ᔮᓱᐊᑉ ᐊᒡᓚᖏᑦ 7:12 - ᐊᒡᓔᑦ ᐃᑦᔪᕐᖕᓁᑦᑐᑦ

¹² ᑍᒤᒻᒪᑦ ᐃᓴᕆᐊᓕᒥᐅᑦ ᐃᓄᖏᑦ ᐊᑭᒪᔪᓐᓇᓐᖏᓚᑦ ᐊᑭᕋᒥᖕᓂᒃ; ᕿᒫᓚᐅᕐᐳᑦ ᐊᑭᕋᒥᖕᓂᒃ, ᐃᒻᒥᖕᓂᒃ ᐊᓯᕈᕋᒃᓴᐅᓕᕐᑎᓯᒪᖕᒪᑕ. ᐃᓚᒋᓂᐊᕈᓐᓁᕐᐸᑦᓯ, ᐊᓯᕈᐃᓚᐅᖏᓐᓂᑦᓯᓐᓂ ᐱᖁᔭᐅᓚᐅᖏᑦᑐᓂᒃ!

ᔮᓱᐊᑉ ᐊᒡᓚᖏᑦ 7:12 Iomraidhean Croise

ᐃᓐᖏᕈᑎᑦ 44:10

ᐅᓇᑕᕐᓂᕐᒥ ᕿᒫᑎᑕᐅᑎᑉᐸᑦᑎᒍᑦ ᐊᑭᕋᑦᑎᓐᓂᑦ, ᐆᒥᒋᔨᕗᓪᓗ ᐱᖁᑎᑦᑎᓐᓂᒃ ᐱᑖᕐᑐᕐᐳᑦ.

ᐃᓐᖏᕈᑎᑦ 60:10

ᒎᑏ, ᐃᒋᓯᒪᓐᖏᓚᑦᑎᒎᑦ? ᒎᑏ, ᐅᓇᑕᕆᐊᕐᑎᓪᓗᑕ ᐃᓚᒋᓚᐅᓐᖏᓚᑦᑎᒎᑦ?

ᓲᓗᒨᓂᐅᑉ ᐅᖃᓪᓚᖕᓂᖏᑦ 28:1

ᐱᐅᖏᑦᑐᓕᔪᑦ ᕿᒫᕗᑦ ᒪᓕᒃᑕᐅᒐᑎᒃ, ᐃᓱᐊᕐᑐᓕᔪᑦ ᓯᕘᕋᓐᖏᓚᑦ ᓛᔭᑎᑐᑦ.

ᐂᓮᐊᓯᐅᑉ ᐊᒡᓚᖏᑦ 59:2

ᐱᐅᖏᑦᑐᓂᒃ ᐱᓇᓱᐊᖃᑦᑕᕐᓂᑦᓯᓐᓄᑦ ᒎᑎᑦᓯᓐᓂᒃ ᐊᕕᑦᑎᓯᒪᒐᑦᓯ, ᐊᔪᕐᓂᑦᓯᓐᓄᑦ ᑮᓇᖓ ᐃᓕᑦᓯᓐᓄᑦ ᑕᕐᕆᓯᒪᓕᕐᒪᑦ ᑍᒫᒃ ᑐᓴᕈᓐᓁᓪᓕᕚᓯ.

ᔨᕆᒤᐊᐅᑉ ᐊᒡᓚᖏᑦ 23:33

“ᐃᓄᐃᑦ, ᐅᖃᕐᑏᓪᓘᓐᓃᑦ, ᑐᓂᕐᕈᓯᕐᑎᑦᓯᔩᓪᓘᓐᓃᑦ ᐊᐱᕆᒃᐸᑕ, ‘ᐊᑕᓂᐅᑉ ᐅᖁᒤᒋᔭᖓ ᓱᓇᐅᕙ?’ ᐅᖃᐅᑎᔪᒫᕐᐸᑎᑦ, ‘ᐃᓕᑦᓯ ᐅᖁᒤᒋᔭᐅᕗᓯ, ᐃᒋᑦᓱᒫᕐᐸᑦᓯᓗ, ᐊᑕᓂᖅ ᐅᖃᕐᐳᖅ.’

ᔨᕆᒤᐊᐅᑉ ᐊᒡᓚᖏᑦ 6:8

ᔨᕉᓴᓕᒥᐅᑕᐅᔪᓯ ᐃᓂᕐᑎᕆᑦᔪᑎᒃᑲ ᑐᓴᕐᓯᐅᒃ. ᑐᓴᕐᓂᐊᖏᒃᑯᑦᓯᐅᒃ ᕿᒪᖕᓂᐊᕐᐸᑦᓯ, ᓄᓇᖁᑎᓯᓗ ᓱᓇᖃᕈᓐᓃᕐᑎᓪᓗᒍ ᓄᓇᒋᔪᒥᓇᕈᓐᓃᕐᑎᓪᓗᒍᓗ ᑭᑯᒃᑐᐃᓐᓇᕐᓄᑦ.”

