ᔮᓱᐊᑉ ᐊᒡᓚᖏᑦ 7:21 - ᐊᒡᓔᑦ ᐃᑦᔪᕐᖕᓁᑦᑐᑦ

²¹ ᑎᒍᓚᐅᕐᑕᑦᑕ ᐃᓚᖏᓐᓂᒃ ᑕᑯᓚᐅᕐᐳᖓ ᐱᐅᔪᐊᓗᖕᒥᒃ ᐹᐱᓘᓂᒥᐅᑦ ᐅᓕᒡᔪᐊᖓᓂᒃ, ᓯᐅᓪᕕᕆᓂᒡᓗ ᑕᓪᓕᒪᓂᒃ ᐅᖁᒤᓐᓂᓕᖕᒥᒃ, ᒎᓗᒥᒡᓗ ᐊᑕᐅᓯᕐᒥᒃ ᐅᖁᒤᓐᓂᓕᖕᒥᒃ, ᐱᔪᒪᒻᒪᕆᓕᕋᒃᑭᑦ ᑎᒍᓚᐅᕐᐸᒃᑲ; ᑕᑯᒋᓪᓗ, ᓇᓂᔪᓐᓇᕐᐸᓯ ᓴᐅᓯᒪᔪᑦ ᓄᓇᒥ ᑐᐱᕐᒪ ᐊᑖᓂ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.”

ᔮᓱᐊᑉ ᐊᒡᓚᖏᑦ 7:21 Iomraidhean Croise

ᒨᓯᓯ ᓯᕗᓪᓖᑦ 10:10

ᐊᖓᔪᖅᑲᐅᕕᖃᕆᐊᓯᓚᐅᕐᐳᖅ ᐅᑯᓂᖓ ᐹᐱᓕ, ᐃᕆᒃ, ᐊᑳᑎᒥᒡᓗ, ᑳᓪᓂᒥᒡᓗ, ᑖᒃᑯᐊᓗ ᑕᒪᕐᒥᒃ ᓄᓇᒥ ᓯᓈᕆᒦᓚᐅᕐᐳᑦ.

ᒨᓯᓯ ᓯᕗᓪᓖᑦ 3:6

ᐊᕐᓇᐅᓪᓗ ᐅᑦᔨᕆᑦᓯᐊᓕᕐᐹ ᓇᐹᕐᑑᑉ ᐸᐅᕐᖓᖏᑕ ᓂᕆᔪᒥᓇᕐᓂᖏᑦ, ᑕᑯᒥᓇᕐᓂᖓᓗ, ᓯᓚᑐᓂᕐᑖᕈᒪᓐᓇᕐᓗᓂᓗ, ᑕᕝᕙ ᐸᐅᕐᖓᖏᑕ ᐃᓚᖓᓐᓂᒃ ᑎᒍᓯᓪᓗᓂ ᓂᕆᕗᖅ; ᐅᐃᒥᓄᓪᓗ ᐃᓚᖓ ᑐᓂᓪᓗᒍ, ᑖᑦᓱᒪᓗ ᓂᕆᒋᕚ.

ᒨᓯᓯ ᓯᕗᓪᓖᑦ 34:27

ᔧᑰᓪᓕ ᐃᕐᓂᖏᑦ ᑐᖁᑕᐅᓯᒪᔪᓄᐊᕐᐳᑦ, ᑎᒎᖅᑬᕕᒋᓪᓗᒋᓪᓗ ᐃᒡᓗᒐᓴᒡᔪᐊᕐᒥᐅᑦ, ᓇᔭᖓᑦᑕ ᓇᕐᕈᓇᕐᓯᑎᑕᐅᓯᒪᓂᖓᓄᑦ.

ᒨᓯᓯ ᓯᕗᓪᓖᑦ 6:2

ᒎᑎᐅᑉ ᐃᕐᓂᖏᑦ ᑕᑯᓐᓇᓕᕋᒥᒃ ᐊᕐᓇᑦᓯᐊᓂᒃ ᐃᓄᐃᑦ ᐸᓂᖏᓐᓂᒃ; ᑖᒃᑯᓇᓐᖓᑦ ᓄᓕᐊᕐᑖᓚᐅᕐᐳᑦ ᓂᕈᐊᕐᑕᒥᖕᓂᒃ.

