ᔮᓱᐊᑉ ᐊᒡᓚᖏᑦ 8:31 - ᐊᒡᓔᑦ ᐃᑦᔪᕐᖕᓁᑦᑐᑦ

³¹ ᐊᑕᓂᐅᑉ ᐱᔨᖓᑕ ᒨᓯᓯᐅᑉ ᓴᓇᖁᔨᓚᐅᕐᓂᖓᓂᒃ ᑲᔪᓯᑎᑦᓯᓪᓗᓂ ᑎᓕᓯᑦᔪᑎᒋᓚᐅᕐᑕᖏᓐᓂᒃ ᐃᓴᕆᐊᓕᒥᐅᓄᑦ, ᑍᒫᒃ ᒨᓯᓯᐅᑉ ᐱᖁᔭᖏᓐᓂ ᑎᑎᕋᕐᓯᒪᖕᒪᑦ: “ᑐᓂᕐᕈᓯᕐᕕᒃ ᓇᑲᑎᕐᑕᐅᓯᒪᖏᑦᑐᓂᒃ ᐅᔭᕋᖃᕆᐊᖃᕐᐳᖅ, ᓴᕕᕋᔭᖕᓄᑦ ᓴᓇᕐᕈᑎᓄᑦ ᐊᒃᑐᕐᑕᐅᓯᒪᖏᓪᓗᑎᒃ.” ᖄᖓᓂ ᑐᓂᕐᕈᓯᓚᐅᕐᐳᖅ ᐃᑯᐊᓚᑎᑦᓯᓪᓗᑎᒃ ᐊᑕᓂᕐᒧᑦ, ᑐᓂᕐᕈᓯᕐᓗᑎᒡᓗ ᓮᒻᒪᕐᑎᑕᐅᓂᕐᒧᑦ ᑐᓂᕐᕈᑎᒥᒃ.

ᔮᓱᐊᑉ ᐊᒡᓚᖏᑦ 8:31 Iomraidhean Croise

ᐊᑕᓃᑦ ᐂᑉᐸᖏᑦ 14:6

ᑭᓯᐊᓂ ᕿᑐᕐᖓᖏᓐᓂᒃ ᑐᖁᑕᐅᑎᑦᓯᓚᐅᓐᖏᓚᖅ, ᐊᑕᓂᐅᑉ ᐱᖁᔭᓕᐊᕆᓯᒪᔭᖏᑦ ᒪᓕᒡᓗᒋᑦ ᒨᓯᓯᐅᑉ ᐊᒡᓚᖏᓐᓂ ᐅᖃᕐᓯᒪᔪᑦ, “ᐊᖓᔪᖅᑳᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑕ ᐊᔪᕐᑐᓕᓂᖏᓐᓄᑦ, ᕿᑐᕐᖓᕆᔭᐅᔪᓪᓗ ᑐᖁᑕᐅᔪᒃᓴᐅᓐᖏᓚᑦ ᐊᖓᔪᖅᑳᖏᑕ ᐊᔪᕐᑐᓕᓯᒪᓂᖏᓐᓄᑦ, ᐃᓄᒃ ᑐᖁᑕᐅᔪᒃᓴᐅᕗᖅ ᓇᖕᒥᓂᖅ ᐊᔪᕐᑐᓕᓯᒪᓂᖓ ᐱᓪᓗᒍ ᑭᓯᐊᓂ.”

ᐊᑕᓃᑦ ᐂᑉᐸᖏᑦ 22:8

ᕼᐃᓪᑬᐊ ᑐᓂᕐᕈᓯᕐᑎᑦᓯᔨ ᓴᕙᓂᒧᑦ ᐅᖃᕐᐳᖅ, “ᓇᓂᓯᓚᐅᕋᒪ ᐊᒡᓚᖕᓂᒃ ᐱᖁᔭᕐᑕᓕᖕᓂᒃ ᐊᑕᓂᐅᑉ ᐃᒡᓗᖓᓂ.” ᕼᐃᓪᑬᐊᐅᑉ ᐊᒡᓔᑦ ᓴᕙᓂᒧᐊᕐᒪᒋᑦ ᐅᖃᓕᒫᕐᐰᑦ.