ᕼᐆᓯᐊᑉ ᐊᒡᓚᖏᑦ 9:12

ᕿᑐᕐᖓᒥᖕᓂᒡᓗ ᐱᕈᐃᒐᓗᐊᕈᑎᒃ, ᕿᒃᓵᒃᑎᑦᓱᒫᕐᐸᒃᑲ ᐊᒥᐊᒃᑯᖃᕈᓐᓃᕐᑎᓪᓗᒋᑦ. ᑲᑉᐱᐊᓐᓇᒦᒃ ᑖᒃᑯᐊ ᕿᒪᒍᒃᑭᑦ!”

ᕼᐊᐸᑲᐅᑉ ᐊᒡᓚᖏᑦ 1:13

ᐃᔩᒃᑭᒃ ᐃᑦᔪᕐᓁᓗᐊᕐᐴᒃ ᐱᐅᖏᑦᑐᒥᒃ ᑕᑯᓐᓇᕆᐊᒃᓴᖅ, ᐱᐅᖏᑦᑐᓕᔪᓂᒡᓗ ᑕᑯᓐᓇᕈᓐᓇᕐᓇᒃ. ᓱᖕᒪᓪᓕ ᐅᒃᐱᓂᖃᖏᑦᑐᑦ ᑕᑯᓐᓇᕐᐱᒌᑦ, ᓱᖕᒪᓪᓗ ᓂᐱᖃᓐᖏᓚᑎᑦ ᐱᐅᖏᑦᑐᓕᔪᑦ ᓵᓚᖃᓕᕐᑎᓪᓗᒋᑦ ᐃᒻᒥᖕᓂᑦ ᐃᓱᐊᕐᓂᕐᓴᐅᔪᓂᒃ?

ᒨᓯᓯ ᓯᑕᒪᖏᑦ 14:39

ᒨᓯᓯᐅᑉ ᑖᒃᑯᐊ ᐅᖃᐅᓰᑦ ᐃᓴᕆᐊᓕᒥᐅᓄᑦ ᐅᖃᐅᓯᕆᖕᒪᒋᑦ, ᐃᓄᐃᑦ ᕿᒃᓵᕕᒡᔪᐊᓕᓚᐅᕐᐳᑦ.

ᒨᓯᓯ ᓯᑕᒪᖏᑦ 14:42

ᒪᔪᕋᖏᓪᓗᓯ ᐊᑭᕋᑦᓯᓐᓄᑦ ᓵᓚᐅᖁᓇᓯ, ᑍᒫᒃ ᐊᑕᓂᐅᑉ ᐃᓚᒋᖏᒻᒪᓯ.

ᒨᓯᓯ ᓯᑕᒪᖏᑦ 14:43

ᐊᒪᓕᑬᑎᑦ ᑬᓇᓂᒥᐅᓪᓗ ᐊᑭᑦᓯᓐᓃᒻᒪᑕ ᓴᕕᒡᔪᐊᒧᑦ ᑐᖁᑕᐅᓂᐊᕐᐳᓯ; ᐊᑕᓂᖅ ᑐᓄᓯᒪᒐᑦᓯᐅᒃ, ᐊᑕᓂᐅᑉ ᐃᓚᒋᓂᐊᓐᖏᓛᓯ.”

ᒨᓯᓯ ᓯᑕᒪᖏᑦ 14:45

ᐊᒪᓕᑬᑎᓪᓕ ᑬᓇᓂᒥᐅᓪᓗ ᖃᖅᑲᒥ ᐃᓂᖃᕐᑐᑦ ᐊᖅᑲᕐᑎᓕᕐᐳᑦ ᐅᓇᑕᕆᐊᓕᕐᓗᑎᒃ ᑖᒃᑯᓂᖓ, ᕿᒫᑎᓪᓗᒋᓪᓗ ᖃᖅᑲᖅ ᕼᐅᕐᒪ ᑎᑭᓪᓗᒍ.