ᓴᒧᐃᓕ ᐂᑉᐸᖏᑦ 11:2

ᐅᓪᓗᐃᑦ ᐃᓚᖓᓐᓂ, ᐅᓐᓄᓴᓕᕐᑎᓪᓗᒍ, ᑍᕕᑎ ᓯᓂᒃᑐᕕᓂᐅᓪᓗᓂ ᒪᑭᓚᐅᕐᐳᖅ ᐃᒡᓗᖓᑕᓗ ᖁᓛᓄᑦ ᐊᓃᕋᔮᕐᕕᖓᓄᐊᓚᐅᕐᐳᖅ, ᐊᕐᓇᒥᒡᓗ ᑕᑯᕗᖅ ᐃᒡᓗᒥᓂ ᐅᕕᓂᖕᓂᐊᕐᑐᒥᒃ; ᐊᕐᓇᕐᓗ ᑖᓐᓇ ᐃᓂᖁᓇᕐᑐᒻᒪᕆᐅᕗᖅ.

ᐊᑕᓃᑦ ᐂᑉᐸᖏᑦ 7:8

ᑖᒃᑯᐊ ᐊᖑᑏᑦ ᐅᕕᓂᕐᓘᑎᖃᕐᑐᑦ ᑕᕝᕗᖓ ᑎᑭᓐᓇᒥᒃ ᑐᐲᑦ ᐃᓚᖓᓐᓄᑦ ᐃᑎᕐᐳᑦ, ᓂᕆᓪᓗᑎᒡᓗ ᐃᒥᕐᐳᑦ ᐱᑖᕐᑐᕐᓗᑎᒡᓗ ᓯᐅᓪᕕᕆᓂᒃ ᒎᓗᓂᒡᓗ, ᐊᓐᓄᕌᓂᒡᓗ ᐱᑖᕆᔭᑎᒡᓗ ᐃᔨᕆᐊᕐᑐᕐᐰᑦ, ᑐᐱᕐᓄᑦ ᐅᑎᕐᒥᒐᒥᒃ ᐊᒻᒪ ᐱᔪᒪᔭᒥᖕᓂᒃ ᑎᒍᓯᒋᕗᑦ ᐃᔨᕆᐊᕐᑐᕆᓪᓗᒋᓪᓗ.

ᔫᐱᐅᑉ ᐊᒡᓚᖏᑦ 31:1

“ᐊᖏᒻᒪᕆᒡᓗᖓ ᐅᕙᓐᓄᑦ ᐊᖏᕈᑎᖃᕐᓯᒪᕗᖓ; ᐅᐃᒡᒐᓱᖕᒥᒃ ᐃᒃᓯᒎᕐᓗᖓ ᑕᑯᓐᓇᖃᑦᑕᕈᒪᓇᖓ.

ᐃᓐᖏᕈᑎᑦ 119:37

ᐃᔩᒃᑲᒃ ᑲᒪᒋᒃᑭᒃ ᐊᑑᑎᖃᖏᑦᑐᓂᒃ ᑕᑯᓐᓇᖁᓇᒋᒃ; ᐃᓅᓯᖃᕐᑎᓐᖓ ᐃᓅᓯᐅᖁᔭᕐᓂᒃ.

ᒨᓯᓯ ᐂᑉᐸᖏᑦ 20:17

“ᐃᓅᖃᑎᕕᑦ ᐃᒡᓗᖓᓂᒃ ᐃᒃᓯᒎᕐᑐᒃᓴᐅᓐᖏᓚᑎᑦ, ᓄᓕᐊᖓᓂᒡᓘᓐᓃᑦ ᐃᒃᓯᒎᕐᑐᒃᓴᐅᓐᖏᓚᑎᑦ, ᐱᔨᖓᓂᒡᓘᓐᓃᑦ, ᐆᒪᔪᖁᑎᖓᓂᒡᓘᓐᓃᑦ, ᓯᐅᑎᖅᑯᕐᑐᔪᖁᑎᖓᓂᒡᓘᓐᓃᑦ ᓱᓇᑐᐃᓐᓇᕐᒥᒡᓘᓐᓃᑦ ᐃᓅᖃᑎᕕᑦ ᐱᒋᔭᖓᓂᒃ ᐱᔪᒪᕕᒡᔪᐊᕐᑐᒃᓴᐅᓐᖏᓚᑎᑦ.”

