ᔮᓱᐊᑉ ᐊᒡᓚᖏᑦ 7:25 - ᐊᒡᓔᑦ ᐃᑦᔪᕐᖕᓁᑦᑐᑦ

²⁵ ᑕᕝᕙ ᔮᓱᐊᑉ ᐅᖃᐅᑎᕚ, “ᖃᓄᐃᒻᒪᑦ ᐱᐅᖏᑦᑐᒥᒃ ᐅᕙᑦᑎᓐᓄᑦ ᐱᑎᑦᓯᓚᐅᕐᐲᑦ? ᐊᑕᓂᐅᑉ ᒫᓐᓇ ᐱᐅᖏᑦᑐᒥᒃ ᐱᑎᓐᓂᐊᓕᕐᐹᑎᑦ.” ᐃᓴᕆᐊᓕᒥᐅᓕᒫᓪᓗ ᐅᔭᕋᖕᓄᑦ ᒥᓪᓗᕐᐹ ᑐᖁᓪᓗᒍ; ᐃᑭᓪᓗᒋᓪᓗ ᐃᓚᖏᑦ ᐱᖁᑎᖏᓪᓗ.

ᔮᓱᐊᑉ ᐊᒡᓚᖏᑦ 7:25 Iomraidhean Croise

ᒨᓯᓯ ᓯᕗᓪᓖᑦ 34:30

ᔧᑯᓗ ᐅᖃᕐᐳᖅ ᓯᒥᐅᓂᒧᑦ ᓕᕔᒧᓪᓗ, “ᐊᑲᐅᖏᑦᔪᑎᒃᓴᕐᑖᕐᑎᑉᐸᑦᓯᓐᖓ; ᐆᒥᓇᕐᓯᑎᑦᓱᖓᓗ ᑕᒫᓂ ᓄᓇᖃᕐᑐᓄᑦ ᑬᓇᓂᒥᐅᓄᑦ, ᐱᕆᔧᑎᓄᓪᓗ; ᐅᓄᕐᑐᓂᒃ ᐃᓄᖁᑎᖃᖏᓐᓇᒪ; ᑕᒪᒃᑯᐊᓕ ᑲᑎᓪᓗᑎᒃ ᐅᕙᓐᓄᑦ ᐅᓇᑕᕆᐊᓕᕐᐸᑕ, ᐃᓚᓕᒫᑦᓯᐊᒃᑲ ᑕᒪᕐᒥᒃ ᓄᖑᑕᐅᒐᔭᕐᐳᑦ ᐃᒡᓗᒥᐅᖃᑎᒃᑲᓗ.”

ᒨᓯᓯ ᓯᕗᓪᓖᑦ 38:24

ᑕᖅᑮᓪᓕ ᐱᖓᓱᐸᓗᐃᑦ ᓈᓯᒪᓕᕐᑎᓪᓗᒋᑦ ᔫᑕ ᐅᖃᐅᑦᔭᐅᕗᖅ, “ᑕᒫᕆ ᐅᑯᐊᑦ ᐊᖑᓐᓂᐊᕐᑎᐅᓐᖑᐊᕐᑐᕕᓂᐅᕗᖅ; ᓄᑕᕋᒃᓴᕐᑖᕐᑐᕕᓂᐅᓪᓗᓂᓗ ᐊᖑᓐᓂᐊᕐᓂᒃᑯᑦ.” ᑕᕝᕙ ᔫᑕ ᐅᖃᕐᐳᖅ, “ᕾᑎᑕᐅᓗᓂ, ᐃᑯᐊᓪᓚᒃᑎᑕᐅᓕ.”

