ᔮᓱᐊᑉ ᐊᒡᓚᖏᑦ 7:2 - ᐊᒡᓔᑦ ᐃᑦᔪᕐᖕᓁᑦᑐᑦ

² ᔮᓱᐊ ᐊᖑᑎᓂᒃ ᑎᓕᓯᓚᐅᕐᐳᖅ ᔨᕆᑯᒥᑦ ᐂᒧᑦ, ᐃᒡᓗᒐᓴᖕᓄᑦ ᐱᑦᐂᕕᐅᑉ ᖃᒥᒋᔮᓃᑦᑐᓄᑦ, ᐱᑎᓕᐅᑉ ᓯᕿᓐᓂᓕᕐᕕᖓᑕ ᓇᓛᓃᑦᑐᓄᑦ, ᑎᓕᓚᐅᕐᐰᑦ ᐅᖃᐅᑎᓪᓗᒋᑦ, “ᖃᐅᔨᓴᕆᐊᓚᐅᕆᑦᓯ ᓄᓇᖓᓂᒃ.” ᑍᒤᒻᒪᑦ ᑖᒃᑯᐊ ᖃᐅᔨᓴᕆᐊᓕᓚᐅᕐᐳᑦ ᓄᓇᒥᒃ ᐂᒥᒃ.

ᔮᓱᐊᑉ ᐊᒡᓚᖏᑦ 7:2 Iomraidhean Croise

ᒨᓯᓯ ᓯᕗᓪᓖᑦ 12:8

ᑭᖑᕐᖓᒍᓪᓗ ᐊᐅᓪᓚᓚᐅᕆᕗᖅ ᖃᖅᑲᒧᑦ ᐱᑎᓕᐅᑉ ᖃᐅᓕᕐᕕᖓᑕ ᓇᓛᓄᑦ, ᑕᕝᕗᖓᓗ ᑕᖕᒫᕐᑎᕐᐳᖅ, ᓄᓇᐅᑉ ᐱᑎᓕᐅᑉ ᐂᓪᓗ ᐊᑯᓐᓂᖓᓃᑦᑐᒧᑦ, ᑕᕝᕙᓂᓗ ᑐᓂᕐᕈᓯᕐᕕᓕᐅᕆᓪᓗᓂ ᐊᑕᓂᕐᒧᑦ ᐊᑕᓂᐅᓪᓗ ᐊᑎᖓ ᑐᒃᓯᐊᕐᕕᒋᕚ.

ᒨᓯᓯ ᓯᕗᓪᓖᑦ 28:19

ᑖᓐᓇᓗ ᓇᔪᕐᑕᓂ ᐊᑎᖃᕐᑎᓕᕐᐹ ᐱᑎᓕᒥᒃ; ᑕᕝᕙᓂ ᓄᓇᓕᕕᓃᑦ ᑍᔭᐅᕙᓚᐅᕐᐳᑦ ᓚᔾᒥᒃ ᓯᕗᓂᖓᒍᑦ.

ᐊᑕᓃᑦ ᓯᕗᓪᓖᑦ 12:29

ᐂᑉᐸᖓ ᓄᕐᕋᓐᖑᐊᖅ ᐃᓕᓪᓗᓂᐅᒃ ᐱᑎᓕᒧᑦ ᐂᑉᐸᖓᓗ ᑖᓐᒧᑦ.

ᓂᕼᐃᒤᐊᐅᑉ ᐊᒡᓚᖏᑦ 11:31

ᐱᓐᔭᒥᓂᐅᓪᓕ ᑭᖑᕚᖏᑦ ᓄᓇᖃᓚᐅᕆᕗᑦ ᓄᓇᒥᑦ ᒋᐸᒥᑦ ᐱᒋᐊᕐᓗᑎᒃ, ᒥᒃᒫᔅᒥ, ᐊᔭᒥ, ᐱᑎᓕᒥᓗ ᖃᓂᒋᔭᓂᓗ ᓄᓇᓕᐅᔪᓂ,

ᓲᓗᒨᓂᐅᑉ ᐅᖃᓪᓚᖕᓂᖏᑦ 20:18

ᐊᑐᕐᑕᐅᔪᒪᔪᑦ ᑐᑭᑖᕐᑕᐅᔪᓐᓇᕐᐳᑦ ᐅᖃᖃᑎᒌᖕᓂᒃᑯᑦ; ᐅᓇᑕᕐᓂᖅ ᑕᓯᐅᕐᑕᐅᔭᕆᐊᖃᕐᐳᖅ ᓯᓚᑐᔪᒧᑦ.