ᓲᓗᒨᓂᐅᑉ ᐅᖃᓪᓚᖕᓂᖏᑦ 1:19

ᑍᒤᑉᐸᒃᐳᑦ ᑕᒪᕐᒥᒃ ᐱᕋᔭᖕᓂᒃᑯᑦ ᐊᔪᕐᓴᕈᓐᓃᕋᓱᒃᑐᑦ, ᑎᒡᓕᒐᕐᓂᖅ ᐃᓅᓯᒃᓮᕈᑦᔨᕙᒃᐳᖅ ᑎᒡᓕᒃᑐᕕᓂᕐᒥᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 23:31

ᕔᓂᒥᒃ ᑕᑯᓐᓇᕐᓂᐊᕐᓇᒃ ᐊᐅᐸᕐᑑᑎᓪᓗᒍ, ᑕᑯᒥᓇᕐᑑᓗᓂ ᐃᒥᐅᑎᒥ, ᐄᓗᒍ ᐃᓱᐊᕐᑑᑎᓪᓗᒍ;

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:22

ᐊᖑᑦ ᑮᓇᐅᔭᒥᒃ ᒥᖕᓂᔪᖅ ᑐᐊᕕᕐᓗᓂ ᐊᒃᓱᐃᓕᓇᓱᐊᕐᐳᖅ, ᖃᐅᔨᒪᓐᖏᓚᕐᓗ ᐊᔪᕐᓴᕐᓂᕐᒧᑦ ᑎᑭᑕᐅᔪᒫᕐᓂᕐᒥᓂᒃ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 4:23

ᐆᒻᒪᒻᒥᐅᑕᑎᑦ ᐱᓯᒪᑦᓯᐊᒃᑭᑦ ᐊᔪᐃᓐᓇᕐᓗᑎᑦ, ᑕᕝᕙᓐᖓᑦ ᐃᓅᓯᖃᕐᓇᕐᑐᖅ ᑰᖕᒪᑦ.

ᐂᓮᐊᓯᐅᑉ ᐊᒡᓚᖏᑦ 28:15

ᐅᖃᓚᐅᕋᑦᓯ, “ᑐᖁ ᐊᖏᖃᑎᒌᒍᑎᓕᐅᕐᕕᒋᓯᒪᕙᕗᑦ, ᑐᖁᖓᔪᓪᓗ ᐃᓂᖓᑦ ᐊᖏᖃᑎᒋᓯᒪᕙᕗᑦ; ᑏᒐᕈᑎᒧᑦ ᑏᒐᕆᐊᕐᑕᐅᒐᓗᐊᕈᑦᑕ ᐅᕙᑦᑎᓐᓄᑦ ᑎᑭᐅᑎᓂᐊᓐᖏᓚᑦ; ᓴᒡᓗᕿᑦᓯᓂᕐᒥᒃ ᕿᒫᕕᒃᓴᓕᐅᕐᓯᒪᒐᑦᑕ, ᓯᓔᕐᕆᒃᓯᓂᒃᑯᓪᓗ ᓱᓕᖏᑦᑐᒃᑯᑦ ᐅᕙᑦᑎᓐᓂᒃ ᐃᔨᕐᓯᒪᕕᒃᓴᖃᕐᓗᑕ.”

ᐂᓮᐊᓯᐅᑉ ᐊᒡᓚᖏᑦ 29:15

ᑲᑉᐱᐊᓐᓇᒦᒃ ᐃᑎᔪᒥᒃ ᐃᔨᕐᓯᒪᓇᓱᒃᑐᑦ ᐊᑕᓂᕐᒧᑦ ᐃᓱᒪᓕᐅᕈᑎᒋᔭᒥᖕᓂᒃ, ᐱᓂᐊᕐᓂᖏᑦ ᑖᕐᑐᒦᑦᑐᑦ; ᐅᖃᕐᓗᑎᒃ, “ᑭᐊ ᑕᑯᓐᓇᕐᐹᑎᒍᑦ? ᑭᐊᓗ ᖃᐅᔨᒪᕚᑎᒍᑦ?”

ᕼᐊᐸᑲᐅᑉ ᐊᒡᓚᖏᑦ 2:9

ᑲᑉᐱᐊᓐᓇᒦᒃ! ᓇᖕᒥᓂᖅ ᐃᓚᖏᑕ ᐊᔪᕐᓴᕈᓐᓁᕈᑎᒃᓴᖏᓐᓂᒃ ᐱᐅᖏᑦᑐᓕᓂᒃᑯᑦ ᐱᑖᕋᓱᐊᕐᑐᖅ, ᐃᓚᒋᔭᓂ ᖁᓪᓕᕐᐹᖑᑎᑦᓱᒪᓪᓗᒋᑦ, ᓴᐳᑎᔭᐅᔪᓐᓇᕈᒪᓗᓂ ᖃᓄᐃᓕᔭᐅᓐᓇᕐᑑᑉ ᐱᔪᓐᓇᕐᓂᖓᓂᑦ!

