ᔮᓱᐊᑉ ᐊᒡᓚᖏᑦ 6:7 - ᐊᒡᓔᑦ ᐃᑦᔪᕐᖕᓁᑦᑐᑦ

⁷ ᐃᓄᐃᓪᓗ ᐅᖃᐅᑎᕔᑦ, “ᐱᓱᒃᑐᒃᓴᐅᕗᓯ; ᐃᒡᓗᒐᓮᑦ ᑬᕙᓪᓚᒡᓗᒋᑦ, ᐊᖑᑏᑦ ᐅᓇᑕᐅᑎᓖᑦ ᓯᕗᓪᓕᐅᓗᑎᒃ, ᐊᑕᓂᐅᑉ ᐊᖏᖃᑎᒌᒍᑎᖓᑕ ᐃᒃᓯᕐᕕᖓ ᑭᖑᓪᓕᐅᓗᓂ.”

ᔮᓱᐊᑉ ᐊᒡᓚᖏᑦ 6:7 Iomraidhean Croise

ᔮᓱᐊᑉ ᐊᒡᓚᖏᑦ 1:14

ᓄᓕᐊᓯ, ᕿᑐᕐᖓᓯ, ᐆᒪᔪᖁᑎᓯᓗ ᑕᒫᓃᓐᓂᐊᕐᐳᑦ ᒨᓯᓯᐅᑉ ᑐᓂᓚᐅᕐᑕᖓᓂ ᔪᐊᕐᑕᓂᐅᑉ ᐊᑭᐊᓂ, ᐅᓇᑕᕐᑐᒃᓴᖁᑎᓯᓕ ᐅᓇᑕᐅᑎᒥᓂᒃ ᐊᑎᓂᐊᕐᐳᑦ, ᐃᑳᕐᓗᑎᒡᓗ ᓯᕗᓪᓕᐅᓗᑎᒃ ᐃᓴᕆᐊᓕᒥᐅᖑᖃᑎᒥᖕᓂᒃ ᐃᑲᔪᕆᐊᕐᓗᑎᒃ.

ᔮᓱᐊᑉ ᐊᒡᓚᖏᑦ 4:13

ᐊᑕᓂᐅᑉ ᓵᖓᓂ ᐊᖑᑏᑦ 40,000ᓮᑦ ᐅᓇᑕᕐᓂᕐᒧᑦ ᐊᑐᐃᓐᓇᐅᓚᐅᕐᐳᑦ ᐃᑳᕐᓗᑎᒡᓗ ᓇᑎᕐᓇᒧᑦ ᔨᕆᑰᑉ ᖃᓂᒋᔮᓄᑦ.

ᔮᓱᐊᑉ ᐊᒡᓚᖏᑦ 6:3

ᐅᓇᑕᕐᑐᒃᓴᖁᑎᑎᓪᓗ ᐱᓱᒃᑐᒃᓴᐅᕗᓯ ᐃᒡᓗᒐᓮᑦ ᑬᕙᓪᓚᒡᓗᒋᑦ, ᖃᐅᑕᒫᑦ ᑬᕙᓪᓚᖃᑦᑕᕐᓗᒋᑦ ᐅᓪᓗᓂᒃ ᐱᖓᓲᔪᕐᑐᓂᒃ.

ᔮᓱᐊᑉ ᐊᒡᓚᖏᑦ 6:6

ᑕᕝᕙ ᔮᓱᐊᑉ ᓈᓂᐅᑉ ᐃᕐᓂᖓ ᑐᓂᕐᕈᓯᕐᑎᑦᓯᔩᑦ ᕾᖁᕐᓗᒋᑦ ᐅᖃᐅᑎᕔᑦ, “ᐊᑕᓂᐅᑉ ᐊᖏᖃᑎᒌᖕᓂᖓᑕ ᐃᒃᓯᕐᕕᖓ ᐊᒡᔭᕐᓗᒍ, ᓯᕗᓕᖃᕐᑐᒃᓴᐅᕗᓯ 7ᓂᒃ ᑐᓂᕐᕈᓯᕐᑎᑦᓯᔨᓂᒃ ᑎᑦᑐᓚᐅᓯᔭᕐᑐᓂᒃ.”

ᔮᓱᐊᑉ ᐊᒡᓚᖏᑦ 6:8

ᑍᒫᒃ ᔮᓱᐊᑉ ᐅᖃᐅᓯᖏᑦ ᒪᓕᒡᓗᒋᑦ ᐃᓄᐃᑦ ᐱᓇᓱᐊᓚᐅᕐᐳᑦ, ᑐᓂᕐᕈᓯᕐᑎᑦᓯᔩᑦ 7 ᐊᑐᓂᑦ ᑎᑦᑐᓚᐅᓯᔭᕐᑐᑦ ᓯᕗᓪᓕᐅᕗᑦ ᐊᑕᓂᐅᑉ ᓵᖓᓂ, ᑎᑦᑐᓚᐅᑎᒥᖕᓂᒃ ᓂᓪᓕᐊᑎᑦᓯᓪᓗᑎᒃ, ᐊᑕᓂᐅᓪᓗ ᐊᖏᖃᑎᒌᖕᓂᕐᒧᑦ ᐃᒃᓯᕐᕕᖓᓂᒃ ᐊᒡᔭᕐᓯᔪᑦ ᑖᒃᑯᓂᖓ ᒪᓕᒡᓗᑎᒃ.