ᓲᓗᒨᓂᐅᑉ ᐅᖃᓪᓚᖕᓂᖏᑦ 24:6

ᓯᓚᑐᓂᒃᑯᑦ ᐃᓱᒪᓕᐅᕐᑕᐅᓗᑎᑦ ᓇᖕᒥᓂᖅ ᐅᓇᑕᕆᐊᕈᓐᓇᕐᐳᑎᑦ, ᐃᓱᒪᓕᐅᕐᑎᖃᕐᓗᓂ ᐅᓄᕐᑐᓂᒃ ᓵᓚᖃᕐᓂᕐᑕᖃᕐᐳᖅ.

ᐂᓮᐊᓯᐅᑉ ᐊᒡᓚᖏᑦ 10:28

ᑎᑭᑉᐳᖅ ᓄᓇᒧᑦ ᐂ-ᐊᑕᒧᑦ, ᓄᓇ ᒥᒡᒍᕋᓐ ᐊᖅᑯᓵᕐᓗᒍ; ᓄᓇᒧᑦ ᒥᒃᒫᔅᒧᑦ ᐱᖁᑎᓂᒃ ᕿᒪᒃᐰᑦ.

ᔨᕆᒤᐊᐅᑉ ᐊᒡᓚᖏᑦ 49:3

ᕼᐃᓴᐸᓂᒥᐅᑕᐅᔪᓯ ᓂᐹᕐᓗᓯ ᕿᐊᓕᕆᑦᓯ, ᐂᒥᐅᑦ ᐊᓯᕈᕐᑕᐅᖕᒪᑕ, ᕌᐸᒥᐅᑦ ᐊᕐᓁᑦ ᕿᐊᓕᕆᑦᓯ! ᐆᒪᔫᑉ ᒥᖅᑯᖏᓐᓂᒃ ᓴᓇᓯᒪᔪᓂᒃ ᐊᓐᓄᕌᕐᓗᓯ ᐅᒡᒍᐊᕐᓂᑦᓯᓐᓂᒃ ᓴᖅᑭᑎᑦᓯᓕᕆᑦᓯ, ᐊᕙᒻᒧᑐᐃᓐᓇᓕᕆᑦᓯ ᐊᕙᓗᕐᔪᐊᑉ ᐃᓗᐊᓂ, ᒎᑎᓯ ᒫᓕᑭ ᑎᒍᔭᐅᓗᓂ ᐊᐅᓪᓚᕈᑦᔭᐅᖕᒪᑦ ᑐᓂᕐᕈᓯᕐᑎᑦᓯᔨᖁᑎᖏᑦ ᐊᖓᔪᖅᑳᖁᑎᖏᓪᓗ ᐱᖃᓯᐅᑦᔭᐅᓪᓗᑎᒃ.

ᕼᐆᓯᐊᑉ ᐊᒡᓚᖏᑦ 4:15

“ᐃᓴᕆᐊᓕᒥᐅᖑᔪᓯ ᐊᑐᒐᕐᓄᑦ ᐊᓯᓐᓂᐊᕐᓯᒪᒐᓗᐊᕐᑎᓪᓗᓯ, ᔫᑕᒃᑯᑦ ᐸᓯᔭᒃᓴᐅᓕᕐᑍᓕᓕᑦ ᐃᓕᑦᓯᑐᑦ. ᑐᒃᓯᐊᕐᑍᓕᒋᑦᓯ ᒋᐅᓪᒐᐅᓪᒥ, ᐅᕝᕙᓗ ᐱᑦᐂᕕᓐᒧᐊᕐᑍᓕᒋᑦᓯ, ᐅᖃᕕᒡᓗᓯᓗ ᐊᖏᕐᑍᓕᒋᑦᓯ, ‘ᐊᑕᓂᐅᑉ ᐆᒪᔫᑉ ᐊᑎᖓᓂ.’