ᑯᕉᓂᑲ ᐂᑉᐸᖏᑦ 25:4

ᕿᑐᕐᖓᖏᓪᓕ ᑐᖁᓚᐅᓐᖏᓔᑦ, ᐱᖁᔧᑦ ᒨᓯᓯᐅᑉ ᐊᒡᓚᖏᑦ ᒪᓕᒡᓗᒋᑦ, ᐊᑕᓂᖅ ᐱᖁᔨᓚᐅᕐᒪᑦ ᐅᖃᕐᓗᓂ, “ᐊᑖᑕᐅᔪᑦ ᑐᖁᑕᐅᔪᒃᓴᐅᓐᖏᓚᑦ ᕿᑐᕐᖓᖏᑦ ᐱᓪᓗᒋᑦ, ᕿᑐᕐᖓᐅᔪᓪᓗ ᑐᖁᑕᐅᔪᒃᓴᐅᓐᖏᓚᑦ ᐊᑖᑕᖏᑦ ᐱᓪᓗᒋᑦ; ᐃᓄᒡᓕ ᓇᓪᓕᐊᑦ ᑐᖁᑕᐅᔪᒃᓴᐅᕗᖅ ᐃᒻᒥᓂᒃ ᐊᔪᕐᑐᓕᓂᕐᒥᓄᑦ.”

ᑯᕉᓂᑲ ᐂᑉᐸᖏᑦ 35:12

ᑐᓂᕐᕈᑎᒃᓮᓪᓗ ᐃᑯᐊᓪᓚᒐᒃᓴᑦ ᓴᓂᕐᕙᒃᐰᑦ ᐊᒡᒍᕐᑕᐅᖁᓪᓗᒋᑦ ᐃᓄᖕᓄᑦ ᓯᕗᓕᖏᑦᑕ ᐊᕕᒃᑐᕐᓯᒪᓂᖏᑦ ᒪᓕᒡᓗᒋᑦ, ᐊᑕᓂᕐᒧᑦ ᑐᓂᕐᕈᑕᐅᖁᓪᓗᒋᑦ, ᒨᓯᓯᐅᑉ ᐊᒡᓚᖏᓐᓂ ᐊᒡᓚᒃᑕᐅᓯᒪᔪᑦ ᒪᓕᒡᓗᒋᑦ. ᑍᒤᓕᐅᓚᐅᕆᕗᑦᑕᐅᖅ ᐃᒻᒧᒃᓯᐅᒊᑦ ᐊᖑᓴᓪᓗᖏᓐᓂᒃ.

ᐄᓱᕋᐅᑉ ᐊᒡᓚᖏᑦ 6:18

ᐋᖅᑭᒃᓱᐃᓚᐅᕐᐳᑦ ᑐᓂᕐᕈᓯᕐᑎᑦᓯᔩᑦ ᐱᓇᓱᐊᕐᕕᒃᓴᖏᓐᓂᒃ ᓕᕔᑎᓪᓗ ᑐᒃᓯᐊᕐᑎᑦᓯᖃᑦᑕᕐᓂᒃᓴᖏᓐᓂᒃ ᑐᒃᓯᐊᕐᕕᒡᔪᐊᒥ ᔨᕉᓴᓕᒦᑦᑐᒥ, ᒨᓯᓯᐅᑉ ᐊᓪᓚᖏᑕ ᐱᖁᔨᓂᖏᑦ ᒪᓕᒡᓗᒋᑦ.

ᓂᕼᐃᒤᐊᐅᑉ ᐊᒡᓚᖏᑦ 13:1

ᑕᕝᕙᓂ ᐅᓪᓗᒥ ᒨᓯᓯᐅᑉ ᐊᒡᓚᖏᑦ ᐊᑐᐊᕐᑕᐅᓚᐅᕐᐳᑦ ᐃᓄᒐᓴᒡᔪᐊᑦ ᑐᓵᑎᓪᓗᒋᑦ, ᑕᕝᕙᓂ ᑎᑎᕋᕐᓯᒪᔪᓂᒃ ᓇᓂᓯᔪᖃᓚᐅᕐᐳᖅ ᐊᒧᓁᑎᒥᐅᑦ ᒧᐊᐱᒥᐅᓪᓗ ᒎᑎᐅᑉ ᑲᑎᓐᖓᔪᖁᑎᖏᓐᓄᑦ ᐃᓚᐅᑎᑕᐅᔭᕆᐊᖃᖏᓐᓂᖏᓐᓂᒃ ᐅᖃᕐᓯᒪᔪᕐᑕᖃᕐᒪᑦ;

ᒨᓯᓯ ᐂᑉᐸᖏᑦ 18:12

ᔨᑐᕉᓗ ᒨᓯᓯᐅᑉ ᓴᑭᖓ, ᑐᓂᕐᕈᑎᒃᓴᓂᒃ ᐃᑯᐊᓚᔭᒃᓴᓂᒡᓗ ᑐᓂᕐᕈᓯᓚᐅᕐᐳᖅ ᒎᑎᒧᑦ; ᐂᕉᓂᓗ ᕾᓚᐅᕐᐳᖅ ᐃᓴᕆᐊᓕᒥᐅᑦ ᐊᖓᔪᖅᑳᖏᑦ ᐃᓚᒋᓪᓗᒋᑦ ᓂᕆᖃᑕᐅᓪᓗᑎᒃ ᑐᓂᕐᕈᑎᐅᔪᓂᒃ ᑕᒪᓐᓇᓗ ᑐᒃᓯᐊᕐᓂᕐᒧᑦ ᐃᓚᒋᔭᐅᑎᓪᓗᒍ ᐱᓂᐊᕐᓂᐅᓚᐅᐳᖅ ᒎᑎᐅᑉ ᓵᖓᓂ.

