒋᔭᑦᓯᓐᓂᑦ ᐸᕐᓇᓕᕐᓂᐊᕐᐳᓯ ᒪᓕᓕᕐᓗᒋᓪᓗ ᑖᒃᑯᐊ.

ᔮᓱᐊᑉ ᐊᒡᓚᖏᑦ 3:6

ᑐᓂᕐᕈᓯᕐᑎᑦᓯᔩᓪᓗ ᔮᓱᐊᑉ ᐅᖃᐅᑎᕔᑦ, “ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᑎᒍᓗᓯᐅᒃ, ᓯᕗᓪᓕᐅᓗᓯ ᐃᓄᖕᓂᑦ ᐱᓱᓕᕆᑦᓯ.” ᑕᕝᕙ ᐊᖏᖃᑎᒌᖕᓂᐅᑉ ᐃᒃᓯᕐᕕᖁᑎᖓ ᓇᒃᓴᕐᓗᒍ ᐱᓱᓕᕐᐳᑦ, ᐃᓄᐃᑦ ᓯᕗᓂᖓᓐᓂ.

ᔮᓱᐊᑉ ᐊᒡᓚᖏᑦ 4:10

ᑐᓂᕐᕈᓯᕐᑎᑦᓯᔩᑦ ᓇᖏᓚᐅᕐᐳᑦ ᔪᐊᕐᑕᓂᒥ ᑰᑉ ᕿᑎᐊᓂ ᐱᔭᕇᓚᐅᖅᑳᕐᑎᓐᓇᒋᑦ ᐊᑕᓂᐅᑉ ᑎᓕᑦᔪᑎᒋᓚᐅᕐᑕᖓᓂᒃ ᔮᓱᐊᒧᑦ, ᑕᒪᓐᓇ ᒨᓯᓯᐅᑉ ᑎᓕᓯᑦᔪᑎᒋᓚᐅᕐᒪᒍ ᔮᓱᐊᒧᑦ. ᐃᓄᐃᑦ ᑐᐊᕕᓚᐅᕐᐳᑦ ᑰᖕᒥᒃ ᐃᑳᕐᓗᑎᑦ.

ᔮᓱᐊᑉ ᐊᒡᓚᖏᑦ 4:18

ᑐᓂᕐᕈᓯᕐᑎᑦᓯᔩᓪᓗ ᐊᑕᓂᐅᑉ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᔪᐊᕐᑕᓂᒥᑦ ᑰᖕᒥᑦ ᒪᔪᕐᒪᑕ, ᐃᑎᒐᖏᑦ ᑰᑉ ᑭᒡᓕᖓᓄᑦ ᐸᓂᕐᑐᒧᑦ ᑐᑎᑐᐊᕐᒪᑕ, ᔪᐊᕐᑕᓂᐅᑉ ᑰᖓ ᐅᑎᓚᐅᕐᐳᖅ ᑰᓕᕐᓗᓂᓗ ᑰᖕᓂᕆᓚᐅᕐᑕᒥᑐᑦ.

ᔮᓱᐊᑉ ᐊᒡᓚᖏᑦ 6:6

ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.”