ᒫᑎᐅᓯᐅᑉ ᐊᒡᓚᖏᑦ 10:16

“ᑕᑯᒋᑦ ᓰᐱᑎᑐᑦ ᑎᓕᕙᑦᓯ ᐊᒪᕈᐃᑦ ᐊᑯᕐᖓᓐᓄᑦ; ᑍᒤᒻᒪᑦ ᖁᒡᓗᒋᐊᑎᑐᑦ ᐅᑦᔨᕐᓱᑎᐊᕆᑦᓯ, ᑑᕕᑎᑐᓪᓗ ᐱᖁᓐᓂᕐᑎᒋᓗᓯ.

ᐃᐱᓯᒥᐅᓄᑦ 5:15

ᑍᒤᒻᒪᑦ ᐃᒃᐱᒍᓱᑦᓯᐊᕆᑦᓯ ᐃᓅᓯᑦᓯᓐᓂᒃ, ᓯᓔᑦᑐᑎᑐᑦ ᐃᓅᖏᓪᓗᓯ ᓯᓚᑐᔪᑎᑐᓪᓕ ᐃᓅᒋᑦᓯ.

ᔮᓱᐊᑉ ᐊᒡᓚᖏᑦ 12:9

ᐃᓴᕆᐊᓕᒥᐅᑦ ᓵᓚᖃᓚᐅᕆᕗᑦ ᐊᖓᔪᖅᑳᕐᔪᐊᓂᒃ ᐃᒡᓗᒐᓴᖕᓂᒡᓗ, ᔨᕆᑯᒥᐅᓂᒃ, ᐂᒥᐅᓂᒃ, ᐱᑎᓕᐅᑉ ᖃᓂᒋᔭᖓᓃᑦᑐᓂᒃ;

ᔮᓱᐊᑉ ᐊᒡᓚᖏᑦ 18:12

ᐅᓐᓄᐊᓪᓗᐊᑉ ᓇᓛᓃᑦᑐᖅ ᓄᓇᖁᑎᖓᑕ ᑭᒡᓕᖓ ᐱᒋᐊᕐᓂᖃᕐᐳᖅ ᔪᐊᕐᑕᓂᐅᑉ ᑰᖓᓂᑦ; ᑲᔪᓯᓪᓗᓂ ᖃᖅᑲᔮᓄᑦ ᔨᕆᑯᒧᑦ ᐅᓐᓄᐊᓪᓗᐊᑉ ᓇᓛᓃᑦᑐᒧᑦ, ᐊᒻᒪ ᓯᕿᓂᐅᑉ ᓂᐱᕕᐊᓄᑦ ᖃᖅᑲᔮᓕᒃᑎᒍᑦ; ᐃᓄᖃᔪᐃᑦᑐᖅ ᐱᑦᐂᕕᓐ ᑎᑭᓪᓗᒍ.

ᔮᓱᐊᑉ ᐊᒡᓚᖏᑦ 2:1

ᔮᓱᐊ ᓈᓂᐅᑉ ᐃᕐᓂᖓ ᑎᓕᓯᕗᖅ ᒪᕐᕉᖕᓂᒃ ᖃᐅᔨᓴᕆᐊᕐᑑᖕᓂᒃ ᑕᖕᒫᕐᓯᒪᕕᖕᒥᓂᑦ ᓯᑎᒻᒥᑦ, ᐃᒫᒃ ᐅᖃᐅᑎᓪᓗᒋᑦ, “ᖃᐅᔨᔭᐅᑦᑍᓕᓗᓯᒃ ᑬᓇᐅᑉ ᓄᓇᖓᓂᒃ ᖃᐅᔨᓴᕆᐊᕆᑦᓯᒃ ᐱᓗᐊᕐᑐᒥᒃ ᔨᕆᑰᑉ ᐃᒡᓗᒐᓴᖏᓐᓂᒃ.” ᑖᒃᑯᐊᓗ ᐃᒡᓗᒐᓴᖕᓄᐊᕐᐳᑦ, ᑕᕝᕙᓃᑉᐳᓪᓗ ᐅᓪᓘᖕᓂᒃ ᒪᕐᕉᖕᓂᒃ, ᑐᔪᕐᒥᓪᓗᑎᒃ ᕅᕼᐊᐱᒥᒃ ᐊᑎᓕᖕᒥᒃ, ᑖᓐᓇ ᑮᓇᐅᔭᒧᑦ ᐊᑐᒐᐅᓚᐅᕐᑐᖅ.