ᓘᑲᓯᐅᑉ ᐊᒡᓚᖏᑦ 12:15

ᐃᓄᓕᒫᓄᑦ ᐅᖃᕆᕗᖅ, “ᖃᐅᔨᓴᕆᑦᓯ, ᑲᒪᑦᓯᐊᕐᓗᓯ ᐱᑖᕈᒪᓗᐊᕐᓂᕐᒥᒃ; ᐃᓅᑉ ᐃᓅᓯᖓ ᒪᑭᑕᑎᑕᐅᖏᒻᒪᑦ ᐊᒥᓱᓂᒃ ᐱᖁᑎᖃᕐᓂᕐᒥᓄᑦ.”

ᓘᑲᓯᐅᑉ ᐊᒡᓚᖏᑦ 12:2

ᐃᔨᕐᓯᒪᔪᑦ ᑕᒪᕐᒥᒃ ᓴᖅᑭᑕᐅᔪᒫᕐᒪᑕ, ᐊᓐᖏᐊᕆᔭᐅᔪᓪᓗ ᑕᒪᕐᒥᒃ ᖃᐅᔨᔭᐅᔪᒫᕐᐳᑦ.

ᐃᐱᓯᒥᐅᓄᑦ 5:3

ᓄᓕᐊᕐᓂᕐᒥᒃ ᐊᑐᕐᓂᕐᓗᒃᑐᒥᒃ ᐱᐅᖏᑦᑐᓕᔨᓂᒡᓗ ᐱᔪᒪᕕᒡᔪᐊᕐᑎᓂᒡᓗ ᐅᖃᐅᓯᐅᔪᒃᓴᐅᔪᓐᓃᕐᐳᓯ, ᐃᑦᔪᕐᓁᑎᑕᐅᓯᒪᔪᑦ ᑍᒫᒃ ᐊᑐᕆᐊᖃᖏᒻᒪᑕ.

ᐃᐱᓯᒥᐅᓄᑦ 5:5

ᖁᓚᕐᓇᖏᑦᑐᒥᒃ ᖃᐅᔨᒪᒐᑦᓯᐅᒃ ᐊᕐᓇᕐᓂᐊᕐᐸᒃᑐᑦ ᐊᖑᓐᓂᐊᕐᐸᒃᑐᓪᓗ ᐱᐅᖏᑦᑐᓕᔪᓪᓘᓐᓃᑦ, ᐱᔪᒪᕕᒃᔪᐊᕐᐸᒃᑐᓪᓗ (ᐱᔪᒪᕕᒃᔪᐊᕐᓂᖅ ᒎᑎᐅᑉ ᐊᓯᐊᓂᒃ ᐱᔨᑦᓯᕐᓂᐅᖕᒪᑦ), ᑕᒪᒃᑯᐊ ᒎᑎᐅᑉ ᙭ᔅᑑᓯᐅᓪᓗ ᐊᑕᓂᐅᕕᖓᓂᒃ ᑭᖑᕐᖑᑦᔨᖃᑕᐅᓂᐊᖏᒻᒪᑕ.

ᒨᓯᓯ ᑕᓪᓕᒪᖏᑦ 7:25

ᒎᑎᓐᖑᐊᖏᑦ ᐃᑯᐊᓪᓚᒃᑎᑕᒃᓴᕆᕙᓯ. ᐱᔪᒥᒋᔭᒃᓴᕆᓐᖏᓚᓯᓗ ᑕᕝᕙᓃᑦᑐᑦ ᓯᐅᓪᕕᕇᑦ ᒎᓗᐃᓪᓗ, ᓇᖕᒥᓂᒃᓴᑦᓯᓐᓂᒡᓘᓐᓃᑦ ᐱᑖᕐᕕᒋᔭᒃᓴᕆᓐᖏᓚᓯ. ᑍᒤᑦᑐᓂᒃ ᐱᔪᕕᓂᐅᑐᐊᕈᑦᓯ, ᑕᒪᓐᓇ ᐅᓗᕆᐊᓇᓪᓚᕆᒃᐳᖅ, ᐊᑕᓂᐅᑉ ᒎᑎᑦᓯ ᒎᑎᓐᖑᐊᖃᕐᓂᖅ ᐆᒥᒋᓪᓚᕆᖕᒪᒍ.

