23 ᐂᓪᓕ ᐊᖓᔪᖅᑳᕐᔪᐊᖓ ᑐᖁᑕᐅᓇᓂ ᑎᒍᔭᐅᕗᖅ, ᔮᓱᐊᒨᕈᑎᔭᐅᓪᓗᓂᓗ.
ᖃᐅᔨᔭᐅᒐᒥᒃ ᔮᓱᐊ ᐅᖃᐅᑦᔭᐅᕗᖅ, “ᐊᖓᔪᖅᑳᕐᔪᐊᑦ ᑕᓪᓕᒪᑦ ᓇᓂᔭᐅᕗᑦ, ᕾᕈᓱᖕᒥ ᐃᔨᕐᓯᒪᔪᑦ ᒪᑮᑕᒦᑦᑐᒥ.”
ᑕᕝᕙ ᔮᓱᐊ ᐅᖃᕐᐳᖅ, “ᕾᕈᓱᒃ ᒪᑐᐃᕐᓗᒍ, ᐊᖓᔪᖅᑳᕐᔪᐊᑦ ᑕᓪᓕᒪᑦ ᐅᕙᓐᓄᑦ ᕾᑎᓚᐅᕐᓯᐅᒃ.”
ᐃᓴᕆᐊᓕᒥᐅᓪᓗ ᐃᓚᖏᑦ ᐃᒡᓗᒐᓴᖕᓂᑦ ᐊᓂᓪᓗᑎᒃ ᐅᓇᑕᕆᐊᓕᕐᐳᑦ; ᐂᒥᐅᓪᓕ ᖃᐅᔨᓕᕐᐳᑦ ᐊᕙᓗᔭᐅᓯᒪᓂᕐᒥᖕᓂᒃ ᐃᓴᕆᐊᓕᒥᐅᓄᑦ; ᕿᒪᒃᓯᔪᖃᓚᐅᓐᖏᓚᖅ ᐊᓐᓇᒃᑐᖃᕋᓂᓗ ᑕᕝᕙᓐᖓᑦ.
ᐃᓴᕆᐊᓕᒥᐅᓪᓕ ᑐᖁᕅᔭᕇᕋᒥᒃ ᐊᑭᕋᒥᖕᓂᒃ ᐃᓄᖃᔪᐃᑦᑐᒧᑦ ᒪᓕᓚᐅᕐᑐᓂᒃ, ᐂᒧᑦ ᐅᑎᕐᓗᑎᒃ ᑍᑲᓃᑦᑐᓕᒫᑦ ᑐᖁᕋᕐᐰᑦ.
ᐂᑉ ᐊᖓᔪᖅᑳᕐᔪᐊᖓ ᕿᒥᓚᐅᕐᐹ ᓇᐹᕐᑐᒥ; ᑕᕝᕙᓃᑎᓚᐅᕐᐹᓗ ᐅᓐᓄᒃ ᑎᑭᓪᓗᒍ, ᓯᕿᓂᖅ ᓂᐱᓕᕐᑎᓪᓗᒍ ᔮᓱᐊ ᑎᓕᓯᕗᖅ ᑎᒥᖓ ᐲᕐᑕᐅᖁᓪᓗᒍ, ᐃᓕᔭᐅᕗᕐᓗ ᐃᒡᓗᒐᓮᑦ ᐃᑎᕐᑕᕐᕕᖓᑕ ᓯᕗᕌᓄᑦ, ᐱᕉᕐᓗᒍᓗ ᐅᔭᖅᑲᓄᑦ ᐳᕐᑐᓯᒻᒪᕆᒃᓗᒍ, ᐅᓪᓗᒥ ᓱᓕ ᑍᒤᓕᖓᕗᖅ.
ᐆᒪᔪᐊᓗᒡᓗ ᓵᓚᐅᓪᓗᓂ ᑎᒍᔭᐅᕗᖅ ᐊᑦᓱᖏᕐᑕᐅᓪᓗᓂᓗ, ᓇᓚᐅᑦᑍᓂᕐᓗᒃᑐᓪᓗ ᑎᒍᔭᐅᖃᑕᐅᕗᑦ ᑖᑦᓱᒪ ᓵᖓᓂ ᑲᒪᓇᕐᑐᓕᖃᑦᑕᐅᓚᕐᑐᑦ ᑲᒪᓇᕐᑐᓕᓂᕐᒥᓄᓪᓗ ᑕᒻᒪᕐᑎᑦᓯᓚᐅᕐᑐᑦ ᐆᒪᔪᐊᓘᑉ ᓇᓗᓁᒃᑯᑕᖓᓂᒃ ᓇᓗᓁᒃᑯᓯᕐᓯᒪᔪᓂᒃ ᑐᒃᓯᐊᕐᕕᖃᖃᑦᑕᓚᐅᕐᑐᓪᓗ ᐆᒪᔪᐊᓘᑉ ᐊᑦᔨᖓᓂᒃ ᓴᓇᓯᒪᔪᒥᒃ. ᑖᒃᑯᐊᒡᓗ ᑕᒪᕐᒥᒃ ᐃᒋᑕᐅᕘᒃ ᐆᒪᑎᓪᓗᒋᒃ ᑕᓯᕐᒧᑦ ᐃᑯᒪᕐᔪᐊᕐᒧᑦ ᐃᒃᑭᕆᒃᑐᕐᔪᐊᕐᒥᒃ ᓲᓪᕙᒥᒃ ᐃᑯᒪᔪᒧᑦ.
ᐋᒑᒡ ᑎᒍᕚ ᐊᒪᓕᑬᑎᒃᑯᑦ ᐊᖓᔪᖅᑳᕐᔪᐊᖓ ᑐᖁᓐᓇᓂᐅᒃ, ᐃᓄᓕᒫᖏᓪᓗ ᓄᖑᑦᓯᐊᕐᐰᑉ ᓴᕕᒡᔪᐊᒧᑦ.