ᔮᓱᐊᑉ ᐊᒡᓚᖏᑦ 7:3

ᐅᑎᕋᒥᒃ ᔮᓱᐊᒧᑦ ᐅᖃᕐᐳᑦ, “ᐃᓄᓕᒫᑦ ᐂᔭᕆᐊᖃᓐᖏᓚᑦ ᐅᓇᑕᕆᐊᕐᓗᑎᒃ ᐂᒧᑦ, ᑎᓕᓯᓕᕆᑦ ᐃᒻᒪᖄ 2,000ᓂᒃ ᐅᕝᕙᓗ 3,000ᓂᒃ ᐊᖑᑎᓂᒃ ᐅᓇᑕᕆᐊᖁᓪᓗᒋᑦ ᐂᒥᒃ; ᐅᓇᑕᕐᑐᒃᓴᓕᒫᑦ ᑎᓕᔭᕆᐊᖃᓐᖏᑕᑎᑦ, ᐅᓇᑕᕐᑐᒃᓴᖏᑦ ᐅᓄᖏᒻᒪᑕ.”

ᓴᒧᐃᓕ ᓯᕗᓪᓖᑦ 13:5

ᐱᓕᔅᑍᓂᒥᐅᓪᓗ ᑲᑎᕗᑦ ᐃᓴᕆᐊᓕᒥᐅᓂᒃ ᐅᓇᑕᕆᐊᕈᒪᓪᓗᑎᒃ, 30,000ᓂᒃ ᕿᒧᒃᓯᐅᑎᓂᒃ ᐊᒃᓴᓗᐊᓕᖕᓂᒃ, 6,000ᓂᒡᓗ ᕿᒻᒥᕐᔪᐊᒦᑦᑐᓂᒃ, ᐅᓇᑕᕐᑐᒃᓮᓪᓗ ᐅᓄᕐᑐᕐᔪᐊᑦ ᓯᒡᔭᒥ ᓯᐅᕋᕐᑎᑐᑦ ᐅᓄᕐᑎᒋᔪᑦ ᒥᒃᒫᔅᒧᐊᕐᐳᑦ, ᐱᑦᐂᕕᓐ ᓴᓂᐊᓃᑦᑐᒧᑦ ᓯᕿᓂᐅᑉ ᓄᐃᕕᐊᑕ ᓇᓛᓃᑦᑐᒧᑦ, ᑍᑯᖓᓗ ᑕᖕᒫᕐᐳᑦ.

ᓴᒧᐃᓕ ᓯᕗᓪᓖᑦ 14:23

ᐅᓪᓗᒥ ᑖᑦᓱᒪᓂ ᐊᑕᓂᐅᑉ ᐃᓴᕆᐊᓕᒥᐅᑦ ᐱᐅᓕᓚᐅᕐᐰᑦ; ᐅᓇᑕᕐᓂᕐᓗ ᑎᑭᐅᑎᓚᐅᕐᐳᖅ ᓄᓇᒧᑦ ᐱᑦᐂᕕᓐᒧᑦ.

ᓴᒧᐃᓕ ᓯᕗᓪᓖᑦ 30:27

ᐅᑯᓄᖓ ᑐᓂᓯᓚᐅᕐᐳᖅ ᐱᑎᓕᒥᐅᓄᑦ, ᕌᒪᑦᒧᑦ ᓂᒡᒋᒦᑦᑐᒧᑦ, ᓄᓇᓕᖕᓄᓪᓗ ᔮᑎᐊᕐᒥᐅᓄᑦ,