ᑯᓘᓯᐊᒥᐅᓄᑦ 3:5

ᑍᒤᒻᒪᑦ ᓯᓚᕐᔪᐊᕐᒥᐅᑦ ᐱᔪᒪᕕᒡᔪᐊᕐᓂᖏᑦ ᐃᓕᑦᓯᓐᓃᑦᑐᑦ ᑐᖁᓕᕐᓯᒋᒃ ᒪᑯᐊ: ᓄᓕᐊᕐᓃᑦ, ᐃᑦᔪᕐᓇᕐᑐᓕᓃᑦ, ᐃᒃᓯᒎᕐᓃᑦ, ᐱᐅᖏᑦᑐᒥᒃ ᐱᔪᒪᕕᒡᔪᐊᕐᓃᑦ, ᐱᖃᕈᒪᓗᐊᕐᓃᓪᓗ, ᑕᒪᒃᑯᐊ ᒎᑎᐅᑉ ᐊᓯᐊᓂᒃ ᒎᑎᖃᕐᓂᐅᖕᒪᑕ.

ᐄᑉᕈᐃᓄᑦ 13:5

ᐃᓅᓯᓯ ᑮᓇᐅᔭᓂᒃ ᐱᔪᒪᓗᐊᕐᓂᕐᒥᑦ ᓴᐳᑎᓯᒪᓯᐅᒃ, ᐱᒋᔭᓯᓗ ᑕᒫᓂ ᓈᒻᒪᒋᓯᒋᒃ; ᐅᖃᕐᓯᒪᖕᒪᑦ, “ᕿᒪᓚᐅᕐᓯᒪᓂᐊᓐᖏᓚᑦᓯ; ᖁᔭᓈᕐᓂᐊᕐᓇᓯᓗ.”

ᔧᒥᓯᐅᑉ ᐊᒡᓚᖏᑦ 1:15

ᑭᖑᕐᖓᒍᑦ ᐱᔪᒪᓂᐊᓗᒃ ᓄᑕᕋᒃᓴᕆᔭᐅᓕᕋᒥ ᐊᔪᕐᑐᓕᓂᕐᒥᒃ ᐃᕐᓂᐊᖃᕐᐳᖅ; ᐊᔪᕐᓂᖅ ᐱᕈᕇᕋᒥ ᑐᖁᒥᒃ ᐃᕐᓂᐊᖃᕐᐳᖅ.

ᔮᓱᐊᑉ ᐊᒡᓚᖏᑦ 7:20

ᐂᑲᓐ ᔮᓱᐊᒧᑦ ᑭᐅᕗᖅ, “ᓱᓕᕗᖅ ᐊᔪᕐᑐᓕᓚᐅᕐᐳᖓ ᐊᑕᓂᕐᒧᑦ ᐃᓴᕆᐊᓕᐅᑉ ᒎᑎᖓᓄᑦ, ᐃᒫᒃ ᐱᓂᐊᕐᓂᖃᓚᐅᕐᐳᖓ.

ᔮᓱᐊᑉ ᐊᒡᓚᖏᑦ 7:22

ᔮᓱᐊᓗ ᑎᓕᓯᕗᖅ ᐊᖑᑎᓂᒃ, ᑖᒃᑯᐊᓗ ᑐᐊᕕᕐᓗᑎᒃ ᑐᐱᕐᒧᐊᕋᒥᒃ ᓇᓂᓯᕗᑦ ᐱᖁᑎᓂᒃ ᐃᔨᕐᓯᒪᔪᓂᒃ, ᓯᐅᓪᕕᕇᑦ ᐊᓪᓕᕐᐸᐅᑎᓪᓗᒋᑦ.

ᐲᑦᑐᕉᓯ ᐂᑉᐸᖏᑦ 2:15

ᐊᖅᑯᒻᒥᒃ ᓇᓛᒎᕐᑐᒥᒃ ᕿᒤᓪᓗᑎᒃ ᑕᒻᒪᕐᓇᕐᑐᒧᑦ ᑐᕌᓕᕐᐳᑦ; ᒪᓕᒃᐳᑦ ᐊᖅᑯᒻᒥᒃ ᐸᓛᒥᐅᑉ ᐱᐅᕆᐅᑉ ᐃᕐᓂᖓᑕ ᐊᑐᓚᐅᕐᑕᖓᓂᒃ, ᑮᓇᐅᔭᓂᒃ ᐱᔪᒪᓗᐊᕐᓂᕐᒧᑦ ᓈᒻᒪᖏᑦᑐᒃᑯᑦ ᐱᑖᕆᓯᒪᕔᑦ,