ᑯᕉᓂᑲ ᓯᕗᓪᓖᑦ 2:7

ᑳᕐᒥᐅᑉ ᐃᕐᓂᖓ ᐂᑲ, ᐃᓴᕆᐊᓕᒥᐅᓂᒃ ᐅᖁᒤᑦᑐᒧᐊᕐᑎᑦᓯᓚᐅᕐᐳᖅ, ᐱᔭᕆᐊᖃᖏᑦᑐᓂᒃ ᐱᓚᐅᕐᓂᕐᒥᓄᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:19

ᑍᒤᑉᐸᒃᐳᑦ ᑕᒪᕐᒥᒃ ᐱᕋᔭᖕᓂᒃᑯᑦ ᐊᔪᕐᓴᕈᓐᓃᕋᓱᒃᑐᑦ, ᑎᒡᓕᒐᕐᓂᖅ ᐃᓅᓯᒃᓮᕈᑦᔨᕙᒃᐳᖅ ᑎᒡᓕᒃᑐᕕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 15:27

ᓂᐊᖂᔭᒃᓴᓂᒃ ᒥᖕᓂᑐᔫᑉ ᐱᕋᔭᖕᓂᒃᑯᑦ ᑮᓇᐅᔭᕐᑖᕈᒪᓂᕐᒧᑦ ᐃᒡᓗᒥᐅᖃᑎᓂ ᐃᓱᐊᖏᑦᑐᒦᑎᑉᐰᑦ, ᐅᐃᕕᕆᒃᓯᓂᕐᒥᒃᓕ ᐱᐅᒋᔭᖃᕐᖏᑦᑐᖅ ᐃᓅᓂᐊᕐᐳᖅ.

ᒨᓯᓯ ᐱᖓᔪᖏᑦ 20:14

ᐊᖑᑦ ᓄᓕᐊᕐᑖᕐᐸᑦ ᑕᒤᓐᓂᒃ ᐊᕐᓇᒥᒃ ᐊᓈᓇᖓᓂᒡᓗ, ᑕᒪᓐᓇ ᐱᐅᖏᑦᑐᐊᓘᖕᒪᑦ ᐊᖑᓪᓗ ᑖᒃᑯᐊᒡᓗ ᐊᓈᓇᒌᒃ ᐃᑯᒪᒧᑦ ᐃᑭᑕᐅᔭᕆᐊᖃᕐᐳᑦ, ᐱᐅᖏᑦᑐᓕᓂᐊᓗᒃ ᑕᒪᓐᓇ ᐃᓕᑦᓯᓐᓃᖁᓇᒍ.

ᒨᓯᓯ ᐱᖓᔪᖏᑦ 20:2

“ᐃᓴᕆᐊᓕᒥᐅᑦ ᐅᖃᐅᑎᒃᑭᑦ, ᐃᓴᕆᐊᓕᒥᐅᑦ ᐃᓴᕆᐊᓕᒥᐅᖑᖏᑦᑐᓪᓘᓐᓃᑦ ᐃᓴᕆᐊᓕᒥ ᓄᓇᖃᕐᑐᑦ ᕿᑐᕐᖓᒥᖕᓂᒃ ᑐᓂᕐᕈᑎᖃᕐᑐᖅ ᒎᑎᓐᖑᐊᒧᑦ ᒧᓕᑭᒧᑦ ᑐᖁᑕᐅᔭᕆᐊᖃᕐᐳᑦ. ᓄᓇᖅᑲᑎᒌᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.

ᒨᓯᓯ ᐱᖓᔪᖏᑦ 21:9

ᑐᓂᕐᕈᓯᕐᑎᑦᓯᔨᐅᑉ ᐸᓂᖓ ᐃᒻᒥᓂᒃ ᓇᕐᕈᓇᕐᓯᑎᑉᐸᑦ ᓂᐅᕕᐊᖑᓗᓂ ᓄᓕᐊᒐᐅᓕᕐᐸᑦ, ᐊᑖᑕᓂ ᑕᕝᕙ ᐅᐱᓐᓇᕈᓐᓃᕐᑎᑉᐹ; ᑖᓐᓇ ᐃᑯᐊᓪᓚᒃᑕᐅᔭᕆᐊᖃᕐᐳᖅ.