ᒨᓯᓯ ᐂᑉᐸᖏᑦ 24:5

ᐃᓅᓱᒃᑐᓂᒡᓗ ᐃᓴᕆᐊᓕᒥᐅᓂᒃ ᑎᓕᓯᕗᖅ, ᑖᒃᑯᐊᓗ ᐃᑯᐊᓚᑦᓯᕗᑦ ᑐᓂᕐᕈᑎᓂᒃ ᐊᑕᓂᕐᒧᑦ. ᐃᒻᒧᒃᓯᐅᒐᕐᓂᒡᓗ ᑐᓂᕐᕈᓯᕆᓪᓗᑎᒃ ᒎᑎᒥᒃ ᐃᓚᖃᑦᓯᐊᕐᓂᖅ ᐱᑦᔪᑎᒋᓪᓗᒍ.

ᒫᑎᐅᓯᐅᑉ ᐊᒡᓚᖏᑦ 12:26

ᓵᑖᓇᓯᐅᓪᓗ ᓵᑖᓇᓯᐅᖃᑎᓂ ᐊᓂᑎᒃᑯᓂᐅᒃ, ᐃᒻᒥᓂᒃ ᓯᖁᑦᑎᕐᓗᓂ ᐊᒡᒍᕋᔭᕐᐳᖅ; ᖃᓄᕐᓕ ᑍᒪ ᐊᑕᓂᐅᕕᖓ ᑲᔪᓯᔪᓐᓇᕋᔭᕐᐸ?

ᒨᓯᓯ ᑕᓪᓕᒪᖏᑦ 27:2

ᔪᐊᕐᑕᓂᐅᑉ ᑰᖓᓂᒃ ᐃᑳᓕᕐᓂᑦᓯ ᐅᓪᓗᖓᓂ ᐊᑕᓂᐅᑉ ᒎᑎᑦᓯ ᑐᓂᔭᖓᓄᑦ ᓄᓇᒧᑦ, ᐅᔭᕋᖕᓂᒃ ᐊᖏᔫᑎᓂᒃ ᓇᑉᐹᕐᓯᔪᒃᓴᐅᕗᓯ, ᖄᖓᒍᑦ ᒥᖑᐊᕐᓗᒋᑦ ᖁᐊᕐᑎᑕᒐᕐᒥᒃ,

ᒨᓯᓯ ᑕᓪᓕᒪᖏᑦ 27:8

ᐅᔭᕋᖕᓂ ᖁᐊᕐᑎᑕᒐᕐᓂᒃ ᖄᓕᕐᓯᒪᔪᑎᒍᑦ ᑎᑎᕋᕐᑕᒃᓴᕆᕙᓯ ᑕᕐᓴᐅᑦᓯᐊᕐᓗᒋᑦ ᒎᑎᐅᑉ ᐱᖁᔭᓕᒫᖏᑦ.”

ᔮᓱᐊᑉ ᐊᒡᓚᖏᑦ 1:8

ᐅᑯᐊ ᐱᖁᔭᑦ ᖃᓂᒃᑯᑦ ᐅᖃᐅᓯᕆᔪᓐᓃᕐᑍᓕᒃᑭᑦ, ᐃᓱᒪᒃᓴᕐᓯᐅᕈᑎᒋᖃᑦᑕᒃᑭᑦ ᐅᓪᓗᑯᑦ ᐅᓐᓄᒃᑯᓪᓗ, ᓈᓚᑦᓯᐊᕐᓗᒋᓪᓗ ᑎᑎᕋᕐᓯᒪᓂᖏᑦ ᒪᓕᒡᓗᒋᑦ, ᑍᒤᒃᑯᕕᑦ ᐊᖅᑯᑎᒋᔭᕐᓂ ᖃᓄᐃᓕᐅᕐᑕᓕᒫᕐᓂᓗ ᐱᕙᓪᓕᐊᑎᑦᓯᖃᑦᑕᕐᓂᐊᕐᐳᑎᑦ.