ᒨᓯᓯ ᑕᓪᓕᒪᖏᑦ 7:26

ᒎᑎᓐᖑᐊᕆᔭᐅᔪᓂᒃ ᓇᓪᓕᐊᓐᓂᒡᓘᓐᓃᑦ ᐊᖏᕐᕋᑦᓯᓐᓄᑦ ᓇᒃᓴᕐᑐᒃᓴᐅᓐᖏᓚᓯ, ᑖᒃᑯᐊ ᓯᕗᓂᕐᓗᒃᑎᑕᐅᓂᖏᑎᑐᑦ ᑎᑭᕝᕕᐅᖁᓇᓯ. ᑍᒤᒻᒪᑦ ᒎᑎᓐᖑᐊᑦ ᐆᒥᒋᔭᒃᓴᕆᕙᓯ ᐱᐅᒋᖏᓪᓗᒋᓪᓗ, ᑕᒪᒃᑯᐊ ᑍᒤᑦᑐᑦ ᐊᑕᓂᐅᑉ ᓯᕗᓂᕐᓗᒃᑎᒻᒪᒋᑦ.”

ᔮᓱᐊᑉ ᐊᒡᓚᖏᑦ 6:18

ᐃᓕᑦᓯᓕ ᑎᒍᓯᔪᒃᓴᐅᓐᖏᓚᓯ ᐊᓯᕈᕐᑕᐅᔪᒃᓴᓂᒃ, ᑎᒍᓯᑐᐊᕈᑦᓯ ᐱᐅᖏᑦᑐᒥᒃ ᐊᓯᕈᕐᑕᐅᓇᕐᑐᒥᒡᓗ ᐱᑎᑦᓯᓂᐊᕐᐳᓯ ᐃᓴᕆᐊᓕᒥᐅᓄᑦ.

ᐃᓗᐊᕐᓮᔩᑦ ᐊᒡᓚᖏᑦ 16:20

ᐊᕐᓇᐅᑉ ᐅᖃᐅᑎᕚ, “ᐱᓕᔅᑍᓂᒥᐅᑦ ᑎᑭᑉᐹᑎᑦ, ᓵᒻᓲᓂ!” ᓯᓂᖕᓂᕐᒥᓂᑦ ᒪᑭᓐᓇᒥ ᐅᖃᕐᐳᖅ, “ᑍᒤᑉᐸᓚᐅᕋᒪ ᑍᒤᓐᓂᐊᕆᕗᖓ, ᐊᑦᓱᖏᐅᑎᑦ ᓱᕋᖕᓂᐊᕐᐸᒃᑲ!” ᑭᓯᐊᓂᓕ ᖃᐅᔨᒪᓚᐅᓐᖏᓚᖅ ᐊᑕᓂᐅᑉ ᕿᒪᖕᒪᒍ.

ᐃᓗᐊᕐᓮᔩᑦ ᐊᒡᓚᖏᑦ 2:14

ᑍᒤᒻᒪᑦ ᐊᑕᓂᖅ ᓂᓐᖓᓚᐅᕐᐳᖅ ᐃᓴᕆᐊᓕᒥᐅᓄᑦ, ᑎᒡᓕᒃᑎᓄᑦ ᐱᓕᕆᐊᖑᑎᓚᐅᕐᐰᑦ ᑎᒡᓕᒐᕐᕕᐅᑎᓪᓗᒋᓪᓗ; ᐊᑭᕋᖏᓐᓄᓪᓗ ᐊᕙᑎᖏᓐᓃᑦᑐᓄᑦ ᓵᓚᒋᔭᐅᑎᓚᐅᕐᐰᑦ, ᑍᒤᒻᒪᑦ ᐊᑭᕋᒥᖕᓂᒃ ᓵᓚᖃᕈᓐᓁᓪᓕᓚᐅᕐᐳᑦ.

ᐃᓗᐊᕐᓮᔩᑦ ᐊᒡᓚᖏᑦ 2:4

ᐊᑕᓂᐅᑉ ᐂᖏᓕᖓᑕ ᑍᒫᒃ ᐅᖃᐅᑎᖕᒪᒋᑦ, ᐃᓴᕆᐊᓕᒥᐅᑦ ᐃᓄᓕᒫᖏᑦ ᓂᐱᖅᑯᕐᑐᓪᓗᑎᒃ ᕿᐊᓚᐅᕐᐳᑦ.

ᓴᒧᐃᓕ ᓯᕗᓪᓖᑦ 14:38

ᓴᐅᓕᓗ ᐅᖃᕐᐳᖅ, “ᕾᒋᑦᓯ ᓯᕗᓕᕐᑎᐅᔪᓯ ᐃᓄᖕᓄᑦ, ᖃᐅᔨᓇᓱᐊᕐᓗᓯᓗ ᐅᓪᓗᒥ ᐊᔪᕐᑐᓕᔪᖃᕐᓂᕐᒪᖔᑦ.