ᒨᓯᓯ ᐱᖓᔪᖏᑦ 24:14

“ᐅᖃᕐᓂᕐᓗᒃᓯᒪᔪᖅ ᓄᓇᓖᑦ ᓯᓚᑖᓄᐊᓯᐅᒃ. ᑐᓵᓚᐅᕐᑐᓕᒫᑦ ᓱᐊᒃᑎᓪᓗᒍ ᐅᖃᕐᓂᕐᓗᒃᑎᓪᓗᒍᓗ ᒎᑎᒥᒃ, ᓂᐊᖁᐊᒍᑦ ᐸᑎᒻᒥᔭᒃᓴᕆᕙᑦ ᐸᓯᔭᒃᓴᐅᓂᖓ ᓇᓗᓁᕐᓗᒍ, ᓄᓇᖃᑎᒌᓪᓗ ᐅᔭᖅᑲᓄᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ.”

ᒐᓔᑎᐊᒥᐅᓄᑦ 5:12

ᐱᐅᒃᓴᕐᓂᕐᓴᐅᒐᔭᕐᐳᖓ ᐃᓕᑦᓯᓐᓂᒃ ᑭᐱᔭᐅᖁᔨᖃᑦᑕᕐᑐᑦ ᐃᒻᒥᖕᓂᒃ ᐃᒡᔪᐃᔭᑦᑎᐊᒻᒪᕆᒃᐸᑕ!

ᒨᓯᓯ ᑕᓪᓕᒪᖏᑦ 13:10

ᐅᔭᖅᑲᓄᑦ ᒥᓪᓗᕐᑕᒃᓴᕆᕙᓯ ᑐᖁᓪᓗᒍ, ᑖᑦᓱᒪ ᓴᖑᑎᓐᓇᓱᐊᓚᐅᕐᒪᓯ ᐊᑕᓂᕐᒥᑦ ᒎᑎᑦᓯᓐᓂᑦ, ᐃᓕᑦᓯᓐᓂᒃ ᐊᐅᓪᓚᕐᑎᑦᓯᓚᐅᕐᑐᒥᒃ ᐄᑦᔨᑉᑎᒥᑦ, ᑕᕝᕙᓐᖓᑦ ᕿᓚᒃᓱᕐᑕᐅᓯᒪᕕᒋᓚᐅᕐᑕᑦᓯᓐᓂᑦ.

ᒨᓯᓯ ᑕᓪᓕᒪᖏᑦ 13:11

ᑕᕝᕙ ᐃᓴᕆᐊᓕᒥᐅᓕᒫᑦ ᑐᓴᓕᕋᔭᕐᐳᑦ, ᓯᕘᕋᓕᕐᓗᑎᒡᓗ, ᑭᖑᓂᖓᒍᓪᓗ ᑍᒫᒃ ᐱᐅᖏᑦᑐᐊᓗᖕᒥᒃ ᐱᓕᕆᔪᖃᕈᓐᓃᕋᔭᕐᐳᖅ ᐊᑯᓐᓇᑦᓯᓐᓂ.

ᒨᓯᓯ ᑕᓪᓕᒪᖏᑦ 17:5

ᑕᕝᕙ ᐃᓅᒃ ᐊᖑᓪᓘᓐᓃᑦ ᐊᕐᓇᕐᓘᓐᓃᑦ ᓄᓇᓖᑦ ᓯᓚᑖᓄᐊᕈᑎᓗᒍ ᒥᓪᓗᕐᑕᐅᓗᓂ ᑐᖁᑕᐅᔪᒃᓴᐅᕗᖅ.

ᒨᓯᓯ ᑕᓪᓕᒪᖏᑦ 21:21

ᑕᕝᕙ ᐊᖑᑎᓕᒫᑦ ᐃᒡᓗᒐᓴᒡᔪᐊᓃᑦᑐᑦ ᒥᓪᓗᕐᓗᒍ ᑐᖁᑕᒃᓴᕆᕚᑦ; ᑍᒫᒃ ᑕᕝᕙ ᐱᐅᖏᑦᑐᓕᓂᖅ ᐲᕋᔭᕐᐸᓯ ᐊᑯᓐᓇᑦᓯᓐᓂᑦ. ᐃᓴᕆᐊᓕᒥᐅᓕᒫᑦ ᖃᓄᐃᑦᑐᖃᕐᓂᕕᓂᖓᓂᒃ ᑐᓴᕋᔭᕐᐳᑦ, ᓯᕘᕋᓕᕐᓗᑎᒡᓗ.”

ᑎᓴᓗᓁᑲᒥᐅᓄᑦ ᐂᑉᐸᖏᑦ 1:6

ᒎᑎ ᓈᒪᑦᓯᐊᕐᑐᒥᒃ ᐱᓇᓱᐊᕐᓂᐊᕐᐳᖅ ᐊᒃᓱᕈᕐᑎᒋᔭᑦᓯᓐᓄᑦ ᐊᒃᓱᕈᕐᓇᕐᑐᒧᑦᑕᐅᖅ ᐊᑭᓂᐊᕐᕕᒋᓂᐊᕐᐰᑦ,

ᐄᑉᕈᐃᓄᑦ 12:15

ᖃᐅᔨᓴᕆᑦᓯ ᒎᑎᐅᑉ ᐱᑦᓯᐊᕐᓂᖓᑕ ᐱᔪᓐᓇᕐᑎᑦᓯᓂᖓᓂᒃ ᐊᓐᓁᔪᖃᖁᓇᒍ; ᐱᕈᕐᑐᑎᑐᑦ ᒪᒤᓕᔪᑎᑐᑦ ᑍᒤᓕᔪᖃᕐᑍᓕᓕ ᐊᑭᕋᕐᑐᕐᑎᒌᖕᓂᕐᒥᒃ ᓴᖅᑭᑎᑦᓯᔪᒥᒃ, ᐅᓄᕐᑐᓪᓗ ᑕᒪᑐᒧᖓ ᓱᒃᑯᑎᕐᑕᐅᖁᓇᒋᑦ.

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᔮᓱᐊᑉ ᐊᒡᓚᖏᑦ 7:15

ᑖᓐᓇᓗ ᓇᓗᓁᕐᑕᐅᔪᖅ ᐱᐅᖏᑦᑐᒥᒃ ᐱᖁᑎᓂᒃ ᐱᓯᒪᔪᖅ ᐃᑭᑕᐅᔪᒃᓴᐅᕗᖅ, ᐃᓚᒌᑦ ᐃᓚᒋᓗᒋᑦ ᐱᖁᑎᓕᒫᖏᓪᓗ, ᑖᓐᓇ ᐊᔪᕐᑐᓕᑎᑦᓯᖕᒪᑦ ᐃᓴᕆᐊᓕᒥᐅᓂᒃ ᓯᖁᒥᑦᑎᓯᒪᓪᓗᓂᓗ ᐊᑕᓂᐅᑉ ᐊᖏᖃᑎᒌᒍᑎᒋᓯᒪᔭᖓᓂᒃ, ᑲᓐᖑᓇᕐᑐᒦᑎᑦᓯᓪᓗᓂᓗ ᐃᓴᕆᐊᓕᒥᐅᓂᒃ.’”

ᓴᒧᐃᓕ ᓯᕗᓪᓖᑦ 14:29

ᑕᕝᕙ ᔫᓇᑕᓂ ᐅᖃᕐᐳᖅ, “ᐱᐅᖏᑦᑐᒥᒃ ᐊᑖᑕᒐ ᓄᓇᒨᕆᓯᒪᕗᖅ; ᑕᑯᒋᑦ ᐱᕙᓪᓕᑲᐅᑎᒋᔪᖓ ᐃᒍᑦᓮᑦ ᓰᕐᓇᐅᑎᖏᓐᓂᒃ ᓂᕆᒐᒪ!